|
قال اللي سرق السلاح حيطلعلوا ترخيص سلاح !!!
السادة أعضاء المنتدي الكرام كل عام و سيادتكم بخير ,,
النهاردة أصدر وزير الداخلية اللواء منصور العيسوي قرار غريب جدا انا بصراحة ضده 100 % ملخص القرار انا السيد الوزير قرر ان اي حد يسلم سلاح ميري مسروق من الاقسام سوف يتم اصدار ترخيص حيازة ل ( طبنجة دفاع ) له ( أي لهذا الشخص ) بدون اي مسالة قانونية لا و ايه الوزارة حتكرموا انها تديلو ترخيص للحيازة .. طيب بالله عليكو يبقا واحد راح سرق القسم او حتي رضي علي نفسو يشتري سلاح مسروق يطلعلوا ترخيص ( علشان حرامي ) و يبقي الناس المحترمين اللي عندهم اشغالهم و مصالحهم و اموالهم الخايفين عليها من السرقة و النهب دايخين و اساسا مش عارفين يطلعوا الترخيص و يبقي جزائهم انهم لراحو سرقو و لا شاركو في أعمال شغب انهم يفضلوا طول عمرهم في روتين اسمو اجراءات ترخيص السلاح .. انا بنتقد هذا القرار حتي لو كان الغرض منو تجميع هذه الاسلحة المفقودة طيب فين هيبة الدولة المفقودة . !!!!http://www.masrawy.com/News/Egypt/Po...n_defense.aspx |
رد: قال اللي سرق السلاح حيطلعلوا ترخيص سلاح !!!
قرار غير مسئول ......
|
رد: قال اللي سرق السلاح حيطلعلوا ترخيص سلاح !!!
ده اسلوب جذب مشروع وانا شايفه مش غلط ولا حاجه واظن الحكومه تقدر تعرف مين المحترم اللى اضحك عليه واشترى السلاح على انه مش ميرى واللى اضطر يشتريه عشان يحمى نفسه وتقدر برضه تعرف مين البلطجى والحرامى
وده تشجيع للناس المحترمه انها تروح تسلم اى سلاح وهاتاخد ترخيص تقدر عن طريقه تشترى سلاح وانا لو كان معايا مكونتش اتردد ابدا خصوصا ان التراخيص شئ مش سهل دلوقتى وقبل كده |
رد: قال اللي سرق السلاح حيطلعلوا ترخيص سلاح !!!
وتستمر محاولات الداخلية لاستعادة الاسلحة المسروقة |
رد: قال اللي سرق السلاح حيطلعلوا ترخيص سلاح !!!
ياحماعة راجعوا الكلام بدقة
(( باعتبار التخلي عن أى سلاح غير مرخص مستولى عليه من المواقع الشرطية وتسليمه للجهات الشرطية مبررا للترخيص بحيازة سلاح "طبنجة للدفاع" للشخص القائم بعملية التسليم دون مساءلته قانونيا )) معنى ذلك انه اذا اردت ان ترخص سلاح بدل تقديم سجل تجاري أو حيازة زراعية كمبرر للترخيص تسليمك للاسلحة هو المبرر راجعوا مبررات الترخيص و اجراءاته في الموضوع بالرابط http://www.egypthunt.net/showthread.php?t=11973 وبذلك يكون لهم الحق في منحك الترخيص او عدمة و بالنسبة لجملة دون مساءلتة قانونيا هذه حتى لا توجه لك تهمة حمل سلاح بدون ترخيص |
رد: قال اللي سرق السلاح حيطلعلوا ترخيص سلاح !!!
هل يوجد حاله تسليم تمت و بناء عليه تم منح صاحبها الترخيص بحمل السلاح؟
لازم اللى معاه حاجه زى كده يستنى و يشوف حالات مماثله حصلت و بعدين يقرر.... انا واثق ان مفيش واحد من الناس المحترمه هاجم بنفسه قسم او مركز شرطه ايام الاحداث ممكن تكون المشكله فى الشراء فقط لبعض هذه الاسلحه المسروقه و اللى كان بيبيعها بعض افراد الداخليه احيانا وياريت يرجع الامن و هيبه الدوله من تانى و تقضى على البلطجيه و ساعتها و الله السلاح ماله عازه و لا لازمه ادينى امان = اديك سلاحى ده رأى و معرض للصواب و الخطـأ |
رد: قال اللي سرق السلاح حيطلعلوا ترخيص سلاح !!!
اقتباس:
الله ينور عليك |
رد: قال اللي سرق السلاح حيطلعلوا ترخيص سلاح !!!
انا شايف انو صح جدا بس لو فعلا هينفزو القرار ده
|
رد: قال اللي سرق السلاح حيطلعلوا ترخيص سلاح !!!
الموضوع ده مكان اسباب الترخيص انما مش اى حد... يعنى لو واحد عليه احكام مش هيرخص برده... انا بفكر اشترى واحد و اروح اسلمه
|
رد: قال اللي سرق السلاح حيطلعلوا ترخيص سلاح !!!
انا ضد القرار دة والله دة حرااااااااااااااااااااااااااااااااااااااام
بيحاول يقلد السعودية و لكن بدون دراسة للموضوع السعودية فيها تهريب مش سرقة انا عايش فى السعودية و عارف |
رد: قال اللي سرق السلاح حيطلعلوا ترخيص سلاح !!!
ربنا يسترها في الايام الجايه دي
|
رد: قال اللي سرق السلاح حيطلعلوا ترخيص سلاح !!!
كلام فى كلام
زى ما انت قلت علشان يلموا السلاح |
رد: قال اللي سرق السلاح حيطلعلوا ترخيص سلاح !!!
يا جدعان دول بيجروا رجل البلطجية
انا كنت مفكر ان الداخلية بستعبط عشان تلم السلاح لكن سألت القائد ((( بابا العقيد علاء ))) المهم قالي انهم كده بيضحكوا عليهم وببساطة لما يكون مع البلطجي سلاح مرخص يعني عنده رخصة سح ؟؟ يعني عنده ورق وفيش والذي منه يعني اي لبش هيعمله هب في ثانية هيتجاب من قفاه وحاجة كمان بعد ما مدة الترخيص تخلص ويجي معاد التجديد مستحيل ههيتجدد لهم وبالسلامة يا عسل اشوفك السنة اللي جاية يعني ملعوب جامد اخر حاجة وفكر معدي فاق كل التوقعات بزمتك مش وزير ناصح ؟؟! |
رد: قال اللي سرق السلاح حيطلعلوا ترخيص سلاح !!!
قرار غلط 100%
يعنى جهاز الداخلية بجلاله قدرة مش لائى حجة اهيف من ده علشان يلم السلاح الى اتسرق؟؟؟؟؟؟؟؟ ولا هما مش عارفين مين البلطجيه واماكن تواجدهم علشان يجبوهم؟؟؟ ولا فى حل تانى خالص !!! ممكن يعملوا تحقيق مع افراد وامناء الشرطه ليدلوا على الناس الى باعلهم السلاح ؟؟؟ هههههههههه |
رد: قال اللي سرق السلاح حيطلعلوا ترخيص سلاح !!!
عاوز اشترى سلاح مسروق ميرى عشان اطلع رخصة
|
| الساعة الآن 10:19 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir