|
يوم النحس العالمى 18/8/2011
بسم الله الرحمن الرحيم انا طلعت طلعه اهارده بالمدفع نوريكا جيت كان اليمام قليل اوى وكنت الساعه 1 الظهر والحاله كانت صعبه المهم ضربت يمامه نزله مقفوله عند البيت حلو . مشيت وضربت واحده طارت شويه ووقعت فى الذرة :( مشيت وضربت واحده وقعت الناحية التانية من الترعه :D لفيت اجيبها ملقتهاش :eek: رجعت وضربت كمان واحدة ووقعت وملقتهاش برده :confused: وضربت كمان واحدة مكلبظة ووقعت فى الذرة :mad: المهم روحت بيمامه واحدة وانا فى قمه الغضب والحمد لله على كل شىء معلش سضعتكو معايا تحياتى |
رد: يوم النحس العالمى 18/8/2011
دة رزق
انتا بتضرب برش نوعة اية؟ |
رد: يوم النحس العالمى 18/8/2011
اقتباس:
الحمد لله ديابلو |
رد: يوم النحس العالمى 18/8/2011
انا حصل معايا حاجة زى كدة بردو بس كنت اول مرة اصطاد ولسة مطلعتش بعدها انا بقى كان عندنا عصافير كتير فى المنطقة ويمام كتير بردو بس انى اجيب واحدة معرفتش معرفش العيب من نشان البندقية ولا فيا انا ولا اية
|
رد: يوم النحس العالمى 18/8/2011
على فكره حصل معايا نفس الموضوع النهارده الفجر
بس ربنا كرمنى ب 9 فرد يمام وكنت متغاظ عشان مش لاقى يمام |
رد: يوم النحس العالمى 18/8/2011
السلام عليكم خيرها فى غيرها والتوفيق بيدى ربنا سبحانة وتعالى اهم حاجة التكرار وحاو تختار منظور نشان كويس وافضل منظور هو وجة اليمامة الراس - الرقبة - الحويصلة الاماكن دية بتقفل اليمام والحمام فى الحال دة غير بقى استخدام رش مناسب لمسافات الصيد يعنى لو صيد قريب خليك فى الماتش او ما يشابهة طبعا اولا واخيرا التسمية مهمة جدا ظبط النشان قبل الصيد وتسخين البستم بخمس رشات على الاقل ودة مهم جدا ... يعنى حضرتك تاخذ بكل الاسباب وان شاء الله التوفيق من عند ربنا سبحانة وتعالى
وتحياتى للجميع |
رد: يوم النحس العالمى 18/8/2011
خيرها فى غيرها ...........وده نصيب ورزق وانشاء الله المرة القادمة تتعوض
|
رد: يوم النحس العالمى 18/8/2011
السلام عليكم ... حاول تنزل بدرى تكون بالكتير الساعه 5 بره الببت ... وان شاء الله ربنا يوفقك فى المره الجايه ... تحياتى .
|
رد: يوم النحس العالمى 18/8/2011
والله الصيد دة رزق
بس انت المفروض تعقلها وتتوكل بمعنى زى يا استاذنا عصام قال الضرب فى مقتل (الرأس والرقبة والحويصلة) ثانياً : توقع مكان سقوط الطير بعد الاصابة ولو مش متأكد 100% من امكانية وصولك للصيد بعد اصابتة يبقى متصوبش من البداية والمقصود بالرزق هنا ودة حصل كتيرفى طلعاتى انا وعصام انك تضرب طير ويطير ومصارينة طلعة :) او تضرب يمامة على شجرة وتقع فى بلاعة مجارى مفتوحة او يخطفها كلب او قطة او تقع وتجرى تستخبى فى جحر ثعلب وامثلة كتيرة حصلت معانا فى صيدنا وفى الاخر الحمد لله واكيد انت صياد يا باشا والدليل على كدا انك اصبت كل الاهداف دى بس ملكش نصيب فيها . تحياتى ليك |
رد: يوم النحس العالمى 18/8/2011
اقتباس:
كلا الاستاذ عصام ممتاز-- و لكن حبيت اضيف قد يرجع السبب في انك تضرب في منطقة الإصابة الصح و يحدث إنحراف للطلقة و ده يرجع لسببين" زيادة عن ماقاله الاخ عصام" اما الهدف يهتز لو واقف على فرع شجرة و السبب الاخر ان السلاح مش مظبوط . لو حصلي ده بعمل إيه بشوف شجرة توت او جميز او شجرة ورقها مدور .. ورقة الشجرة اعتبرها صدر اليمامة و انشن فأجد ان الورق تنخرم و اقدر اشوف الإصابة فى المكان اللي انا عاوزه ام لا و ابدأ التظبيط و حتى لو ظابطها قبل ما اطلع احب اعمل الحركة دي خلى بالك انا مش هاوي انا خبرة اكثر من 30 سنه و عمري 39 سنه ضربت بالرمسيس ايام مكانت ب 30جني |
رد: يوم النحس العالمى 18/8/2011
اتمنى ان يكون النحس إنفك و بقيت تصيد الهدف
|
رد: يوم النحس العالمى 18/8/2011
اقتباس:
]لسه والله مطلعتش اصطاد بعدها [/center]شكرا لمساعدتك وسؤالك ان شاء الله يتفك هههههههه تحياتى |
رد: يوم النحس العالمى 18/8/2011
بص يا معلم هو الموضوع في الاول و في الاخر رزق
لو مكتوبلك ما فيش حاجة تقدر تمنعه ولو مش مكتوبلك ما فيش حاجة تقدر تجيبه |
رد: يوم النحس العالمى 18/8/2011
ولا يهمك يا صاحبي خيرها في غيرها عموما دا رزق
والف الف الف الف مليون مبروك علي المدفع الجديد وعقبال 100 ان شاء الله المرة الجاية يا صاحبي العزيز يا حودة هههههههههههههههههههه تحياتي يا معلم .... |
رد: يوم النحس العالمى 18/8/2011
الف شكر لردودكم الرائعه تحياتى |
رد: يوم النحس العالمى 18/8/2011
اقتباس:
|
| الساعة الآن 12:47 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir