|
طلب أسعار السلاح اليووووووووم فى محلات إسكندرية
السلام عليكم
أنا نفسى أجيب كرال فايبر أسود وحضرت فلوسها 950 زى ما قال " كاتب الموضوع الشامل للمبتدئين " من 900 إلى 1000 ولكن ناس قالولى إن أسعار السلاخ عموما زادت زيادة جامدة " الرمسيس نمرة 1 ب900 جنيه " وأنا مش عارف الكرال بكام لو حاد ‘ارف أسعار الإسبوع ده يفيدنا وجزاكم الله خيرا:confused: |
رد: طلب أسعار السلاح اليووووووووم فى محلات إسكندرية
الكرال بقت ب 1450 ونصيحة بلاش الكرال لان مشاكلها كتير جدا جدا وهتندم انك اشتريتها ..
وعلى فكرة انا كنت زيك كده وكنت ناوى عليها و مع نصايح خبراء المنتدى الكرام بعدت عنها وناوى على النوريكا جيت وهى عامله حاليا 1650 جنيه .. وبندقية جبارة جدا جدا وتعتبر هاى باور لان سرعتها 305 م / ث ... ارجو انى اكون افدتك |
رد: طلب أسعار السلاح اليووووووووم فى محلات إسكندرية
الكرال هو التركى صح ؟
اصل انا لسة سائل على اسعار البنادق عند فتح الله فى الاسكندرية وقالى ان التركى الفايبر بـ 1200 و الخشب بـ 1300 واى خدمة انا موجود |
رد: طلب أسعار السلاح اليووووووووم فى محلات إسكندرية
صح الكرال اللى هى التركى ....
طيب انا عايزك فى خدمة انت سألته على سعر النوريكا جيت ولا لأ |
رد: طلب أسعار السلاح اليووووووووم فى محلات إسكندرية
بص انت الاول اهم حاجة تكون مقتنع بالبندقية اللي انت هتجيبها مش تجيب الكرال عشان مضطر و خلاص عشان عامل حسابك على رينج معين
طالما مقتنع بالبندقية يبقى هاتها و توكل على الله و هية شغالة و زي الفل الكرال و مش بتقول لا و اول لما تتكسر السوستة ركب واحدة جامو و هتبقى معاك 100 100 انت بتشوف الناس اللي جابت الكرال او النوريكا سبورت اللي هما ارخص بندقيتين من البنادق المحترمة طبعا و النضيفة باعوها عشان جابوها و هما مش مقتنعين بيها جابوها عشان السعر و بس و على اساس يعني انهم يعتبرو ممتازين بالنسبة للسعر و الخامات و من البنادق النضيفة بردو انت ممكن تجيب مثلا الكرال بس انت مقتنع بالرمسيس اكتر مع ان الكرال اغلى و تقدر تجيبها بس اهم حاجة تكون مقتنع بيها عشان مش تقعد معاك شهرين و تروح تبيعها و تخسر فيها و في الاخر هتكمل على فلوسك و هتجيب حاجة اغلى فلو انت مقتنع بالكرال خلاص يبقى هاتها لو لسة شاكك اصبر شوية و زود المبلغ شوية و فكر برده انت عندك في الموضوع الشامل للمبتدئين بنادق كتير انا حاططهالك تقدر تختار منهم اي واحدة تعجبك و متعتمدش على الصور بس انت تروح تشوفهم في المحل و تشوف انهو واحدة انت مقتنع بيها و مناسبة ليك و في الاخر كل البنادق بتصطاد و خليك فاكر ان البندقية مش ممكن تعمل صياد الصياد هوة اللي ممكن يعمل بندقية |
رد: طلب أسعار السلاح اليووووووووم فى محلات إسكندرية
أولا : ألف شكر لكل الناس اللى ردوا وساعدونى وخصوصا الأستاذ سعيد علاء لأنه هوه السبب فى حبى للصيد وإقبالى على شراء بندقية "من شهرين لما شفت الموضوع الشامل للمبتدئين فى بحث جوجل "
ثانيا : أنا أول مرة أطلع أصطاد مع زمايلى من إسبوعين وحققت نتايج حلوة مع الشنجهاى ومع النوريكا 56 "قوتهم متوسطة " وقررت أشترى بندقية واللى حطيته فى الإعتبار قوة البندقية و قلة عيوبها و ثمنها المناسب ومخبيش علي حضرتك شكلها وده كله لقيته فى الكرال وأنا مقتنع بيها تمام الإقتناع ولو حضرتك تفضلت بذكر 1 : ثمن السوستة الجامو المطلوب تركيبها 2 : أفضل محل سلاح ممكن أشتريها منه فى إسكندرية من حيث الأمانة و السعر " مع العلم دى أول بندقية " وده إيميلى لو حضرتك ممكن تكلمنى عليه imen_imen6@yahoo 0110948225 وأنا آسف إن أنا طولت على حضرتك والسلام عليكم ورحمة الله وبركاته:):rolleyes::):rolleyes::):rolleyes::) |
رد: طلب أسعار السلاح اليووووووووم فى محلات إسكندرية
بالتوفيق 0000000000
|
رد: طلب أسعار السلاح اليووووووووم فى محلات إسكندرية
اقتباس:
1- ثمن سوسته الجامو الاصلية انا اشترتها من الحاج محمد فتح الله سعد زغلول 125 جنيه قبل احداث يناير. 2- عليك وعلى المهندس هيثم خضر وده رابط فيه ارقام التليفونات http://www.egypthunt.net/showthread.php?t=9953 بالتوفيق وتحياتى |
رد: طلب أسعار السلاح اليووووووووم فى محلات إسكندرية
لا ابدا ولا طولت و لا حاجة سعر السوستة زي ما الاستاذ عادل قالك
و الله انا شايف فتح الله غالي شوية بس حجاته مضمونة و انا عن نفسي بثق فيه جدا انت تروح لفتح الله محطة مصر او سعد زغلول هوة محطة مصر ارخص حبتين من التاني دي المحلات اللي انا بتعامل معاها و بثق فيها جدا و متعاملتش مع حد تاني غيرهم و بالتوفيق ان شاء الله |
رد: طلب أسعار السلاح اليووووووووم فى محلات إسكندرية
ازيكم يا جماعة انا بقالي اكتر من 3 شهور مش بفتح ولا بتابع المنتدي خالص علشان الدراسة و مشاغل الحياة..عاملين اية و اية اخبار الصيد و البنادق و ربنا يوعدنا و يوعدكم يا رب ..اية نظام الرمسيس اسعارها اية ؟
|
رد: طلب أسعار السلاح اليووووووووم فى محلات إسكندرية
اقتباس:
والدنيا حلوه والمحترفين داخلين على موسم والله الموفق |
رد: طلب أسعار السلاح اليووووووووم فى محلات إسكندرية
اقتباس:
|
| الساعة الآن 07:46 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir