|
بندقيتى العزيزه norica twin
السلام عليكم
اريد ان اعرض عليكم بندقيتى و اريد ان اعرف كل المعلومات عنها من الخبراء متى انتجت و سرعة الرشه الخ مع العلم انها cal 4.5 و اسمها نوريكا توين و شكراً مقدماً http://topgun.rin.ru/images/2433_1.jpg |
رد: بندقيتى العزيزه norica twin
السلام عليكم و رحمة الله و بركاته يا أهلا و سهلا بيك في المنتدى و ألف مبروك عليك التوين و تتربى في عزك ان شاء الله... النوريكا توين من البنادق القليلة جدا في مصر و توقف انتاجها تقريبا منتصف التسعينات و في الغالب موديل بندقيتك متأخر اي انها من الموديلات متأخرة الصنع و حتلاقي سنة الانتاج على بلوك الماسورة او الجزء المربع بعد الماسورة مباشرة... الخاصية الفريدة في هذة البندقية هي امكانية تغيير الماسورة بين عيارين نمرة واحد و نمرة اتنين و الماسورتين يباعوا مع البندقية و يمكن تغييرهم بفك مسمار في آخر البلوك السابق الذكر (تحت بكرة النشان الأفقية تماما) ثم سحب الماسورة و تغييرها... البندقية منخفضة السرعة تصلح للتدريب على النيشان و الصيد من مسافات قصيرة و ممتازة لخفة وزنها. مواصفات فنية: -الطول: 114 سم -طول الماسورة: 49 سم -الوزن: 2.82 كجم -السعة: رشة واحدة -السرعة: نمرة واحد 185 متر/الثانية و نمرة اتنين 155 متر/الثانية -الطاقة: 8.6 جول. |
رد: بندقيتى العزيزه norica twin
مبروك يا أستاذ محمد وائل عالبندقية الجميلة , ومنتظرين صور طلعات الصيد بتاعها ان شاء الله وشكر جزيل لأستاذ محمد صفوت على معلوماته المفيدة التى استفدت منها لأنى أول مرة أسمع عن هذه البندقية البندقية اسم على مسمى لأن كلمة twin معناها توأم , وهذا دلالة على أنها بندقية بروحين , يعنى كأنك بتشترى بندقيتين فى بندقية واحدة. |
رد: بندقيتى العزيزه norica twin
العفو يا دكتور محمد ده بس من ذوقك و بالنسبة للبندقية التوين فهي فعلا من التصميمات العجيبة و لكن تعدد المواسير لنفس السلاح فكرة في حد ذاتها جميلة و لكن المهم التصميم الجيد لها...خالص تحياتي و كل سنة و حضرتك و الأسرة الكريمة بصحة و سعادة . |
رد: بندقيتى العزيزه norica twin
مشكورين جميعاً بس انا مش استاذ انا عندى 15 سنه و عايز اطلع اصطاد مع حد من الاعضاء الكرام
|
رد: بندقيتى العزيزه norica twin
اقتباس:
ان شاءالله تلاقى الصيادين الكرام هنا يتعاونوا معاك وتطلع معهم طلعه جميله |
رد: بندقيتى العزيزه norica twin
محمد وائل .. انا كمان عندى 15 سنة ههههههه .. وعلى فكرة انا برضه معايا نوريكا بس اللى عندى نوريكا جيت وانا من الاسكندرية ولو انا جاى القاهرة قريب ان شاء الله لازم نتقابل .. ولو انت نازل اسكندرية لازم تقولى عشان اقابلك ونروح نصطاد سوا .. ماشى ؟
|
رد: بندقيتى العزيزه norica twin
بئزن الله و شكرا على المرور
|
رد: بندقيتى العزيزه norica twin
اقتباس:
|
رد: بندقيتى العزيزه norica twin
بندقيه تصميمها جميل فعلا ربنا يباركلك فيها وياكلك من صيدها
|
| الساعة الآن 01:33 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir