|
رسالة لأعضاء المنتدي الكرام.
بسم الله الرحمن الرحيم. أولا .. كل عام و حضراتكم بخير بمناسبة عيد الفطر المبارك. يعلم البعض من أعضاء المنتدي أن موضوعات الرابطة قد حذفت بقرار إداري من صاحب المنتدي .. و هذا حقة بكل تأكيد .. و يجب أن نحترمة .. و لكن من حق الرابطة أن تستمر أيضا دون مخالفة قوانين المنتدي .. فلم يكن هناك أختيارات كثيرة. و تضامنا مع أخي بدر .. علقت مشاركاتي بالمنتدي إلا في موضوع الإفطار الجماعي .. و الحمد لله مر بسلام و كان يوما رائعا و صحبه جميلة كالعادة. و بعد تقديم الأعتزار للأستاذ / بدر من قبل أحد الأعضاء .. فقد عاودت من جديد للمشاركة بالمنتدي .. و لكن بصورة أقل لإنشغالي ببعض الأمور في العمل. ما أحزنني حقا ... هو شعوري ببعض الخلافات التي دبت بين بعض أعضاء الرابطة المؤثرين و المؤازرين للرابطة من البداية .. كما أكتشفت أن بعضهم زعلان مني !!! عموما ... قلتها من قبل و سأقولها من جديد .. أنا لا أنكر أبدا فضل منتدي الصيد في مصر (ككيان) علي الرابطة .. كما أنني لا أنكر وقوف أعضاء مثل : ( القنصل - أمير سعد - الروك - بدر - عصام عاصم ..... و غيرهم ) مع الرابطة من البداية للنهاية .. و أتمني أن يبقوا دائما سندا للرابطة و أعضائها .. و السلام عليكم. |
رد: رسالة لأعضاء المنتدي الكرام.
اخى الحبيب ارجو من سيادتك سرد الاحداث فى موضوع الرابطة وما حدث فيها لعدم معلوميتنا
وارجو من سيادتك معرفتنا بمن هو صاحب المنتدى وهل المنتدى ملك لشخص يحذف ويضيف كما يشاء ام ما هو الأمر الذى يجعل المنتدى يمر بهذة الأزمة نرجو الأفادة سريعا حتى يتضح لنا مدى فعاليتنا فى مثل هذا الموضوع وشكرا |
رد: رسالة لأعضاء المنتدي الكرام.
اقتباس:
- و بخصوص حذف الموضوعات و ما شابه ... فبالطبع يرجع القرار فيها لصاحب الموقع فهو الأكثر دراية بمصلحة المنتدي الذي يمتلكة. |
رد: رسالة لأعضاء المنتدي الكرام.
انا اقصد ان المنتدى مفتوح للجميع وفية مشرفين ازاى حد يقدر يتحكم فى منتدى لمجرد انة صاحبة
من السهل جدا ان حد يعمل منتدى فى 10 دقايق انما الترابط الموجود بيننا هنا اكبر من اى كلام ولو سمحت تقبل اضافة الميل لانى عاوز حضرتك فى موضوع هام بخصوص موضوع الرابطة وشكرا |
رد: رسالة لأعضاء المنتدي الكرام.
بصراحه واول مرة الكلام مش واضح ومحتاج تفسير يا استاذ كريم (خلاف بين اعضاء الرابطه) لم ولن يحدث الخلاف كان معاك انت شخصيا وانا هنا اتكلم عن نفسى بعد ما صدر منك عمل مرفوض بالنسه لى وانا متاكد انه كذلك وكثرة اعتزارك والشكر للمنتدى باسم الجميع غير مقبول لى شخصيا وعمل موقع او رابطه خاصه دون الرجوع للجميع
غير مقبول كنت اتمنى ان ترجع مع الجماعه (الرابطه التى هى على قلب رجل واحد) لا لحساب الاهواء والتقديرات و الخلافات الشخصيه مهما حدث من خطاء من الاخرين كنت اتمنى ان يكون الكلام واضح و صريح الاعتراف والاعتزار شيم الكبار وانت اهل لذلك |
رد: رسالة لأعضاء المنتدي الكرام.
طيب يا ريت نفهم اية اللى بيحصل ما دمنا على قلب رجل واحد
|
رد: رسالة لأعضاء المنتدي الكرام.
لى سوال
هو الغلط عند مين اللى غلط ولا اللى كشف الغلط انا لما اكشف غلط وطريقتى فى كشف الغلط دا كانت هى غلط يبقى انا اللى غلطان ولا صاحب الغلط (بالرغم من تحفظى على كشف المستور ) ودا اللى حصل مع كريم هو كشف غلط المفروض انه يدارى على الغلط ياريت كل واحد مش عاف الموضوع يرد على اللغز بدون ان يعرف ومفيش حد يسالنى عن حل اللغز لانى مش هقدر اوضح اكتر من كدا عشان مش عايز اخسر حد من اصحابى واللى موجه ليهم الكلام فاهمين كويس انا قصدى ايه السوال تانى مره هل كريم غلطان ولا لا دى فوازير اخر رمضان |
رد: رسالة لأعضاء المنتدي الكرام.
اقتباس:
كل عام وحضرتك بخير مع احترامى لكل الاخوة كريم مش غلطان واللى غلطان العضو اللى دخل وعمل مشكلة واصر على المضى فى طريق يرفضة كل الناس وكان لازم نمنعه من هذا التصرف المشين وكل عام وانتم بخير |
رد: رسالة لأعضاء المنتدي الكرام.
اقتباس:
اكيد انا غبى علشان والله ما فاهم حاجة الله عليك يا حاج عربى توهتنى اكتر منا تاية |
رد: رسالة لأعضاء المنتدي الكرام.
اقتباس:
كبر مخك والموضوع حلة هيكون حذفة هههههههههه وانا اؤيد حذف الموضوع هذة المرة منعا للخوض فى مشاحنات وخلافات وخصوصا انا شايف انقسام وجهات النظر الى جبهتين مؤيد ومعارض تحياتى |
رد: رسالة لأعضاء المنتدي الكرام.
اقتباس:
ولكن انا عايز الناس تجاوب على كدا من غير ما تفهم وكل سنه وانتم طيبين |
رد: رسالة لأعضاء المنتدي الكرام.
اقتباس:
ردا على حل اللغز وبدون ما اعرف اى حاجة عن الموضوع يبدو ان فى حد غلط وفى واحد تانى كشف الغلط ده بس بطريقة برده غلط. فى مقولة سمعتها وأنا عايش فى بريطانيا وعلقت معايا بطريقة قوية جدا وهى Two wrongs don't make a right بمعنى اتنين غلط لا يصنعوا الصح. وفى هذه الحالة الاثنين غلطوا ولازم تكون النتيجة النهائية للموضوع ككل غلط. ديه وجهة نظرى الشخصية على اللغز المعروض من استاذ عربى وليس حكم على اى موقف فى الموضوع نفسه الذى لااعلم عنه اى شئ من قريب او بعيد. وربنا يهدى النفوس كلها خاصة ان احنا لسه طالعين من شهر مفترج والخلافات اللى بتحصل ممكن ومن السهل تفاديها لو ركزنا اكتر فى هواتنا الجميلة. كل عيد والجميع بألف خير وفى محبة دائمة أن شاء الله. خالص تحياتى |
| الساعة الآن 02:16 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir