|
البلد بقت فوضى من غير صاحب
أنا بصراحة مش عارف أقول أيه، أنا لسة راجع من شوية من سفر، جه لوالدى إتصال النهاردة الساعة 5 فيه حالة وفاة فى البلد، المهم الوالد قال هيسافر بعد الفطار لأن الدفنه بعد صلاة العشاء فى بلدنا الغربية مركز زفتى، المهم لبسنا هدومنا علشان بعد الفطار مباشرة نروح نلحق الدفنه فى البلد، ركبت العربية مع الوالد والوالدة وكان عمى مستنينا عل الدائرى يروح معانا، المهم أول حاجة قابلتنا الطريق معظمه مقطوع بالدبش إلى بقى جبال والعربيات الى ماشية عكس الطريق قلنا مش مشكلة.
طلعنا على طريق الإسكندرية الزراعى بعد ما أخدنا عمى، ومشينا، طبعا معظم الطرق السريعة بدون إنارة وكل واحد منور كشاف العربية، المهم بقى أن لاقينا عربيات وموتوسيكلات ماشية عكس على الطريق السريع الإسكندرية الزراعى، تخيل بقى وأنت ماشى بسرعتك مش مدى خوانة وتلاقى حمار ماشى عكسى ومديك نور فى وشك ومش عاجبه كمان، المهم بقينا ماشيين بالراحة لغاية ما دخلنا الطريق الفرعى الى مودى عل البلد أسمه ميت برة لو حد يعرفه. طبعا الطريق ده ضيق وأتجاهين ومفيش فاصل بين الطريقين، يا جماعة بين كل مطب ومطب مطب وكل مطب ناخده العربية تتحك من تحت وفيه مطبات أكلناها وإحنا مش شايفنها والعربية بسرعتها لدرجة أن راسنا كانت بتخبط ف سقف العربية، المهم عرفنا أن فيه 64 مطب معمولين على الطريق فى البلد قالولنا كده، وصلنا البلد بعد ما أخدنا ال 64 مطب فى الضلمة والعربيات مدية نور فى وشنا وجمبنا ترعة أقل إنحراف هنبقى فى الترعة، المهم وصلنا البلد الساعة 9.30 كانوا دفنه ورحنا عزينا ومشينا على الساعة 11.30 بالليل، المهم قلنا بقى نغير الطريق الى فيه 64 مطب دول ونروح من طريق ميت غمر أطول بس واسع ومفهوش مطبات كثير، لاقينا برده العربيات ماشية عكس الإتجاه فى الطريق السريع لدرجة أننا كنا هنلبس فى كذا عربية ده غير عربيات النقل الكبيرة الى السواقين ماشيين مساطيل وبيتحدفوا يمين وشمال، وطول الطريق رايح جاى مشفناش عسكرى ولا أمين شرطة ولا ظابط يوحد ربنا. تحس أنك ماشى فى بلاد ملهاش صاحب، المهم عدينا بنها وطوخ وعند بلد تقريبا أسمها سنديون على الساعة 12.30 بالليل لاقينا الطريق واقف وبيتحرك بالعافية قلت أخيراً هشوف لجنة فى الطريق نصف ساعة كاملة الطريق بيتحرك بالعافية لغاية الساعة واحدة، قلت فى نفس دى مش لجنة ربنا يستر ليكون الطريق مقطوع بالبلطجية، وإحنا الحمد لله لا معانا مطوة ولا صاعق ولا مسدس صوت ولا أمريكان ولا حتة عصاية أستيك. والمصيبة بقى الكبرى لاقيت شباب صيع لابسين فلنات بحملات بيوقفه العربيات ووقفه عربية جيب جمبنا لأن العربيات كانت ماشية تاتا تاتا ، ولاقيت الواد بيقول للواد أبو حملات ولعه فى العربيات، قلت يا نهار فل، الطريق فعلاً مقطوع من البلطجية وكل ما نمشى شوية نلاقى شباب أكثر والى ماسك سنجة والى مساك شومة، طبعا العبد لله ملقاش غير ربنا يلتجأله وقعدت أدعى باللى جه على لسانى لغاية ما وصلنا عند البلد ال أسمها سنديون ونبص نلاقى أمة لا إله إلا الله كل البلد طالعه قاطعة الطريق وكل واحد ماسك أى حاجة فى ايديه. قلت بس هودعكم الليلة دى، المهم يظهر أن دعايا ربنا أستجابه وحنن قلبهم علينا فتحولنا الطريق وعدينا من الجيش ده، والحمد لله بعد ما عدينا لاقينا الإنقاذ جاى، أمين شرطة سايق موتسيكل وماشى عكس الطريق ورايح للناس الى قاطعة الطريق قلت عمار يا مصر، هكذا تكون الشرطة، ده رايح يهبب ايه ومستعجل أوى وماشى عكس الطريق خليه يروح لقضاه. لغاية ما وصلت البيت فوضى فى كل مصر وعربيات ماشية فى عكس الطريق وزبالة قاطعة الطريق وتراب سمكه 3 أشبار لدرجة أن العربية كانت هتغرس، وما صدقت وصلت البيت وأنا حى قلت أحكيلكم عل تجربتى المريرة. عن مصرنا الحبيبة وما آل إليه الوضع الذى كان سئ فى زمن المخلوع وتحول إلى أسوأ الآن، لكى الله يا مصر، ولا حول ولا قوة إلا بالله العلى العظيم. |
رد: البلد بقت فوضى من غير صاحب
حمد للة علي السلامة
|
رد: البلد بقت فوضى من غير صاحب
حمدا لله على سلامتكم...اللهم اصلح حال البلاد و العباد
|
رد: البلد بقت فوضى من غير صاحب
اقتباس:
|
رد: البلد بقت فوضى من غير صاحب
اقتباس:
|
رد: البلد بقت فوضى من غير صاحب
حاسس بيك والله لانى بمشى على طريق زفتى وميت غمر كتير وعارف المعاناه
حمدا لله على سلامتك |
رد: البلد بقت فوضى من غير صاحب
اقتباس:
|
رد: البلد بقت فوضى من غير صاحب
حمدا لله علي سلامتك و الاسرة الكريمة . احنا بنعيش فوضي مقصودة للتحسر علي ايام مضت كنا فيها كالنعام
|
رد: البلد بقت فوضى من غير صاحب
حال البلد مش سيئ ، حالنا إحنا اللى أسوأ ، الفوضى و البلطجة إحنا اللى بنعملها بإيدينا ، السرقة و النهب إشتغلوا عشان رجعنا تانى سلبيين زى زمــــــان ، و الحرامى دلوقت بقى بيسرق فى عز الضهر عشان عارف إن مافيش حد هيكلمه ، و اللى بيمشى عكس بيعمل كدا عشان محدش بيقولله تلت التلاتة كام ، أما المطبات دى بقى نتيجة جهل لأن تلاقى فيه ناس بيعملوها خدمة للى سايق بدل العلامات بتاعة الكيلومتر :)
|
رد: البلد بقت فوضى من غير صاحب
للأسف هوه ده مفهوم الحرية عند فئة كبيرة من الشعب المصرى. وأن كل واحد حر يعمل اللى هوه عاوزة وللأسف المستفيد الوحيد هو الصايع والبلطجى اللى مش حيعطوا فرصة لرجوع الامن فى البلد بسهولة لانهم متأكدين ان مش حتجلهم فرصة ثانية زى دى يعملوا اللى هما عايزينه بدون رقيب ولا محاسب.
ربنا يسترها علينا جميعا. |
رد: البلد بقت فوضى من غير صاحب
حمدا لله علي سلامتك انت ووالدك و عمك
|
رد: البلد بقت فوضى من غير صاحب
اقتباس:
يقدر كم بلطجى يقطعه أى طريق رئيسى ومحدش هيقدر يعمل معاهم حاجة، فين وزير الداخلية، المفرود ما دام مش قادر يبسط دور الشرطة فى مصر يبقى يستقيل أحسن، الشرطة عددها مليون ونصف يعنى المفروض يبقى فى كل شارع فى مصر فرد شرطة، للأسف دلوقتى الشرطة بتاخد مرتبها وملهمش أى دور إلا ما رحم ربى. |
رد: البلد بقت فوضى من غير صاحب
اقتباس:
|
رد: البلد بقت فوضى من غير صاحب
اقتباس:
|
رد: البلد بقت فوضى من غير صاحب
اقتباس:
|
رد: البلد بقت فوضى من غير صاحب
حمد الله على السلامه الحمد لله جت سليمه
|
رد: البلد بقت فوضى من غير صاحب
اولا حمد لله على سلامتك يا كبير وربنا يحفظك انت وكل الاخوة ولكن اسمحلى انا كل يوم فى مشاهد متكررة فى هذا الوضع وكل يوم بتلاتة اربعة قتلى ولكن وجهة نظرى المتواضعة ان دة كبت جوة الناس والبلطجية اللى اتربوا على ايد الكلاب الكبار اللى محبوسين دلوقتى فاحنا حبسنا الاستاذ بس سيبين التلاميذ الشطار برة وهى دى المصيبة الكبرى وصدقنى احنا فى حالة اسوا من حال الحرب بالاف المرات ولازم تضع امام عينك ان الموت بقي فى كل خطوة ولا امان نهائيا فى بلدنا الحبيبة واخيرا بنقول ربنا يسترها من عندة واسف على الاطالة
|
رد: البلد بقت فوضى من غير صاحب
حمد الله على سلمتك
|
رد: البلد بقت فوضى من غير صاحب
حمدا لله علي سلامتك
|
رد: البلد بقت فوضى من غير صاحب
اقتباس:
اقتباس:
الله يسلمك ويحفظك يا باشا، وفعلا عندك حق فى كلامك، رأس النظام أتغير أما النظام فلا، والناس ما صدقت تخرج الكبت فى أى حاجة، ونورت الموضوع. اقتباس:
اقتباس:
|
رد: البلد بقت فوضى من غير صاحب
المهم حمداللة علي السلامة
ولكن للاسف هذه هي الفوضي التي قال عنها المخلوع وللاسف الشعب المصرى غير جاهز للديمقراطية وهذه الحقيقة المرة ولكن لبد ان نعترف ان الجهل العام في البلد لا يقل عن 70 % من الشعب ولكن الحل فين ؟؟؟؟؟؟؟؟؟ ربنا يستر علي البلد |
رد: البلد بقت فوضى من غير صاحب
اقتباس:
كلام حضرتك سليم %100 والحل سهل وبسيط. لو حضرتك عندك سبت طماطم او مانجو وربعه ضارب (بايظ) والباقى كويس اول حاجة حتعملها ايه؟؟؟؟؟؟؟؟ اعتقد الاجابة الطبيعية حتشيل الربع الفاسد بعيد عن باقى السبت لان لو حضرتك تركته حيبوظ باقى الثلاث اربع الباقين. لغاية دلوقت شوفنا حد بيتحاكم فى قضية قطع طريق عام - قطع سكة حديد وتعطيل مواصلات عامة - حرق سيارات الشرطة ( التى هى ملك للشعب مش وزارة الداخلية) - حرق مدرعة للجيش (التى هى ملك للشعب مش القوات المسلحة) - حرق قسم شرطة او نقطة مرور - حرق سيارات المطافى .......ألخ طبعا لأ. يبقى طول ما مرتكب اى جريمة لايجد عقاب لن يتم السيطرة على الفوضى الموجودة فى مصر فى الوقت الحالى وليس أمامنا الا الدعاء لبلدنا الحبيب مصر. أسف على الاطالة وتحياتى للجميع. |
رد: البلد بقت فوضى من غير صاحب
اقتباس:
|
رد: البلد بقت فوضى من غير صاحب
ربنا يسترها على البلد وكل عام وانتم بخير
|
رد: البلد بقت فوضى من غير صاحب
اولا البقاء لله ......
ثانيا : ما نحن فيه هو إبتلاء من الله عز وجل و محنه كبيرة يجب ان نلجأ لله عز و جل بالدعاء لرفع هذا البلاء عنا . ثالثا : لو انا اصلحت من نفسي و وحاسبتها على الخطأ قبل الصواب ... وعلمت انا هناك من يراقبني ويراني و سوف يحاسبني على ما افعل .. سوف يتحسن حال البلد ..... ويجب كل واحد يبدأ بنفسه اولا قبل غيرة ..... يارب عليك صلاح الحال و رفع عنا هذا البلاء .......... و اللهم اجعل مصر بلدا امنا و سائر بلاد المسلمين . |
رد: البلد بقت فوضى من غير صاحب
اقتباس:
جزاك الله كل خير على هذا الدعاء. |
رد: البلد بقت فوضى من غير صاحب
اقتباس:
اقتباس:
اقتباس:
اقتباس:
ويجب أن يكون لدينا النية والقدرة لكى نتغير، نحن نعمل عمل مبهر جداً ثم نعود إلى حال أسوأ من حالنا، نسأل الله السلامة. |
رد: البلد بقت فوضى من غير صاحب
قدامنا ولا 18 سنه عشان الثوره المصريه تنجح وتغير من اساليب الناس و سلوكياتهم .... ومحدش يقولى اشمعنى 18 سنه
|
رد: البلد بقت فوضى من غير صاحب
بالبلدى يا جماعة ، فيه علم إسمه علم الثورات و التغيير ، و تاريخ الثورات على وجه الأرض من أبد الآبدين بيقول إن فيه ناس لازم تموت عشان اللى بعدهم يعيشوا أحسن ما هما عاشوا ، نحن الآن يا جماعة لسة فى مرحلة ما قبل الثورة الفرنسية ، يعنى بإختصار كدا لسة الثورة العربية الكبرى ماحصلتش ، ونأمل أن لاتستعمل المقصلة بل المرحمة.
لا تنزعجوا أبدا من الأحداث العابرة يا إخوان ، مصر الآن تكتب تاريخها بيد أبناءها ، لذلك نرجو أن نكتب بأيدينا خيراً. تذكروا البيت الذلا يصف راية الإسلام فى الأندلس ذات الألوان الأربعة: بيـــــــضٌ صَنَائِعُنا سُودٌ وَقائِعُنا خُضرُ مَرابعُنا حُمـــــــرُ مَوَاضِينـــــــــــــا |
| الساعة الآن 11:37 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir