|
زيارة الي اصدقاء اعزاء
كنت في رحلة عمل الي محافظة الغربية امس وانا في طريق عودتي التقيت بالاستاذ احمد شوقي ( ابو الشوق ) وكم اسعدتني هذة المقابلة وذهبنا سويا الي شبين الكوم للقاء الاستاذ احمد كمال ( ستاير ) وامضينا بعض الوقت معا وللحقيقة كنت في غاية السعادة للقاء الاخوة الذين كانوا نعم الاخوة والاحترام والادب والزوق وتحدثنا وتبادلنا الاحاديث
في مجال الصيد والبنادق والمميزات والعيوب لبعض الانواع وللحق يتميز الاستاذ احمد كمال بالعلم الوفير والادب في الحديث الذي قلما تراة او تلمسة في بعض الناس الان ام حبيب قلبي ابو الشوف فو الله هو شخص جميل ادب وعلم واحترام وكرم ومساعدة للناس قدر المستطاع . طبعا الناس ها تقول اية علاقة دة بالصيد انا بكتب دة علشان في المنتدي تقرب من بعضها وتزور بعضها يعني مرة في المنوفيىة مرة في بورسعيد مرة في المنصورة مرة في الفيوم والتانية في سوهاج وبعدها الاسماعلية الخ... ونبقا عائلة واحدة ولينا محبة ودلال علي بعض وشكرا للاخوة علي الترحاب والكرم الذي قابلوني بة |
رد: زيارة الي اصدقاء اعزاء
جلال باشا
واحشني والمنتدي كله واحشني معلش كنت منقطع لظروف العمل وأكيد إللي إنته قلته صحيح لإن قبل الصيد أو أي حاجه العلاقات الإنسانيه أهم مش باقي غير المعروف ومعرفة الناس الحلوه مستنيك في مطروح صيف أو شتاء إنت وأي حد من الحبايب |
رد: زيارة الي اصدقاء اعزاء
انت فين يا حسام انا قلت انك هاجرت وعديت الي الجماهرية انا لازم اشوفك فعلا وعلي فكرة لو في صيد عندكم قول بس وانا اجي مع الحبايب
|
رد: زيارة الي اصدقاء اعزاء
والله يا جلال بية الزيارة دى كنت مستنيها من زمان وكنت متشوق انى اتعرف عليك وكمان نفسى اقابل بقية اعضاء المنتدى الافاضل
بس خالى بالكالزيارة كانت قصيرة احنا لسة مشبعناش منك الزيارة الجاية هتكون اطول زيا ريت كلنا نتجمع فيها مع باقى الاعضاء |
رد: زيارة الي اصدقاء اعزاء
اقتباس:
هتبقى رائعه جدا ونقابل اعضاء المنتدى كلهم ونتعرف عليهم بس ليه الاسماعيليه فى اخر مكان (خليها فى الاول) وبفكر حضرتك بميعادنا يوم الجمعه |
رد: زيارة الي اصدقاء اعزاء
السلام عليكم
جلال بك والله انت نورتنا وانا كنت فى غاية السعاده من لقائى بيك انت واحمد ربنا يديم الود والحب وما تنساش احنا منتظرينك زى ما وعدتنا |
رد: زيارة الي اصدقاء اعزاء
الاخ العزيز المحترم احمد
ام شاء الله لازم اكون معاكم عن قريب لاني حسيت اني وسط اخواني وكأني في بيتي وربنا يعلم انا كنت سعيد قد اية وتن معاكم وربنا يديم المعروف |
| الساعة الآن 02:05 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir