|
ارشدوني لاول الطريق الصح
السلام عليكم ورحمة الله وبركاته
اولا احب اعرفكم على نفسي اسمي مصطفى من الاسكندرية ، طالب في اولى ثانوي ، انا في مدرسه ثانوي عسكرية ومن اسبوعين ابتدا عندنا تدريب رماية عشان مسابقة المدرسه داخلة فيها المهم ديه كانت بدايتي بمعرفه الرماية والحمد لله اتعلمت حاجات بسيطة والحمد لله انا في تقدم ملحوظ وسريع وحبيت انها تكون ديه هوايتي ... انا مش عاوز اسميها صيد لكن انا متشوق اني امتلك بندقية وابدا في اني اتعلم وانزل اجرب اصطاد اسف على المقدمة الطويله ديه انا دلوقتي عاوز استفسر عن كذا نقطه اولا انا ممكن اجيب بندقية منين ومتكونش غاليه لأني مش باستطاعتي خالص .... يعني حاجه تعلم عليها لفترة لحد ما اقدر اجيب حاجه نضيفه ومستوردة انا اللي فهمته وانا بدور في المنتدى الجميل ده : ان ارخص حاجه المصري واللي هيات نوعها رمسيس وتعمل حوالي 250 جنيه والصيني دول اقدر اجيبهم منين ؟ تاني استفسار ... اقدر اتعلم فين او مع مين لأني مش عارف ازاي ابدأ ... يعني مثلا حضرتك تعرفني ازاي بدات واتعلمت فين معلش الكلام مش مترتب بس عشان انا مش عارف اصيغه بطريقه صح وانا اسف اني طولت عليكم |
رد: ارشدوني لاول الطريق الصح
الاخ الصغير الرائع مصطفي اولا اهلا وسهلا بيك في المنتدي وان بشكرك انك اخترت الرياضة دية لانها رياضة رائعة بل اكثر من رائعة دية اول حاجة والتانية موضوع البندقية ممكن تشتري اي بندقية دلوقتي لحد لما تتعلم وتبقا تمام التمام
|
رد: ارشدوني لاول الطريق الصح
العفو اخويا واستاذي جلال وانا اللي ليا الشرف اني اكون ممن يمارسون الرياضه ديه ان شاء الله
طيب تنصحني اجيب ايه ؟ وممكن تحط لي ارخص حاجه لأن حضرتك عارفف اني لسه طالب ( يعني باخد مصروف لسه ) وهل لو جبت بندقية ممكن لو ينفع حد من الاسكندرية يكون ممارس للرياضه اطلع معاه كذا مرة اتعلم منه لو مش ممانع ولا فيه طريقه افضل عشان اتعلم واكتسب خبره من حد ؟ معلش استحملني انا اسئلتي كتير بس ده لأني بدات احب الهواية ديه جدا |
رد: ارشدوني لاول الطريق الصح
بسم الله الرحمن الرحيم
ازيك يادرش بص يا سيدي انا حقولك تعمل ايه 1: انا لو مكانك اشتري صيني وياريت نمره 1 لان بندقيه رخيصه نمره 2 حتحس انها ضعيفه انما النمره 1 حتكون ابعد مدي واقوي 2: انا لو مكانك برده حشتري الصيني لان المصري زززززززززززززززززفتوالحمد لله وفيه بندقيه صيني بام مش فاكر رقمها بس هيه موجوده علي فديوا في المنتدي تحت عنوان الجنان بعينه دي معقوله بس ما تعملش زيهم 3: تتمرن فين ده علي حسب مزاجك يعني ممكن في البيت بس لازم مسافه طويله وتخلي بالك جدا جدا جدا جدا وتكون متاكد ان مافيش حد ممكن يعدي يعني ممكن في غرفه مقفوله عليك وتكون انته جنب بابها علشان تكون واخد بالك من اي حد حيدخل 4: تعمل مصد وراء الهدف يكون الطلقه متخترقهوش وكمان تبات فيه متردش يعني 3 الواح خشب وراء بعض ويكون مش خشب ناشف اوي زي الزان لان ممكن مع بندقيه ضعيقه ترد ومش تخترق احنا عايزنها تبات فيه 5: بلاش تصطاد خالص جوه البلد لانها زحمه وانته مش حتاخد بالك ايه اللي وراء الهدف لان في البدايه الطير بيغري اوي ويخلي الصياد المبتدئ ينسي الدنيا وكمان لان لو الشرطه شافتك حتعملك محضر لانه ممنوع الصيد في الاماكن الاهله بالسكان خيلك علي الزراعي مثلا واي استفسار اخر انا تحت امرك عمرو ابوالعلا المحامي |
رد: ارشدوني لاول الطريق الصح
طبعا بعد كلام اخونا العزيز الاستاذ عمرو ابو العلا مش ممكن اعلق الا بكلمات صغيرة امش علي الخطوات الي قال عليها واوعا تسيب سطر واحد منها
|
رد: ارشدوني لاول الطريق الصح
اقتباس:
استاذ عمرو .. بجد انا متشكر جدا على كم المعلومات ديه .... ربنا يباركلك بص ... بالنسبه للمكان فكده خلاص امره اتحل وهو اني عندي شقه فاضيه على الطوب الاحمر لسه وفيها مكان طوويل الحمد لله وكده مشكله المكان اتحلت بالنسبه للبندقية فانا شوفت الفيديو وكان نوع البندقيه bam b4 ودورت لقيت سعرها في موقع http://www.dlairgun.com/BAM.html عامله 80 دولار يعني بالمصري حوالي 450 ... ده سعرها بره فمش عارف هنا تعمل كام المشكله اني زي ما قولت لحضرتك اني محتكمش على المبلغ ده .... انا اللي اقدر اوفره 250 جنيه ... فهل ولا فيه حاجه بديله ؟ معلش انا بسأل كتير وشكرا مرة تانيه على كرمك وذوقك |
رد: ارشدوني لاول الطريق الصح
اقتباس:
|
رد: ارشدوني لاول الطريق الصح
شد حيلك يا درش وعايز نعرف اخبارك اول باول ان شاء الله تكون من المميزين
|
رد: ارشدوني لاول الطريق الصح
إن شاء الله يا استاذ جلال
معندكش فكرة عن Bam b4 .. يعني سعرها في حدود كام وكده يعني |
رد: ارشدوني لاول الطريق الصح
اسعار البنادق الصيني يبداء من 500 الي 1800 بس مش عارف الموديل دة بكام حاليا
|
رد: ارشدوني لاول الطريق الصح
شكرا يا استاذ جلال وان شاء الله حنزل اسأل قريب عندنا في اسكندرية
|
| الساعة الآن 12:41 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir