ايها الصيادون( احذروا) طلعت
 

اسعدنى حظى بمشاهدة المهندس/طلعت امس وهو يصطاد وهنا وجب ان انبهكم انه صياد خطير ورامى متميز
واحذر كل من يسعدة الحظ بمرافقته فى اى طلعه مما سيراة ويشاهدة///
1- دقه عاليه جدا فى الرمى تصل الى 100%
2-الرمى من مسافات بعيدة انت لا تفكر ان ترفع عليها اصلا
3- انه يحمل معه مدفع جديد فخم (ديانا 54) يصيب من مسافه شاسعه
فعلى كل من يفكر ان يرافقه فى رحله ان يعرف انه لن يصيد اى حاجه لانه لن يلحق ان يضرب اصلا لسرعه المهندس طلعت فى التنشين والرمى وسرعه اعادة التعمير
لذلك وجب التنويه وعلى من يفكر فى مرافقته ان يضع فى الحسبان انه لن يصيد شىء وسيكتفى بالفرجه على السيرك اللى بيعمله الاستاذ طلعت
فشكرا له على هذة الطلعه التى تعلمت منها ومنه اننى ما بعرفش اصطاد

رد: ايها الصيادون( احذروا) طلعت
 

قال إيه واحنا كان نفسنا نتجمع ونطلع, لأ بلاشها بقى لحسن نرجع بخفي حنين ههههههههههههه

رد: ايها الصيادون( احذروا) طلعت
 

انا كان نفسى اطلع مع أ/طلعت فى هذه الرحلة ولكن لم يسعدنى الحظ ولكن الرحلات جايه كتير لان نفسى اتغرج على طريقة صيد الصيادين وهم يطاردوا ويصطادوا ....

ولولا تركى لمجال الصيد والرماية من سنين لكنت انافسكم فى دقة التنشين واصابة الهدف ولكن مش بنفس سرعة الاستاذ طلعت لان مهما كان يديه متدربتين على التنشين من سنين طويلة وعنده من الخبرة ما يؤهله لذلك..........

ولكم منى كل حب وتقدير........

رد: ايها الصيادون( احذروا) طلعت
 

ياحاج صلاح طلعت من المدرسة القديمة يعني لو الصيد سهل يبقا مش عايزينة ولو صعب اهلا بية دانتا كمان ما شفتش الواد ريناتو ابنة حدوتة صياد من العيار الثقيل وربنا يشفية ويقومة بالسلامة .
ومعلش انا فتتني الرحلة دية بس معلش كان في ظروف فعلا ما طلعتش خالص وخيرها في غيرها ...

رد: ايها الصيادون( احذروا) طلعت
 

السلام عليكم


أذا كان الموضوع عن أخى الكريم المهندس طلعت يبقى لازم أشارك فية وبالرغم من أن أستاذنا الكبير اللواء صلاح

لم يترك شىء يقال ولكن أحب أن أقول ان أخونا المهندس طلعت فعلا من الناس الذين تحب أن تخرج معهم فى


رحلة صيد ليس فقط لمجرد المهارة فى الصيد ولكن لأن عندة فعلا سلوك الصياد الحقيقى هذا الى جانب جمال

الحديث حول أى موضوع يخص الصيد و الرماية


وله منى كل الأحترام


وشكرا

رد: ايها الصيادون( احذروا) طلعت
 

استاذ طلعت مينفعش نقول علية اكتر من انة صياد بيعشق الصيد بجنون وربنا يوفق ويجيب الذي في دماغة يارب

رد: ايها الصيادون( احذروا) طلعت
 

باين عليه صييد؟؟ و الله انا كنت كده زمان بس مشعارف حالتي دلوقت ؟؟ من شده إعجاب ظابط المدرسة بتنشيني بضغط الهواء قالي إنت تضرب نار احسن" و كنت لسه في اولى ثانوي و مكنش مسموح لاولى ثانوي الضرب بالنار و راح الفريق في ميدان الرماية لقيادة شمال الدلتا العسكرية و عمرلي هو بالمورس و قالي ماتخفش و لكني و إنزعجت من صوت البندقية و ردة فعلها في كتفي و لكن في الضربة التانية كنت متأكد ان الضربة ماجتش في المكان اللي انا عايزه و قلتله البندقية دي مش مظبوطة و امر العسكري يجبلي واحد تانية و طلعت مظبوطة و فرتكت كل الأهداف بس روحت لقيت ودني بتصفر" الله انا كنت صغير عالرمي بالنار" بس كانت تجربة رهيبه

رد: ايها الصيادون( احذروا) طلعت
 

شكرا ابو سيف على مشاركتك فى الموضوع بس انت مش محتاج انك تعلق على الموضوع لانك انت صاحب فكرة الرحله دى وانت من تألقت فيها وتعاملت مع السلاح بمهارة رغم ماحدث فى البندقيه من عطل واعتقد انك كنت الافضل( مع الاحترام للمهندس تامر) وتعتبر ملك الرحله رغم ان البندقيه جديدة عليك وقد ضربت على مسافات بعيدة واصبت واسقطت(ضربه الزقزاق) كانت بعيدة جداااا وشكرااااااااااااااا على الرحله الجميله بس كان ناقصها الاستاذ جلال عم الكل وطبعا يا جماعه دى صورة للقناص عالماشى كدة

رد: ايها الصيادون( احذروا) طلعت
 

من الواضح اننا فاتنا نص عمرنا:(

رد: ايها الصيادون( احذروا) طلعت
 

اوبااااااااااااااااااااااااااا
على فكرة يا جماعة دية كانت المفروض تسمى رحلة العملاقة
واحنا عايزين نتعلم على ايد البشوات دول
يارب يتبننونا

رد: ايها الصيادون( احذروا) طلعت
 

أولا أنا لي أكثر من ثلاثة أيام لم أقم فيها بفتح الكمبيوتر من أساسه وده لظروف مرض أبني وبعض هموم ومشغوليات العمل واليوم بافتح الجهاز فوجدت هذا الموضوع .....................
أقسم بالله العلي العظيم أنا فضلت لمدة 20 دقيقة مذهول وكل مشاركة أقراها تدمع عيناي لحد مادخلت علي زوجتي فاأصيبت بحالة ذهول
مالك في أيه
سيبيني شويه مش قادر أنطق
ريحني وقولي في أية ويبدوا أنك فاتح المنتدي اللى بتحبه بعد الشر في حد من أصدقائك فيه حاجة
بعد الشر كلهم زي الفل والحمد لله
تعبتني طيب فيه أيه
تعالي أقرئي وشوفي بنفسك
ده الحوار اللي دار بيني وبين مراتي بعدها قالت لي صحيح اللي يحبه ربه يحبب فيه خلقه
أنا بحبكم جميعا بجد
ولساني عاجز عن الرد وأن كنت هارد لازم علي كل واحد علي حدة
والله ماعارف أتكلم ............والله ماعارف أتكلم .................والله ماعارف أتكلم

رد: ايها الصيادون( احذروا) طلعت
 

يا عم طلعت انت تستاهل اكتر من كدا وانا اعرفك بقالي سنة ونصف وحاسس اني اعرفك من 46 سنة ودة عمري
ولما قربت منك لقيت انك انسان بمعني الكلمة فيك حاجة غريبة بتجذب الناس ليك ولو جينا نفسر الموضوع دة فنلاقي ان معدنك الثمين وطريقة تفكيرك وتعاملك مع الناس فيها كل المحبة والود الي يخلي الواحد عايز يقرب منك كمان وكمان وربنا يزيد محبة الناس ليك يا طلعت

رد: ايها الصيادون( احذروا) طلعت
 

أبويا علمني وأنا صغير أن الكبير لما يقول حاجة الصغير يقول أمين لكن لازم أكسر كلام أبويا وأرد علي أحلي وأجمل كبير عيني شافته علي الأطلاق
ياجماعة سيادة اللواء صلاح شخص لا تستطيع أبدا مهما أوتيت من تحكم في مفردات اللغة أن تصفه أو توفيه حقه أدب أيه أخلاق أيه أحتضان بمعني الكلمة يعني تحس برفقته بأنك مع أخوك الكبير الحنون أو أبوك اللي وجوده جنبك يعني الدنيا كلها جنبك
وبيقولك طلعت صياد جامد
ده ياخوانا بطل بكل معني الكلمة
أستاذي وكبيري وكبير المنتدي
لك كل الحب والأعزاز والتقدير ولما أعيش عمر علي عمري تفضل أستاذي وأتعلم منك

رد: ايها الصيادون( احذروا) طلعت
 

ياجلجل أبوس راسك............. ياأغلي الغاليين
كفاية كل الحب ده
وأنت والله ياجلجل أنسان من دهب
والله العظيم أنا وأهل بيتى كلنا بنحبك
وأنا باعلنها من خلال المنتدي علي الملأ أنه علي مدي عمري من أعظم الأشياء اللي حصلت لي هي
صداقتك الغالية المرتقيه عندي لدرجة أكتر من الأخوة
ربنا يخليك ليا يارب ياجلجل

رد: ايها الصيادون( احذروا) طلعت
 

يابشا ده أنت تشرف وتنور وبعدين أنت شكلك كده عملاق ومخبي.......... ولا أيه؟؟

رد: ايها الصيادون( احذروا) طلعت
 

يا عم طلعت بلاش التواضع الكبير كبير

رد: ايها الصيادون( احذروا) طلعت
 

أنت أنسان جميل يابو الشوق ونفسي بجد أتشرف بمقابلتك وأنا أن كنت كبير فأنا كبير بالحب اللي بينا

رد: ايها الصيادون( احذروا) طلعت
 

حبيب قلبي ياسمسم ربنا يارب يحقق لكل منا حلمه

رد: ايها الصيادون( احذروا) طلعت
 

حبيبي سموحة تحل أهلا وتنزل سهلا معانا في أي رحلة
أحنا أخواتك لو معندكش مانع

رد: ايها الصيادون( احذروا) طلعت
 

بص بقي أنت بالذات أنا مخليك للآخر علشان أحلي ولكن مش هارد عليك النهاردة علشان الساعة دلوقتي واحدة ونص بعد منتصف الليل ولازم أنام علشان مسافر بكره الصبح ولما أرجع أرد عليك الرد اللي يليق بك

رد: ايها الصيادون( احذروا) طلعت
 

طيب يا جماعه ابقوا اقتكرونا برنه بلاش اتصال

رد: ايها الصيادون( احذروا) طلعت
 

يا جماعه بجد مع انى لسه عارف المنتدى مكملتش شهر الا انى و الله عينا دمعت و انا فى الشغل اصلا و سط زمايلى اما قريت الموضوع ده
بجد ربنا يباركلكم كلكم فى منتهى الذوق و الادب و الاخلاق اللى فى الدنيا
ربنا يزيدكم من فضله
و الله مع انى مقابلتش حد منكم غير استاذ اسامة و يادوب كلمت استاذ جلال و كاريزما و الشيخ مجدى كام مره و صدعتهم معايا و لاقتهم قمه فى الاخلاق و الاحترام و حب المساعده الا انى بحترمكم كلكم من دلوقتى و بتمنى ربنا يرزقنى و اتعرف على الناس الجميله دى اكتر
ربنا يديم المعروف بينكم و يرزقكم التآخى فى الله على الدوام :)

رد: ايها الصيادون( احذروا) طلعت
 

أخي محمد أشكرك علي زوقك وأدبك ومشاعرك الفياضة

رد: ايها الصيادون( احذروا) طلعت
 

ياباشا ده أنت الكل في الكل وأنت سبب الصحبة والمعارف الجميلة دي كلها وزعلك المرة دي عندي أنا شخصيا لكن والله ماكان مترتب لها قوي دي جت كده عموما الرحلة الحلوه بجد هاتكون عندك قريبا أنشاألله

رد: ايها الصيادون( احذروا) طلعت
 

احلى اغضاء قى الدنيا .... لكم اجمل تحية .......

انا حقيقى لسانى عاجز عن الكلام من كتر ما شوفت قمة الحب والمودة والاخلاق والذوق الرفيع بينكم وحقيقى انا بندم على انى متعرفتش على المنتدى واعضاؤه من زمان ....

ارجوكم ادعوا لى انى ارجع ايام زمان وانى اشترى البدقية اللى انا بعت زيها زمان وهى الساحرة الdiana 48 ......

اجمل تحية وحب وتقدير واحترام لاخلى اعضاء........

رد: ايها الصيادون( احذروا) طلعت
 

السلام عليكم


يا بشمهندس هتقول أية بس صدقنى فعلا أنا مش ببالغ لما بقول أنك من أمهر الصيادين و أنك تتحلى بأخلاق


الصياد الحقيقى بس صلاح باشا مخلاش حاجة تتقال تانى فى الموضوع


وشكرا

رد: ايها الصيادون( احذروا) طلعت
 

ياجماعه ان الكلام يخص طلعت بخييت فالكلام في مكانه ومحله ولاكن انتو نسيتو ان الراجل ده رمش داهيه في الصيد بس لا كمان في موضيعيه واسلوبه وفارس القلم في المنتدي ولا تنسو ان القلم رصاص
فهو بحق جينيرال هذا المنتي ونجمه اللامع
تستحقها والي المام ياجينيرال
من اخوك
محمدانور

رد: ايها الصيادون( احذروا) طلعت
 

شكرا اخى محمد انور
بس فى الحقيقه طلعت ماخلاش حاجه ورمى رميات عجيبه وغريبه
مع قدرته الهائله على الاحتفاظ بابتسامته المتالقه دائما وعلى راى محمود عبد العزيز(فيلم العار)
بلا جينيرال بلا نيله بقى

رد: ايها الصيادون( احذروا) طلعت
 

أحبائي وأصدقائى وأخوتي الغاليين علي قلبي جدا
الكبير العظيم صلاح باشا الأب الروحي للمنتدي
أخويا الغالي ألأمبراطور كما يحلوا لي أن أناديه محمد أنور
صديقي الصدوق أمهر الرماة وعم القناصين أشرف باهي
والله للمرة الألف عقد لساني وجف قلمى وحلقي وذابت مني مفرادت اللغة فلم أجد ماأقوله سوي أن أهديكم هذه الأبيات للأمام الشافعي رحمة الله عليه

إ إذا المـرء لا يرعاك إلا تكلفا ... فدعه لا تكثر عليه التأسـفا

في الناسِ إبدالٌ وفي الترك راحةٌ ... وفي القلب صبرٌ للحبيب ولو جفا

فليس كل من تهواه يهواك قلبه........ وليس كل من صافيته لك قد صفا

اذا لم يكن صفوا الوداد طبيعة ........... فلا خير في ود يجيء تكلفا

ولا خير في خلٍ يخون خليله .......... ويلقاه من بعد المودة بالجفا

وينكر عيشا قد تقادم عهده ......... ويظهر سرا كان بالامس قد خفا

سلام علي الدنيا اذا لم يكن بها........ صديق صدوق صادق الوعد منصفا

رد: ايها الصيادون( احذروا) طلعت
 

السلام عليكم



عندى أضافة صغيرة على هذا الموضوع وهى أن هذا الموضوع يوضح التأخى والمحبة والأخلاق الرفيعة بين


محبى هذة الهواية وكيف يرى كل رامى أو صياد الجمال فى الرامى أو الصياد الأخر قبل أن يراها فى نفسة

وكيف يمدح كل رامى أو صياد صديقة دون أن يتذكر أن يتحدث عن نفسة حتى لو كان يتفوق علية فى الخبرة

و المهارة فكل منا يرى الأخر وبكل تواضع أنة الأفضل وهذا مايجعل محبى هذة الهواية أن ينظرون لبعضهم البعض


نظرة أحترام ومحبة ويحاول كل من محبى هذة الهواية أن يتنافس على الأخلاق الرفيعة قبل أن يتنافس على أى شىء أخر

وهذة الأخلاق هى التى يجب أن تتوفر فى كل رامى أو صياد قبل أى شىء



وشكرا

رد: ايها الصيادون( احذروا) طلعت
 

أنا معنديش تعليق يا أشرف علي كلامك ده يكفي أقولك أن أنا لما قرأته فضلت أصفق وأقول الله يفتح عليك كمان وكمان ياأجمل صياد شافته عيناي