|
اول طلعة ليا و جت على غفلة
5 مرفق
السلام عليكم و رحمة الله و بركاته صباح الخير يا رجالة , كل سنة و كلكم طيبين إن شاء الله , النهاردة طلعت طلعة الصبح بعد الفجر على الساعة 5:30 تقريبا للساعة 6:30 يعنى ساعة بالتمام و الكمال , انا اصلا كنت بشوف غربان كتير و انا فى طريقى لبيت والدى ( انا و والدى ساكنين فى فيصل ) المهم كنت عند والدى و كنا سهرانين علشان نتسحر و نصلى الفجر عادى جدا و طلعت ف دماغى انى انزل اجرب اصطاد لاول مرة فى حياتى , و كنت حاطط فى دماغى انى هضرب كام غراب و كدة يعنى المهم , عديت على المكان اللى كنت بشوف فيه الغربان , ملقيتش غربان قولت اكمل شوية و اشوف يمكن الاقى حاجة اجرب اصطادها , لقيت شوية يمام على الارض و انا ماشى بالعربية , المهم اشوف اليمامة من دول واقفة اجى اطلع البندقية و اعمرها علشان انشن عليا و اضربها الاقيها طارت اول ما تسمع صوت البندقية و هيا بتخبط فى اى حاجة و لا فى العربية المهم من هنا اتعلمت انى اخلى البندقية فى متناول ايدى , و كملت و ضربت على كام يمامة الاقى الرشة متجيش فيها و هيا تطير بنت اللذين , و فجأة ربنا كرمنى و لقيت غراب واقف يا عينى ف حاله بس على مين , ضربته بس كنت متوتر شوية او قلقان انها متجيش فيه بس جت فيه و وقع فى مكانه , على ما ماجيبت الموبايل و روحت اصوره لقيته طار تانى ابن الذين و متهنيتش على فرحتى , المهم شوية و الاقى يمام و اهدى و اضرب و ربنا كرمنى و جيبت يمامة و جريت شوية و لحقتها بسلاح التزكية و دبحتها ( و كان احساس ليه رهبة اول مرة ادبح فى حياتى ) و شوية و لقيت يمامة تايهة قومت مناولها رشة حلوة جت فيها و وقعت بس على ماجيبت سلاح التزكية و روحتلها لقيتها جريت و دخلت مكان كدة بتاع حد زى مزرعة و دخلت وراها و هنا اتعلمت ان الواحد لما الحاجة اللى اصطادها تدخل عند حد فى مكانه ميأاوحش كتير و بالذات لو لقى المزرعة دى فيها شوية كلاب ولاد لذين يسيب الحاجة للكلاب بدال مايتسلو عليه هو احسن , و شوية و لقيت يمامة تانية ضربت عليها و جت فيها بس وقعت و لقيتها طارت شوية قولت بس دى راحت خلاص مشيت بالعربية شوية و رجعت للمكان اللى ضربتها فيه يمكن الاقي يمامة تانية اصطادها لقيت اللى انا ضربتها و طارت واقعة و ميتة ( صحيح الحمد لله كنت بسمى الله و اكبر قبل ما اضرب اى رشة و لو نسيت كانت فى نيتى ) المهم خدتها و دبحتها برضه و شوية و لقيت عدم التوفيق تملكنى و كل ما القى يمامة و اجى اضرب عليها متجيش فيها ف زهقت لانى اصلا مفيش معايا حد يشجعنى , و قولت اروح و انا ماشى لقيت غراب جميل كدة اديته هدية ( رشة من نوع ميلبرو راسها كروية ) فى صدره وقع مقفول و بس و الحمد لله قولت اكتفى لحد كدة و بداية الحمد لله مفرحانى اوى , كنت عايز بقى رأى الخبراء بجد علشان اعرف كذا حاجة , حكاية انى اضرب على الحاجة و متجيش فيها ده طبيعى و لا ده معناه فشل ذريع منى مع العلم ان المسافة ماكنتش بتزيد عن 15 متر , و اليمامة اللى لما رجعت و لقيتها ماتت دى حلال اكلها و لا حرام و متشكر جدا و كفاية الرغى اللى انا فيه ده اسيبكم بقى مع الصور http://www11.0zz0.com/2011/08/06/06/992284540.jpg http://www11.0zz0.com/2011/08/06/06/388603333.jpg و ده الغراب اللى راح يا عينى فى شربة مية http://www11.0zz0.com/2011/08/06/06/632534753.jpg http://www11.0zz0.com/2011/08/06/06/474445922.jpg http://www11.0zz0.com/2011/08/06/06/337618647.jpg |
رد: اول طلعة ليا و جت على غفلة
مبروك الطلعة السريعة , وهى ان شاء الله بداية لطلعات كبيرة وصيد وفير قادم ان شاء الله بالنسبة لليمامة اللى لقيتها بعد فترة , مافيهاش مشكلة ان شاء الله , بس تكون متأكد أنها هى اللى انت ضربتها . وأعتقد أنك محتاج تظبط نشان البندقية , وده السبب أن كتير من الرش بتاعك كان بيطيش كما أننى أنصحك باستعمال رش ماتش علشان يقفل الصيد (لأنه بيعمل صدمة قوية وتدمير فى جسم الطير يخليه ينتهى بسرعة) وإوعى تحس بعدم التوفيق فى أى وقت , لأن الصيد عبارة عن ممارسة , كل ماتضرب كتير تزيد خبرتك ويزيد الصيد وكلنا أول ما بدأنا كنا بنبقى فى قمة السعادة لو اصطدنا يمامة واحدة , وبالممارسة الحمد لله العملية مشيت أحسن بفضل الله وكل عام وأنت بخير |
رد: اول طلعة ليا و جت على غفلة
اللة ينور يا صياد فعلا اليمام حساس جدا فى صيدة ومترفعش ماسورة البندقية امامة ومتبصلوش لازم تتذائب علية وكانك مش شايفة لغاية ما يحس بالامان وتبتدى تظبط علية بس بداية موفقة ان شاء اللّة . تحياتى
|
رد: اول طلعة ليا و جت على غفلة
اقتباس:
ربنا يخليك يا دكتور و ميحرمنيش من تشجيعك ليا يا جميل و انا فعلا فكرت فى حكاية ان النشان ممكن يكون مش مظبوط اوى يعنى تقريبا بتيجى فوق شوية او تحت شوية بس , و هجيب إن شاء الله الجامو ماتش و ربنا يسهل , و بالنسبة لليمامة اللى رجعتلها دى انا متاكد انى انا اللى مموتها علشان مكان الضربة اللى ضربتهالها و الدم , بس ليا استفسار صغير منك و انت اكتر واحد ممكن تفيدينى فيه , كطبيب بيطرى , واحدة منهم انا ضاربها فى صدرها و لما جيبتها باين اوى مكان الضربة , ازاى تيجى فى صدرها و تطير او تجرى حتى شوية مع العلم البندقية نمرة 2 بس هيا الرشة خفيفة شوية |
رد: اول طلعة ليا و جت على غفلة
اقتباس:
|
رد: اول طلعة ليا و جت على غفلة
اقتباس:
العبرة أن الرشة تصيب أعضاء حيوية داخل جسم اليمامة . زى القلب والرئتين أو العامود الفقرى , كدة تتقفل مكانها وماتحطش منطق أما لو لم تصيب أحد هذه الأعضاء الحيوية مباشرة , يمكن ان اليمامة تطير شوية قبل ماتقع لأن الموت فى هذه الحالة بيحصل بسبب النزيف الداخلى اللى بيسبب هبوط حاد فى الدورة الدموية , وده ممكن ياخد بضع ثوانى لغاية مايحصل , وعلى قدر حجم النزيف الداخلى بيكون الوقت الذى تستغرقه اليمامة حتى الموت , علشان كده الرش اللى بيسبب أكبر تدمير للأعضاء الداخلية (زى الماتش) بيكون فعال جداً أنا عندى علبة رش ملبرو بس لسة ماجربتهاش , بس صيادين قدام قالولى أنها بتسرق الصيد |
رد: اول طلعة ليا و جت على غفلة
والله ياعم برافو عليك انك اول طلعه وطلعتها لوحدك وعملت الانجاز ده انا برده لسه طالع طلعه وكانت اول مره بس صراحه حوكا شجعنى كتير وسعدنى وعلمنى حكايه ان اليمام حساس جدا والغربان ديه بتستعبط اول ماتيجى تضربه تلاقيه راح طاير
مبرك ياعم الطلعه الجميله ظبط بندقيتك واتعلم على شويه اهداف عندك فى البيت والطلعه الجايه ترجع بغنيمه حلوه ان شاء الله |
رد: اول طلعة ليا و جت على غفلة
اقتباس:
اقتباس:
|
رد: اول طلعة ليا و جت على غفلة
[QUOTE=silver_5000;165880]و الله يا دكتور انت كدة بتدينى امل فى حاجة و هيا ان ممكن فى مرات من اللى انا فاكرها طاشت انها الرشة جت فيها و اليمامة اتسرقت لانى كنت ببقى منشن من مكان قريب و بالسكوب كمان علشان اتاكد من مكان الضربة و ممكن يكون ده بسبب الميلبرو و انا هجرب الماتش و ربنا يسهل , صحيح ده حتى اليمامة التانية اللى انا قولت عليها طارت لدرجة انى افتكرتها ماجتش فيها و كمان شوية و انا بلف بالعربية و باصص لقيتها واقعة ف ممكن يكون اخواتها زيها بس وقعو فى مكان انا مشوفتوش , عامة لازم اظبط السكوب من تانى و اجيب الماتش جامو ده و ربنا يسهل إن شاء الله
على فكرة , سرقة الصيد بتحصل مع كل الصيادين أنا أول طلعة طلعتها كانت فى شهر مايو 2011 (انا لسة مبتدىء زيكم) ويومها ماعرفتش أصطاد ولا يمامة , والطلعة التانية اصطدت يمامة واحدة وكنت هاطير من الفرحة , وكان نفسى أعملها تمثال تخليداً لذكراها الطيبة ... ههههههههههه يعنى أنت كدة بادى بداية أحسن من ناس كتير |
رد: اول طلعة ليا و جت على غفلة
15 متر ومعرفتش تصطتاد اليماااااااااااامة !!!!! يا خبر ابيض !!!!! ........... دا انا كان قدامى حوالى 5 يمامات على بعد 2 متر ومجبتش ولا واحدة ..... ههههههههههههههههههه ............. عادى بتحصل كتير .......... وبالنسبة للرش اللى مش بيجى زى ما الدكتور محسن قالك النيشان مش بيبقى مظبوط .......... ممكن تقولى هى البندقية دى نوعها اية ؟ وانتا عامل الجراب اللى عليها دا ازاى ............ تحياتى ليك
|
رد: اول طلعة ليا و جت على غفلة
[quote=dr_mohasan;165895]
اقتباس:
اقتباس:
|
رد: اول طلعة ليا و جت على غفلة
اقتباس:
ياباشا انا تحت امرك وبأذن الله نظبط مع بعض طلعه وتكون كويسه وخيرها كتير ان شاء الله وانا ليا الشرف انى اتعرف على حضرتك |
رد: اول طلعة ليا و جت على غفلة
بسم الله ما شاء الله طبعاً يا احمد اهنيك و الله على الحركة الجريئة دى و الطلعة الجميلة و ان شاء الله المرة الجاية تزيدهم و تبقى الحصيلة اكبر..تحياتى ليك..
|
رد: اول طلعة ليا و جت على غفلة
زي الفل كده انشاء الله المره القادمة ربنا يكرمك
|
رد: اول طلعة ليا و جت على غفلة
الف الف الف مبروك الطلعة وعقبالي والمةر الجاية نكون مع بعض ان شاء الله
|
رد: اول طلعة ليا و جت على غفلة
اقتباس:
اقتباس:
اقتباس:
اقتباس:
|
رد: اول طلعة ليا و جت على غفلة
اقتباس:
|
رد: اول طلعة ليا و جت على غفلة
طب والله حد يقولى كده عشان انا ناوى اشترى بندقية زى حبيبى سلفر واطلع ان شاء الله معاه بالعافيه نصطاد هى الرشة اللى مش بتيجى فى الطير بتيجى فى مين ولا تبروح فين ولا ايه
|
رد: اول طلعة ليا و جت على غفلة
اقتباس:
|
رد: اول طلعة ليا و جت على غفلة
ما شاء الله صيد جميل
|
رد: اول طلعة ليا و جت على غفلة
اقتباس:
|
رد: اول طلعة ليا و جت على غفلة
مبروك الطلعه ......................
|
رد: اول طلعة ليا و جت على غفلة
بسم الله الرحمن الرحيم .. أولا مبروك عليك أول طلعة ... و مش قادر أقولك مدي سعادتي بأنك بدأت طريق الإدمان ... هههههههههه عموما ... كبداية موفق جدا طلعتك يا أحمد ... و سبب أن اليمام بيطير قبل ما تضربة هو ( دخلة المخبرين بالعربية ) ... ههههههه ، و الدكتور محمد عارف طبعا دخلات المخبرين كويس ، و دة سيم بيننا :) .. و كونك تضرب و متجيش ... دة نتيجة الأستعجال لخوفك أن اليمام يطير لأنك عرفت أكيد أنه حساس جدا من أول طلعة ... و دي خبرات هتكتسبها بمرور الوقت إن شاء الله ... و بالتوفيق في الطلعات القادمة .. و تحياتي لك. |
رد: اول طلعة ليا و جت على غفلة
بداية موفقة .... و ان شاء الله هيزيد الصيد مع زيادة الخبرة........... ليك رسالة عالخاص
|
رد: اول طلعة ليا و جت على غفلة
اقتباس:
اقتباس:
شوفت يا كيمو المعجزة اتحققت و طلعت اخيرا , و ادمنت من اول مرة , و الدخلة اللى انا دخلتها مش دخلة مخبرين , دى دخلة امن مركزى بس و الله ابتديت اهدى بس ف اخر الطلعة و تقريبا اتسرق منى كتير , بس الحمد لله على كل حال و كل حبايبى قالولى ان ده مستوى مقبول بالنسبة لاول طلعة و و ادعيلى يا كيمو ان مستوايا يتحسن و ابقى افضل فى المرة الجاية إن شاء الله اقتباس:
|
رد: اول طلعة ليا و جت على غفلة
انا اول طلعه ليا اعت حوالى 4 او 5 ساعات مجبتش حاجه ولما روحت لقيت يمامه فى المنور اومت مروقهااا وسميت ودبحت واعت ادحك على التع الى تعبته والرزق فى البيت مستنينى
|
رد: اول طلعة ليا و جت على غفلة
اقتباس:
موضوع ( دخلة المخبرين ) ده مهم جدا , وهاحكيلكم حكايته فى بداية تعلمى للصيد , كنت بامشى بالعربية بسرعة بحثاً عن اليمام , ولما كنت أشوفها طبعاً أقوم رازع فرامل جامدة , وطبعاً صوت الفرامل والدخلة الجامدة دى " اللى شبه دخلة المخبرين وهما رايحين يقبضوا على حرامى" كانت بتخلى اليمامة تطير قبل حتى ما أرفع البندقية , وحتى لو ماطارتش كانت بتاخد حذرها بحيث أنها تطير أول ماتشوف حركة البندقية , وده كان بيخلينى "متصربع" فى الضرب بسرعة قبل ما اليمامة تطير وعشان كدة كان الضرب يبقى من غير تركيز. ثم تعلمت أنى عندما أسير بحثاً عن اليمام بالسيارة , أن يكون السير بطىء , والتوقف يكون هادىء جدا بدون إحداث صوت فرامل ممكن ينبه اليمام , وبكدة تاخد راحتك فى التركيز قبل الضرب بدون تنبيه اليمامة المسكينة (وأيضا صوت شد فرامل اليد وصوت كاسيت العربية ممكن ينبه اليمام) وصاحب الفضل فى تعلمى هذا الموضوع هو صديقى أمير (mero1x) وهو كمان صاحب هذا التعليق الظريف ... " دخلة المخبرين " |
رد: اول طلعة ليا و جت على غفلة
مبروك اول طلعة ودائما باليمام والحمام_يا عم ما تتوترش والا حاجة وانتة بتنشن على الهدف التوتر يخلى اعصاب ايدك تتهز وكانك فى امتحان او اختبار انا عارف شعورك وانتة بتنشن حاسس ان كل اعضاء المنتدى واقفين بيبصوا عليك عشان كدة اكيد ايدك اتهزت شوية _استمتع بالصيد والهواية واليمام الكتير جاى جاى وخصوصا بعد لما تاكل من صيد ايديك بالتوفيق
|
رد: اول طلعة ليا و جت على غفلة
اقتباس:
اقتباس:
|
رد: اول طلعة ليا و جت على غفلة
لا انا بقى الموضوع عندى كان اريح من كدة شوية لانى لما اخدت بالى من انهم بيطيرو لما يسمعو صوت الفرامل او اى صوت بقيت بمشى على السلانسيه ( لان عربيتى اوتوماتيك :p ) و بكدة مبقوش يحسو بيا الحمد لله لدرجة انى ساعات كنت بقف جنبهم و يبقو اكتر من يمامة و تنزل جنبهم يمامة و لا اتنين كمان و بس هجيب اكيد رش ماتش عملا بنصيحة سعادتك و نصيحة كيمو و إن شاء الله اتاكد من ظبطة السكوب زى ما حضرتك قولت و إن شاء الله الطلعة الجاية احسن , و متشكر اوى اوى اوى ليك يا دكتور على اهتمامك الغالى بموضوعى و على تشجيعك ليا انت و كل احبابى و اخواتى اللى شرفونى و نورو الموضوع و بتعلم منهم الحمد لله[/QUOTE] يبقي الحل أن الدكتور محمد يشتري عربية أوتوماتيك ... صح :eek: :) |
رد: اول طلعة ليا و جت على غفلة
اقتباس:
|
رد: اول طلعة ليا و جت على غفلة
اقتباس:
|
رد: اول طلعة ليا و جت على غفلة
اقتباس:
بهزر طبعا لحد يصدق ولا حاجة.:) |
رد: اول طلعة ليا و جت على غفلة
اقتباس:
طيب ماتيجى تصطاد معانا أسهل |
رد: اول طلعة ليا و جت على غفلة
اقتباس:
اقتباس:
|
رد: اول طلعة ليا و جت على غفلة
بارك الله فيك أخي الحبيب وإبني الغالي...بسم الله ما شاء الله لا قوة إلا بالله...بارك الله فيما رزق وبألف هناء وشفاء...والطلعات الجاية أحسن إن شاء الله...نصيحتي لك حبيب قلبي تشيل التيليسكوب لأنه سيلخمك ويضيع وقتك على الفاضي البندقية ليست هاي باور وأنت لا تصطاد من مسافات بعيدة 15-20 متر في غير إحتياج لهاي باور أو تيليسكوبات...وتظبط نيشاناتك وتتدرب فترة على أهداف ثابتة ومن مسافات مختلفة قبل أن تخرج للصيد حتى تتقن الرماية وتحترف التنشين وتصبح نشنجي نمرة 1 بريمو ولا تعتمد من أولها على التيليسكوب لأنه لن يجعلك تتقن الرماية والتنشين كمن يتعلم السواقة على سيارة أوتوماتيك لن يستطيع بعد ذلك بسهولة تعلم السواقة على سيارة مانيوال ( يدوي )...لا تتعجل ولا تتسرع في طلوع السلم وخذ وقتك...وأنا متأكد بكره مش هانلاحق عليك وهانقول لك خف إيدك وسيب لينا شوية...تمنياتي لك بالتوفيق...خالص تحياتي...
|
رد: اول طلعة ليا و جت على غفلة
الف مبروك علي الطلعة وفعلا احساس جميل اول صيد واول دبحة للصيد عمرك ما هاتنساه
بالنسبة لليمام اللي بتضربه ومش بييجي عندي سؤال هو بيكون علي الارض ولا علي حاجه عالية؟؟؟؟ اخيرا اوعي تفقد الثقفه في نفسك الثقه هي اساس من اساسيات الصياد ومع الوقت هاتتعلم ازاي تتحرك في ااتجاه اليمام والتمويه واصوله كل ده هاييجي بالممارسه وهاتحس بالمتعه بجد |
رد: اول طلعة ليا و جت على غفلة
اقتباس:
اقتباس:
|
| الساعة الآن 11:39 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir