حرام عليك تبيعه
 

حرام عليك تبيعه ...

ملقتش ولا محل عنده مسدسات صوت فرز نضيف زى اللى كنت بشوفها قبل الثورة
بينو الوحيد اللى لقيت عنده طبنجات تقفيلها مختلف و نضيف زى بتاع زمان وكله ماسورة مقفولة وجديد لانج و 2250 جنيه (انا كنت شارى حلوان51 حى ب 1050 جنيه من المصنع!!!) وبرده انا مش خبير عسكرى عشان اجزم بجودة المسدسات الصوت بالذات , طبعا قبل الثورة كان اقل من كده بكتير قوى وبرده بينو ده كان اغلى واحد فيهم.

انا لفيت على كذا محل و ملقتش حد عنده مسدسات صوت زى اللى كان موجود قبل كده فقررت عدم هدر الاموال على طبنجة صوت تمنها اغلى من الحلوان الحى.
انا لسه كنت عنده النهاردة فى ارض الجولف وملوش فى الحى خالص و معندوش 9مم غير ذخيرة تركى صوت ب 5 جنيه الواحدة .... كتير اوى بصراحة

(اول مرة استخدمها على الايكول فولجا و اشوفها من جوة ... بارود البمب انضف من كده بكتير :) ... انا شوفت ناس هنا بتجرب تنتج ذخيرة و بجد انا متأكد ان الناس دى حتطلع انضف من كده بكتير و بربع التمن)

عشان كده الفولجا اللى معايا زى ما هوه و الكتابة عليه محفورة مش مكتوبة وعمرى مفكر ابيعه بعد ما لفيت و شوفت و ضارب فوق ال 500 طلقة و بنفس الاداء لحد دلوقتى مع تنظيفه كل 50 طلقة مثلا مش كل خزنة زى مبشوف الناس بتقول فى مواضيع كتير و كنت مستغرب.... بس طبعا مع الطلقات التركى اللى جربتها النهاردة دى يبقى لازم يتنضف بعد كل طلقة :)
و اعتقد انها الطلقات دى مشافتش تركيا ولا عمرها ركبت بحر :)
واكيد تقصر عمر اى مسدس حتى لو كان مدفع رمضان :)

انا مش خبير فى طلقات الصوت , بس بصراحة اول مرة اشوف طلقة 9 مم فى حياتى مش مكتوب عليها حرف واحد حتى , ومن خبرتى المتواضعة جدا هذه الطلقة تكلفتها لا تتعدى جنيه و نص حتى تصل للمستهلك النهائى (سعر البيع للمستهلك يعنى المستورد و تاجر الجملة و التجزئة كسبان) !!!

انا اصلا ابتديت اضرب بالايكول الفولجا ده كتير بدل مضرب بالحى اللى معايا .... دلوقتى الطلقة 9مم حى مصرى ب 40 جنيه جوه القاهرة ده لو لقيتها اصلا ..... اللى يرحم ما كان الناس القديمة بيشتروا الذخيرة الحية من الصعيد بالميزان زى الخضار و الفاكهة :)

رد: حرام عليك تبيعه
 

كلام تمام اخي و الحي البلجيكي ب120 عند المنسي

رد: حرام عليك تبيعه
 

120 جنيه كثير طبعا هو انا هاخد تار بيها و لا هاشتغل قاتل محترف!!!!!!!!

رد: حرام عليك تبيعه
 

دي 9ملي يعني اخرك تجامل بيها

رد: حرام عليك تبيعه
 

مضبوط و كان عنده حتة اف ان كنت حتجنن عليها بس كانت ب 170 بس .... لقيتها رخيصة اوى مجبتهاش :)

رد: حرام عليك تبيعه
 

طيب انت مستحرم علي مين بيع اية

رد: حرام عليك تبيعه
 

يعني العلبة كانت قبل الثورة بكااام ال9 مللي الحي والصوت قبل الثورة وبعد الثورة

رد: حرام عليك تبيعه
 

متابعة الادارة

رد: حرام عليك تبيعه
 

توعية ممتازة ...بس انت بتكلم مين التجار..ولا الأعصاء ..المفروض هنا فى المنتدى ..يكون فية توعية ..وتحذير..من اى تجربة يقع فيها صديق ..لأن التكلفة غالية...لك الشكر

رد: حرام عليك تبيعه
 

اكيد الاعضاء

رد: حرام عليك تبيعه
 

walahy enta ragel 3sl . we mwade3k shayqa gedn . besra7a 3gbtny awy . slam ya 3sl.

رد: حرام عليك تبيعه
 

170 بس كنت جبت حتتين ينفعوا حجاب :)

رد: حرام عليك تبيعه
 

اقل من 200 مشتريش :)

ده رزق الهبل على المجانين ,يا راجل حتة مسدس بالالوفات دى كلها وفى ناس مش لاقية تاكل , واللى يغيظك ان فى ناس بتشترى من المحلات بالاسعار دى فعلا :)

رد: حرام عليك تبيعه
 

++++++++++++++++++1

رد: حرام عليك تبيعه
 

انا كنت عامل ثلاثة 9 م ميداليات لي انا و اخواتي و بلجيكي والله يعني فاضل 6 ميداليات ويبقي معايا ثمن طبنجتك لما اشتريتها . استأذن ياجماعة اوصل اجيبهم منهم قبل ما يقروا الموضوع ده - تحياتي