|
طلعة الجمعة 15/7/2011_ "الرشة الدامية"
9 مرفق
السلام عليكم ورحمة الله و بركاته،
أنقل الى حضراتكم اليوم وقائع طلعة صيد " الرشة الدامية" و التى كان أبطالها: 1- رأس الحربة المخضرم/ أشرف باهى. 2- خط الوسط "التحتانى" الفنان/ يوسف خطاب 3- ونج لفت قاتل الحمام المتميز/ طارق شاكر. 4- دفاع المنطقة الطبيب الجزار/ محمد حسن 5- لاعب الأوفسايد / العبد لله. من مدرجات الدرجة الثالثة شمال ترى أشرف باهى بجوار يوسف فى مقدمة الصفوف. يتبعهما طارق و أنا. و يلينا محمد حسن فى العزف الجماعى لسيمفونية فرتكة الحمام و اليمام.:eek: افتتح اليوم فى الخامسة صباحا أشِرف و يوسف بقتل عدة حمامات بضربات قاضية فنية. و تليتهم أنا بحمامتين و 3 يمامات مقفولين. و أبدع طارق فى إصابة 3 حمامات منهم 2 ب: إصابات مباشرة فى الرأس صفت دمائهم على قارعة الطريق. و محمد ضبط نفسه وحيدا فى سيارته و بهدل اليمام. وفى الشوط الثانى انتقلت إلى سيارة المخضرمين لألعب معهم (جامع الكرات) أقصد جامع اليمام. و كنت سعيدا جدا بضربات إخوانى الموفقة و أدعو لهم قبل الضرب و اشجعهم ( إدارة الشئون المعنوية بوزارة الصيد و القنص المصرية من نصيبى). وعلى الرغم من عدم التوفيق لى فى عدة ضربات نتيجة خلف النيشان الخلفى للديانا أثناء الرحلة و تطبيقى ليومين متتاليين. كما التقينا مرة اخرى مع اللاعبين المتميزين عصام عاصم و أمير سعد و اكتفينا بتشجيعهم حتى لا نقطع عليهم. ورزقنى الله بفرد حمام وهو يشرب هناك فعاجلته بواحدة جو أرض فى النصف السفلى فأخذها و طار لمسافة 50 متر ثم سقط و أحضرته. و أذهلنى كل من أشرف و يوسف بضربات قاضية فنية معظمها فى الرقبة و هيد شوت. و تألق يوسف فى ضربات " النصف السفلى" هههههههههه هو يفهمنى طبعا.;) ووفقنى الله الى ضربة بديعة بعد صلاة الجمعة من حوالى 45 متر لفرد يمام وسط شجرة كثيفة و أسعدنى أن أطلق عليها أشرف: ضربة الرحلة.:p الخلاصة: صحبة و ضحك ووقت ممتع من أجمل ما يكون+ صيد متميز "76 فرد حمام على يمام"+ تمرين رائع على المسافات الطويلة. و أترككم لأن لدى الكثير من العمل الآن مع صور المباراة الدامية: مع تحيات المعلق" أبو ياسين"..........:D |
رد: طلعة الجمعة 15/7/2011_ "الرشة الدامية"
ماشء الله يابو ياسين بجد تسلم ايديكو والف هنا وشفا ياريس
|
رد: طلعة الجمعة 15/7/2011_ "الرشة الدامية"
هههههه ايه التعليق الجامد ده....بجد رحلة ممتعة و ربنا يزيدكم...تحياتى لكـــــــم.
|
رد: طلعة الجمعة 15/7/2011_ "الرشة الدامية"
بسم اللة ماشاء اللة اة الجمال دة فريق الاحلام مينفعش نقول غير كدة وكل اعضاء الفريق احسن من بعض ولى الشرف انا وامير اننا التقينا بهولاء القناصين وشربنا معاهم الشاى وهو من صنع راس الحربة والصياد المخضرم اشرف باهى كابتن فريق صيادين مصر كلها
تسلم ايدك يا ابو ياسين وبالتوفيق فى الطلعات القادمة ونراك على خير باذن اللة وتحيــــــــــــــــــــــاتى للجميــــــــــــــــــــع |
رد: طلعة الجمعة 15/7/2011_ "الرشة الدامية"
يا سيدى ع الرحلات الفتاكه
فعلا فريق الاحلام على راى استاذ عصام ربنا يبارك فى حضراتكم ويديمها عليكم نعمه واخوه اراكم قريبا فى الاجتماع سلام عليكم |
رد: طلعة الجمعة 15/7/2011_ "الرشة الدامية"
بسم الله مشاء الله....مبروكه ان شاء الله و تسلم ايدى الرجال
----------------- ياريتنى كنت معاكم :d |
رد: طلعة الجمعة 15/7/2011_ "الرشة الدامية"
حرررررررررررررررررررررررررررررررررام عليكو ديه مدبحه خلصتو الحمام واليمام اومال لما ابقى صياد هصطاد ايه ياجدعان
ههههههههههههههههههههههههههه على فكره بهزر ايه ياجدعان المذبحه الرهيبه ديه ربنا معاكو يارب ويجعلنا صيادين صغنانيين كده احنا كمان |
رد: طلعة الجمعة 15/7/2011_ "الرشة الدامية"
بسم الله مشاء الله والله اجمل صحبه انا مشكلتى انى دايما بخرج لوحدى لكن الخروج مع صحبه زى العمالقه دول اكيد له طابع تانى خالص تحيلتى ليكو يا قناصين وربنا يديم الموده بينكم ودايما نشوف طلعاتكم يا رب اخوكم محسن عامر
|
رد: طلعة الجمعة 15/7/2011_ "الرشة الدامية"
ايه الحلاوه دى ايه الجمال ده هى دى الرحلات ولا بلاش كده احنا عندنا 3 فرق متميزه ا/ عصام وا/ امير وطبعا الثنائى المرعب حوكا باشا والروك وفريق الاحلام كده فعلا احنا فى منتدى صيد
|
رد: طلعة الجمعة 15/7/2011_ "الرشة الدامية"
الله ينور
وطبعا اشرف باهى ويوسف خطاب كالعادة متألقين :) |
رد: طلعة الجمعة 15/7/2011_ "الرشة الدامية"
بسم الله مشاء الله طلعه من الطلعات الجامده بجد ربنا يبارك في صحبتكم و يوسع في رزقكم
|
رد: طلعة الجمعة 15/7/2011_ "الرشة الدامية"
الله ينور المرة الجاية تكون اكتر بكتير فعلاً فريق الاحلام
|
رد: طلعة الجمعة 15/7/2011_ "الرشة الدامية"
ماشاء الله ......فريق رائع ...........صيد متميز
|
رد: طلعة الجمعة 15/7/2011_ "الرشة الدامية"
والله يا جماعة فرقه اشرف باهى تستحق كل التحية وعلى رأسهم اشرف والراجل دة لو منزلش الطير مقفول يزعل ودة ان دل فأنما يدل على ان الراجل دة قناص مش صياد .
وبجد اللى عايز يثقل موهبة الصيد يطلع مع اشرف باهى . وانا عن نفسى اتعلمت منة كتير جداً ومجرد ان اشرف موجود فى المنطقة اللى بصطاد فيها بحس بالامان والدعم اما ابو ياسين ويوسف و محمد حسن وطارق فدول فعلاً ناس محترمين وصحبة الواحد يتشرف بيها ربنا يديم المعروف بنا والمحبة والتجمع على تقوى الله . |
رد: طلعة الجمعة 15/7/2011_ "الرشة الدامية"
اقتباس:
والله يا أمير أنا أشكر الظروف اللى عرفتنى عليكم سواء أنت أو عصام و أشرف و طارق والمهندس يوسف و شريف (أبوياسين) , ناس فى قمة الأخلاق والإحترام , وأتشرف انى اعرفكم ويكون بيننا علاقة ود وصداقة . خالص تحياتى لكم جميعاً |
رد: طلعة الجمعة 15/7/2011_ "الرشة الدامية"
السلام عليكم ... الله ينور يا اساتذه ... هو ده الكلام ...الى الامام دائما ... تحياتى .
|
رد: طلعة الجمعة 15/7/2011_ "الرشة الدامية"
بسم اللة ماشاء اللة اة الجمال
|
رد: طلعة الجمعة 15/7/2011_ "الرشة الدامية"
الله ينور علي الصيد الجميل
|
رد: طلعة الجمعة 15/7/2011_ "الرشة الدامية"
الف مبروك الطلعه وان شاء الله تقابل فريق ا\عصام في دور قبل النهائي
|
رد: طلعة الجمعة 15/7/2011_ "الرشة الدامية"
ايه الجمال ده ماشاء الله وفى تقدم
|
رد: طلعة الجمعة 15/7/2011_ "الرشة الدامية"
ما شاء الله اية الحلاوة دى
الى الامام ..... الى الامام ..... الى الامام جوز جوز فرد فرد |
رد: طلعة الجمعة 15/7/2011_ "الرشة الدامية"
بسم الله مشاء الله ...الله ينو يا رجاله.... و كويس انكم مش في الاسكندريه مكنتش حلاقي حاجه اصطدها ههههههههه.. بس بجد شغل ميه ميه و الله
|
رد: طلعة الجمعة 15/7/2011_ "الرشة الدامية"
بسم الله مشاء الله ...اد كله انتم كنت بتصدادو بخرطوش ولا بايه بظبط ................. ربنا يبارك .............وبارك الله فيما رزق ورحلات صيد ديمه على طول
|
رد: طلعة الجمعة 15/7/2011_ "الرشة الدامية"
بسم الله ما شاء الله ربنا يبارك فى الصحبه الحلوه
|
رد: طلعة الجمعة 15/7/2011_ "الرشة الدامية"
طلعة بالشهر كله
ما شاء الله |
رد: طلعة الجمعة 15/7/2011_ "الرشة الدامية"
فى غلطة كبيرة فى الموضوع يا شريف غلطة مينفعش افوتها
( لاعب الأوفسايد / العبد لله.) الصح : اللاعب الهداف / ابوياسين هنفضل نصلحلوكوا غلطاتكو لحد امتى ركزوووووا شوية |
رد: طلعة الجمعة 15/7/2011_ "الرشة الدامية"
اقتباس:
ما شاء الله عليك أنت الذى أصبحت استاذا. دمت بخير |
رد: طلعة الجمعة 15/7/2011_ "الرشة الدامية"
اقتباس:
|
رد: طلعة الجمعة 15/7/2011_ "الرشة الدامية"
والله دى مش الرشه الداميه دى مذبحة القلعه . و كنت عاوز اسال بس النتيجه كام كام .هههههههه.تقبل مرورى
|
رد: طلعة الجمعة 15/7/2011_ "الرشة الدامية"
ما شاء الله لا قوة إلا بالله العلي العظيم،،،
صيد رائع و الصحبة أروع. أخي أبو ياسين ... ما هو مكان الصيد الذي كنتم فيه؟ وتقبل تحياتي. |
| الساعة الآن 06:42 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir