|
فيديو حقيقة اللى حصل فى العباسية .. واضح زى الشمس
مين اللى قال على الثوار بلطجية المسيرة سلمية ودى بلدنا ونعمل مسيرة أو نتظاهر دة حقنا واللى مش عاجبه يتفلق والقصة كلها ان فى تواطؤ مع النظام الفاسد لكن ازاى يطلعوا بلطجية حسالة على الثوار بالشكل دة وواضح ان الموضوع مدبر ومعمول حسابه مين المسئول القذر اللى بيدوس على الزرار يشغل البلطجية مطاوى وسنج وكرابيج وسيوف ويضربوا ناس عزل يرضى مين الكلام دة حاجة تحرق الدم ربنا ينتقم منهم بحق شهر رمضان |
رد: فيديو حقيقة اللى حصل فى العباسية .. واضح زى الشمس
اذا الشعب يوما اراد الحياه .. فلا بد ان يستجيب القدر
ولا بد لليل ان ينجلي .. ولا بد للقيد ان ينكسر اظهر و بان يا مجلس يا زباله |
رد: فيديو حقيقة اللى حصل فى العباسية .. واضح زى الشمس
اقتباس:
دة غير انه جيل من نوع خاص ميعرفش التطور للشعوب دول من ايام ما كانوا بيوزعوا منشورات فى السر عصر التكنولوجيا مش فى حساباتهم خالص هو أكيد مش اجماع لكن دى الغالبية العظمى ويا خوفى لو حاربنا والله حاسس ان القيادات دى هتجبا لورا |
رد: فيديو حقيقة اللى حصل فى العباسية .. واضح زى الشمس
انتا اكيد بقة منهم من اللى عايزين يخربوها ويقعدوا على تلاها
صح كفاية بقة خربتوا البلد ناس بدافع عن منطقتها تقولوا عليهم بلطجية يحيى اهل العباسية الكرام الابطال اللى منعوكم من تكملة المسيرة |
رد: فيديو حقيقة اللى حصل فى العباسية .. واضح زى الشمس
ارجو من الاخوة عدم القاء التهم بدون ادلة واضحة ولو فعلا الناس دي بتدافع عن بيوتها حتي لو بالسنج والمطاوي فده حقهم مية مية وده زي اللي كان بيحصل في اللجان الشعبية واعتقد الناس اللي كانت بتدافع عن بيوتها بالسنج والمطاوي مكانوش بلطجية
ولو دول اصلا مش من العباسية وبلطجية فعلا من برة يبقي ربنا يتقم منهم ومن اللي باعتهم ايا كان |
رد: فيديو حقيقة اللى حصل فى العباسية .. واضح زى الشمس
اخى الحبيب نور المسلم
دول مية فى المية من اهالى العباسية وكل اللى عمالين يقولوا دول بلطجية هما طبعا بيقولوا كدة علشان لو قالوا دول بتوع العباسية يبقى هما اللى هيطلعوا غلطانين والدليل ان فية ناس منهم قالوا لاء دول بتوع روكسى هم اللى كانوا معاهم سنج ومطاوى شفت الظلم علشان تعرف انهم مش عارفين اى حاجة يقولوها |
رد: فيديو حقيقة اللى حصل فى العباسية .. واضح زى الشمس
ربنا يهدي الجميع
|
رد: فيديو حقيقة اللى حصل فى العباسية .. واضح زى الشمس
اقتباس:
هما الثوار كانوا رايحين العباسية يعملوا اية فى اهلها ؟ وبعدين خلى كلامك مؤدب |
رد: فيديو حقيقة اللى حصل فى العباسية .. واضح زى الشمس
انا طبعا كلامى فى حدود الاحترام والادب
ثانيا العيال بتوع التحرير دول مكشوفين لمصر كلها هو بنفسة الزعيم بتاعهم بتاع حركة 6 ابريل قال انى كنت باخد تدريب فى صربيا واضح اوى انها عملية مدبرة لسقوط الجيش ولو الجيش سقط الدولة كلة سقطت وهو دة اللى هما عايزينة الشعب كلة رافض اللى هما بيعملوة |
رد: فيديو حقيقة اللى حصل فى العباسية .. واضح زى الشمس
للأسف انت فاهم غلط وكتير زيك فاهمين غلط
المشير والمجلس مش هما الجيش زى ما حسنى مبارك مش هو مصر الجيش هو الشعب وبكرة الايام تثبتلك ان الجيش هينقلب عليهم لو فضلوا كدة وبعدين اية المشكلة ان مجموعات تتعلم وتتدرب على اسقاط النظام فكر بعقلك واحسبها كويس مفيش ثورة هتحصل زى جمعة الغضب انت شوفت معاهم اسلحة ولا غيره شوفت منهم بيعملوا تخريب فى البلد ؟ الموضوع واضح وكويس انهم اتدربوا عشان يحبسوا الحرامية فكر فيها وتلاقى الاجابة |
رد: فيديو حقيقة اللى حصل فى العباسية .. واضح زى الشمس
اقتباس:
لان اغلبهم عاطلين ومتخرجين من سنين انزل روح هناك بنفسك واحكم عليهم بلاش تتكلم من غير ما تعرف مين دول |
رد: فيديو حقيقة اللى حصل فى العباسية .. واضح زى الشمس
ازاى بيطالبوا بالحد الادنى للاجور وفى نفس الوقت رايحين يهاجموا المجلس العسكرى يبقى بذمتك كدة دول بيحبوا البلد ولا عايزين الجيش يسقط لان لو الجيش وقع البلد كلها انهارت
والواد الزعيم بتاعهم دة لما كانوا امبارح مستضفينة فى برنامج وعرض المطالب بتاعتهم مجبش سيرة الاجور خالص اللى انا اعرفة ان لما الشعب كلة بيجمع على ان دول فئة قصدها ان البلد تخرب يبقى المفروض نسمع كلام مين ونصدقة كمان راى الاغلبية طبعا وواضح اوى من تصرفاتهم وفى نفس التوقيت يتم الاعتداء على المجلس الوطنى فى السويس ويتم حرق قسم فى المنوفية وهما هنا رايحين يتظاهروا ادام المجلس العسكرى الكلام دة مينفعش خالص |
رد: فيديو حقيقة اللى حصل فى العباسية .. واضح زى الشمس
اقتباس:
بس 6 ابريل مش هما الثورة وهما جزء من الثورة قصدى استمرار الثورة |
رد: فيديو حقيقة اللى حصل فى العباسية .. واضح زى الشمس
والله العظيم المشير فى إيديه ينسف شوية العيال دول نسف .. بس المجلس مش عايز علشان ميطلعوش يقولوا طواطؤ والكلام اللى ملهوش أى تلاته لازمة .. يا أخى اللى عايز يشتغل بيشتغل مش حجه هى الحد الأدنى للأجور والكلام العبيط ده مع إحترامى لشخصك طبعا مقصدكش .. المشكلة مش فى مجلس عسكرى ولا رئيس دولة ولا يحزنون المشكلة فينا إحنا ..
|
رد: فيديو حقيقة اللى حصل فى العباسية .. واضح زى الشمس
انا شايف ان حال البلد هيستقر وهنرتاح بقة من القلق دة كلة لو الناس اتجهت لشغلها ومبقاش فية اى مظاهرات تانى فى التحرير ولا كل يوم جمعة يطلعوا لينا بمسمى جديد وصدقونى الجيش بتاعنا اعظم جيش فى العالم كفاية انة ساند الثورة من الاول خالص وكمان حما الشعب المصرى من البلطجية والجيش هيعمل كل اللى الناس عايزة بس اصبروا شوية
|
رد: فيديو حقيقة اللى حصل فى العباسية .. واضح زى الشمس
ووالله الناس اللى بيضربوا فى العيال دول أهل العباسية نفسهم .. لأنهم مش ناقصين وجع الدماغ والصداع بتاع أبوهم .. ناس عاديه عايشين فى حالهم .. وراضين باللى مكتبلهم .. وأعتقد يعنى إن الناس دى بقا شكلهم وحش أوى .. فيه مثل بيقول ما زاد عن الحد إنقلب إلى الضد ..
|
رد: فيديو حقيقة اللى حصل فى العباسية .. واضح زى الشمس
وبعدين العباسية مرشقة مناطق عسكرية .. فعيب يعنى .. زى أما يكون واحد جاى جرى لبيتك وعازم فى نيته إنه يرمى بلاه عليك وخلاص ..
|
رد: فيديو حقيقة اللى حصل فى العباسية .. واضح زى الشمس
مهما الناس بتوع العباسية اهالى المنطقة طبعا بس العيال بتوع التحرير دول طلعوا اشاعات ان دول بلطجية علشان اولا اى حد بيعتدى عليهم سواء فى التحرير او فى اى مكان يقولوا علية بلطجى لانهم لو قالوا ان المعتدى دة حد من الشعب هيطلعوا هما الغلطانيين فى اللى بيعملوة لانهم مش عايزين حد يكون معارض لفكرهم الخبيث
ثانيا واكبر دليل انهم كذابين العيال بتوع التحرير دول ان فية شوية عيال منهم قالوا امبارح فى التليفزيون ان اللى جم اعتدوا عليهم فى العباسية بتوع روكسى شفتوا بقة الظلم بتاع شوية الحثالة دول طيب لية هما قالوا ان اللى اعتدوا عليهم بتوع روكسى علشان هما العيال بتوع التحرير دول عارفين ان الناس المحترمة اللى واقفة فى روكسى ضدهم وعايزين الاستقرار للبلد والامن لمصر الحبيبة وطبعا العيال بتوع التحرير الخونة دول مش عايزين كدة هما هدفهم البلد توقع وتنهار لازم يغوروا بقة من التحرير خلى مصر تستقر بقة |
رد: فيديو حقيقة اللى حصل فى العباسية .. واضح زى الشمس
أنا مع أهل العباسية فى اللى عملوه رجالة فعلا حتى حريمهم رجالة (ولكننى لست ضد الشباب الثائر بسبب تباطؤ المجلس العسكرى الغير مبرر والمعتصم فى التحرير والذى لم يشارك فى المسيرة المشبوهة) ولكنى ضد تخريب البلد وان يقوم الثوار بوضع السم فى العسل وان يستمروا فى خلق حالة من الاضطراب والقلقلة فى البلد وان يصبح الثوار دمية فى يد من يحركهم لتحقيق مكاسب سياسية والفوز بقطعة كبيرة من التورتة وأكره أن يكونوا معاول هدم للبلد وهم لا يشعرون و أرى ان شعبيتهم فى انخفاض مستمر وانا شايف فى الأفق ملامح اشتباك كبير بينهم وبين الجماعات الاسلامية وربنا يستر من اللى جاى.
|
رد: فيديو حقيقة اللى حصل فى العباسية .. واضح زى الشمس
لازم العيال الخونة بتوع التحرير دول يا اما يمشوا يروحوا بيوتهم ياما يتم التعامل معاهم زى ما تشوف مصر
|
رد: فيديو حقيقة اللى حصل فى العباسية .. واضح زى الشمس
يارجالة الموضوع حتى لو له علاقة بتباطؤ المحاكمات او تحقيق المطالب فتعطيل منطقة وسط البل وشلها بالكامل غير مقبول الموضوع ان الناس اللى بيتأمروا لقوا ان اقفال التحرير لوحده موش كافى والناس بدات تتصرف من غيره قالوا لازم نقفل منطقة وسط البلد كلها فشوية شوية عايزين يخرجوا لمختلف الميادين بحجج تسريع المطالب وده استهبال طبعا غير ان من اول الثورة اصلا ومنتشر على النت موضوع الجماعات الممولة من الخارج اللى عايزة تطعن فى الجيش واظن البلبلة الحاصلة دلوقتى ضد الجيش خير برهان
احنا طبعا عايزين تسريع المحاكمات والتغيير لكن لازم يكون هناك طريقة متضعفش البلد اكتر من كده كفاية اللى وصلنا له |
رد: فيديو حقيقة اللى حصل فى العباسية .. واضح زى الشمس
اقتباس:
واخص بالذكر السلفيين اللي اكتر ناس خايفين علي البلد وعلي دينهم ومتخافش لن يحدث تصادم بينهم وبين اي حد وخروجهم يوم الجمعة الجاية هو للحفاظ علي الهوية الاسلامية لمصر والدفاع عن هذه الهوية ليس الا وليس لتخريب البلد ابدا |
رد: فيديو حقيقة اللى حصل فى العباسية .. واضح زى الشمس
اقتباس:
|
رد: فيديو حقيقة اللى حصل فى العباسية .. واضح زى الشمس
اقتباس:
|
رد: فيديو حقيقة اللى حصل فى العباسية .. واضح زى الشمس
وربنا يحفظ مصرنا الغالية ضد اي تآمر خارجي او داخلي
|
رد: فيديو حقيقة اللى حصل فى العباسية .. واضح زى الشمس
يعنى لما يعملوا كدة يبقوا رجالة ولا زى ما انا بقول عيال وخونة كمان
ازاى عايشين فى مصر وتحت سماءها وعايزين البلد تنهار وتخرب انا الى عاتب عليك بقة اية رايك |
رد: فيديو حقيقة اللى حصل فى العباسية .. واضح زى الشمس
تخيل معى هذا المشهد وصول المسيرة الى وزارة الدفاع ويتم الاعتصام أمامها نزول بعض اعضاء المجلس العسكرى للأعتصام للتحوار مع المعتصمين فشل التحوار ارتفاع الاصوات والهتافات طبعا الكل عارف هتكون زى اية صدور الأوامر الى الشرطة العسكرية والقوات الخاصة لفض الاعتصام العناصر المندسة الموجودة فى المسيرة تشتغل سقوط قتلى من الطرفين توتة توتة وتبدأ الحدوتة |
رد: فيديو حقيقة اللى حصل فى العباسية .. واضح زى الشمس
يا رب ما تبدأ هذة الحدوتة ابدا يا رب قولوا امين |
رد: فيديو حقيقة اللى حصل فى العباسية .. واضح زى الشمس
اقتباس:
|
رد: فيديو حقيقة اللى حصل فى العباسية .. واضح زى الشمس
اقتباس:
|
رد: فيديو حقيقة اللى حصل فى العباسية .. واضح زى الشمس
اقتباس:
|
رد: فيديو حقيقة اللى حصل فى العباسية .. واضح زى الشمس
اقتباس:
مييييييييييييييييييييييييييييين اللي اعتدي علي ميييييييييييييييييييييين ولا هو يا اما الاخوان يا اما بلااااااااااااااااش |
رد: فيديو حقيقة اللى حصل فى العباسية .. واضح زى الشمس
اقتباس:
بالنسبه لاهالي العباسيه هجيبلك فيديو اهالي العباسيه ميعرفوش الناس اللي هجمت و اعتدت و كان عندها نيت القتل دي |
رد: فيديو حقيقة اللى حصل فى العباسية .. واضح زى الشمس
اقتباس:
عمرهم ما هيهاجمو المجلس العسكري اللي اداهم حقهم و زياده بوسه و لكن..اذا كنا خونه و عملاء..اعطوني دليلكم |
رد: فيديو حقيقة اللى حصل فى العباسية .. واضح زى الشمس
اقتباس:
انت بقي احكيلي كنت فين ؟؟ انا خاين ؟؟ ايه دليلك ؟؟ انا عميل ؟؟ ايه دليلك ؟؟ انتو مين اساسا |
رد: فيديو حقيقة اللى حصل فى العباسية .. واضح زى الشمس
اذا الشعب يوما اراد الحياه .... فلا بد ان يستجيب القدر
ولا بد لليل ان ينجلي ........... ولا بد للقيد ان ينكسر |
رد: فيديو حقيقة اللى حصل فى العباسية .. واضح زى الشمس
بصوا يا جماعة سواء كان المتظاهرين من التحرير أو من اى جهة مش مشكلة ولكن هرجع واقول تانى و ثالث ورابع ................... الجيش خط أحمر ............... وأى إهنانة لوزارة الدفاع أو سيادة المشير مينفعش لأنه رمز للجيش ومبى وزارة الدفاع رمز للجيش فمينفعش اللى حصل تحت أى بند مهما كانت مشروعية الطلبات . ثانياً أهالى العباسية الرجالة ذكروا أنهم من تصدى للمظاهرات وذكر ذلك فى النشرات المذاعة على التليفزيون المصرى القناه الاولى بالتحديد .... فلا داعى للجدال حول نوعية المدافعين . وثالثا أى مصرى محترم هيقوم بالتصدى لأى محاولة لأهانة الجيش المصرى وده طبعا كلام مفروغ منه . |
رد: فيديو حقيقة اللى حصل فى العباسية .. واضح زى الشمس
انتا منهم يا kiko_2015 صح
يا ابنى لو انتا من العيال السيس اللى فى التحرير دول ابعد عنهم احسن واضح اوى انك جاى هنا تشوف ردود الافعال يارب يارب يولع فى التحرير كلهم قولوا امين |
رد: فيديو حقيقة اللى حصل فى العباسية .. واضح زى الشمس
يا ابنى انتا جاى هنا فى منتدى الرجالة اللى بيحبوا بلادهم ومصر فوق الجميع ولو انتا من العيال الحثالة اللى فى التحرير دول موعدنا الجمعة الجاية ونشوف احنا بقة ولا انتوا يا علمانين
يا ابنى الاسلام والهوية الاسلامية فوق الجميع |
رد: فيديو حقيقة اللى حصل فى العباسية .. واضح زى الشمس
اقتباس:
|
رد: فيديو حقيقة اللى حصل فى العباسية .. واضح زى الشمس
انا مبتكلمش على انك ثورى ياريت طبعا
انا بتكلم على اللى العيال بتوع 6 ابريل يا مان وحركة كفاية الخونة اللى عايزين يولعوا البلد |
رد: فيديو حقيقة اللى حصل فى العباسية .. واضح زى الشمس
اقتباس:
انا مسلم عربي مصري ثوري و افتخر وحتي لو مسيحي مصري بردو ايه المشكله..حقهم في وطنهم وانا هنا في هذا المنتدي فعلا لانه منتدي رجال..تستطيع ان تسال عن ابو سيف و من هو ابو سيف اذا كنت اصلا تعرف رجالا |
رد: فيديو حقيقة اللى حصل فى العباسية .. واضح زى الشمس
الله
مش انتا دخلت فى الاول وبتهاجمنى على انى بعلق على الاكسلنس علشان هو كان بيشكر فى حركة 6 ابريل وبيشكر فى العيال بتوع التحرير وانا رديت علية وعرفتة ان العيال دول على غلط وانتا دلوقتى جاى وبتقولى لية ارد علية بالاسلوب دة عايزينى افهم من كدة اية مش تقول طيب انك ضد بتوع التحرير |
رد: فيديو حقيقة اللى حصل فى العباسية .. واضح زى الشمس
انا اصلى مضايق يا اخى الحبيب فاللى بيحصل دة
اقسم بالله انى دمعت امبارح للى حصل دة علشان لما الستات كانت بتغتصب والبنات والناس اللى كانت بتقتل دية ظلما من البلطجية والجيش اول ما نزل الشارع ووقف جنب الثورة من البداية جايين شوية عيال اللى بيطلقوة على نفسهم 6 ابريل وحركة كفاية جايين يهاجموا اعظم جيش فى العالم نقول على كدة اية اخى الحبيب تخيل لو الشرطة انسحبت ومفيش جيش نزل الشارع اصلان كان هيكون وضع مصر واهالينا ومعارفنا مصر كانت هيحكمها بلطجية |
رد: فيديو حقيقة اللى حصل فى العباسية .. واضح زى الشمس
اقتباس:
وهو مش مسؤل واحد الى بيدوس على الزرار العصابه كبيره بس مين بيديهم الفرصه او يسمح بذلك مين اللى بيطول الوقت فى تنفيذ طلبات الثوره حسبنا الله ونعم الوكيل |
رد: فيديو حقيقة اللى حصل فى العباسية .. واضح زى الشمس
اقتباس:
والعيال اللى بتقول عليهم 6 ابريل وحركة كفاية من ايام المظاهرات بتاعة المحله الكبرى وهم ليهم دور فاعل فى الحركه الثوريه وهم دول جذء لا يتجذء من الثوره وسبب ما نحن فيه من تغيير الى الاحسن رغما عن كيد الكائدين فلا تلقو الناس بالباطل والاتهامات والاشاعات لان هذا من الفتنه والفتنه اشد من القتل |
رد: فيديو حقيقة اللى حصل فى العباسية .. واضح زى الشمس
اقتباس:
او استغلال الفرص والانتهازيه السياسيه اللى هترجعنا لورا |
رد: فيديو حقيقة اللى حصل فى العباسية .. واضح زى الشمس
ياريت تعرفوا مين هما حركه 6 ابريل المموله من الخارج لتدمير مصر عايز اعرف الناس ديه مين وايه علاقتهم بالثورة وشباب الثورة من الواضح يا اخوانا ان فى ناس بتسرق منا الثورة بالاعتصامات الوهميه التى الغرض منها هو الفوضى وفقط لذلك يا شباب الثورة الحقيقه تصدوا لكل المتداخلين على الثورة اكيد هؤلاء ليس من خرجوا فى 25 و 28 يناير اللعنه على 6 ابرايل واعوانها وكل من يسمع كلامهم وخططهم يا اخوانا 6 ابرايل هم من حاولوا اغلاق المجمع وتعطيل حركه مترو الانفاق وتعطيل الملاحه فى قناة السويس هم من يريدو خراب البلد احذروهم |
رد: فيديو حقيقة اللى حصل فى العباسية .. واضح زى الشمس
عارفين اخى الفاضل ومتاكدين من بتوع حركة 6 ابريل ومسيرهم وايامهم ملعونة وانشاء الله هيدخلوا جحورهم هما واللى يتشدودلهم
|
رد: فيديو حقيقة اللى حصل فى العباسية .. واضح زى الشمس
انا مش قادر افهم الجماعة بتوع 6 ابريل دول عايزين ايه؟
ايه اهدافهم ومين بيقودهم؟ يا ريت لو حد منهم هنا يقول بعيدا عن كل المشاحنات دي إحنا اهدافنا كذا وكذا وكذا. بس الاهداف كلها مش الأهداف الدعائية بس، اللي الغرض منها محاوله استماله وكسب الناس. |
رد: فيديو حقيقة اللى حصل فى العباسية .. واضح زى الشمس
يا جماعة أحذروا الفتن، ودائماً الحقيقة الكاملة لا توجد مع شخص واحد، لا حركة 6 إبريل وكفاية عملاء وخونة، ولا هما ملايكة ومنزهين، ممكن يكون فيهم عملاء وخونة، وتبع أجهزة أستخبارات، لكن الأغلب الأعم شباب مصريين شرفاء يهمهم مصلحة مصر، وإذا أخطأ شخص فى توجهه فلا نقيم لهم المشانق ونتمنى لهم الحرق، علينا أن نتعلم أدب الإختلاف فى الرأى، وليس مجرد الإختلاف فى الرأى التخوين والبذاءة فى توجيه الإهانات وتمنى الموت والحرق، رغم عدم موافقتى على المظاهرة المتوجهة إلى المجلس العسكرى، إلا أنى أحترم وجهة نظر هؤلاء ولا أتهمهم بالعمالة وأنهم يريدون إسقاط الجيش، هم أخطأو وإن كانت نيتهم سليمة فى مظاهرة سلمية لتوصيل صوتهم إلى المجلس العسكرى، الذى اصبحت تصرفاته تدل على أنه جزء من النظام القديم وأن مصر لم تتغير، ومع ذلك فأكبر خطأ رغم أن المجلس العسكرى يشوبه الكثير من السلبيات والتواطئ أن يقوم الثوار بالقيام بمظاهرات ومحاصرة مبانى عسكرية، لأنه ببساطة ستتدخل أجهزة مخابرات بين المظاهرات السلمية لتأجيج الوضع لدفع المتظاهرين وبعض البلطجية إلى إقتحام منشآت عسكرية مما يستدعى من الجيش الرد بعنف وهذا ما يريده الأعداء وما لا نريده أن يقع فى مصر.
علينا أن لا نطالب بحل المجلس العسكرى رغم رائحة فساده لأنه لا يوجد قيادة حالياً تحكم مصر سوى المجلس العسكرى، وإذا ما حل المجلس العسكرى فإننا سندخل فى فوضى لا يعلم إلا الله مداها، علينا أن لا نطالب بحل المجلس العسكرى قبل وجود مجلس شعب منتخب ورئيس جمهورية. |
رد: فيديو حقيقة اللى حصل فى العباسية .. واضح زى الشمس
واشمعنا 6 ابريل ؟؟ ليه مقولتش كفايه ؟؟ او الغد ؟؟ او 25 يناير ؟؟ او الاخوان ؟؟ او التجمع ؟؟ او الناصري؟؟
كل دول كانو في الثوره طبعا بجانب الشعب العادي الغير مسيس اشمعنا 6 ابريل وقفت في الزور ؟؟ فين الادله الماديه علي اتهاماتكم ليهم بالعماله و الخيانه ؟؟ يا ريت الادله يا جماعه من فضلكم عشان احنا كمان نتجنبهم وليه المجلس الموقر العسكري اللي اتهمهم الاتهامات دي سايبهم كده؟؟ هو المجلس مش قال انهم جواسيس؟؟ امال سايبهم ليه ؟؟ وكان قاعد معاهم بيتفاوض قريب ليه ؟؟ و فجاه اكتشف انهم جواسيس ؟؟ ويقولك امريكان و يهود .. يا مجلس ياللي عايز تشغل خط الغاز..يا مجلس يابو معونه امريكيه..فهمنا الصح فين عشان احنا عاوزين نفهم..واتخنقنا في وطن ريحتو فاحت |
رد: فيديو حقيقة اللى حصل فى العباسية .. واضح زى الشمس
mman2005 رأيك الاقرب للصواب جزاك الله كل خير عليه اخي الفاضل والله المستعان
ف 6 ابريل كحركة قامت بالشرارة الاولى لها كل الاحترام لكن لا نعلم من يحرك البعض منهم الآن فالمسيرة للمجلس العسكري أمر مدفوع فلا يعقل ان يكون الاحتجاج كجر شكل؟ والمجلس العسكري اخطا من فيه عندما صرحوا بأن 6 ابريل خونة ويتقاضون الاموال دون ادلة. وفي النهاية انا مع الشرفاء هنا وهنا والمجلس العسكري حتى ولو فيه متواطئين فلن يفيد مصر أن يتم اسقاطه بالعكس ستتوتر مصر وقد تذهب الى حافة الهاوية لأننا لا نثق في فكر الحركات والائتلافات التي تخطت ال 140 ائتلافاً .. كيف سيتفقون على قرار؟؟؟ فالأمر يستوجب علينا الترررررررررريث, لا تعدي على الاخر بأي شكل والمجلس العسكري منذ اللحظة الاولى قال انه سيسلم السلطة لرئيس مدني والامور تمشي في ذلك السياق الا ان بعض الغير راضيين والذين تضرروا من الاستفتاء الذي خرج ب70% لنعم يحاولون عرقلة الامور وتعطيل الانتخابات البرلمانية هذا ما اراه الا انني اقول ان اغلب الشباب حتى ولو فعلوا ما يخالفنا فكرياً فهم مدفوعين مغرر بهم. فالجيش له هيبته ولن يسمح المصريين بإهتزازها والمجلس العسكري الذي يحاول البعض فصله وإن تواجد به متواطئين فالوقت للحساب غير مناسب طالما الأمور تمشي في سياقها الطبيعي. والله المستعان ومصر دائماً فوق المصالح . |
رد: فيديو حقيقة اللى حصل فى العباسية .. واضح زى الشمس
الموضوع يا جماعة معمول عشان ننتقد اعمال البلطجة ضد الثوار مش عشان نتهم بعض
ومش عشان نتهم 6 ابريل او غيرها وبعدين احنا بقالنا سنين بنتمنى نعمل ثورة لان دة الحل الوحيد ضد العصابة جايين دلوقتى تتهموا اطراف الثورة بالخيانة كلنا مصريين وبنحب مصر وبنعشق تراب مصر بكل ما فيها بلاش تعصب لأن لو عندك وجهة نظر مختلفة لازم تحترم بدون تعصب |
| الساعة الآن 05:36 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir