| الشبح المصرى |
11-07-25 01:26 PM |
اهمية الفاتور مش للشرطة وبس
عاوز الفت نظر الاعضاء لحاجة مهمة ان الفاتور مش مهمة بس علشان تقدر تمشى بالمسدس الصوت فى الشارع لا ليها اهمية تانية وكبيرة وتكاد تكون اكبر من اى حاجة ان الفترة اللى فاتت اصبح فى الموضوع غش من التجار وبقى فى فرز اول وعاشر وتجميع فى مصانع فى الاسكندرية وسمعنا كتير الفاتورة اهميتها انها بتخليك ضامن المنتج وتقدر ترجعه للتاجر لو فيه اى مشكلة مش مجرد تدفع الفلوس والتاجر يقولك اسف معرفكش وده حصل مع ناس كتير قبل المسدس تاسل عن الفاتورة برقم المسدس وبالتاريخ لان بكده تقدر ترجع المسدس لو فيه اى حاجة وده قانون التجارة وحماية المستهلك واحنا مش بندفع فلوس قليلة احنا بندفع الافات فى شوية انتمونيا فا على الاقل يكونو شغالين مش كمان ندفع اضعاف السعر وفى الاخر يبقى بايظ ونحتار نروح لمين ونلف وندفع تانى فى التصليح علشان كده التاجر اللى تشترى منه تشترط عليه يجيبلك فاتورة من المحل او فاتورة باسمه هو شخصيا بيضمن فيها سلامة المنتج وفيها الرقم يا كدا يا اما المسدس لو فيه حاجة تعمل حسابك فى جزمة تتحمل لانك هتلف كتير اوى على ورش التصليح واللى هيدفعوك اللى وراك واللى ادامك وتقدر تروح للتاجر تقوله عاوز ارجعه والفاتورة اهى ولو رفض على طول تشتكيه فى جهاز حماية المستهلك واللى هيجيبلك حقك وانت واقف وبلاش اللهفو او الاستعجال او الانبهار بالحاجة لان دى النقطة اللى بيصطادو منها الناس واعرفو ان الموضوع هيتغير والاسعاء هتبقى فى الارض بعد كده ان شاء الله
|
