المسدسات التركى
 

انا يا جماعة عندى مسدس برونى جاب بتاع اخوية وهو سابو لية علشان هو ظابط بحرى وبيسافر برة كتير وفعلا المسدس دة كويس جدا بس مش دى المشكلة المشكلة انى عايز اجيب مسدس ليا وكنت عايز اجيب الايطالى بس انتو عارفين ان الايطالى غالى وكمان مش موجود فا يا ريت وبصراحة لانى سمعت كلام كتير عن المسدسات التركى مثلا زى انها بعد فترة صوتها بيبقى وحش وبتبوظ بسرعة والكلام دة اتمنى الاقى اللى يغير وجة نظرى فى التركى لان انا بجد ناوى اشترى بس الميزانية مش هقدر اجيب بيها اللى انا عايزة وانا اسف انى طولت عليكم بس انا بتكلم براحتى مع اخوانى وشكرا ليكم.:)

رد: المسدسات التركى
 

اذا ميزانيتك هى الفيصل بالنسبة لك وهى اللى هتحدد

رد: المسدسات التركى
 

السلام عليكم يا أ/رمضان انا هلمح بس علي حته ان التركي بيبوظ بسرعه اصل انا اشتريت مسدس mojar تركي وهو شغال وصوته عالي جدا جدا البوظان دا حسب الاهمال الشخصي فلو حضرتك اشتريت مسدس تركي حافظ انت بس عليه وهو هسبقا كويس وربنا يوفقك في اختيار المسدس ومبروك

رد: المسدسات التركى
 

الايكول اسبيشيال 99 من افضل التركى هى والبى 29 حجم متوسط والسعر حوالى 800 الى 900 فى اسكندرية والقاهره

والبلو سى 1100 الى 1200

الجاكل ديوال 1075 او 1100

الريتاى بارون وده برضه من افضل الانواع مفتوح طبعا متوسط سعره 1200 الى 1300 بالكتير

لو ليك حد فى اسكندرية اشترى من المهندس هيثم خضر اسعاره حلوه

لو انتا من القاهره ممكن تراجع بقى عروض السوق هاتلاقى ناس ماشاء الله حاطين اسعار جميله جدا بس المهم اسال عن العضو اللى هاتشترى منه اعضاء اخرين حتى لو ترسل رساله الى طاقم الادارة وتستفسر منهم واحذر ثم احذر من اى حد يبيعلك كلام ويبيعلك حاجه بايظه او ينصب عليك سواء من المنتدى او من خارجه وربنا يوفقك فى الاختيار والحمد لله منتدانا مليان بالناس المحترمين جدا وبرضه فيه قلة مش كويسه فخلى بالك

رد: المسدسات التركى
 

انا فغلا متشكر على الردود وعلى اهتماممكم بس انا عايز اعرف حاجة اخيرة لو جبت مسدس تركى وحافظت علية يبقى كويس علطول ولا بعد فترة يبدا تقل كفاتة مع العلم انى هحافظ علية فى التنظيف والضرب بردو يعنى هيبقى استخدامى لية فى الضرب خفيف وشكرا

رد: المسدسات التركى
 

يا باشا انا شايف ان موضوع البوظان ده راجع للأستخدام انا اغلب المسدسات اللى عندى تركى و كويسه و لما بتبوظ صيانتها بتكلفنى حاجه بسيطه و مش كل شويه انا معملتش صيانه غير مرتين لمسدس تركى اشتريته فى 2 ثانوى و انا دلوقتى فى 4 جامعه توكل على الله و اشترى الريتاى بارون (sig sauer p228 ) او الايكول جاكل ديول حلوين و خامه كويسه

رد: المسدسات التركى
 

شكرا ليكم على الاهتمام