كان عندي استفسارات بسيطة جداً بخصوص النوريكا [سبورت - فيبر] و الكرال التركي .. انا مش عارف النوريكا فايبر دي هيا نفسها النوريكا جيت ولا لأ .. بس انا مش لاقي اي معلومات عن النوريكا جيت فكتبت فايبر, والله اعلم ان كان فيه حاجة اسمه نوريكا فايبر.

كنت عايز اعرف اي مكان بيبيع النوريكا [سبورت - فيبر] بسعر كويس وتكون جودتهم كويسة وعايز اعرف متطلبات النوريكا [سبورت - فيبر] هل هي متوافرة في المكان ده وكم اسعارها [سوستة .. سكوب .. إلخ] واية هي احسن سوستة اجيبها متتكسرش وتعمر معايا وسعرها كام ؟

ونفس الموضوع للكرال التركي كنت عايز اعرف مكان بيعه واسعار متطلباته وهل متطلباته متوفرة معاه في المكان ده ولا لأ

وطبعاً فيه حاجة مهمة جداً وهي [ هل الأفضل الكرال التركي في المميزات وسهولة استخدام وصوت مش مزعج وعدم احتياج لتغيير قطع افضل ولا النوريكا سبورت ولا النوريكا فيبر ؟ ]

وايه القطع الي بتتغير مع الزمن ؟ وهل يلزم الكرال التركي والنوريكا فايبر والنوريكا سبورت [تشحيم ولا تزييت] ؟

وانا طبعاً بفكر اشتري من الاستاذ شريف ابوضيف علشان بسمع كلام جميل جداً ما شاء الله عليه والسمعه كويسة, فكنت عايز اعرف كل الحاجات الي فوق ديه هل هي موجوده عنده ولا لأ واسعارها ؟ < لو توفر إجابة من الاستاذ شريف ابوضيف بنفسه يبقى كويس وبرضه مفيش مانع من إجابات ناس عارفه ومجربة الاسعار

وبرضه بسمع عن ميشيل عازر وعارف مكانه .. هل هناك الحاجات كويسة ومتوفرة ؟ واسعار الحاجات الي ذكرتها قبل كده هناك ايه ؟