الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   النبلة المطورة والقاذفة لرمان البلى (http://www.egyhunt.net/showthread.php?t=13866)

mman2005 11-08-14 07:50 AM

النبلة المطورة والقاذفة لرمان البلى
 
1 مرفق
أنا جت فى دماغى فكرة كويسة تصنيع نبلة مطورة لرمان البلى بخزينة ممكن تاخد 10 بليات وميزة النبلة دى أنها هتكون دقيقة عن النبلة العادية لأنها هتكون البلية مثبتة بشكل دقيق على قطعة حديد متصلة بزناد والأستك هيكون مربوط على مسمارين وهيكون للنبلة زناد زى المسدس بالظبط، وكل ما تضرب بلية ممكن تنزل بلية جديد فى المكان المحدد بتاعها، وهيكون ليها نيشان أمامى، والنبلة دى هتستخدم للصيد أو للدفاع عن النفس، على العموم مش هرغى كثير هترككم مع الصورة.

mman2005 11-08-14 01:48 PM

رد: النبلة المطورة والقاذفة لرمان البلى
 
أيه يا جماعة 22 مشاهدة ومحدش قال رأيه، هو الموضوع وحش للدرجاتى؟

هشام سمير 11-08-14 01:49 PM

رد: النبلة المطورة والقاذفة لرمان البلى
 
فكره رائعه من انسان اروع واجمل
بس ياريت توضيح اكتر لفكرة العمل

mman2005 11-08-14 01:55 PM

رد: النبلة المطورة والقاذفة لرمان البلى
 
اقتباس:

المشاركة الأصلية كتبت بواسطة هشام سمير (المشاركة 173957)
فكره رائعه من انسان اروع واجمل
بس ياريت توضيح اكتر لفكرة العمل

نورت الموضوع يا أستاذ هشام، جزاك الله كل خير، الفكرة هيكون فيه زناد متصل بمثبت البلية المعدن وفيه بينهم سوستة وتوصيلة حديد زى فكرة الزناد، لما تدوس على الزناد مثبت البلية الحديد هيقع فهتنطلق البلية نتيجة لأن مثبت البلية والى شادد الأستك وقع، بالإضافة إن الخزنة الى فوق هتكون معمولة أن فيها زرار ينزل بلية بلية، وإعادة تعمير النبلة هيكون أن بعد ما حضرتك تنزل بلية جديدة من الخزنة هتشد الأستك مرة أخرى على البلية بعد رفع المثبت الحديد مرة أخرى لحجز البلية وشد الأستك.

mman2005 11-08-14 02:11 PM

رد: النبلة المطورة والقاذفة لرمان البلى
 
1 مرفق
ومن المككن عمل كوس لتثبيت الأستك بدلاً من المسامير على هذا الشكل التوضيحى، ارجو أن يكون الشكل موضح الفكرة.

pooforever_2010 11-08-14 02:43 PM

رد: النبلة المطورة والقاذفة لرمان البلى
 
بجد فكرة جامده يا باشا
ايه الجمال ده
اكيد الاختراع ده بسبب اللى بيحصل حواليك
ربنا يسترها عليك ان شاء الله
تحياتى

HANINIE 11-08-14 02:48 PM

رد: النبلة المطورة والقاذفة لرمان البلى
 
حاول تبداء التنفيذ ربنا يوفقك

mman2005 11-08-14 02:51 PM

رد: النبلة المطورة والقاذفة لرمان البلى
 
مشكور يا أخى محمد على المرور وكلامك الجميل، هو أستخدام رمان البلى فى النبلة قوى جداً لدرجة أنه ممكن يكون قاتل للإنسان لو جت البلية فى دماغه لأن النبلة العادية بتنطر البلية جامد ولمسافة كبيرة، بس الفكرة فى النبلة دى أن هيكون ليها خزنة وزناد زى المسدس وهتكون أكثر دقة لأن الأستك هيكون مثبت كويس وأيدك ثابتة وأنت بتضرب لما تدوس على الزناد.

pooforever_2010 11-08-14 03:15 PM

رد: النبلة المطورة والقاذفة لرمان البلى
 
تمام يا باشا
وانا صغير كنا بتعمل مدفع قراطيس ورق واوقات كنا بنضرب بيه طوب صغير
عارفه اللى هو خسبه واولها مسمار مربوط فيه استيك ومن الناحيه التانيه مشبك
كانت ايام بقى\ههههههههههه

ahmedalim 11-08-14 03:26 PM

رد: النبلة المطورة والقاذفة لرمان البلى
 
فكره جميله والله ياباشا بس لو هتعملها انا عاوز وحده

عادل عبده 11-08-14 04:05 PM

رد: النبلة المطورة والقاذفة لرمان البلى
 
فكره جامده ياباشا تسلم دماغك هى ديه الدماغ المصريه الاصلى جدا

old hunter 11-08-14 07:15 PM

رد: النبلة المطورة والقاذفة لرمان البلى
 
فكره جميله بس ياريت تبداء في التنفيذ وتورينا اول قطعه عشان هي نظري جميله عايزين نشوف العملي بتعها

ahmedmh_ali 11-08-14 08:36 PM

رد: النبلة المطورة والقاذفة لرمان البلى
 
بالتوفيق ان شاء الله ..


الساعة الآن 05:05 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir