|
مطلوب - صيانة النوريكا اسبورت - من أهل الخبرة
برجاء الافادة في صيانة النوريكا اسبورت
من ناحية التزييت - والتشحيم - والتنظيف من الاخر ما هي إرشادات صيانة البندقية وكل كام رشاية أقوم بعملية الصيانة كل 500 رشاية ولا كل 1000 ولا كل كام بالظبط وهل عدة التنظيف متوفرة في المحلات ونوع الزيت والشحم المستخدم |
رد: مطلوب - صيانة النوريكا اسبورت - من أهل الخبرة
السلام عليكم و رحمة الله و بركاته لازم الأول تحديد حالة البندقية...هل هي جديدة ام مستعملة و لو مستعملة ما هي الحالة؟ ثم رجاء تحديد السؤال اكثر لأن ارشادات صيانة النوريكا سبورت هي تقريبا ارشادات صيانة معظم البنادق فلو ممكن تسأل عن كل حاجة على حده...خالص تحياتي:) |
رد: مطلوب - صيانة النوريكا اسبورت - من أهل الخبرة
بص حضرتك زى ما قال الاستاذ sghr220 صيانه معظم البنادق الهوائيه واحده
لو هنتكلم عن التزييت هو عمليه دوريه بعد كل ضرب بالبندقيه يعنى بعد كل مره تضرب فيها بالبندقيه تزييت الماسوره او السبطانه وتمسح جسم البندقيه بالزيت ونوع الزيت المستخدم ممكن زيت مكن الخياطه زيت جميل انا بستعمله على طول اما التشحيم هو عمليه بنقوم بيها كل فتره يعنى مش زى التزييت كده لانه بيتطلب فك البندقيه بالكامل ونوع الشحم المستخدم esso fibrax 235 وطريقه فك البندقيه هتلاقيها فى الموضوع ده http://www.egypthunt.net/showthread.php?t=7485 اتمنى اكون افدتك ............. تقبل مرورى |
رد: مطلوب - صيانة النوريكا اسبورت - من أهل الخبرة
الاخ العزيز امير
انا شخصيا لا استعمل الزيت فى البنادق الهوائية وأستعمل شحم Esso Fibrax 235 فى التشحيم بنفس الطريقة الموجودة فى الفيديو اسفل مشاركتى ولم اجد مشاكل مع بنادقى الخاصة مع هذه الطريقة. مع العلم بأن البنادق تحتوى على جلبة فيبر وليس جلبة زفرة ( فى حالة وجود جلبة زفرة يتم وضع نقطة زيت سلاح على الجلبة حتى لاتكون ناشفة وتتهتك مع الاستعمال). بالنسبة لماسورة البندقية أنظر للفيديو الثانى. سيخ التنظيف والمواد المطلوبة للتنظيف موجود فى أغلب محلات السلاح. خالص تحياتى. |
رد: مطلوب - صيانة النوريكا اسبورت - من أهل الخبرة
أشكركم كثراً
انا بندقيتي جديدة بقالها 15 يوم فقط ولكن بحب اجمع معلومات مقدما انا بستخدمها في الرماية مش الصيد تقريبا هي ضربت لحد دلوقتي 350 طلقة فعاوز اعرف اية المطلوب مني علشان احافظ عليها بمعني اصح انا كدة عرفت ان زيت مكن الخياطة كويس طريقة استخدامة طب ازاي اعرف الجلبة زفرة ولا فيبر البندقية نوريكا سبورت وانا متشكر ليكم مرة تانية علي مروركم ________ وجزاكم الله خيرا عما تعملون ____________ |
رد: مطلوب - صيانة النوريكا اسبورت - من أهل الخبرة
اقتباس:
سؤال رفيع:) حضرتك غيرت الجلبه اول ما جبت البندقية و لا لأ؟؟؟ النوريكا سبورت جلبتها فيبر و بالتالي زيت مكن الخياطة مينفعش... أفضل عن نفسي استخدام شحم جرافيتي في البنادق (شحم اسود-محلات زيوت السيارات). |
رد: مطلوب - صيانة النوريكا اسبورت - من أهل الخبرة
شكرا لمرورك
لا مغيرتش الجلبة هو المفروض اغيرها. |
رد: مطلوب - صيانة النوريكا اسبورت - من أهل الخبرة
ولو هغيرها اغيرها انا - ولا الافضل في محل ولو في نصيحة حد يقولهالي وانا بغيرها ياريت
زي مثلا نوعها اسمعا مواصفاتها للجلبة وشكرا للجميع |
رد: مطلوب - صيانة النوريكا اسبورت - من أهل الخبرة
2 مرفق
السلام عليكم و رحمة الله و بركاته البنادق النوريكا الموجودة في مصر انتاج قديم نوعا ما و بالتالي يفضل تغيير الجلبة و تنظيف الشحم القديم و التشحيم بعناية بشحم جرافيتي اما الجلبة تلاقيها عند محلات السلاح مثل شريف ابوضيف او فتح الله او السجلابي و لو حضرتك عندك فكرة (او تحب يبقا عندك) عن فك و تركيب البنادق ممكن تغيرها انتا و لو متحبش وجع القلب ممكن تروح ورشة صيانة اسلحة و تغيرها هناك و دي صورة الجلبة و البستم للنوريكا سبورت. |
رد: مطلوب - صيانة النوريكا اسبورت - من أهل الخبرة
طب معلش سؤال
تغيير الجلبة بيكون بعدد الطلقات المستخدمة يعني مثلا وضع افتراضي ان مثلا بعد 1000 رشة بعد 1500 ولا لازم بالتجربة لما تضعف الجلبة وهلي فعلا هي غالية ولا رخيصة وشكرا لحسن خلقكم معي وامدادي بكل هذة المعلومات الجميلة _______________________________ تعاونوا علي البر والتقوا ولا تعاونوا علي الاثم والعدوان |
رد: مطلوب - صيانة النوريكا اسبورت - من أهل الخبرة
اقتباس:
والتشحيم هو روح البندقيه والزيت انا عن نفسى بستعمل زيت السيارة موبيل او اى زيت تقيل حتى يصمد امام الاحتكاكوالشحم اصل فى الموضوع وتقبلو |
رد: مطلوب - صيانة النوريكا اسبورت - من أهل الخبرة
اقتباس:
اقتباس:
اقتباس:
خبراء الرابطة الفنيين في موضوع واحد ... و الله أنا مش مصدق نفسي :) ... تحياتي لكما لإفادة الأعضاء ... و طبعا الأستاذ عادل المحترم ... و يا ريت يا محمود باشا الفيديو اللي قلت لي عليه أنت و الروك ... و تحياتي للجميع. |
رد: مطلوب - صيانة النوريكا اسبورت - من أهل الخبرة
يا استاذ محمد انا ليا الشرف انى اضيف فى موضوع سيادتكم مشارك فيه هنتقابل امته هجهز فديو جامد ان شاء الله
|
رد: مطلوب - صيانة النوريكا اسبورت - من أهل الخبرة
معلش بقي علشان معملش حاجة خطأ
وانا معايا كل خبراء المنتدي ارجو وصف دقيق لاستعمال الزيت والشحم |
رد: مطلوب - صيانة النوريكا اسبورت - من أهل الخبرة
ولكم جزيل الشكر والتقدير والاحترام
|
رد: مطلوب - صيانة النوريكا اسبورت - من أهل الخبرة
اقتباس:
اقتباس:
يا مساء الجمال يا محمود باشا هنتقابل قريبا باذن الله غدا او بعد عد ان شاء الله و انتظر مني تليفون ان شاء الله يا حبيب قلبي. بعد اذن الأستاذ الكبير :) الجلبة الزفرة معاها موبيل تمام التمام لكن الجلبة دي فايبر الزيت يحللها فالأفضل معاها الشحم الجرافيتي زي ما سيادتك قولتلي قبل كده. |
رد: مطلوب - صيانة النوريكا اسبورت - من أهل الخبرة
اقتباس:
اقتباس:
لو مركب جلبة جديدة تتغير بعد حوالي 8000-10000 رشة و ده رأي شخصي يعني مش قاعدة و لا حاجة و ثمنها حوالي 25-40 جنيه حسب الحرامي قصدي المحل:)... و حضرتك لو حتفكها و تغير الجلبة بنفسك انزلك صور الفك و اقولك تشحم ايه بالضبط و لو حتوديها لحد (و انا لا انصح بذلك) هوه هيشحمها و رجاء أخوي متضربش بيها خالص الا لما تغير الجلبة. تحياتي. |
رد: مطلوب - صيانة النوريكا اسبورت - من أهل الخبرة
اقتباس:
كريم باشا ربنا يعزك و الف مبروك أول مناقصة للرابطة و ان شاء الله نشوف عروض جميلة و بعدين هوه خبير واحد فقط لا غير و هو الأستاذ محمود طبعا و انا بتعلم منه أشوفك على خير يا جميل. |
رد: مطلوب - صيانة النوريكا اسبورت - من أهل الخبرة
شكرا يا باشا Sghr200
علي المعلومات القيمة وياريت تنزلي صور الفك واشحم اية بالظبط ونوع الشحم ومنين اجيبة لكن حضرتك قولت حاجة غريبة اوي يعني اية مضربش بيها ولا رشة للعلم فقط البندقية جديدة شاريها من حوالي 15 يوم وبستخدمها في الرماية فقط يعني مش صيد لذلك تلاقي اني ضربت بيها كتير حوالي 350 رشة لحد دلقوتي فبماذا تنصحني ولك عظيم الشكر والتحية والتقدير |
رد: مطلوب - صيانة النوريكا اسبورت - من أهل الخبرة
اقتباس:
السلام عليكم و رحمة الله و بركاته متضربش بيها عشان لو الجلبة مقطوعة او مفرولة حتبقا الصدمة حديد في حديد و ممكن البستم او المسمار يتكسروا و الصور و طريقة التشحيم حنزلهم بالليل ان شاء الله. "ان الله مع الصابرين اذا صبروا" |
رد: مطلوب - صيانة النوريكا اسبورت - من أهل الخبرة
شكر خاص ليك ولكل الافاضل
|
رد: مطلوب - صيانة النوريكا اسبورت - من أهل الخبرة
السلام عليكم و رحمة الله و بركاته
|
رد: مطلوب - صيانة النوريكا اسبورت - من أهل الخبرة
أستاذنا الفاضل sghr220 ربنا يباركلك على الشرح والصور التفصيلية الجميلة دي. أنا بس لي سؤالين لحضرتك لو ما فيهاش تعب يعني. أولا بما إني ناوي أشتري بندقية قريب إن شاء الله وناوي على السبورت فكنت عايز أعرف إيه رأي حضرتك فيها عموما.يعني هل قوتها معقولة ولا بعد فتره ها أحس إنه يا ريتني كنت إشتريت حاجه أقوى مثلا؟ وثانيا إيه موضوع السوستين دول يعني هل هل النوريكا بحتاج أشتريلها سوسته غير اللي جايه معاها مثلا؟ ومعلش إذا كنت تقلت على حضرتك.
|
رد: مطلوب - صيانة النوريكا اسبورت - من أهل الخبرة
اقتباس:
السلام عليكم و رحمة الله و بركاته أولا مفيش تعب و لا حاجه و انا تحت امركم في اي استفسار... ثانيا النوريكا بصفة عامة بنادق جميلة و على فكرة انا لم اكن مقتنع بها الى وقت قريب جدا لغاية ما اتعرفت عليها احسن و لقيتها بنادق لطيفة خالص فلو عاوز نوريكا ممكن تلاقي سبورت او جت او كويك و الفارق بينهم في السرعة و طبعا السعر و هو الفيصل في النهاية. قوة البندقية لا تساوي شيء بدون دقة و السبورت بندقية متوسطة القوة و لكن دقيقة جدا. موضوع السوسته ده حاجه تانية لكن هتحتاج تشتري جلبة فقط و تغيرها قبل استعمال البندقية. |
رد: مطلوب - صيانة النوريكا اسبورت - من أهل الخبرة
موضوع ولا اروع ولا احلي ألف شكر
حقيقي موضوع مميز ________________________________ لا خاب من استشار. |
رد: مطلوب - صيانة النوريكا اسبورت - من أهل الخبرة
اقتباس:
العفو يا باشا و انا اللي متشكر على الأسئلة الجميلة و اتمنى اكون افدتك:) |
رد: مطلوب - صيانة النوريكا اسبورت - من أهل الخبرة
اقتباس:
استفدت كتير جدا وجزاك الله خيرا حقيقي دي هتبقي اول مرة افك بندقية والفضل لله ثم لك _____________________________________________ تعاونوا علي البر والتقوا |
رد: مطلوب - صيانة النوريكا اسبورت - من أهل الخبرة
اظن انا كدة محتاج اشتري علي الترتيب
1- شحم (شحم جرافيتي-شحم اسود-محلات زيوت السيارات) 2- جلبة داخلية (من أي محل أسلحة وليكن ابو ضيف) 3- جلبة بلوك الماسورة ( اعتقد بردو من محل زي أبو ضيف). والعدة للفك دي موجودة عندي وخلاص. بس هستني لحد اكملهم 1500 رشة لاني حاسس ان البندقية شديدة بتخرم علب زي الكانز بس ضغطها عالي جدا غير الكانز خالص علب اقوي من علب البيروسول من علي بعد 10 الي 15 م ولو ليك اي تعليق عل يالملخص اللي انا كتبته قولي |
رد: مطلوب - صيانة النوريكا اسبورت - من أهل الخبرة
ودام الله المحبة بين الناس جميعا
|
رد: مطلوب - صيانة النوريكا اسبورت - من أهل الخبرة
اقتباس:
1-شحم جرافيتي مش شحم اسود لأن في انواع تاني كتير سوده برضه 2-تمام الكلام 3-تمام التمام موضوع التوقيت ده يرجعلك طبعا بس الأفضل يكون في اقرب فرصة و بالتوفيق باذن الله. |
رد: مطلوب - صيانة النوريكا اسبورت - من أهل الخبرة
اقتباس:
|
| الساعة الآن 10:14 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir