|
صورة أسلحتى
1 مرفق
أنا عملت الموضوع ده لغرض معين أن فيه عضو فى المنتدى دخل علق على موضوعى عن تصنيع السليف دفنس فى المنزل بطريقة مش كويسة وعلق على خانة أسلحتى أنى حاطط فيها مونشاكو وسلسلة حديد وشاكوكوش وقال ايه علاقتها بالصيد، مع أن إلى حاطط نوع مسدس حى ملهوش علاقة بالصيد وإلى حاطط مسدس صوت برده ملهوش علاقة بالصيد، وعلشان مش أكثر عليكم فى الكلام لما حصلت الثورة وأنعدم الأمن فى يوم جمعة الغضب وأتحرقت الأقسام ومنهم قسم السلام التابع ليه منطقتى وعرفنا أن فيه 80 مسجون هربه من قسم السلام وجايين عندنا يقتلونا ويسرقونا كل واحد نزل بحاجة فى الشارع علشان يحمى بيته ومكنشى فى بيتى وسيلة دفاع غير الشاكوش علشان أحمى بيتى ومراتى وابنى الصغير إلى كان عمره وقتها 21 يوم، ونزلنا الشارع وحمينا بيوتنا بأقل الاسلحة وكنا رجالة وكنت بنزل الساعة 3 الفجر فى الشارع بالشاكوش وأنا سامع ضرب النار فى كل مكان ومش عارف الضرب جاى منين، ومش عايز أطول عليكم فى الكلام، بعد كده نزلت أشتريت الإثنين مونشاكو وسلسلة حديد حاجة دفاع عن النفس فى البيت.
المهم الأخ المحترم بعتلى تقرير سئ قلل نقطة من النقاط بتاعتى وكتب تعليق عليها بنى أدم همجى على موضوعى بتاع تصنيع السلف دفنس فى المنزل، دخلت فى الصفحة الشخصية للعضو الفاضل لاقيته كاتب أنه طالب فى الإعدادية. إن عضو فى إعدادى يخاطب واحد عنده 31 سنة وأب ومعاه شهادة جماعية ودراسات عليا بالشكل ده، وأحب أقوله إن الإنسان الهمجى إلى أنت بعتله تقرير سئ علشان أسلحته شاكوكش وسلسلة حديد ومونشاكو وعلشان موضوع تصنيع السليف دفنس فى المنزل راجل قدر يحمى بيته وشارعه بأقل شئ متاح فى إيديه وعيب جداً إن واحد عنده 15 سنة يدخل يعلق ويغلط بالشكل ده فى واحد ضعف عمره عندهم خبرة عنه على الاقل فى الحياة، وللأسف لما عضو فى إعدادى يدخل ينتقد حد ويتعامل معاه على أنه زميله فى المدرسة ده يخلى الواحد ملهوش نفس يدخل المنتدى ولا يشارك لأن فيه أعضاء أطفال فرحانين أن أبهاتهم شرولهم بنادق صيد ويدخله يبعته تقارير وتعليقات على ناس أكبر منهم بالشكل ده لمجرد أنى لسة معنديش القدرة أنى أشترى بندقية محترمة لأنى خارج من موضوع جواز وخلفة وعقيقة. وأخيراً أنا هبتدى أقلل دخلوى للمنتدى ومشاركاتى حتى لا أتعرض لمزيد من قلة الاحترام والسلام عليكم. |
رد: صورة أسلحتى
والله انتى من كلامك أنسان قمة فى الأحترام ربنا يكرمك انتى وأهل بيتك يارب |
رد: صورة أسلحتى
اخى الكريم كل عام وانت بخير بكرة العيد ان عوزك تفرح وعمر الراجل كان بسلاحة كانت الرجال بحسن تصرفهم تحياتى اخى وان شاء الله بحسن استخدامك اسلحتك البسيطة ممكن تكون بفضل الله احسن ممن يمتلك ترسنه اسلحة ولا يحسن استخدامها اويستخدمها فى ما يغضب اللة عز وجل فمعا نعلو شعار نعم لرجال الشرفاء ولا لاستخدام السلاح الغير شرعى
|
رد: صورة أسلحتى
والله لا اجد تعليق أقوله غير أنك فعلاً رجل محترم وأرجوك الا تنظر الى هذه التفاهات , فشخص مثل هذا لا يستحق حتى أن تتكلم عنه |
رد: صورة أسلحتى
والله يا باشا حضرتك بجد محترم جدا جدا .. وفعلا على راى دكتور محمد حسن ده شخص مايستحقش ان حضرتك تتكلم عليه ..
بس على فكرة انا كمان عندى 15 سنة وطالب فى الاعدادية .. ف عايز اقول لحضرتك .. ان مش كل الناس وحشة .. لا زى ما فيه الوحش فيه الكويس ولا انا غلطان |
رد: صورة أسلحتى
اقتباس:
تصرفات الانسان هى اللى بتجبر الناس على احترامه وانت بسم الله ماشاء الله عليك يا أحمد أخلاقك عالية ربنا يبارك فيك ويحفظك لوالديك بالمناسبة ... انت صلحت زناد البندقية ولا لسة ؟ |
رد: صورة أسلحتى
أولا : كل عام وحضرتك بخير ,, ثانيا : عايز اقول لحضرتك ان الراجل مش بمجرد انه شايل مسدس ولا بندقية لكن الراجل بيبقى بأخلاقه وبشجاعته وشهامته ,, وأحب أحيى حضرتك ع أحترامك وأدبك ,, ولازم نقول ان الكبير كبير وحضرتك هتفضل كبير يعنى مش بمجرد ان واحد عنده 15 سنة قال كلمتين يبقى بيأخذوا فى الأعتبار ,,, وانا واحد من الناس بعتذر عن اى شخص اساء لحضرتك او ضايقك ,, وحضرتك ليك كل التقدير والأحترام ,, اخوك الصغير : محمد 16 سنة ,, تحياتى لحضرتك ,,,,,,,,,,
|
رد: صورة أسلحتى
اقتباس:
ومعك حق تماما فى موضوع تأمين البيت فمن منا لم ينزل إلى الشارع وكان يحمل خشبة او عمود حديد او سلسلة اوسكين ؟ تحدثت فى تلك الايام مع صاحب محل لأدوات الدهان وذلك أيام الحظر مساء حينما كان يقف لحراسة المحل الخاص به وذكر ان كل مبيعاته ترتكز تلك الايام على الشوم ويقصد به الخشبة التى توضع فى الجاروف المستخدم فى البناء والسلاسل والمسامير . إذن موضوعك لا غبار عليه من المصداقية والصراحة . لذلك دعك من مثل تلك المهاترات التى تحدث من هم اقل منك خبرة ووعى وكان الافضل ان تبادر بالاتصال بصاحب المنتدى وتبدى ملاحظاتك . اعد تفكيرك فى الموضوع صديقى العزيز وعيد سعيد تحياتى وتقديرى للجميع |
رد: صورة أسلحتى
اولا كل سنة وحضرتك طيب وكل استرتك طيبة وبخير
والقناص الصغير بافضل حال وبكامل صحة وعافية حضرتك انسان محترم جدا ومن اخلاق الرجال الاحترام لكل شخص والواضح من كلام حضرتك انا هذا الشاب لا يعرف شيئا عن هذا ولكن دعك من كل هذة التفهات ايام ما كان الخطر في كل مكان في مصر اثناء الثورة كان كل واحد شريف وراجل كان يحمي اهل منطقتة بالكامل وليس اهل بيتة فقط وكان في ناس معاهم اسلحة غير مشروعة وكان بيعمل الي هو عايزة مكنش حد عارف يكلمة ولما واحد فينا يعمل اي وسيلة دفاع عن نفسة واهل بيتة نيجي نعلق علية ونهاجمو ونقلة دا غلط وانت شغال في الممنوع ونقلب علية الدنيا ونيجي عند البلطجي منعرفش نكلمة لية عشان معاة سلاح !!!!!!!!!!!!!!!! فيا اخي لا تخاطب الناس هكذا وهذا الرجل ليس من سنك ولا انت تعرفة عشان تكلمة بالطريقة دي فهذا الرجل بشاكوش حمي بيتة واهلة وابنة وحرمة بيتة بل حمي منطقتة فلماذا انت تعترض وماذا انت فعلت في مثل هذة الايام هل كنت تقف وتصد البلطجي او المجرم ؟؟؟؟؟؟؟؟؟؟ فيا اخي صلح من طريقة معاملة الاعضاء فنحن هنا اخوة فان كنت غلط في هذا الرجل وقللت من احترامك لة كانك اسئت للجمع ونحن لا نسمح للاسائة لاعي عضو منا.. ...........اخوك الصغير 19 سنة... |
رد: صورة أسلحتى
أخي الكريم كل عام وانت و الاسرة بخير
ارجو ان لا تلتفت الى اى كلام لا ينفعك او يضرك فما فعلتة افضل بكثير مما فعلة من يمتلك اسلحة حقيقية و ما تملكة ليس قليل فالشيئ ليس بثمنه او شكله و لكن بقيمته فقد استطعت ان تستخدم المتوفر لديك كما فعل الجميع وهذا لا يعيبك او يعيبنا لأننا تعرضنا لموقف لا يمكننا ان ننتظر لنبحث عن ما نشتريه ولكن نستخدم كل ما هو متاح فلا تشغل بالك فهذا فخر لك ولنا ان نجتاز هذه الاحداث بما كان متاح لدينا و جزاك الله خيرًا |
رد: صورة أسلحتى
والله يا جماعة أنا مش عارف أقول إيه على كلامكم الجميل والمحترم وإلى فيه روح الأخوة والمودة، وبصراحة كلامكم ومشاعركم عندى أغلى من 100 بندقية ديانا ونوريكا.
اقتباس:
اقتباس:
اقتباس:
اقتباس:
اقتباس:
اقتباس:
جزاك الله كل خير أخى أميجو على كلامك الجميل وأنت من الناس الجميلة التى يسعدنى رؤية مواضيعهم ومشاركتهم. اقتباس:
اقتباس:
|
| الساعة الآن 04:34 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir