|
بعض مهارات الصيد التى لا تمس الصبد بصله
السلام عليكم
انا انهارده هاقولكم بعض مهارات الصيد المهمه جداااااااااااااااااا لمعظم الصيادين وخاصه اللى بيصطادو فى مناطق سكنيه او بيقابلو ناس كتير المهاره فى التعامل مع الناس ديه مهمه جدا وممكن تخليك صاحب ارض وممكن تخليك ملعون فى الارض اللى بتنزلها يعنى مثلا لو بتصطاد فى منطقه سكنيه وطلعلك واحد قالك الكلام المعتاد(حاسب يبنى لتجيبها فى عينى) (اليمام حرام يبنى) (حاسب الحمام بتاعى) وهكذا طبعا الكلام مستفذ اوى بس لازم تكون بارد اوى وترد باحلى الردود ويستحب انك تقول(حاضر شكرا يا افندم ) وتمشى طب ده فى المناطق السكنيه لو فى مناطق صحراويه وعرب بقى وكده حاول تبقى عفوى حبتين وتبين انك ابن بلد ودايما فرق بين نوعيات الناس يعنى تلاقى واحد ابن بلد ومجدع لازم تكلمه بادب واحترام وتاخد وتدى وتتوهه فى مواضيع تانيه علشان يحبك وينسى انك بتصطاد وبكده هايحب يشوفك كل يوم ده غير بعض اليمام لاهل المنطقه ديه هايخليهم يحبوك اكتر نيجى لنوعيات اخرى من الناس بتبقى ضايعه ودماغه مش فيها دول حاجه من اتنين اما تقولهم طيب وتمشى طوالى او تمشى بدون كلام لان دول هم اللى بيعملو المشاكل كلها وما تقولش ايه ده انا هاخاف ولا ايه لالا مش خوف مجرد انك تتجنب المشاكل بقدر المستطاع مثلا كان مره بصطاد ولقيت واحد بيضرب حقن ماكس وانا بصطاد ضربت ولقيت اليمامه وقعت جوه مدرسه فلسه بمشى لقيته بيندهلى ويا كابتن ويابرنس بصتله قلتله خلاص وقعت لصاحب نصيبها فضل بقى يهرتل بالكلام وعاوز يكلمنى كل اللى عملته انى اديته ضهرى ومشيت وده احسن حل لانك لو اتخانقت معاه او كلمته هاتضيع يومك اولا ثانيا هاتلم ناس وممكن يغلطوك انت لو انت مش معروف فى المنطقه وكمان لازم تختار مناطق الصيد بعنايه يعنى ما تنزلش فى منطقه بتاعه ناس بتوع مخدرات او مثلا طريق عارف ان فيه قطاع طرق وهكذا علشان ما تضطرش تستخدم بندقيتك غلط وتضرب بيها حد كل ده تجنب لاى مشاكل علشان يومك يمشى بسلاسه وهدوء من اجمل ما يمكن ان تفعله اثناء الصيد هو انك تصطحب ولد صغير من اهل المنطقه اثناء رحلتك منها يساعدك ومنها تعلمه وطبعا يبقى عون ليك فى اى مشكله تواجهها وطبعا تديله يمامتين ولا حاجه وصدقنى هاتفرح اوى فى اليوم ده المهارات ديه بتطلب منك تبقى بارد جدا وتحت اى ظرف ما تفكرش تستعمل سلاحك ولو حد كلمك اى كلمه عامله على قد عقله مثلا مره واحد قالى انت اللى ضربت الحمام بتاعى وانت وانت قلتله بمنتهى البرود( يا افندم انا بصطاد يمام بس وادى الشنطه شوف فيها حمام لو يخصك خده) طبعا علشان هو راجل محترم بس عقله صغير فى حته الصيد لكن مع البعض الاخر لازم ترد باسلوب مختلف بس ارجو على قدر الامكان تتجنب المشاكل والعصبيه نيجى بقى لنقطه مهمه بيشكو منها الكثير من الصيادين وهى الصيد وسط الناس او فى المدن بصو يا جماعه انا مره اصطدت فى يوم وكان اكنى ماشى الساعه 2 الظهر بس بما انى مجنون وبحب الصيد اوى كملت طبعا نظرات الناس غريبه بس بقيت احسسهم انى عبيط اوى بمعنى............. كنت الاقى يمامه على شجره استاذن اللى ماشى تحتيها واقوله بعد اذنك هاضربها واحد تانى فى بيت بستأذنه اضرب يمامه فى البيت اللى قصاده هكذا وبحب اوى لما الناس اللى فى البيوت يشوفونى بضرب علشان يعرفو ويفهمو انى مش بضرب وخلاص ويطمنو لوجودى فى المنطقه وكذلك لو فى عربيه وبتصطاد بره لازم تدى السلام ويارجاله وكده وبردو تستأذن الكلام ده كله بيخلى الناس تفهمك وتحبك وفى احيان كتير بيساعدوك حتى لو بتضرب على بلكونه وواحد واقف فيها ...................................... فيه حاجات مهمه اوى اوى اوى بقى سلاحك ما تسلمش سلاحك لاى حد تحت اى ظرف حتى لو بيقولك هاجرب قوله معلش علشان ظابطها او مثلا معلش علشان الحق يوم واليمام وهكذا ولو تربس اوى وحاسس انه هايعمل ازمه قوله طيب خلى بالك وحسسه ان السلاح ممكن يضرب لوحده وخوفه منه يعنى ودايما اقف جنبه واكنك ماسك البندقيه وما تديلوش غير انه يضرب وبس .......... لا يعمر ولا يمسك رش مش مسأله تخوين بس حفاظا على سلاحك لان مرات كتير بدي بندقيتى لصديقى حتى ويضرب بيها وهى مكسوره او الزناد يسرقه ويضرب فى اى اتجاه او حتى يستعبط وينشن على حد فى الشارع لازم تبينلهم انك بتغضب بسرعه من كده وتامن سلاحك لاقصى درجه بالنسبه لصيدك وحصيلتك خليها دايما فى ايدك او مربوطه فى وسطك ولما تقع يمامه متخليش حد يجيبهالك واتصرف اكنك مضايق من التصرف ده لان ده هايدفعه انه يطلب منك يضرب او ياخد يمام وبكده مش هاتخلص فى يومك وهاتتعكنن فى النهايه انصحكم بالخروج مع صيادين قدامى علشان تقابلو سوا الحاجات ديه وتتعلمو منهم ازاى يتعاملو معاها ارجو ان الموضوع يكون مفيد لبعضكم بس لانى انا بتعامل مع ناس كتير اثناء الصيد فمعنديش اى مشكله انى اصطاد وسط ناس ولو حتى بتليسكوب وكاتم سلام عليكم |
رد: بعض مهارات الصيد التى لا تمس الصبد بصله
ايه يا حوكا الابداع ده انهاردة ما شاء الله عليك..مواضيع هايلة..تسلم ايدك.
|
رد: بعض مهارات الصيد التى لا تمس الصبد بصله
حوكا حبيبى انا عارف ان الموضوع ده عشانى شكرا ياكبير وحرام عليك بقى ياعم انا خلاص اتعقد ومش هطلع اصطاد تانى هههههههههههههههههههههههه
|
رد: بعض مهارات الصيد التى لا تمس الصبد بصله
اقتباس:
اقتباس:
ومره كانت احلى رحله صيد ليا وكان تقريبا فى امتحانات كمان تخيل بقى عاوزك تنزل ياريس وتعلمنا بقى من رحلاتك ووالله يبنى بتعلم منك احلفلك بايه بس؟؟؟ ربنا يكرمك ويحفظك سلام عليكم |
رد: بعض مهارات الصيد التى لا تمس الصبد بصله
والله يا حوكا كلام سليم الموضوع ده فعلا مهم لان الصيد مش مهاره رمايه وبس لازم برده تكون بتعرف تتعامل مع الناس كويس واهم حاجه فى نظرى انك متديش سلاحك لحد انا اول ماجبت البندقيه المعادى كانت من عند واحد فى طنطا راجل كبير فى السن قالى كام نصيحه كده منهم ان اللى يفرط فى سلاحه يفرط فى مراته ( معلش فى اللفظ يعنى ) .............. تسلم ايديك على الموضوع
|
رد: بعض مهارات الصيد التى لا تمس الصبد بصله
اقتباس:
سلام عليكو |
رد: بعض مهارات الصيد التى لا تمس الصبد بصله
اقتباس:
شكرا لمرورك يا فندم |
رد: بعض مهارات الصيد التى لا تمس الصبد بصله
موضوع جميل يا حوكا و نصيحه مفيش احلا من الصيد فى مكان فاضى زى اراضى زراعيه مثلا
|
رد: بعض مهارات الصيد التى لا تمس الصبد بصله
ايه ده يا عم الحاجات الجامدة دي كتير اوي الكلام ده و المواضيع دي على يوم واحد
|
رد: بعض مهارات الصيد التى لا تمس الصبد بصله
الله ينور ما شاء الله عليك بس باين انك وقعت فى مشاكل قبل كده
على العموم الف شكر على النصايح الغالية دى |
رد: بعض مهارات الصيد التى لا تمس الصبد بصله
حقيقي الله ينور .. موضوع اكتر من رائع و لفت نظري لمعلومات انا عمري ما فكرت فيها ... و اعتقد انها حاتفرق في مهاراتي في الصيد..
|
رد: بعض مهارات الصيد التى لا تمس الصبد بصله
السلام عليكم ورحمة الله وبركاته
أخي الحبيب اشكرك على موضوعك المميز والفريد من نوعه بالنسبه لي على الأقل معلومات قيمه إن شاء الله نعمل بيها تقبل مروري أخوك بن دلول والسلام عليكم ورحمة الله وبركاته |
رد: بعض مهارات الصيد التى لا تمس الصبد بصله
|
رد: بعض مهارات الصيد التى لا تمس الصبد بصله
اقتباس:
يا دولة يا كبيــــــــــــــــــــــر ايه الكلام الجامد ده؟؟؟ :) ناقص البندقية ترفع عليا قضية خلع!! |
رد: بعض مهارات الصيد التى لا تمس الصبد بصله
اقتباس:
|
رد: بعض مهارات الصيد التى لا تمس الصبد بصله
الله ينور يا حوكا كلام فى منتهى الاهمية وجزاك الله خير الجزاء لكن احب ان اوضح حاجة مهمة جدااااااااا لجميع الاعضاء وهى ان الخبرة تاتى من 1-من التجارب فى الحياة والعمل وتجاوز المشاكل والمصعاب 2- من الممارسه العمليه على ارض الواقع 3- واخيرا والاهم وهى اكتساب الخبرة من الاخرين .......والنقطة دية مهمة اوى وانا بستند هنا بموضوع حوكا لان احنا كمبئتدين ممكن نوفر وقت ومجهودكبييييييييير جداااااااااا ونتعلم من خبرات الاخرين ومن هنا نقدر نضرب عصفورين بحجر واحد توفير للوقت واكتساب الخبرة وعلى هذا الاساس اطالب جميع الاخوة خبراء الصيد فى مصر بأن لا يبخلو على اخواتهم الاعضاء المبئتدين من اعطاهم خبراتهم فى الصيد كما فعل اخى وصديق حوكا شكرااااااااااااا حوكا وكل سنة وانتم جميعا بخير وتحياتى للجميع |
رد: بعض مهارات الصيد التى لا تمس الصبد بصله
موضوع ممتاز يا حوكا و حكاية السيكترما دي ( كلفظ ) انا عرفتة من القناص أشرف باهي صراحة ... بس موضوعك مميز و مهم أن يتعرف عليه كل من يخرج للصيد و خاصة في المناطق السكنية و الغير مفتوحة ... و بالتوفيق دائما .. تحياتي لك.
|
رد: بعض مهارات الصيد التى لا تمس الصبد بصله
اقتباس:
ههههههههههههههههههه بس انا حاليا مش بسلمها لحد غير لو صديقى او صياد اقتباس:
افرض اتكشفت والمستور بان والناس عرفت ان اليمام عندى واخد رشوه لمده 3 مواسم جايين؟؟؟ هههههههههههههههههه ربنا يزيدنى من فضله ويبارك فيك وبردو انا تلميذك ولو ع الاقل فى معلومه صغيره اوى اوى حتى اقتباس:
اقتباس:
والله البركه فى ابو عادل شعللها فى دماغى الصبح قلت اشوف هاقدر اعمل مواضيع وافهم الناس ولا لا ويارب تيجى بفايده ووالله الهدف ان الاساتذه الصح اللى انا تلميذهم هم اللى يدخلو ويعلمونى ويعلمونا كلنا ان شاء الله اقتباس:
اقتباس:
اقتباس:
اقتباس:
اقتباس:
وبضم صوتى لصوتك وبنادى الصيادين القدامى يرجعولنا لان بجد هاتبقى الفايده جامده جدااااااا وللجميع ربنا يوفقنا للخير اقتباس:
بس انا كنت عارفها بردو لكن بتعامل معاها على انها حادثه ويجب تجنبها او استغلالها للصح بس طبعا الاستاذ اشرف خبييييير واستاذ ورئيس قسم وتخيل لو معانا دلوقتى وبيدخل؟؟ بجد بجد انا هاربع ايدى واقعد قدام الشاشه اقرى واتعلم ربنا يجعهولنا بالسلامه هو وباقى العظماء امثال المهندس طلعت والاستاذ وليد الشيمى وعاصم الشبراوينى سلام عليكم |
رد: بعض مهارات الصيد التى لا تمس الصبد بصله
الله عليك يا جوكا و الله مواضيعك النهاردة احلى حاجة حصلت فى المنتدى من فترة اكتر من شهر فات
تحياتى |
מלונות בישראל
أفضل الفنادق وأماكن لدي أي وقت مضى في التحقق منها لدينا الرحلة القادمة
ספורט קלאב אילת | חוף גיא מלון | ספורט קלאב אילת |
رد: بعض مهارات الصيد التى لا تمس الصبد بصله
هههههههههههههههههههه كلام جامد جدا خصوصا حكاية أنا بصطاد يمام خد شوف لو فية حمام ههههههههه .
|
رد: بعض مهارات الصيد التى لا تمس الصبد بصله
الكلام اللى انته بتقوله فعلا معقول انا فعلا فى واحد عصبنى جدا بس ده من فن حوالى 10 سنين عمال يسال يسال طب هات ضربه وطبعا لاقى الرفض فراح ماشى ولما حس انه بقى بعيد عنى شويه راح شاتمنى ما حستش غير وانا ضربه بالبندقيه فى ظهره وجريت عليه وكنت هاضربه بالدبشك كمان كنت فى قمه النرفزه لكن الحمد لله الموضوع عدى عشان كده لازم نحط اعصابنا فى التلاجه
|
رد: بعض مهارات الصيد التى لا تمس الصبد بصله
الله اكبر عليك فعلآ عقليه مميزه وصياد عنده ملكه ربنا يزيدك من فضله
|
رد: بعض مهارات الصيد التى لا تمس الصبد بصله
اقتباس:
اقتباس:
يمامه جت تقف على شجره عاليه وراجل حارس قاعد قدامها الناحيه التانيه من الشارع فجاى اضرب بيقولى الشجره مفيهاش ولا عصفوره بلاش تضرب هنا مع ان الشجره على اخر شارعى وممكن اعمل مشكله وانت مالك وكده قلتله بس انا لسه شايف يمامه حالا فيها فضلت ارخم عليه واقوله فيه يمامه وهو يقولى لا واضحك معاه واقوله طب لو وقعتلك عصفوره تجيبلى حمامه اضربها وكان موقف كوميدى جدا وحتى فى مره ابو عادل كان معايا وعمل نفس الموقف بس علشان عادل كان هايتنرفز عليه قلتله ماشى يا حاج ومشيت عادى لازم تعاملهم على قد عقولهم اقتباس:
يا باشا انا بستلم تريقه التنين طول ما انا ماشى وغلاسه السنين ورخامه بالعبيط بس ولا برد ولا برفع سلاح وماشى انا والبندقيه واليمام وبس اهم شئ تعرف انك معاك سلاح ولو سمحت لاعصابك وغضبك يسيطرو عليك ممكن ترتكب جريمه ملهاش لزمه وعلى كلمه او بصه او حتى موقف كامل وكمان احنا اللى غلطانين اننامش بنثقف الناس ديه ونفهمهم بس ربنا يكرم ونقدر نحقق حلمنا اقتباس:
سلام عليكم |
رد: بعض مهارات الصيد التى لا تمس الصبد بصله
الله الله الله ياحوكا بجد خبرات صياد بيصطاد بقاله عشرين سنة
|
رد: بعض مهارات الصيد التى لا تمس الصبد بصله
الله ماشاء الله والله العظيم استاذ ومواضيعك مفيدة ورائعة بجد عاش عاش يا وحش
|
رد: بعض مهارات الصيد التى لا تمس الصبد بصله
اقتباس:
ههههههههههههههههه والله ديه خبراتكم انتو اللى انا تعلمتها منكم وانا بصطاد بقالى 6 سنين بس مش اكتر يعنى لا شئ جنبكو وكمان انتو لفيتو وجربتو كل حاجه انا مكنتش اعرف غير الرمسيس والرش المصرى والكام شارع اللى بصطاد فيهم وطبعا الناس الحلوه اللى ساكنه فى المنطقه ههههههههههههههههه ربنا يبارك فيكم ويحفظكم وسلام لعمرو اقتباس:
سلام عليكم |
رد: بعض مهارات الصيد التى لا تمس الصبد بصله
ايوة كدا يا باشا متبخلش علينا بالمعلومات القيمة دى علشان الصيادين الجدد يدعولك
وفى انتظار المزيد . |
رد: بعض مهارات الصيد التى لا تمس الصبد بصله
موضوع رائع يا حوكا تسلم ايدك
|
رد: بعض مهارات الصيد التى لا تمس الصبد بصله
لأ ده في حجة احسن لما يقولي عايز اضرب اصل انا كنت بصطاد مرة ولقيت شوية ولاد قاعدين يلعبوا كورة اول لما شافوني قالولي عايزين نجرب قعدت اقول لأ ومش هينفع وانا اصل ظابطها على حاجة معينة وكده قعدوا يتحايلوا عليه حسيت ان هم كمان شوية هيعيطوا هما كان عندهم بتاع 14 سنة ولو خدوها هيفضلوا يهوشوا بعض وكدة فقلتلهم ثوني اضرب اليمامه دي قالولي فين قلتلهم اهي على الشجرة مش شايفنها وقمت منشن وضارب وبعدين عمرة البندقيه بس منغير رش ومهدش فيهم عارف حاجة ولا اخد باله المهم قلتلهم انا موافق تضربوا بس مره واحده قالولي ماشي وبعدين اديتها لواد قعد يهوش في صحابه و كده وفي الأخر قالي هضرب على العمود كل ده والبندقيه مفيهاش رش قلتله ماشي قعد ينشن نص سااعة وببعدين ضرب قولتله ياااااه جت جنبها بالظبط المهم اللعبة عجبتهم فبقوا كلهم عايزين يضربوا فضلت اخدهم على قد عقلهم واعمرلهم البندقيه من غير رش واشتغلهم وجت جنبيها وانت بتعرف تنشن والكلام ده لحد لما جه راجل عجوز قعد يقول هتعوروا بع ومش عارف إيه قمت قايلهم شفتوا مش قولتلكوا و العيال بصولي كده وبعدين الراجل العجوز قعد يديهم محاضرة طبعا قمت واخد بعضي والبندقيه وخلعت\\\\\\\\\\\\\\\\\المشكله بقى في الراجل اللي يجي يقولك حرام ومش لما النبي دخل غار حراء كان في حمامة فوق الغار وهي الي خلت المشركين يمشوا ومش عارف ايه وتيجي ست عجوزة تبص لليمامة وتكون هتعيط وتقول مش دي ليها عيلة وحاجات كده دول ارد عليهم اقولهم إيه
|
رد: بعض مهارات الصيد التى لا تمس الصبد بصله
طبعاً هو موضوع جميل لخبرات التعامل مع أنى ليا تحفظ على الصيد و سط المدن السكنيه لأنه مهما لو كنت صياد فيه إحتمال تيجلى منك و تيجى فى عين حد ، و لكن من مبدأ ربك يسترها بنمشى و ده أنا مش معاه
شكراً للأخ حوكا على كتابة مقال طويل بإسلوب شيق لنقل خبرته و لكن أحبذ ان يخرج الجميع للصيد خارج المناطق السكنيه |
رد: بعض مهارات الصيد التى لا تمس الصبد بصله
ما شاء الله عليك يا د/ حوكا .. الكلام ده مهم جدا جدا .. ربنا يباركلك على النصح والإرشاد ..
|
رد: بعض مهارات الصيد التى لا تمس الصبد بصله
اقتباس:
هو حضرتك تصرفك صح بس ما فكرتش فى الضرر ع البندقيه؟؟ وتخيل لو انت ماشى ببندقيه عليها اسكوب ايه التصرف؟؟ بص يا افندم لو انا فى موقفك كنت شديتهم لحته تانيه خالص مثلا بتشجعو اهلى ولا زمالك ...... طب تيجو تتمشو معايا وهكذا وحاول تبعدهم عن البندقيه طالما هاتضرهم او تضر البندقيه نيجى لحكايه الراجل اللى يقولك اليمام حرام......... امسك الفيديو ده حطه فى موبايلك ولو شيخ اللى قالك حرام وريهوله بالنسبه للى بتصعب عليهم كلمهم وقولهم طب ما الفراخ بناكلها وليها كتاكيت وهكذا وحاول تاخدهم على قد عقلهم وانت ما تعصبش نفسك او تضايق وخليك ريلاكس خالص علشان تعرف تكمل رحلتك بس لو فيه اى استفسار تانى ياريت تقولى وانا تحت امرك لانى حتى مريت بحالات بلطجه وغيره وكل حاله وليها تعامل بس زى ما قلت بلاش العصبيه لانها هاتؤدى لمشاكل او انك تستخدم البندقيه ضد شخص اقتباس:
بس فيه حاجه مهمه جداااااااا انى اكتشفت ان اللى يصطاد فى المدينه هايقدر يتجنب اى حادثه ويخلى نسبه حدوثها صفر لانه اتعود على اقصى درجه من الحذر ده غير ان صيد المدينه بيبقى من مسافات وما تفتكرش انى بقف تحت المنشر او البيت واضرب بالعكس اليمام فى المدينه بيقلق بسرعه بسبب الحركه الدائمه وده بيخلينى اقدر اقرب منه واتعلم طباعه عن قرب وكذلك بيعلمنى اماكن الضرب واضرب اليمامه من اماكن معينه واكون مجبر عليها علشان الخلفيه وكده وبالتالى هاكتشف تاثير الرشايه فى المنطقه ديه بالذات وهكذا بس انا مع حضرتك وبنصح اصحاب البنادق العاليه والمبتدئين بعدم نزول المدن فعلا لان لازم التدرب الاول شكرا جزيلا يا افندم على نصيحتك الغاليه وشكرا لكلام حضرتك اقتباس:
سلام عليكم |
رد: بعض مهارات الصيد التى لا تمس الصبد بصله
اود ان اوجه جزيل الشكر والعرفان لصديقى احمد روك على الفيديو بتاع الشيخ محمد حسان لانه هو اللى اديهولى ربنا يبارك فيه وقبلها كان نادرا ما حد يقولى حرام واقوله كل الطيور حلال وندخل فى جدل بعرف انهيه بانى اقوله ربنا يدى الواحد على قد نيته وخلاص
|
رد: بعض مهارات الصيد التى لا تمس الصبد بصله
السلام عليكم ورحمة الله أحييك يا حوكا على هذا الموضوع الجميل وهذه الخبرات التى استفدت منها شخصياً وأتمنى أن تستمر فى نقل هذه الخبرات التى يستفيد منها الجميع , القدامى والجدد على السواء وأحب أن أؤكد أن الصيد ليس فقط بندقية وضرب , ولكنه أخلاق و أسلوب حياة يتعلم و يتعود فيه الصياد على صفات حميدة كثيرة تنتقل معه وتفيده فى باقى مناحى الحياة , مثل الصبر والمثابرة والإصرار وعدم اليأس والتغلب على المصاعب المتنوعة والثقة بالنفس و ........ موضوع رائع وجديد يا حوكا , تسلم إيدك وكل عام و أنتم جميعاً بخير وسعادة |
رد: بعض مهارات الصيد التى لا تمس الصبد بصله
الله ينور يا حوكا فعلا موضوع ممتاز
|
رد: بعض مهارات الصيد التى لا تمس الصبد بصله
اقتباس:
اقتباس:
سلام عليكم |
رد: بعض مهارات الصيد التى لا تمس الصبد بصله
السلام عليكم ... بسم الله ماشاء الله ... ايه الجمال ده يا حوده ... انت بتذاكر من ورايا ولا ايه ... هههه... الى الامام دائما ... تحياتى .
|
رد: بعض مهارات الصيد التى لا تمس الصبد بصله
اقتباس:
تلميذك يا باشا ربنا يخليك ومستنى درجه الامتحان ياترى نجحت ولا لا؟؟ هههههههههههههههههه سلام عليكم |
رد: بعض مهارات الصيد التى لا تمس الصبد بصله
موضوع ممتاز ومفيد جدا وبيفكرنى بقياده السيارات فى الزحمه وفن التعامل مع الناس تحياتى وكل عام وانتم بخير
|
رد: بعض مهارات الصيد التى لا تمس الصبد بصله
موضوع اكثر من رائع حوده واهلا ياعادول
|
رد: بعض مهارات الصيد التى لا تمس الصبد بصله
شكرا ياعمور وحودا فعلا حد كويس وهوه الللى رافع اسم الرمسيس عاليا
|
رد: بعض مهارات الصيد التى لا تمس الصبد بصله
............................
|
رد: بعض مهارات الصيد التى لا تمس الصبد بصله
تم اخذ رابط الموضوع ووضعة فى موضوع اكاديمة الصيد والرماية
http://www.egypthunt.net/showthread.php?t=9427 وتحياتى للجميع |
| الساعة الآن 09:09 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir