مشروعات صغيرة 4 تعبئة وتوزيع توابل
 

بسم الله الرحمن الرحيم
مشروع تعبئة توابل
والمشروع ده ياجماعه من ارخص المشروعات من حيث رأس المال بمعنى انك ممكن تبدأ ب1000|أو 1500جنيه
أدوات الانتاج :-
1- ميزان حساس :- زي اللي موجود عند البقالين والسوبر ماركت وده بيتباع في شارع النحاسين ببالقرب من باب الشعرية او شارع الجيش وسعره بيكون من 100 الى 130 جنيه.
2- ملاعق بلاستيك للتعبئة .
3- اكياس بلاستيك للتعبئة او لو عاوز مظهر شيك خليها علب بلاستيك صغيرة زي الملاحة كده .
4- ماكينه قفل الاكياس ودي برده مش غاليه او وممكن نستبدلها ب دباسة .
5- التوابل ودي بقى هنجبها من الغورية او شارع الازهر وهنجيب مثلا فلفل اسود مطحون وكمون مطحون وشطه وبهارات وهكذا وهنجيب من كل نوع عدد كيلوات قليل للبدء مثلا 2كيلو من كل نوع او كيلو واحد للتجربة مع مراعاة تعبئة كل نوع لوحده علشان مايكرفوش .
6- ستيكر مكتوب عليه اسم الصنف وتاريخ الصلاحيه هكذا وده هنعمله في اي مطبعه.
7- انزل وتوكل على الله ووزع الكميه اللي معاك .
وربنا يكرم الجميع

رد: مشروعات صغيرة 4 تعبئة وتوزيع توابل
 

ربنا يوفق الجميع ويرزقكم رزق حلال

رد: مشروعات صغيرة 4 تعبئة وتوزيع توابل
 

ربنا يكرم كل من يفكر و يعتزم الرزق الحلال

رد: مشروعات صغيرة 4 تعبئة وتوزيع توابل
 

الله امين يارب العالمين

رد: مشروعات صغيرة 4 تعبئة وتوزيع توابل
 

افكارك جميله بالتوفيق

رد: مشروعات صغيرة 4 تعبئة وتوزيع توابل
 

طيب حاجة زى دى مش محتاجة ترخيص من وزارة الصحة ؟

رد: مشروعات صغيرة 4 تعبئة وتوزيع توابل
 

بجد مش عارف بس اعتقد انك لو هاتعمل تراخيص يبقى تعمل دراسه جدوى لتكبييير المشروع انك تعمل كميات كبيرة علشان تعرف تاخد خصم وتكسب ان شاء الله

رد: مشروعات صغيرة 4 تعبئة وتوزيع توابل
 

رد: مشروعات صغيرة 4 تعبئة وتوزيع توابل
 

رد: مشروعات صغيرة 4 تعبئة وتوزيع توابل
 

وانت موش شغال فيها ولا ايه

رد: مشروعات صغيرة 4 تعبئة وتوزيع توابل
 

لالالالالالالالالالالالالالا
انا بفكر بس ومابشتغلش للأسف

رد: مشروعات صغيرة 4 تعبئة وتوزيع توابل
 

كل اما أجي أعمل اي مشروع يطلعلي 100 مشكله والفلوس تتصرف

رد: مشروعات صغيرة 4 تعبئة وتوزيع توابل
 

ربنا يعوض صبرك خير ان شاء الله

رد: مشروعات صغيرة 4 تعبئة وتوزيع توابل
 

الحمد لله على كل حال

رد: مشروعات صغيرة 4 تعبئة وتوزيع توابل
 

هل سيقبل منك السوبرماركت توزيع منتجك بدون تراخيص

رد: مشروعات صغيرة 4 تعبئة وتوزيع توابل
 

أنت بتعمل ستيكر على المنتج فيه تاريخ صلاحية بس هوا مش هايسألك على تراخيص أنت ممكن تجرب في عدد قليل ولو الموضوع أن شاء الله ماشي معاك ممكن ساعتها تعمل سجل تجاري وبطاقة ضريبية و تعمل كل التراخيص بتاعتك
والله الموفق