|
لصـد السلاح الابيض
1 مرفق
كنت عايز ياما حد يعملي الحته دي ياما وصف حد ممكن يعملهالي
هي فكرتها زي العيال المنحرفة مابتعمل بتلف قماشه على اديها في الخناقات بس بقى تتلبس على ساعد الايد الشمال وتبقى معدن قوي تصد بيها اي سلاح ابيض بامان في صورة لواحده زي الي عايزها من فيلم تروي |
رد: لصـد السلاح الابيض
حضرتك داخل خناقة ولا ايه يا عمرو باشا .... هههههههههههههه
|
رد: لصـد السلاح الابيض
مش بالضروري يافندم :d
بس حضرتك عارف الحالة العامة الي الناس فيها اليومين دول وكل واحد عايز يأمن نفسه |
رد: لصـد السلاح الابيض
إنها الحرب إذن، يا باشا أنت عايز تلبس البتاع دى فى دراعك وتمشى بيها، أنت عارف أساسا وزنها مش يقل عن أثنين كيلو وفى الحر الى عايشين فيه ده هتبقى حتة الحديدة دى جمرة نار، اساسا لو أنت عايز تأمن نفسك ضد السلاح الابيض اشترى أمريكان أستيك حجمها صغير وبجراب تتعلق على الحزام بتاعك وأى مشكلة أفردها فى لحظة وتعامل مع السلاح الأبيض، لكن الدروع إلى من العصور الوسطى والكلام ده مش ينفع، ونبص نلاقى الناس فى الميكروباصات لابسين عدة الحرب، وأساسا الناس مبتقتش طايقة نفسها دلوقتى وكل واحد يطلع سيفه وتبقى مجزرة، معلشى أعذرنى الواحد فى الحر ده بقى بيخرف.
|
رد: لصـد السلاح الابيض
اقتباس:
ولا انا قلت مثلا اني جايبها عشان امشي بيها علطول !!!!!!! وهو اصلاااااا زمان كانو بيلبسوها علطول ولااوقات الحرب بس!!!!!!! دي حاجه تبقى مع الواحد وهو داخل خنافه يادوبك زيه زي اي حد عنده سلاح ابيض في البيت وبيطلع يجيب ويخش الخناقة ودا الي العقل بيقولو في استخدام الي قلت عليه مش نلبسها علطول ومش عارف ايه وبعدين ولااي امريكان استيك انا عندي دراع مفتاح العجل صلب ومتني من ورا يعني ليه ماسكه ولااي استيك تصد ادامه وتحت رجلي علطول في العربية بس دول ملهمش اي علاقه بالفايده من الحاجه الي قلت عليها يعني واحد داخل عليه بمطوة ياااعم اقل حاجه وانت معاك الاستيك الي بتقول عليها دي لما تبقى ساعتها بقى حاطط الحوار دا ف ايدك مين موقفه هيبقى احسن في حين انه ممكن يهاجمك بكل بساطة ويوصلك ولو قرب منك اي لحطة هيضيعك انت بتهاجم اصلا فكرة الدروع ازاي وزمان كانت دي حاجه ميستغناش عنها اي جيش ولحد العصر الي احنا فيه دا في دروع مضادة للرصاص وفي الدروع الي بيمسكها مكافحة الشغب في الامن المركزي بس السؤال الي محيرني لما انت بتبقى كدا في الحر بتشارك ليه ههههههههههه |
رد: لصـد السلاح الابيض
خلاص روح لأى حداد هيعملك الحديدة دى وفيه صاج سميك واحد حداد نضيف يظبطهالك.
|
رد: لصـد السلاح الابيض
ممكن تجيب ماسورة حديد 4 بوصة مقاسها اطول من المعصم الى المرفق بقليل
و تقصها بالنصف عند الحداد ، يصبح معك نصفين تركب لكل واحد يد من الداخل و قطعة جلد و تدهنة و تظبطه كما تريد و يصبح لديك درعين خذ واحد و ارسل لى الثاني اقرب شبه لهذا الشكل غطاء عامود النور المعدن الفضي ، لكن اياك والمال العام الفكرة الثانية غطاء البرميل الحديد المدور ، ممكن تقصة و تعملة درع مدور أو تشتري مقلاة كبدة اسكندرانى أو فلافل صغيرة المونيوم محمل و تركبلها يد من الداخل وهذه اخف من الباقى وممكن تزينها و تغير ملامحها ، أو تدخلها فرن تلوين المعادن لكن المعروضة ممكن تشتريها من الخارج |
رد: لصـد السلاح الابيض
اقتباس:
روح ياشيخ الله يباركلك وان شاء الله لما اعملها هنزل صورتها عالمنتدى هنا وابعتلك رساله عشان تاخد بتاعتك |
رد: لصـد السلاح الابيض
وتخش خناقة لية من اساسة
|
رد: لصـد السلاح الابيض
اربط رباط ضاغط علي ايدك تحتيه قطعه حديد من الجانب العلوي ولو صغيره جدا والي بقولهولك ليه علاقه بالعاب الدفاع عن النفس
|
رد: لصـد السلاح الابيض
كل الكلام دا حجات بدائيه وملهاش لازمه مدام عايز تتعلم ازاي محدش يلمسك بسلاح ابيض او حتي اسود
اتعلم ازاي تدافع عن نفسك العب لعبه زي الايكيدو او جوجتسو او نينجيتسوا او كونغ فو سانده او حتي اساليب الي هتدفعه في الدروع دي اتمرن بيه شهرين تلاته في اي نادي مع مدرب محترف وركز 3 شهور هتبقا وحش مش هتحتاج سلاح نهائي وممكن بعصايت مقشه تجري شارع كامل |
رد: لصـد السلاح الابيض
كلام جميل و الطبيعى ان كل واحد من اما دخل الجيش أو اشترك في نادي وهو صغير
لكن هذا لا يمنع وجود اداة للدفاع عن النفس او لصد هجوم من مجرم |
رد: لصـد السلاح الابيض
الجيش مسك مجموعه بلطجيه وحرميه وقطاعين طرق لقوا معاهم اسلحه ناريه وبيضه ودروع ملي انت بتسال عليها بس دروع بلدي الكلام دا امبارح تقريبا
د |
رد: لصـد السلاح الابيض
اقتباس:
ولو حصل مع حضرتك مش شرط تحصل مع الناس كلها اقتباس:
اقتباس:
وبعدين مانت ممكن تلعب رياضة وانت معاك حاجه للدفاع عن نفسك برده والكونغ فو نفسه فيه سيوف وخناجر وفرمنشات.....سو وات وهي فكرة التدريب حلوة ف حد ذاتها بس انا يوم ماهفكر اني اتدرب وانا عندي 24 سنة هلعب حديد ده اخرري اقتباس:
اقتباس:
معلش يباشا استفسار بس الدروع البلدي دي عاملة ازاي |
رد: لصـد السلاح الابيض
الاخ الفاضل amr7
هذه القطعة تسمي bracers وتصنع من الجلد او الحديد اومن الاثنين معا وحضرتك ممكن تعملها بنفسك لمزيد من الاشكال المختلفة لها ممكن تعمل بحث علي صور جوجل |
رد: لصـد السلاح الابيض
يا جماعة القصة بسيطة هو بيدور علي الحاجة دي الذي يعرف يجيبها يقولة بس خلاص هو هيعمل بية اه ولا هيستخدمها في اه كل واحد عارف ظروف كويس شكرااا
|
رد: لصـد السلاح الابيض
مع احترامى الشديد معدش حد بيتخانق بسكينه او سيف حتى وان اولا بحترم فكرتك ولكن انت بتفكرنى ايام زمان كنت الف على اديه قماشه وبعدين كام مفتاح امبوبه وكانت بتنفع زمان ولكن دلوقتى بقت الخناقات بالخرطوش والطبنجات والبنزين وميه النار
هههه ممكن بقى تلف جسمك كله ههه بس انا ارجو انك تفضل بعيد عن المشاكل اخوك احمد المحلاوى |
رد: لصـد السلاح الابيض
اقتباس:
ممكن اكون عايش في بلد تانية غير مصر او انت الي عايش في بلد تانية :d وبعدين الف جسمي ليه طالما طبنجات وخرطوش هي دي هتاثر مع الحي ياعم الحج ولا قصدك بقى نخليها واقي رصاص ههههه بس تعرف احنا عندنا بقى بيتخانقو بالار بي جي وانا كنت هجيب واحد بس حالته معجبتنيش واهلا بيك ياريس |
رد: لصـد السلاح الابيض
اقتباس:
|
رد: لصـد السلاح الابيض
مكنش الاقصد الاستهزاء او السخريه ولكن نورت مصر
|
رد: لصـد السلاح الابيض
2 مرفق
جبت ماسورة 3 ونص بوصة
ورحت للحداد خليته يظبطلي الكلام دا....وطبعا طريقة التثبيت بكوع من الصيدلية زي الرباط الضاغط كدا ودي الصور شكرا جدا لكل الناس الي اقترحت عليا |
رد: لصـد السلاح الابيض
مبروك يا ريس الشغل ده عشره على عشرع والله
مشوار الالف ميل يبدء بخطوه و انت خلصته |
رد: لصـد السلاح الابيض
الله يبارك فيك شكرا يباشا
|
رد: لصـد السلاح الابيض
كده اول حطوه اعقبال الباقى و ربنا معاك و انا مقدرظروفك
|
رد: لصـد السلاح الابيض
اول خطوة ف ايه وظروف ايه يباشا مش فاهم حاجه :d
|
| الساعة الآن 04:47 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir