صح الخبر دة و لا
 

وزارة الداخلية تطرح مبادرة لتسليم الأسلحة غير المرخصة





أصدر منصور عيسوى وزير الداخلية قرارا باعتبار التخلى عن أى سلاح غير مرخص مستولى عليه من المواقع الشرطية وتسليمه للجهات الشرطية مبررا للترخيص بحيازة سلاح "طبنجة للدفاع" للشخص القائم بعملية التسليم دون مساءلته قانونيا.

وأعلنت وزارة الداخلية عن تخصيص خطى تليفون للمواطنين الراغبين فى تسليم الأسلحة غير المرخصة والتنسيق بشأن إجراءات التسليم والترخيص وهما ( 24888888 - 24884500)، وحثت الوزارة كافة المواطنين التعاون معها من أجل إرساء الأمن والاستقرار فى البلاد.

نقلا عن اليوم اسابع

رد: صح الخبر دة و لا
 

الخبر صحيح 100 %

رد: صح الخبر دة و لا
 

رد: صح الخبر دة و لا
 

طيب لو حد عارف حد راح وسلم ياريت يقولنا يا جماعة علشان الواحد بيفكر ررررررررررر

رد: صح الخبر دة و لا
 

رد: صح الخبر دة و لا
 

هههههههههههههههههههههههههههه شغل ضحك علي الناس وخلاص

رد: صح الخبر دة و لا
 

يعنى اية دة اشتغالات منهم ولا

رد: صح الخبر دة و لا
 

حرام عليك يا هيما دى مش اشتغاله ده كمين
وكمين بايخ كمان
vh[u,h hgl,q,u ]i
http://www.egypthunt.net/showthread.php?t=13823
وخلى بالكم من تعليقى لانها الحقيقه بنسبه 90%
تحياتى

رد: صح الخبر دة و لا
 

هو في حد هيصدق الحكومة برضو

رد: صح الخبر دة و لا
 

اكيد مش كل الناس اللى حاتعمل لهذا الاعلان حيتعملها ترخيص والا الدنيا تخرب يعنى لو بلطجى رجع الحتة اللى معاه حايرخصولوه؟؟لا طبعا انما فى جوانب كتير ممكن يسقطوا فيها طالب الترخيص غير بند المبررات زى التحريات مثلا او ممكن طول الاجراءات .......ياريت ياجماعة محدش ينسى ان هو فى مصر ولو فى حد رأى عين اليقين الموضوع ده حقيقى بسلاسة بفيش وجواب تدريب والحاجات الطبيعية من غير المبررات ومن غير مايزهقوا اللى عايز الترخيص ياريت يقول ويوضح بس يبقى متأكد لان انا بصراحة شايف ان الداخلية صعب جدا جدا ترجع السلاح اللى اتسرق منها خاصة وانه معظمه مع ناس ملهاش فى السلاح ومحترمة وبالتالى مش حايعرفوا يوصلو له وخاصة برضوا ان اللى باع السلاح ده للناس دى مايعرفهمش لانها كانت بتتباع على الارصفة وتحت الكبارى
فانا شايف انى دى محاولة يائسة من الحكومة لاسترجاع السلاح لانهم قلقانين من كونه موجود فى ايد الناس
ملحوظة اخيرة انا كنت فى المديرية انهاردة باعمل اضافة ولقيت السيد اللواء مدير الامن رافض 50 ملف للرخص وعلى فكرة دى النخبة اللى وصلت للعرض عليه لحسن حد يفكر ان كل الملفات ممكن توصل لمرحلة العرض
فياريت تقروا الكلام اللى باقوله واللى مابقولهوش كويس

رد: صح الخبر دة و لا
 

كلام مظبوط 100%

رد: صح الخبر دة و لا
 

رد: صح الخبر دة و لا
 

كلام مش صحيح طبعاً

رد: صح الخبر دة و لا
 

ماذا عن حمله تسليم البلي و ترخيص الحي؟

رد: صح الخبر دة و لا
 

ماهو من كام شهر قالوا فرصة أخيرة و حندي اللي يسلم السلاح تمنه

رد: صح الخبر دة و لا
 

مش هى دى الحكومة والوزير اللى حددوا الشهر اللى فات اخر ميعاد لتسليم الاسلحة واللى حايتمسك دلوقت حايروح ورا الشمس وماحدش استجاب ولقوا نفسهم قدام مهمة صعبة لان زى ماقلت اللى باع مالحقش يعرف المشترى وكمان المشترى مثقف ويعلم عقوبة ده فاخفى سلاحه لانه فى الاصل مسالم وقال لو اتعرضنا لظروف تانية ابقى افكر فيه فالداخلية لما تتنطط مش حاتعرف تجيبه غير انها تفتش بقى مصر كلها فقالوا طيب نجرب الاغراء للناس دى ونشوف
انا قلت ياريت لو حد شاف مصداقيتهم فى الخبر ده يأكده زى مابيقولوا افلح ان صدق
ده انا متهيألى هما لقوا الطريقة دى احسن منها يلموا شوية من السلاح ويغلوا الاسعار تانى ماهما حايدوا رخص بقى ومش بعيد برضه يبقى فيه شوية ملفات لناس جديدة واهو برضه يبقى شغل
والله الواحد ساعات بيحس انه فى مسرحية هزلية بس لما يبص على ابطالها من فوق

رد: صح الخبر دة و لا
 

رد: صح الخبر دة و لا
 

يا جماعه انا اعتقد ان اكيد الي هيسلم هيتحبس بتهمه ان السلآح مجهول المصدر ودي اقل حاجه دا لو ملبسهوش سرقه سلآح ميري كمان والأعتداء علي ضابط ربنا يستر والناس مش ب السزاجه دي الي عندو وعايز يسلم احسنله يرميه في الزباله ولآ انه يتبهدل

رد: صح الخبر دة و لا
 

كلآم مش مقنع ب المره من وجهت نظري

رد: صح الخبر دة و لا
 

الخبر ده اكبر دليل على فشل الحملة الاولى فى تجميع السلاح ودى ايضا حملة فاشلة لان السلاح المسروق للاسف مع فئتين متناقضتين شرفاء اضطروا للشراء للدفاع وبلطجية سرقوا بغرض البلطجة والاتجار والفئتين صعب جدا ان لم يكن مستحيل تسليم ما فى حوزتهم من سلاح الشريف معندوش ثقة فى العرض المقدم من الدخلية والبلطجى مش ممكن يكشف نفسه ويعرض نفسه للعقوبة وخلى بالكوا ان الخوف اكتر من الاسلحة الالية والخرطوش والمسروق منها كميات كبيرة على مستوى الجمهورية وده يوضح ورطة الداخلية فى العهود السابقة بتضيق الخناق على طالبى التراخيص للشرفاء وجعلها قاصرة على فئة معينة من المجتمع (اللى بيدفعوا) السلاح دلوقتى فى كل حتة ومع اى حد وبكل الانواع متهرب من برة او من الداخل الاهم للداخلية للسيطرة على السلاح فى المجتمع هى فتح الترخيص بدون مبررات حيازة او ملكية خيالية ولكن لمن تنطبق عليه الصلاحية النفسية والجسدية والسن و السلامة الاجتماعية (شربف يعنى) والتحريات اللازمة والتدريب الجيد على السلاح

رد: صح الخبر دة و لا
 

ياجماعه ليه ميكزنزش عايزين يلمو كل السلاح الفاضل قبل الانتخابات؟؟؟ و مش ممكن يكونو بيضحكو على الناس لان الكلمه دلوقتى ليها حساب و لو واحد اتضر من تسليم سلاح هتلاقى الاذاعه و القنوات الفضائيه قامت و مقعدتش... و بعدين الخبر واضح.. تسليم المسدس يعتبر مبرر لترخيص سلاح... يعنى بدل حيازة الارض و البطاقه الضريبيه و الكلام ده انما ميغنيش عن بقيت الورق و الفيش و التشبيه... يعنى اى حد عليه احكام برده مش هيرخص حتى لو رجع دبابه

رد: صح الخبر دة و لا
 

و المصرى اليوم بتقول:
«الداخلية» تطلق مبادرة جديدة لاسترداد 7 آلاف قطعة سلاح مسروقة

كتب يسرى البدرى 14/ 8/ 2011

عيسوى
أطلقت وزارة الداخلية مبادرة جديدة لتسليم الأسلحة غير المرخصة، والتى سرقت من أقسام الشرطة والسجون خلال فترة الانفلات الأمى، وقدرت بـ 10 آلاف قطعة، حيث قرر الوزير اللواء منصور عيسوى اعتبار تسليم الأسلحة مبرراً للحصول على ترخيص سلاح بهدف الدفاع عن النفس، وعدم توجيه أى مساءلة قانونية لمن يسلمون الأسلحة.

وخصصت الوزارة رقمى تليفون للمواطنين الراغبين فى تسليم ما بحوزتهم من أسلحة غير مرخصة، هما 0224888888، و0224884500، وحثت جميع المواطنين على التعاون معها من أجل إرساء الأمن، والعمل على استقرار البلاد، مشيرة إلى أن القرار يأتى فى إطار حرصها على عدم وقوع المواطنين الشرفاء تحت طائلة القانون، وتحفيزاً وتشجيعاً لهم على تسليم ما بحوزتهم من أسلحة غير مرخصة. وقال اللواء مروان مصطفى، المتحدث الرسمى باسم الوزارة، إن القرار يهدف إلى استعادة الأسلحة التى سُرقت من الأقسام والسجون خلال الفترة الماضية، موضحاً أن هناك طلبات كثيرة جداً تلقاها قطاع الأمن العام لاستخراج تراخيص سلاح بهدف الدفاع عن النفس.

وتوقعت مصادر أمنية أن يؤدى القرار إلى تسليم جميع الأسلحة المسروقة من الأقسام والسجون، مشيرة إلى أن الهدف هو استعادة أكثر من 7 آلاف قطعة سلاح مسروقة، إلى جانب أسلحة أخرى غير مرخصة.

رد: صح الخبر دة و لا
 

انا مع الاخ the last knightونظرا لأنهم مش حايسلموا للى بيسلم السلاح نفس السلاح فمطلوب منه فى حالة الموافقه على الترخيص انه يشترى واحد تانى وطبعا انتوا كلكوا عارفين سعر السلاح الحى كام النهارده يعنى الحلوان ال51 مثلا جديد من المصنع اعتقد انه عدى ال 12 الف جنيه وده فى حد ذاته فرمله لناس كتير حاتوقفهم عن اتمام عملية الشراء

رد: صح الخبر دة و لا
 

وجهة نظر صحيحة لانى اعرف عدد قليل من الناس معاهم سلاح غير مرخص ومش حيسلموه بسبب الاسعار الجنونية و عدم وجود اسلحة على ذمة البيع لدى الداخلية زى قبل الثورة.