الصيد فى مصر - فكرة جامدة جدا

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - فكرة جامدة جدا (http://www.egyhunt.net/showthread.php?t=13307)

omarmagic

11-08-05 12:08 PM

فكرة جامدة جدا

السلام عليك ورحمة الله وبركاته اعضاء المنتدى الرائع منتدى الصيد فى مصر
وكل سنة وانتم طيبين بمناسبة شهر رمضان اعاده الله علينا وعليكم باليمن والخير والبركات
طبعا كلنا شوفنا الخلافات اللى بين استاذ جلال خليفة واعضاء المنتدى
انا ليا اقتراح ويارب يفيد
انا فكرت وقلت ليه منعملش محكمة هنا ؟ اه محكمة هى هتبقى عبارة عن عدد من الاعضاء الذى لهم خبرة ويكون حكمهم عادل ويكون ليهم كلمة فى المنتدى مثلا على ثبيل المثال مشكلة بين عضوين يجو هنا فى المحكمة دى ويقولو شكوتهم والقضاه تشوف المشكلة وتحدد على اثاثها مين الغلطان ومين المتضرر ولو الغلطان ده اتسبب للمتضرر فى مشاكل فى حياته او وسط عمله وشغله نشوفه ونعمل قاعدة ونقعد وندرس ايه اللى يرضيه وايه اللى يرضى بيه ونحل المشكلة وبكدة انشاء الله ميبقاش فى مشاكل فى المنتدى خالص وياريت الفكرة دى تطبق عملى فى المنتدى وكل سنة وانتم طيبين والسلام عليكم وارجو التفاعل بين الاعضاء حول الفكرة دى وشكرا

Android man

11-08-05 01:33 PM

رد: فكرة جامدة جدا

مش موافق علبي الحكاية دي لعدم توافر الادلة الكاملة وناس هتتظلم
تحياتي

omarmagic

11-08-05 01:36 PM

رد: فكرة جامدة جدا

ليه بس مش موافق من اول رد كدة مش موافق وانا منتظر راى باقى الاعضاء وشكرا ممكن تقولى ليه مش موافق وشكرا وكل سنة وانتا طيب

Android man

11-08-05 02:05 PM

رد: فكرة جامدة جدا

انت طلب اراء الاعضاء وانا رأي منهم ومش كل الناس هتوافق يعني
وبعدين انا مش موافق زي ما قولتلك لان الناس هتتظلم وعلشان تخلي رأي المحكمة يمشي علي الكل مش هتعرف لان مفيش عقاب صارم و اصلا مش هتعرف تجمع معلومات كافية وادلة وبراهين علي ان فلان غلط او نصب علي فلان وكمان هيبان ان المحكمة ضعيفة ومحدش بعد كده هيسمع ليها لان كلمة محمكة دي كلمة كبيرة مش هينة
تحياتي
ولازم تأخد الراي والراي الاخر يا اخي ولا تنزعج ان اول مشاركة غير موافق

sayedlabib

11-08-05 02:06 PM

رد: فكرة جامدة جدا

اولا مشكور على الافكار الجميله بس مش عايزين ننسى اننا فى بلد المفروض فيه قانون وجهات هى المنوطه بالتحقيق فى المخحالفات اما لو فكرتك انها تكون جلسات صلح داخليه بدل ما الامور تسوء وتروح للمحاكم فده كلام تانى خالص وهاتكون فكره كويسه بس لو الناس بتكبر لعضها هو ده اهم عامل ان الناس تحترم بعضها وان شاء الله مايحصلش مشاكل ولا حاجه

ms3111

11-08-05 02:06 PM

رد: فكرة جامدة جدا

الكلام دة مش منطقى
انا اسف انى بحبط الفكرة بتعتك بس مش لوجيك
من الى حيوافق بالحكم دة ياباشا ابسط حاجة لو لغتلة الاكونت حيعمل ميت اكونت انا مش مقتنع بالفكرة
وزى ما الاخوا بردو قالوا لعدم توافر الادلة الكاملة وناس هتتظلم وفى الحالة دية ممكن المشكلة بدل ما تبقا بين عضوين تبقا بين حزبين
تقبل مرورى

omarmagic

11-08-05 02:15 PM

رد: فكرة جامدة جدا

اولا شكرا على الاحباط ده قصدى الردود الجميلة المشجعة بس الموضوع ومافيه ان الفكرة دى جات فى دماغى فاقلت اوريهلكم يمكن تفيد بس منجحتش الحمد لله على كل شئ وشكرا لرئى الخبراء

البطل

11-08-05 02:27 PM

رد: فكرة جامدة جدا

السلام عليكم ...... يارجالة وياحلا صيادين احنا هنا أخوه مش فى غابة علاشان نعمل محكمة أو أي حاجة شبيهه بذلك

omarmagic

11-08-05 02:31 PM

رد: فكرة جامدة جدا

اقتباس:

المشاركة الأصلية كتبت بواسطة البطل (المشاركة 165045)

السلام عليكم ...... يارجالة وياحلا صيادين احنا هنا أخوه مش فى غابة علاشان نعمل محكمة أو أي حاجة شبيهه بذلك

باشا انتا شفت المشاكل اللى كانت بين منتدى الاستاذ جلال خليفة وبين منتدانا اعتقد انك لو شفت الموضوع ده هتعرف احنا عايزين محكمة ولا لا واحنا فى غابة ولا لا وشكرا
وكل سنة وانتم طيبين

koktal

11-08-05 02:32 PM

رد: فكرة جامدة جدا

يا أستاذى محكمة إيه؟؟!!!!! .. إحنا فى منتدى صيد مش منتدى للقانون والمحاماه وما إلى ذلك .. من فضلكم الرجوع لمواضيع الصيد أو على الأقل مواضيع مفيدة .. وشكرا .. تحياتى ..

omarmagic

11-08-05 02:36 PM

رد: فكرة جامدة جدا

باشا انا مش قصدى محكمة محكمة انا قصدى ناس هنا نلجئلهم لما يبقئ فى مشاكل مع حد داخل المنتدى برضه يعنى يبقى لينا كبير هنا فى المنتدى ناخد رايه نستشيره نستفيد من خبرته يحل مشاكل بين اى عضو وعضو اخر هوا ده رائى فقط لا غير وانا لو الموضوع مش عاجبكم انا ممكن اقفله لو عايزين

البطل

11-08-06 04:26 PM

رد: فكرة جامدة جدا

اقتباس:

المشاركة الأصلية كتبت بواسطة omarmagic (المشاركة 165049)

أهم حاجة اوعي مهما كان الكلام تزعل مني .....أنا كنت متابع الخلاف اللى كان ما بنهم وعرفت المشكلة بس مش عوزين محكمة أو أي شيء مثل ذلك لان هذا هيخش فى حوارات تانية وكلام تاني .......... وانشاء الله مش هيكون فيه مشاكل تانية لأن كلنا أخوه وحبايب

omarmagic

11-08-06 06:06 PM

رد: فكرة جامدة جدا

باشا كل سنة وانتا طيب وانا عمرى ماهزعل من اخواتى والحكاية وما فيها انها كانت فكرة قيد النظر يعنى لسا كانت هتتناقش وهنشوف تنفع ولا لا بس هيا دى كل قصدى ودى فكرتى والفكرة قوبلت بالرفض مش مهم انا كنت عايز افيد المنتدى بافكار جديدة بس مش مهم خلينى كدا احسن واوعدكم مش هعمل افكار جديدة خالص لانى الفترة الجاية هكون مشغول لانى شغلى من بليل وباجى الصبح تعبان بريح علشان اروح الشغل بعد الفطار والسلام عليكم ورحمة الله وبركاته وكل سنة وانتم طيبين

الأفوكاتو

11-08-06 08:33 PM

رد: فكرة جامدة جدا

أولا سيادتك مشكور خالص الشكر علي فكرتك هذه .. حتي ولو كانت مرفوضة من بعض الأعضاء

ولكن .. أنت كدة (مع كامل احترامي لحضرتك) زي اللي عاوز يعمل دولة جوة الدولة .. أو جمهورية الصيد في مصر

وطبعا مشاكلها هتبقي أكتر من فوائدها

وأخيرا .. بشكرك حضرتك تاني

شكرا جزيلا ...

omarmagic

11-08-06 08:38 PM

رد: فكرة جامدة جدا

العفو ياباشا وانا لو جه فى دماغى من الاول ان الموضوع هيبقى كدة انا من الاول مكنتش عملته بس اوعدكم لما تطرق فى بالى فكرة هفكر مرة واتنين قبل مااضيفها وانشاء الله فى افكار جديدة احسن انتظرونا
وكل عام وانتم بخير
والسلام عليكم ورحمة الله وبركاته

البطل

11-08-07 01:59 AM

رد: فكرة جامدة جدا

اقتباس:

المشاركة الأصلية كتبت بواسطة omarmagic (المشاركة 166202)

اي موضوع احنا بناخد أراء بعضنا لاننا أخوه ومنشاور بعض ففيه واحد ممكن مش واخد بالة من حته معينة فلازم نقوله عليها .... وده لاننا أخوه وكل سنة وانت طيب وعاوزين مواضيع وأفكار جديدة على طول .... وربنا يبارك فيك وجزاك الله خير

xman	11-08-07 02:41 AM

رد: فكرة جامدة جدا

ياجماعة الخير اخانا عمر اعتقد يقصد مجلس عرب او جلسة صلح الكل يكلم و يخرج الي بنفسه فتصفو النفوس من البغض و الشحناء و نطرد الشيطان الحاضر بين الاخوة و نتحاب في الله . فكرتك جميلة و متميزة اخ عمر غابت عن كبار المنتديين استمر و معك اخي لتنفيزها في اي وقت ان شاء الله.

هشام سمير

11-08-07 03:11 AM

رد: فكرة جامدة جدا

اخى الفاضل احييك على افكارك واقتراحاتك
ولكن احب ان انوه على نقطة ان المنتدى ليس طرفاً فى اى صراعات او خصومات ربما من المسموح ان يتدخل بعض المحترمين للصلح والتهدئه
النقطه الثانيه
ان جميع الاعضاء هنا سواسيه ولن يرتضى احد ان يقاضيه غيره
تقبل مرورى

hogan

11-08-07 11:22 AM

رد: فكرة جامدة جدا

بدلا من المحكمة اخى الفاضل نتدخل لاننا اخوه ونفض النزاع وهذا واجبنا مش محكمه لانها تعتبر اهانه للعضو المشتكى واتمنى ان لا تزعل منى

شكرا
hogan

omarmagic

11-08-07 04:49 PM

رد: فكرة جامدة جدا

ياجماعة انا قصدى زى ماقالى العضو ء xman والله ده قصدى انما مش محكمة محكمة انا قصدى تبقى زى قاعدة عرب او قعدة صلح نصفى فيها النفوس ولو فى اى ضرر مادى او معنوى نقدر نحله يبقى نحله على الفور هوا ده كل قصدى والله على مااقول شهيد وكمان اللى هيقرا الموضوع كويس هيفهم انا قصدى ايه
وكل سنة وانتم طيبين بمناسبة شهر رمضان اعاده الله علينا وعليكم والامة الاسلامية بالخير واليمن والبركات
والسلام عليكم ورحمة الله وبركاته
والسلام ختام

xman	11-08-09 01:57 AM

رد: فكرة جامدة جدا

اقتباس:

المشاركة الأصلية كتبت بواسطة omarmagic (المشاركة 166885)

بارك الله فيك و جزاك كل خير

الساعة الآن 02:29 PM