الصيد فى مصر - كارثة بمدينة نصر

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - كارثة بمدينة نصر (http://www.egyhunt.net/showthread.php?t=12667)

osha966

11-07-23 01:13 AM

كارثة بمدينة نصر

فى سابقة خطيرة أستولى عدد كبير من البلطجية على أكثر من 20 فدان بمدينة نصر تقع أسفل منطقة الضغط العالى وأفترشوا الأرض وأقامو عشش ومساكن من الخشب متحدين الدولة و الشرطة العسكرية وسيحولون المنطقة الواقعة بين عدد كبير من العمارات السكنية بشارع مصطفى النحاس الى منطقة عشوائية جديدة ومرتع للخارجين على القانون وتجار المخدرات ...وذلك على مرأى ومسمع من الجهات الأمنية والحكومية ....ولسة بكرة ياما نشوف...

sghr220

11-07-23 01:23 AM

رد: كارثة بمدينة نصر

ده امتى الكلام ده يا باشا؟؟

mazenger

11-07-23 01:25 AM

رد: كارثة بمدينة نصر

ربنا يرحمنا ويسترها على البلد دى والى جاى

احمد على

11-07-23 01:30 AM

رد: كارثة بمدينة نصر

يا باشا هيتنفخوا ويطلعوا برة

smsmn8888

11-07-23 01:31 AM

رد: كارثة بمدينة نصر

ينهارررررررررررررر ربنا يستر
بصراحة انا عندي راي ممكن ميكونش صح وممكن يكون هو تا الحل ان اهل المنطقة ياجرو اكبر عدد ممكن من البلطجية المتخصصين والمسلحيين في الحكاية دي قبل ما الموضوع يكبر لان ولا الشرطة والا الجيش فايق اليومين دول

أميجو

11-07-23 01:33 AM

رد: كارثة بمدينة نصر

الواقعه دى حصلت امته ؟
أنا ساكن فى مكرم عبيد و شارع مصطفى النحاس لا يوجد به منطقة مساحتها 20 فدان
وفى أخر شارع مصطفى النحاس عزبة الهجانه .
أنت بتتكلم عن أنه منطقه ؟

YOSSEF EL MASRY

11-07-23 01:38 AM

رد: كارثة بمدينة نصر

السلام عليكم
عاريفين دلوقتي اللي بحصل حولينا دة عبارة تمرين وزيادة جرئة للبلطجية علي خرق القوانين وكسر الحاجز النفسي واهدار لكل القيم ودة هتكون نتيجتة عدم عودة الهدوء و الامن للبلد بشكل سريع
هتاخذ وقت طويل ومواجهات امنية صعبة وهيخلي الجهات الامنية تتعامل مع الناس بعنف كما كان يحدث بالسابق
للاسف تحت زريعة اعادة الامن للشارع

أميجو

11-07-23 01:39 AM

رد: كارثة بمدينة نصر

اقتباس:

المشاركة الأصلية كتبت بواسطة smsmn8888 (المشاركة 155483)

ينهارررررررررررررر ربنا يستر
بصراحة انا عندي راي ممكن ميكونش صح وممكن يكون هو تا الحل ان اهل المنطقة ياجرو اكبر عدد ممكن من البلطجية المتخصصين والمسلحيين في الحكاية دي قبل ما الموضوع يكبر لان ولا الشرطة والا الجيش فايق اليومين دول

ياسيدى الفاضل
أنا بشكك فى صحة الخبر من الاساس
وبعدين معظم سكان مدينة نصر معاهم سلاح مختلف طبنجات على بنادق نصف آلى وظهر السلاح ده أيام اللجان الشعبية .
ممكن يكون بيتكلم عن منطقة الزهراء ودى أرض ملك الجيش والجيش سايب الاهالى يبنوا فيها من زمان وتسمى عزبة الهجانة وهى على الطريق الدائرى قرب أكادمية الشرطة وهى منطقة عشوائية والوضع ده من زمان .
خالص تحياتى

smsmn8888

11-07-23 01:42 AM

رد: كارثة بمدينة نصر

اقتباس:

المشاركة الأصلية كتبت بواسطة yossef el masry (المشاركة 155493)

تا الذي هيحصل فعلا بس هيكون فوق الخيال

blow c06

11-07-23 05:26 AM

رد: كارثة بمدينة نصر

عزبة الهجانه .. الجيش مش سايب الناس تبنى كده..الجيش باعلهم الارض دى و سابها و مشى و عشان هى ارض اصلا بتاعة الجيش فالداخليه و الحى مش عارفين يعملوا حاجه فيها

sayedlabib

11-07-23 03:09 PM

رد: كارثة بمدينة نصر

هى فين المنطقة دى بالظبط على مصطفى النحاس يا ريت التوضيح يعنى لو عند علامة مميزة او محل تجارى معروف

كريم الشامي

11-07-23 05:55 PM

رد: كارثة بمدينة نصر

ربنا يستر علي البلد ...

أميجو

11-07-23 06:06 PM

رد: كارثة بمدينة نصر

اقتباس:

المشاركة الأصلية كتبت بواسطة blow c06 (المشاركة 155603)

عزبة الهجانه .. الجيش مش سايب الناس تبنى كده..الجيش باعلهم الارض دى و سابها و مشى و عشان هى ارض اصلا بتاعة الجيش فالداخليه و الحى مش عارفين يعملوا حاجه فيها

الجيش ما بعش متر هناك ولو سألت حد هناك أتحدى أنه يطلع عقد بيع من القوات المسلحة .
وه سر أن الشقق هناك بتتباع بمبالغ زهيدة هناك وأن العمارات هناك ملاصقة لبعض والوضع عشوائى .
لذلك إحذر من شراء شقة هناك لأن ملهاش ورق قانونى .
وأظن ساعدتك فىكر وقعة المحافظة الشهيرة لما جت تزيل العمارات هناك وإندفع الاهالى هناك بالتهجم على الشرطة وقذفهم بالطوب والحجارة .
وساندهم فى ذلك النائب المرحوم مصطفى السلاب .
أعتقد أن عزبة الهجانة مش جديد عليهم البلطجة فتاريخهم معروف من زمان .
شكرا

osha966

11-07-25 03:52 AM

رد: كارثة بمدينة نصر

اقتباس:

المشاركة الأصلية كتبت بواسطة blow c06 (المشاركة 155603)

- حضرتك متأكد من الكلام ده - ده كلام خطير - ثم يا جماعة أنا بتكلم على المنطقة الواقعة فى أخر مترو مصطفى النحاس شمال أسفل الضغط العالى أمام جامع المؤمن المهيمن وهى محصورة بين عمارات المثلث وعمارات شركة مدينة نصر وليس داخل العزبة ...والعايز يتفرج يروح

osha966

11-07-25 03:56 AM

رد: كارثة بمدينة نصر

اقتباس:

المشاركة الأصلية كتبت بواسطة sayedlabib (المشاركة 155782)

هى فين المنطقة دى بالظبط على مصطفى النحاس يا ريت التوضيح يعنى لو عند علامة مميزة او محل تجارى معروف

المنطقة الواقعة فى أخر مترو مصطفى النحاس شمال أسفل الضغط العالى أمام جامع المؤمن المهيمن وهى محصورة بين عمارات المثلث وعمارات شركة مدينة نصر وليس داخل العزبة ...والعايز يتفرج يروح

hema777h

11-07-25 04:18 AM

رد: كارثة بمدينة نصر

اكنك هتخرم وتطلع علي سوق السيارات

abdo92

11-07-25 05:28 AM

رد: كارثة بمدينة نصر

انا ساكن هناك هما هيحولو الحته ده سوق خضار بدل من سوق الحي الثامن وللعلم الجيش جه وكلمهم ومعملش حاجه

نور المسلم

11-07-25 07:27 AM

رد: كارثة بمدينة نصر

ربنا يستر ويطلع الكلام ده غلط ان شاء الله

xman	11-07-25 11:15 AM

رد: كارثة بمدينة نصر

كلام الاستاز اوشا صحيح و كنت هناك يوم الخميس الماضي حاضرا التجمهر من حوالي 500 بلطجي واضعي يدهم علي الارض بعقد مزور بين الجيش و شخص اسمه فهيم عياد يدعي ملكيتها و فعلا المساحة كبيرة تحت كبلات الضغط العالي بين مصر للتعمير و ابراج الشمس امتدادا حتي العزبة و يريدون بناء سوق خضار و قام الجيش ممثل غي 5 مدرعات و3 عربات نقل جنود و2جيب شرطة عسكرية و عربتان امن مركزي و بلدوزران بازالة التعدي علي الملكية العامة بدون اي اشتباكات او اصابات.

blow c06

11-07-25 12:02 PM

رد: كارثة بمدينة نصر

انا كلامى على الارض الى الجيش باعها للاهالى داخل عزبة الهجانه و ليس الارض المشار اليها هنا

mero1x

11-07-25 01:31 PM

رد: كارثة بمدينة نصر

يا شريف باشا سبهم يعيشوا يومين
ومتقلقش الجيش لو عايز يطلعهم مش هيغدوا ساعة زمن

osha966

11-07-25 11:56 PM

رد: كارثة بمدينة نصر

اقتباس:

المشاركة الأصلية كتبت بواسطة mero1x (المشاركة 157466)

يا شريف باشا سبهم يعيشوا يومين
ومتقلقش الجيش لو عايز يطلعهم مش هيغدوا ساعة زمن

- أمير باشا ازيك .. المشكلة أن الداخلية خايفة ومهزوزة منهم والجيش بيؤجل الموضوع والموضوع بيستفحل ..بس الناس مس هتسكت وهتكبر الموضوع لأقصى درجة ..كما جاء فى برنامج العاشرة مساء اليوم

smsmn8888

11-07-28 04:09 PM

رد: كارثة بمدينة نصر

ضبط 18 شخصا استولوا على أرض دولة بمدينة نصر
الخميس، 28 يوليو 2011 - 12:13

صورة أرشيفية<br>
كتب كريم صبحى اليوم السابع

قررت نيابة أول مدينة نصر برئاسة المستشار نبيل عباس، إحالة 18 متهما من منطقة عزبة الهجانة إلى النيابة العسكرية.

كانت الأجهزة الأمنية بمساعدة الجيش ألقت القبض على المتهمين أمس الأربعاء، فى حملة أمنية لإخراج مجموعة بلطجية فى عزبة الهجانة كانوا قد أقاموا سوقا بقطعة أرض تابعة للدولة بالحى الثامن، الأمر الذى جعل سكان المنطقة يعتصمون أمام قسم أول مدينة نصر حتى استجابت لهم الأجهزة الأمنية وقامت بإزالة السوق وإلقاء القبض على المتهمين، وإحالتهم إلى النيابة العسكرية.

كان عدد من سكان الحى الثامن بمدينة نصر، أقاموا أكثر من اعتصام أمام قسم أول مدينة نصر للاعتراض على تراخى الشرطة فى القبض على عدد من البلطجية فى عزبة الهجانة احتلوا قطعة أرض تابعة لمحطة كهرباء ضغط عالى وحولوها إلى سوق تجارى، حتى تمكنت الأجهزة الأمنية من إزالة السوق والقبض على المتهمين.

osama2011

11-07-28 04:31 PM

رد: كارثة بمدينة نصر

http://www.youm7.com/News.asp?NewsID...03&IssueID=168

الساعة الآن 02:44 PM