|
موقف حصل معايا النهارده
السلام عليكم و رحمة الله و بركاته
النهارده و انا في المحل انا و خالد اخويا و شادي (العضو shadymaged) ,وابراهيم hema77h , وعضو اخر من المنتدي كان عندي ف المحل و راكن عربيتو بره المهم فجأه لقيت عربيه واخده الشارع عكس امريكاني بسرعه غريبه كان بيهرب من حاجه و بتجري وراها عربية اتاري و قامت العربيه اللي بتجري عاوزه تهرب خبطت اقسم بالله 5 عربيات ع الرصيف دمرتهم وكانت منهم عربية محمد(معرفش اسمه ايه ع المنتدي) و كانت هتقتل محمد المهم جرينا وراها علي رجلينا و عربية الاتاري ورانا الحمدلله في عربيه طلعت من شارع جانبي قفلت الشارع و قفشنا السواق و اول حاجه شافها بونيه من شادي من قوتها كسرت الخاتم بتاعو هههههه المهم اللي انا عاوز اقولو..تخيلو لما الضابط مسكو السواق قالو ايه؟؟ قاللو سيبني والا هلم عليك الناس تظبتك و اعملك ثوره !!! اعتقد ان امثال الراجل ده هما فعلا اللي هيسوؤا سمعة ثورة مصر..و ... عاوزينها فوضه |
رد: موقف حصل معايا النهارده
طبعا نسيت اقول ان كلنا جرينا وراه ما عدا خالد اخويه كان بيعمر الرشاشات تحسبا لاي شئ ههههههه
|
رد: موقف حصل معايا النهارده
يا ساتر يا رب المهم حمداً لله على سلامتكم جميعاً....(مش كنت ضربتهم بالايكول؟؟؟)هه.
|
رد: موقف حصل معايا النهارده
هو انسان غبي والهي سواق العربية داا بدل ما كانت المخالفة سير عكس الاتجاة كانت هتبقي قتل والله اعلم كانو هيبقيو كااام واحد للولا ستر ربنا والحمد لله انها جت علي قد كداا وربنا سترها انو ملحقش يجري علي الشارع العمومي
|
رد: موقف حصل معايا النهارده
اقتباس:
|
رد: موقف حصل معايا النهارده
الحمد لله على سلامتكم اولا
والاستاز محمد ربنا يعوض عليه هو والناس اللى عربياتهم اتكسرت والاشكال اللى زى السواق ده كتير والحراميه والمسجلين والبلطجيه ده الموسم بتاعهم ودى ايامهم لانهم مش لاقيين رادع والحكومه عايزه كدا عشان الناس تتقرف وتترحم على ايام حسنى احنا عندنا مشاجره بين عيلتين بقالها عده ايام بالالى والطبنجات وتوفى اكثر من7 افراد من الجانبين وشخص اخر كان معدى لقضاه والحكومه جت وشافة الضرب ومشيو وما عملوش حاجه والقتلى مرميين فى الشارع ربنا يسترها معانا ومعاكو |
رد: موقف حصل معايا النهارده
اقتباس:
|
رد: موقف حصل معايا النهارده
والله بجد الراجل ده يا جماعه حرق دمى من 4 حاجات الاولانيه انه عربيه الاتارى كانت بتجرى وراه لانه كان ماشى عكس الاتجاه بسرعه عاليه اوى وخبط عربيتين وجرى وراه صاحب العربيه هوه مع عربيه الاتارى بيقولوا بيجروا وره من الحدائق ووقفوا فى ملف الشارع حخابح العربيه اللى اتخبطت بيقوله هات رخصك والامين اللى فى الربيه بيقوله ادينى رخصتك وانزل ايه اللى انته عملته ده والله الناس كانت بتتكلم معاه بكل ادب وهوه بنى ادم مش محترم حتى فى كلامه للامين بيقولا اسكت بدل مالم الناس عليك ورد الامين عليه الناس اتلمت اهه علشان الحق فالراجل لما لاقى الناس بتكتر وبتغلطه رجلع لورا خبط عربيه وطلع قدام خبط موتوسيكل فالاخ العضو محمد جرى عليه علشان عربيته كانت على ناصيه الشارع ولقيناه مره واحده بيجرى والراجل بتاع العربيه عمل اميكانى لف الشارع ( عربيه نص نقل ) طبعا العربيه طويله خبط عربيه محمد وقدامها حوالى خمس عربيات غير اللى حكوا فى بعض وبجد ربنا مبيسيبش حق مظلوم وتطلعلوا العربيه اللى قفلت عليه الشارع دىازاى الله اعلم بصراحه انا كنت قى قمة غصبى لسفالته وان اللى احنا عملناه فى الثورة خلت الناس الزباله اللى زى كده تتكلم بالششكل الحقير الهمجى ده مع الناس وكمان لانه دمر شويه عربيات ملهاش اى ذنب غير انها ركنه قدام بيتها بصراحه انا كنت بديله بالبونيه حرقه كل صاحب عربيه حصلها حاجه وكل واحد عايز يغلط وافتكر انه حاكم ورئيس نفسه والله اول ما محمد فتح الباب وجابه وانا بديله بجد خاتمى من الخواتك الفضه التخينه الىل مش من السهل ينكسر بس لقيت كله ركب فوقى وبيضرب ومحمد ماسه من قفاه وعايز يركبه عربيه الاتارى انا طلعلت الاليكتريك وكنت هطه فى اخر رقبته علشان يبطلع فلفسه ومحاوله هروب بس الناس مدتنيش فرصه شالونى ورمونى ورا اكنهم بيقولى كفايه عليك سيبلنا شويه
بس تصدقوا ان عربيه الاتارى مفيهاش كلبشات !!!!!!!!!!!!!! وجبنا حبل علشان نربطه بيه علشان ميحاولش يهرب من العربيه بس الحمد لله جت سليمه وربنا يطمنا على محمد علشان هوه راح معاهم القسم على فكره انا محمد ده العضو اللى بنتكلم عليه انا اول يوم ليا اشوفه النهرده بس الرجوله لما تلاقى ناس تستحق انك تقف معاهم واقفه راجل زى الاخوه الافاضل ابو سيف . محمد . خالد . heema تحس فيهم بروح الرجوله والاخلاق المصريه العاليه والله والله مش بجامل وحتى خالد طلع تحفه تحفه تحفه بجد انا مكنتش متوقعه كده بس كان بيضحك اوى من الحادسه مش عارف ليه ههههههههههه والله يا جماعه انا بتشرف لما عرفت الناس دى ونفسى كل الرابطه تبقى كده ويبوا رجاله مع بعض على الحله والمره ((((((((((معرفه الرجال كنوز )))))))))) |
رد: موقف حصل معايا النهارده
خيانه ياشادى وياهيما بتعملوا مقابلات مع بعض منغيرى وابو سيف كشفكم طيب كنتم قلتوا وكنا رحنا سوا انا عايز اروح لابو سيف من فتره ومشلاقى حد يشجعنى بش ياشادى التدريبات شكلها جابت نتيجه حلوه هههههههااااااااااااا
|
رد: موقف حصل معايا النهارده
اقتباس:
|
رد: موقف حصل معايا النهارده
انا ليا فى السيكو سيكو ده ههههههههه والله لو كنت اعرف انا عايز تروح كنت قلتلك وروحنا مع بعض على العموم يوم السبت انشاء الله قريب مش بعيد وانشاء الله هيكون يوم من احى ايام حياتنا بامر الله
|
رد: موقف حصل معايا النهارده
اقتباس:
|
رد: موقف حصل معايا النهارده
أهم حاجة إنكم بخير, وإن الزبون أكل اللي فيه النصيب!
|
رد: موقف حصل معايا النهارده
الشعب مكبوت من البلطجيه وكله بيخدم في الماقف ده وياريتني كنت موجود يااخي ممكن مكانش يلحق يقول حاجه خالص ربنا يحميكم وتعيش مصر في امان
|
رد: موقف حصل معايا النهارده
حمد الله السلامة و جارى مناقشة موضوع بيع أربجيهات أن شاء الله :)
|
رد: موقف حصل معايا النهارده
الحمد لله على سلامتكم اولا
والاستاز محمد ربنا يعوض عليه يارب |
رد: موقف حصل معايا النهارده
اقتباس:
|
رد: موقف حصل معايا النهارده
يا جماعة كان نفسى أجامل بكم بونية، الشعب المصرى بيحب يجامل فى المواقف دى، وربنا يعوض على الى عربياتهم أتخبطت.
|
رد: موقف حصل معايا النهارده
اقتباس:
|
رد: موقف حصل معايا النهارده
حمدا لله على سلامتكم يا رجاله و ربنا يعوض ويخلف خير للاخ محمد فى عربيته
|
| الساعة الآن 10:59 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir