|
يعني ايه مصطلح "الطير بيتسرق" ؟؟
رمضان كريم يا شباب
لو سمحتم حد يفيدني في قصة سرقة الطير دي اللي بتعتبر عيب من عيوب بعض البنادق ؟؟ أصل انا بفكر أشتري بندقية رش فا بقرأ مشاركات كتير عشان أعرف اخد قراري و ما فهمتش المصطلح ده شكرا مقدما |
رد: يعني ايه مصطلح "الطير بيتسرق" ؟؟
الطير بيتسرق
يعني الرشة بتدخل وتخرج من الجهه المقابلة ويطير منك الطريدة ودة بسبب سرعة الرشة ودة بيحصل مع البنادق الهاي بور وخصوصا لو نمرة واحد ومع الوقت هتعرف تقلل عدد الطيور المسروقة ----------------------------------------------------- |
رد: يعني ايه مصطلح "الطير بيتسرق" ؟؟
اهلا بيك فى المنتدى وفى الهوايه الجميله سرقه الطير يعنى الطير ياخد الرشه ويطير مسافه وبعد كده يقع وده لسببين هما قوه البندقيه الزياده ( سرعه الرشه ) وصغر العيار يعنى عيار 4.5 او نمره واحد ... نمره 2 مبيحصلش معاها سرقه بتقفل الطير يعنى بتنزله مكانه لان الرشه كبيره وبتاثر فى الهدف بشكل كبير ........... اتمنى اكون افدتك وتقبل مرورى
|
رد: يعني ايه مصطلح "الطير بيتسرق" ؟؟
اقتباس:
|
رد: يعني ايه مصطلح "الطير بيتسرق" ؟؟
كلام سليم وحاول انك تحاول تصيب اليمامه في اماكن قاتله(الرأس الصدر و من اعلي او الجناح) وتجنب اصابته في النصف الاسفل
|
رد: يعني ايه مصطلح "الطير بيتسرق" ؟؟
أشكركم جزيل الشكر على الإفادة و المعلومات القيمة و ادعولي بأة أجيب حاجة كويسة و أستفيد أكتر من الناس المحترمة اللي في المنتدى الرائع ده
|
رد: يعني ايه مصطلح "الطير بيتسرق" ؟؟
اللينك ده هيفيدك فى الاختيار http://www.egypthunt.net/showthread.php?t=5244
|
رد: يعني ايه مصطلح "الطير بيتسرق" ؟؟
الاعضاء ردو بما في الكفاية
|
رد: يعني ايه مصطلح "الطير بيتسرق" ؟؟
اقتباس:
نمرة 2 بيحصل معاها كدة كتير اوي بس دة بسببين لان بندقيتي جديدة يعني لسة عافية السبب التاني اني بتلائم علي اليمام وبقرب منه يعني بضرب علي مسافة لا تزيد علي 15 م لدرجة اني بعد ما اضرب بحاول اتعقب اليمامة وحصل قبل كدة ولقيتها وجمب اليمامة زوجتة الوفية وبردو اتسرقت الصيد فية العجب |
رد: يعني ايه مصطلح "الطير بيتسرق" ؟؟
نصيحه مجرب فى طيور زى الوم وغيرها بيبقى اغلبه الجسم ريش فممكن تنخدع بالحجم فالطلقه يبان انها صابتها ولكنها مجرد ضربت الريش وللتفادى حاول القنص يكون من الجنب وخاصه منطقه الجناح حتى لو الطلقه خرجت هكون ابت الجناح وجنب الطير بالميت الموقف مجرب خاصه مع البوم على الاقل تستفيد باتحنيط
|
رد: يعني ايه مصطلح "الطير بيتسرق" ؟؟
اقتباس:
اسمحلى اضيف منطقة قاتلة اخري و هي مؤخرة الطير بس عايزة فنان بمعني يدخل الرشة من مؤخرة الطير بحيث تخرج من الظهر او الصدر او الرأس لانها بتكون احدثت تهتك شديد بالـأنسجة و التصويب ده ألجأ إليه ليلا حيث تكون اليمامة واقفة غلط بيحث لا ارى منطقة الصدر و بالضربة دي تنزل اليمام زى (قالب الطوب من غير اي صوت او خبط بالجناحين) انا افضل صيد اليل عن النهار هدوء و مزاج من غير ما حد يضربك عين او يقولك كاني و لا ماني تحياتي |
رد: يعني ايه مصطلح "الطير بيتسرق" ؟؟
صياد قديم يا استاز مصطفى_فعلا بالييل ما بيكونش باين من اليمامة الا الجزء الخلفى الابيض وبيكون ظاهر بالكشاف وعايزة نشين لانك بتدى حقنة_ههههههه_واليمامة بتقع زى قالب الطوب صح من غير اى صوت يعنى لو يمام تانية واقفة ما بتحسش
|
رد: يعني ايه مصطلح "الطير بيتسرق" ؟؟
صح يا باشا
100% |
رد: يعني ايه مصطلح "الطير بيتسرق" ؟؟
استاذ ابو مروان
انت اكيد قناص كبير و لكن بكلامك ده اقول إنت اثبت بالدليل القاطع ان محترف لان الكلام و المصطلحات دي لا تخرج إلا من صياد متمرس........... انا اعشق صيد اليمام ليلا لانه هدوء و مافيش ناس و لا دوشة احب اصطاد من على شجر الجوافة و التوت و الصفصاف و شجر الجميز بيكوت تحدي لانه اليمام بيكون عالي نوعا ما بس بنجيبه برضه تحياتي |
| الساعة الآن 11:52 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir