بصراحه منتدى اكثر من رائع
 

بصراحه انا مش عارف اقول ايه ..المنتدى ده فعلا اكتر من رائع وكل الناس اللى فيه محترمين وانا سعيد جدا وفخور جدا بأنى بقيت عضو فيه.. الناس هنا بتحب بعض وبتخاف على بعض وبتحب الخير لبعض.. حتى اختلافاتهم محترمه وفى حدود الادب واهم حاجه انهم مابيبخلوش على بعض بالنصيحه والعلم وده شئ ماعدش متوفر اليومين دول يعنى حاجه كده زى ماتقولوا من الزمن الجميل ..مش عارف عندى اقتراح قد يجد قبول عندكوا او لا يجد ..نفسى الناس تتجمع فى يوم على الفطار مثلا فى رمضان الحالى او اى يوم جمعه بعد رمضان على الغداء ويكون فيه تعارف حقيقى بين الاعضاء ويزداد الود بينهم والنقاش والافكار تبقى على الهوا مباشرة والعلاقات تزداد ود واحترام سواء شباب صغير السن او عواجيز زيى اكيد ممكن تكون حاجه حلوه.. ياريت اسمع رأيكم اخيرا كل الشكر لأدارة المنتدى اللى مابيسيبوش غلطه الا ويصححوها وده شئ فعلا اكتر من رائع... اخوكم الحاج /محمد عزت

رد: بصراحه منتدى اكثر من رائع
 

أهلا وسهلا بك يا حاج محمد معنا في المنتدي

يسعدنا انضمامك إلي أسرة المنتدي .. وهذا شرف لنا ..

وبالنسبة لفكرة التجمع .. فهي قائمة بالفعل .. فنحن نجتمع تقريبا كل شهر أو شهر ونصف في اجتماعات بخصوص رابطة الصيد والرماية

وبالنسبة لموضوع الإفطار في رمضان الحالي .. فهذه الفكرة أيضا علي وشك التنفيذ .. فلقد اتفقنا علي يوم (وهو يوم السبت القادم) للإفطار الجماعي .. وسنتشرف بك معنا إن شاء الله

وهذا رابط موضوع الإفطار الجماعي

http://www.egypthunt.net/showthread.php?t=13785

شكرا جزيلا لك ...

رد: بصراحه منتدى اكثر من رائع
 

الشرف لى انا يامتر ... والحمد لله ان الفكره موجوده من الاول لكن للأسف السبت لا يناسبنى لظروف عملى وكنت اتمنى فعلا اكون موجود فى اليوم ده عشان اتشرف بالناس المحترمه الافاضل اعضاء المنتدى لكن اتعشم ان شاء الله ان الفرصه تتكرر تانى واتشرف بمعرفتكوا .. ولك خالص احتراماتى

رد: بصراحه منتدى اكثر من رائع
 

رد: بصراحه منتدى اكثر من رائع
 

الشرف لى يا د/محمد وكل سنه وانتم جميعا بخير ومصر كلها بخير والظاهر ان حملة السلاح وهاوى الصيد فعلا بتجمعهم اخلاق الفرسان وما ادراك ما اخلاق الفرسان دى حاجات اندثرت للأسف... يمكن انا عجوز عنكم شويه ولحقت شويه منها زمان. لكن الحمد لله اكتشفتها هنا فى المنتدى ده

رد: بصراحه منتدى اكثر من رائع
 

انا مبسوط فى المنتدى جدا لاتى عرفت اشخاص محترمة جدا احنا كلنا هنا عيلة واحدة