|
للبيع البندقية التاريخية فالك 80
6 مرفق
تم البيع بحمد الله لأح محترم من أعضاء المنتدى
برجاء من الإدارة غلق الموضوع السلام عليكم ورحمة الله وبركاته ... للبيع ( للسفر للخارج ) البندقية التحفة التاريخية فالك 80 عيار 5.5 الصناعة : طبعا ألماني السرعة : 260 متر في الثانية . الحالة العامة : ممتازة وقوية جدا بها و ذلك لتشحيمها وتزييتها بعد كل طلعة . راكب عليها سوسته ديانا 52 وجلبة ديانا 52 . النيشان الخلفي يتحرك للأمام وللخف وهذه ميزة غير موجودة في اي بندقية حديثة . خامة البندقية من الصلب المنيع ( الذي يصنع منه الأسلحة النارية ) طريقة التعمير : بعتلة سفلية ( مثل ال بي إس إيه ) كل مكونات البندقية من الصلب ومعمرة وقوية جدا جدا جدا . والبندقية إنتاج سنة 1945 وتوقفت صناعتها لأن مصنعها انضرب في الحرب العالمية الثانية . ملحوظة يا جماعة من يمتلك هذه البندقية النادرة هو فقط من يعرف قيمتها حيث أنها من أدق البنادق عالميا . البندقية بها علاقتين لتركيب قايش لتعليق البندقية ( مثل الحي تماما ) أما السعر إن شاء الله 3600 جنيه للتواصل 01527768181 |
رد: للبيع البندقية التاريخية فالك 80
طيب بعد اذن حضرتك ممكن نشوف الصور وياريت تكون واضحة
|
رد: للبيع البندقية التاريخية فالك 80
ياريت الصور.
|
رد: للبيع البندقية التاريخية فالك 80
موفق فى البيع وياريت تنزل الصور
|
رد: للبيع البندقية التاريخية فالك 80
الصور ياباشا بعد اذن حضرتك
شكرا |
رد: للبيع البندقية التاريخية فالك 80
سرعتها قوية فعلا
|
رد: للبيع البندقية التاريخية فالك 80
يا جماعة البندقية دي لما تشيلها فعلا هتحس بفرق شاسع لان خامتها وتقلها وقوتها تحسسك إنك شايل بندقيه نارية بس بتضرب رش ههههههه .
و لولا إني مسافر مكنتش فرط فيها لأن دي تعتبر تحفة تاريخية لهواة الإقتناء بالإضافة إلى أنها مدفع حقيقي لأني مرة وقعت بيها صقر من على برج الضغط العالي من حوالي 80 متر . |
رد: للبيع البندقية التاريخية فالك 80
اقتباس:
|
رد: للبيع البندقية التاريخية فالك 80
بندقية جميلة جدا بس لولا ان مافيش معايا فلوس دلوقتى لانى لسه شارى نوريكا جيت كنت خدتها والله
بندقية جبااااااااارة ربنا يوعدنا بواحدة زيها ... قريبا ان شاء الله |
رد: للبيع البندقية التاريخية فالك 80
الله الموفق
|
رد: للبيع البندقية التاريخية فالك 80
اقتباس:
|
رد: للبيع البندقية التاريخية فالك 80
يا جماعه البندقيه دى تراااااث وثروه لا تقدر بمال
بندقيه عظيمه جدا انا عارفها كويس ويا بخت اللى هيقتنيها بالتوفيق فى البيع اخى العزيز |
رد: للبيع البندقية التاريخية فالك 80
اقتباس:
عموما خيرها في غيرها |
رد: للبيع البندقية التاريخية فالك 80
اقتباس:
أشكرك على إطرائك الرقيق وفعلا والله معاك حق ومش بس عشان بندقيتي لأ لان دي هي الحقيقة وربنا يبارك في اللي هياخدها ويعوضني بأحسن منها إن شاء الله |
رد: للبيع البندقية التاريخية فالك 80
بندقيه محترمه جدا واللي هيقتنيها هيبقي كسب كتير
|
رد: للبيع البندقية التاريخية فالك 80
بالتوفيق ........ على فكرة فى واحد قريب لى عنده واحدة زيها وعارضها للبيع هى فعلاً تراث وقيمة وقوية جداً
مبارك على البائع والمشترى ولو انا منك ما فرطش فيها ابداً تحياتى |
رد: للبيع البندقية التاريخية فالك 80
ازيك يا احمد بيههههههه طمنى عليك اولا مبارك للبائع والمشترى على هذه التحه الفنيه ثانيا انا عايز اقول للاعضاء انى اعرف احمد واتعملت معاه قبل كده وهو راجل قمه قمه قمه فى الادب والاحترام والذوق ومش بيتاخر عن الاخوه فاى حاجه
ثالثا بقى انا زعلان منك لانك قولتلى وانا نازل القاهره للنقابه هتصل بيك (فاكر ولالا) رابعا واخيرا وليس اخرا كل سنه وانت طيب يا باشا ويارب نشوك قريب |
رد: للبيع البندقية التاريخية فالك 80
بالتوفيق ان شاء اللّة بندقية اصيلة فعلا بس سؤال الدبشك والحديد بدهان المصنع ولا مدهونين قبل كدة
|
رد: للبيع البندقية التاريخية فالك 80
السلام عليكم ... معلش انا آسف ... البندقيه دى تراث ونادره وكل حاجه ... بس لو بيور ... وقيمتهافى انها متلمستش ... لكن اللى حضرتك عارضها دخلت على المخرطه واتعدل البستم ... وبعدين بينى وبينك انا مش مصدق حكاية 260 م/ث ... عايز اعرف حضرتك عرفت الرقم ده منين ... ولا عندك كرونى (جهاز لقياس سرعة الرش).... قصدى من كل الكلام ده ان البندقيه لو كلها فالك يبقى اطلب فيها اللى انت عايزه ... تحياتى وياريت متزعلش من رايى...
|
رد: للبيع البندقية التاريخية فالك 80
اقتباس:
أولا : أنا مش متقبل لكلامك بالمرة لأن كلام حضرتك مش منطقي خالص ويعني إيه البندقية دخلت على المخرطة واتعدل البيستم ؟؟ هو حضرتك من مجرد رؤية الصور !!! ما شاء الله من الواضح إن نظرك ثاقب جدا واخترقت الصور اللي انا حاطتها على المنتدى ودخلت كمان جوة البيستم وعرفت إنه مخروط !!!!؟؟؟؟ ثانيا : لمعلومات حضرتك البندقية دي قديمة جدا جدا إنتاج سنة 1945 تقريبا وصعب جدا حد يقدر يشتغل فيها بدون ما يخربها ودة لأن البيستم والماسورة يا بيه عبارة عن كتلة واحدة بدو لحامات أو فواصل فكيف يتم خرط البيستم بدون باقي البدن وكمان البندقية مصنوعة من سبيكة معدنية قوية جدا جدا وصعب تشتغل عليها بالمخرضة او اي شيء ومصنوعة بقياسات معينة وصعب أي خراط يشتغل فيها جدا . ثالثا : واضح جدا إن خبرة حضرتك قليلة لان حضرتك شوفت البستم من الخارج شكله مخروط لأنه على شكل مثلث فافتكرت إنها مخروطة هههههههههه وأحب أوضح لحضرتك إنها فالك 80 واللي حضرتك تقصدها المدورة من بره هي فالك 90 . وانا على الموقع وبعلنها على الملأ ... أنا أتحدااااااك امام جميع أعضاء المنتدى لو ثبت إن البندقية دي اتلمست قبل كدة لأنها ( very pure ) ذي ما قلت والله أعطيهالك بدون مقابل . رابعا : البندقية سرعتها أكتر من 260 متر ودة عشان أنا مركب عليها سوستة وجلبة ديانا 48/52 وانا قارنتها بالإير كينج اللي عندي وهي تضاهيها في السرعة والاختراق وأقدر أقول إنها تفوقها كمان . ودة لان الجلبة الفبر أفضل من الجلبة الزفرة القديمة بتاعتها بكتير . خامسا : ودة المهم أنا مش تاجر يا استاذ أنا مجرد ببيع حاجة لأني مستغني عنها . وأصلا لما بشتري عمري ما هشتري حاجة مخروطة قبل كدة ( لان الناس مقامات ) والحاجات دي ليها ناسها . ودة لان عندي بنادق أفخم منها وأعلى في القيمة مثل الديانا 54 إير كينج والفايروخ 80 فياريت بلاش نفتي في حاجة منعرفها تاني . ولان في أعضاء كتير ( محترمة ) بالموقع شافو البندقية وعارفين قيمتها ومعملوش ذي حضرتك عموما كل سنة وانت طيب |
رد: للبيع البندقية التاريخية فالك 80
اقتباس:
إنت فعلا اللي شخص محترم ومهذب وانا فعلا اتشرفت بيك بس انت عارف مشاغل الحياة وعموما انا مانزلتش القاهرة يوم ما قلتلك . وانت فعلا اللي شخص قمة في الادب والاحترام والاخلاق . وكل سنة وانت طيب وبألف خير |
رد: للبيع البندقية التاريخية فالك 80
اقتباس:
وصعب الواحد يلعب في التحفة دي ويشوه جمالها بلون مش اصلي |
رد: للبيع البندقية التاريخية فالك 80
السلام عليكم ... اولا حضرتك متعرفنيش عشان تقول عليا خبرتى قليله او معنديش خبره خالص ... منكم نستفيد ... وبالنسبه للبنادق الحمد لله امتلك من البنادق احسنها ... ومنهم الفالك 80 ... ياسيدى الفاضل انا قريت عن التعديل وبكلمك فيه ... وبكلمك فى السرعه قلتلى انا قارنت ... معلش فى اللعبه دى الارقام هيا اللى بتحكم ... انا مش قصدى حاجه ... بس عشان البندقيه اللى معايا سرعتها مش كده ... وحضرتك بقى فهمت غلط ... ربنا يباركلك ... تحياتى .
|
رد: للبيع البندقية التاريخية فالك 80
يا أستاذ أحمد روك
البندقية اللي عندي مركب عليها سوسته ديانا وجلبة ديانا 48/52 يعني اكيد هتفرق في السرعة والقوة عن السوستة القديمة العادية والجلبة الزفرة ودة حصل بدون أي تعديل أو خرط في جسم البيستم لأن قطر البستم في البنادق الألماني 90% بيكون واحد انا كل اللي عملته فكيت الجلبة القديمة ووضعت مكانها جلبة ديانا ودة كمان حصل بالنسبة للسسته . ودة أعطي لذراع التعمير قوة ملحوظة جدا وتقل جدا وعايز اتنين معاك عشان تعمرها وفرق جدا جدا في قوة البندقية . وكمان يا سيدي ما تزعلش أنا قيست السرعة بس مش بجهاز كروني أنا قسته بطريقة بسيطة جدا كنا بنستخدمها في الجيش وهي استخدام الاستوب وتش الرقمي وسماع صوت ارتطام الطلقة بالهدف وحساب الوقت على المسافة مع ضربهم في السرعة هيعطيك سرعة تقريبية للمقذوف . ها يا سيدي براءة كدة ولا لسة عندك كلااااااااااااام !!!! .... وعلى فكرة انا اعرفك كويس واعرف إنك شخصية محترمة بس انت ما تعرفنيش أوي يعني تحياتي ليك |
رد: للبيع البندقية التاريخية فالك 80
السلام عليكم يا ترى العرض مازال قائم ولا تم البيع ياريت الرد مع الشكر
|
رد: للبيع البندقية التاريخية فالك 80
السلام عليكم
انا سعيد جدا لانى لقيت حد معاه هذه البندقية لانى امتلك واحدة والدى هدانى بيها وانا صغير فى السبعينيات وكانت بتاعته اصلا البندقية دى وقعت نسر كان طاير ووقف على شجرة وانضرب بيها وبعد ما الطائر الغريب (مكناش نعرف ايه ده ) فوجئنا انه نسر وسبحان الله كان فى رجله سلسلة حديد مش عارفين طاير بيها ازاى المهم الف مبروك على الشارى |
رد: للبيع البندقية التاريخية فالك 80
اقتباس:
معلش خيرها في غيرها البندقية اتباعت |
| الساعة الآن 06:12 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir