|
فكرة بندقية صيد 9 ملم
1 مرفق
الأخوة الأعزاء شهر مبارك عليكم جميعا تقبل الله منكم الصوم و سائر الأعمال فكرتي بسيطة جدا انا صراحة أقتبستها من الرشاش الصوت الأيكول لما شفت التصميم الداخلي وجدت أنه عبارة عن مسدس جاكال متركب داخل جسم خارجي و معمول له لسان تعمير خارجي و فكرت ليه ما نستخدمش نفس الفكرة و ندمجها مع فكرة موضوع الأستاذ ( guns ) في المسدس الريتاي مع الباشا الكبير / ياسر كفافي في تغيير الماسورة و عمل ماسورة تركب قلاوظ لعمل بندقية صيد 9 ملم ( هوم ميد ) أنا الفكرة قدامي علي المستوي النظري ممتازة بس باقي التجربة أرجو من السادة الخبراء أبداء الرأي و اذا حد حب أنه ينفذها فلا أسمح له الا ان يطلق عليها اسم بندقية نور 1 علي أسم أبني الأصغر دعاوتكم له بالشفاء في هذه الأيام المفترجة . ما أطولش عليكم أنا أتوقع انها حتكون أحسن مليون مرة من البندقية الرش و كمان مدي أطول و قوة أكبر مشكلتي الحالية مع البودي الخارجي أزاي أنفذه لو حد يشترك أهلا و سهلا . سبحان الله و بحمده سبحان الله العظيم |
رد: فكرة بندقية صيد 9 ملم
ربنا يعفوا عن نور ويارب بالتوفيق...
|
رد: فكرة بندقية صيد 9 ملم
ربنا يشفي نور هي فكره رائعه بس يا ريت نتعاون في المنتدى و بخبره الناس القدامى نحاول ننفذها
|
رد: فكرة بندقية صيد 9 ملم
الف سلامة على نور بس لو اتعملت البندقية زى مابتقول مش هتنفع للصيد بسبب :
- النشان مش هيكون تمام - مش هيبقى فيه مدى كبيرك 10 متر بس - الثمن الباهظ للطلقة علبة الرش 250 رشة فى حدود 25 جنيه مش هيجيبو خمس طلقات صوت وده اهم سبب لفشل الفكرة |
رد: فكرة بندقية صيد 9 ملم
الفكرة حلوة وعلشان تتعمل بدون مشاكل الاجزاء تتعمل على مسدس ساقية هيركبله دبشك طويل وماسورة طويلة لان الساقية بسيطة واعطالها قليلة ومش هتعمل حاجة غير الدبشك والماسورة بس
|
رد: فكرة بندقية صيد 9 ملم
غالبا انت تتكلم عن خرط ماسورة جديدة للمسدس بطول ماسورة بندقية صيد تقريبا ثم تحتاج الى تعديل كبير بالمسدس نفسه لالغاء عملية رجوع الاجزاء (تعمير بشد الاجزاء يدوىا) و بالتالى تصبح طاقة الانفجار بالكامل موجهة للبلية داخل الماسورة التى يجب ان يكون مقاسها شبه مطابق للبلية و لا يسمح بتسرب الغاز ... التكلفة المتوقعة بالاضافة الى تكلفة الطلقات كما ذكر الاخ طارق تجعل الفكرة غير عملية.
|
رد: فكرة بندقية صيد 9 ملم
هتبأة أحلي لو اتطبقت علي الآلي اللي شبه العوزي
|
رد: فكرة بندقية صيد 9 ملم
والله اينتا راجل ميه ميه كفايا اينك فكرت فى الموضوع بس هوه موضوه هيتكلف كتير والبلد مقذمه مع الكل ثم اينتا هتجيب مسدس أو رشاش صوت علشان تقلبه لبندقيه رش ده يبقى حرام
أنا معاك نقلب بندقيه رش لبندقيه 9 ملى وأنا بحاول أشتغل عل الموضوع ده لسه فكره مطبقتهاش ويارب يشفيلك نور وتخف بالسلامه |
رد: فكرة بندقية صيد 9 ملم
اقتباس:
|
رد: فكرة بندقية صيد 9 ملم
الفكرة حلوة .. بس عايزة حديد صلب حرارى وخراط شاطر ويتعملها دبشك حلو .. المشكلة فى الماسورة ومدى الطلقة .. انت عارف إن الرصاص بتاع القنص بيكون جسمه كبير وكمان خازن للطلقات .. على العموم ربنا يوفقك وهى عايزه تخطيت كبير وواسع .. تحياتى ..
|
رد: فكرة بندقية صيد 9 ملم
فكرة حلوة بسالتنفيذ يبقي احلي لو بنكلم في مسدس حي ويتحول لبندقية 9 ملي حي واعتقد دا اصلا معمول في بعض البنادق الصغيرة
|
رد: فكرة بندقية صيد 9 ملم
السلام عليكم الفكرة حلوة جداً من الناحية النظرية وأحيى صاحبها ولكن من الناحية العملية للأسف مش هاتنفع بندقية صيد لسببين 1- الماسورة اللى هاتتعمل لازم تكون مششخنة علشان دقة التصويب لأن ده مش مسدس بلى هانضرب بيه على 5-6 متر , دى بندقية هانضرب بيها على 60 - 70 متر , ولو مش مششخنة يبقى مش هاتنفع فى الصيد وطبعا لو اتعملت ماسورة مششخنة ... اللى هايعملها واللى هايستخدمها هايروحوا فى داهية ده غير أن البلى مش هاينفع على الماسورة المششخنة لأن البلى مش ممكن يكون دقيق فى النشان (ولا انتوا ناويين تستخدموا طلقات حي؟؟؟!!!). 2- تفتكروا ممكن نصطاد بالبندقية دى فين ؟ ومين ممكن يستحمل صوتها فى أى منطقة , دى بندقية الرش لما صوتها يكون عالى بتعمل قلق , فما بالك بطلقات صوت , وطبعا اللى هايسمعها هايفتكرها سلاح حى (وهى هاتبقى حى بالفعل) وشوف القلق اللى ممكن يحصل وقتها أنصح صاحب الفكرة (مع كامل تقديرى له ولفكرته) إنو ينسى الموضوع , ويخليه فى البنادق الرش لأن هذه البندقية لن تضيف شىء لما يمكن أن نصيده بالبنادق الرش (أنا أصلا أشك أنها تصل الى قوة ودقة بنادق الرش) خالص تحياتى للجميع .. وكل عام وأنتم بخير |
رد: فكرة بندقية صيد 9 ملم
على فكرة يا جماعة فى اصلا بنادق صيد عيار ٩ مم دا كمان فيه عيار .50! لكن طبعا مش فى مصر. هتلاقو البنادق ال ٩ مم هنا
http://www.pyramydair.com/cgi-bin/sh...&Caliber=0.357 و ده شكل الطلق http://www.pyramydair.com/cgi-bin/sh...r=0.357&Type=0 و هنا عيار .50 http://www.pyramydair.com/cgi-bin/sh...&Caliber=0.500 و ده الطلق http://www.pyramydair.com/cgi-bin/sh...er=0.50&Type=0 للاسف احنا هنا مش عايشين |
رد: فكرة بندقية صيد 9 ملم
أولا أشكر و أحي الأخوة الأفاضل اللي ردو علي الموضوع و اللي دعوا لأبني نور الدين ربنا يجعله في ميزان حساناتكم و لا يريكم شرا في عزيز لديكم و بصراحة قمة في الأخلاق و الأخوة من الأعضاء لا يسعفني الوقت لكي أشكركم جميعا فتقبلوا خالص أمتناني لكم
ثانيا بالنسبة للفكرة بتفصيل أكتر 1- التكلفة : انا حأستخدم مسدس قديم عندي و مقفول و سعره مش غلاي قوى و حأقطع الماسورة بتاعته و أنفذ فكرة ا/ ياسر من ناحية الماسورة القلاووظ 2- حأعمل بنفس الطريقة ماسورة تانية طولها 40 سم تقريبا و حتكون عبارة عن عامود صلب مثقوب من الداخل بالمثقاب فحيكون تأثير المثقاب تقريبا زي الشخشنة 3- حأستخدم بلي 5 ملم و حتكون فتحة الماسورة 5.2 ملم يعني الضغط أتوقع حيكون قوي 4- مش حأغير أي حاجة في المسدس حتي ميكانيزم المشط كل حاجة زي ما هي زي الرشاش الاوزي الصوت 5- بالنسبة للصوت حله عندي بس أستنوا علي شوية أنا فعلا بدات انفذه 6- الجسم بأفكر أصبه زهر بس في حد ممكن يعمله في مصر انا ممكن أعمله معايا بره بس مش حاعرف ادخل بيه 7- اكرر الفكرة كلها ما زالت نظرية و للدراسة و أراء الخبراء و لسة ما بدأتش في تنفيذها و أرجو من سعادة مديري المنتدي اذا أمكن تنزيله في موقع الصيد أيضا للحصول علي رأي الخبراء سبحان الله و بحمده سبحان الله العظيم |
رد: فكرة بندقية صيد 9 ملم
ايه يا خبراء حد يحن علينا انا مضحي بمسدس بي 29 مخصوص للموضوع ده و لا نردم علي الفكرة و خلاص
سبحان الله و بحمده سبحان الله العظيم |
رد: فكرة بندقية صيد 9 ملم
في حل افضل من انك تثقب ماسورة 5.2 مم لضري بلي 5مم
ممكن نجيب ماسورة بندقية رش نمرة 1 و نستخدم البلي 4.5 أو نجيب ماسورة بندقية رش نمرة 2 و نستخدم بلي اكبر الميزة ان الماسورة بها ششخنة جاهزة و بها نشان في اوها و آخرها |
رد: فكرة بندقية صيد 9 ملم
الفكرة الثانية هذه من فخر الصناعة المصرية تحت السلم
هي عبارة بندقية خرطوش بلدي و الماسورة تتغير بماسورة يركب بها طلقان آلي الفكرة موجودة فعلا و ساحاول زيارة صاحب البندقية و تصويرها البندقية مجربة من كلامة ان الطلقة اخترقت بلوكين طوب و كسرتهم |
رد: فكرة بندقية صيد 9 ملم
كلك افكار يا سرسور باشا و كريم زي الشهر اللي احنا فيه و فكرة ماسورة البندقية دي ممتازة جدا بس محتاج مساعدة في تنفيذ البودي ايه رأيك
سبحان الله و بحمده سبحان الله العظيم |
رد: فكرة بندقية صيد 9 ملم
الله يبارك فيك و يشفي نور و يعافيه
ممكن اي دبشك قديم مكسور نحاول الاستفادة منه مبدئيا الى ان اري البندقة البلدى |
رد: فكرة بندقية صيد 9 ملم
شفى الله نور و عافاه
و فكرائه رائعه و والله احنا جوانا طاقات و افكار بس ربنا يكرم بالامكانيات :) |
رد: فكرة بندقية صيد 9 ملم
والله نفسى فى رشاش صوت بس مش ASI لأنه مش كويس
مش شرط صيد بس تكون شكلها رشاش للأقتناء زى السيوف و الديكورات بس يكون حجم الرشاش كبير مش صغير http://www.rap4.com/images/BT/BT_M20...uncher_Gun.jpg http://www.sharewallpapers.org/d/635...-+Gun+0033.jpg http://images.epicwallpapers.com/thu...gun_007-t2.jpg و بالنسبه لشد الأجزاء ممكن جسم المسدس من الأجزاء يتلحم فيه حاجة زى حديدة بالعرض و يتشد من الامام للخلف زى الـ AK بيتشد لورا |
رد: فكرة بندقية صيد 9 ملم
انا معاك وممكن نستخدم فعلا ماسورة البندقيه الرش بس الفكره هل الماسوره هتستحمل لانها اصلا مصممه لاطلاق رشه واعتقد ان الرشه عباره عن قصدير مع رصاص يعني معدن طري جدا مش محتاج تقسيه للماسوره معاه فهل المواسير بتاعة البنادق الهوائيه مقساه .....وبالنسبه لبيت النار فحلها سهل جدا وهوه التوسيع ورفع السماكه من الخارج انما لازم يكون فيه ريسيفر يتم فيه عملية التلقيم من الخزنه لبيت النار وعملية الضرب بالابره ولا يحتوي علي رجوع للاجزاء لان القصه دي مختزله في المسدس جدا
|
رد: فكرة بندقية صيد 9 ملم
لمعلوماتكم مافيش بونطه طويله لدرجه فتح ماسوره بطول ماسوره البندقيه 2- لازم عمل خشخنه للماسوره ودى استحاله 3- والاهم انه موضوع مخالف للقانون وسياده العقيد اشرف ادرى منى بزلك
|
رد: فكرة بندقية صيد 9 ملم
اللهم اشفى نور واشفى كل مريض
الفكرة ممكن تتعمل بس اعتقد تغير الماسورة لضرب عيار 9 ملى مش هيكون عملى وكذلك دقة النشان من هتكون كبيرة |
| الساعة الآن 08:54 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir