|
محتاج مساعدتكم فى حاجه ماسه جدا
سلام عليكم يا جماعه
انا دكتور بس لسه فى سنة الامتياز بتاعتي المهم طلعت فى دماغى من فترة انى أشترى مسدس حي عشان بسافر كتير و منها انى اتمرن على الرمايه عليه بس برده حصل مشكلة الترخيص و القصة الكبيرة ده قلت خلاص مش مشكلة أجيب حاجه مسدس صوت على قد حالى بس فهمت انه من الاخر لعبة أطفال و فجأة لقيت موضوع عن قصة بنادق الصيد و القصة ده طيب انا عاوز أسأل هل هى محتاجه ترخيص ؟ ولو مش محتاجه ترخيص أنسب بندقية ليه فى حدودى المادية الى ممكن يبقى أقصاها 1000 مثلا ؟ طيب و لو ربنا كرمني و أشتريت البندقية انا ساكن فى 6 أكتوبر أصطاد بيها فين ده يعني منا مش عاوز أموتلى أتنين و أبقى انا السبب و هل ينفع أصطاد فى أى وقت ولا لازم وقت معين ؟ هل أشتريها من أكتوبر ولا القاهرة رمسيس و الجيزة و لا منين ؟ و ياريت لو محل يكون أسعاه كويسة و حد أمين و ياريت لو حد يفهمني هى ليها قطع غيار يعني و بتتجاب منيني ؟ و أسف انى بزعجكم |
رد: محتاج مساعدتكم فى حاجه ماسه جدا
حد يساعدنييا شباب الله يباركلكم
|
رد: محتاج مساعدتكم فى حاجه ماسه جدا
سلام عليكم اولا اهلا بيك فى المنتدى ثانيا البنادق الرش او ضغط الهوا لا تحتاج ترخيص اما البندقيه المناسبه انا انصحك تزود 200 جنيه بس وتجيب الكرال التركى بندقيه كويسه وهاى بور عيبها الوحيد اللى سمعت عنه ان السوسته بتتكسر بعد الاستعمال بفتره ودى سهله تغيرلها السوسته لما تتكسر وده لينك فيه اشهر البنادق الموجوده فى مصر واسعارها وربنا يوفقك http://www.egypthunt.net/showthread.php?t=5244 ........... اتمنى اكون افدتك وتقبل مرورى
|
رد: محتاج مساعدتكم فى حاجه ماسه جدا
جزاك الله خيرا يا أخى
طيب انا هرمي فين يعني انا فى 6 اكتوبر هطلع اضرب فين ولا فى حته معينه فىالقاهرةبيروحوها ولا فين و أجيبها منين لو فى محل ليه تليفون أكلمه |
رد: محتاج مساعدتكم فى حاجه ماسه جدا
جزاك الله خيرا يا أخى
طيب انا هرمي فين يعني انا فى 6 اكتوبر هطلع اضرب فين ولا فى حته معينه فىالقاهرةبيروحوها ولا فين و أجيبها منين لو فى محل ليه تليفون أكلمه |
رد: محتاج مساعدتكم فى حاجه ماسه جدا
شوف حضرتك بالنسبه للمحل اللى تشتريها منه انا بنصحك بتجار المنتدى المشهورين زى ا/ شريف ابو ضيف راجل محترم وانا عمرى ما سمعت حد بيشتكى منه بالنسبه للصيد اصطاد فى اى مكان تلاقى فيه يمام او حمام برى بس يستحسن تبعد عن المناطق السكنيه وياريت كمان تشوف لو فى حد قريب منك هاوى صيد عشان تطلعو مع بعض لان الصحبه فى طلعات الصيد افضل بكتير من الخروج لوحدك
|
رد: محتاج مساعدتكم فى حاجه ماسه جدا
طيب هل أشتريها من على النت ولا من عند استاذ شري و لو ليه رقم اتفق معاه
|
رد: محتاج مساعدتكم فى حاجه ماسه جدا
حضرتك راجع هذه المعلومات عن الكرال
http://www.egypthunt.net/showthread.php?t=4437 و هذا ارخص عرض عل الكرال الخشب و هي الافضل http://www.egypthunt.net/showthread.php?t=14144 ممكن تحاول تشحنها |
رد: محتاج مساعدتكم فى حاجه ماسه جدا
السلام عليكم
بالنسبة ل6 اكتوبر مليانة اماكن للصيد برى ويمام اما فى المناطق السكنية او فى المنطقة الصناعية وفى عندك مكان جامد جدا جدا مليان على عينة وهو وانت طالع من ميدان لبنان ورايح على اكتوبر هتجى عند ميدان جهينة وتدخل يمين الطريق على الصفين مليان افواج يمام وحمام وبعد كدة بردة بعد متاخد يمين من جهينة هتاخد اول شمال ودة هتخدة بعد متلف من اليوتر ن الاول وترجع وتاخد يمين يعنى هيبقى الطريق الرئيسى للمحور موازى ليك يعنى يعتبر الطريق اللى ورا مول العرب فى ظهرة يعنى اما بالنسبة لوقت الخروج اما بعد الفجر اول الشروق ودة الافضل حوالى 4.5 الى 5 وبعد العصر بردة من الساعة 4 لحد لما الدنيا تليل واخر حاجة ادخل على قسم صور وفديو الصيد ورحلاتة ودور على رحلات وصيدين اكتوبر وتواصل معهم هيفدوك كتير جدا جدا وانصحك اخرج مع حد عندة خبرة هيوفر عليك 10 طلعات لوحدك وياريت تدور فى مواضيع المنتدا اكتر وهتستفيد كتير جدا جدا وتقبل تحياتى وارجو ان اكون اضفة شئ لحضرتك |
رد: محتاج مساعدتكم فى حاجه ماسه جدا
اقتباس:
|
رد: محتاج مساعدتكم فى حاجه ماسه جدا
يا مسهل يا رب هو بيني و بينك انا همي الاكبر اتعلم الرماية فمش عارف هل أحسن المسدس ولا البندقية الرش
و سؤال هو المسدس الرش فى حدود كام و هل هو احسن ولا الغاز |
رد: محتاج مساعدتكم فى حاجه ماسه جدا
اشترى كرال تركى واعملها تعديل وركب سوستة 350 ماجنوم
|
رد: محتاج مساعدتكم فى حاجه ماسه جدا
يا دكتور نورت المنتدى وانت زميلى بس انا لسه صغير حبتين
بالنسبه لتعلم الرمايه فيختلف فى النارى عن الرش تماما لاختلاف اوضاع الرمايه ومنحنى الطلقه وهكذا لو قلنا حضرتك اهتتعلم ع الرش يبقى انصحك بالبندقيه لانها هاتعلمك الثبات اكتر من المسدس لو اتكلمنا عن انواع البنادق فعندك مصرى واسبانى وتركى والمانى وانجليزى وكماااااااان فيه مجرى بس لو لقيته تبقى محظوظ الاسعار بتاعه الاسبانى من بين 1500 لحد 4000 و اعلى كمان اسعار الالمانى تبدأ من 3000 تقريبا لحد 7000 كده بعد الشر علينا وعليك يعنى الانجليزى ده بقى ضارب فى السما ومحدش بيهمه وبلاش تعرف سعره نيجى للمصرى والتركى المصرى حلو للمبتدئين وخاصه لو رمسيس قديمه حبتين لانها تتميز بالدقه وسرعتها هاترضيك حبتين اما الكرال التركى ففيه منها الكسر والعتله والمنتشر حاليا هو الكسر بتبدا اسعارها من 1050 لحد 1500 كده حسب النوعيه فايبر او خشب بالنسبه للمصرى بيبدا من 900 لحد 1300 تقريبا وطبعا ده جشع تجار وحال بلد سايب لانها كانت ب300 جنيه اخرها قبل كده بس التركى طبعا اقوى من المصرى ولكن لازم تختار البندقيه بعنايه علشان ما تغلبكش وتضايق منها وخاصه انك لسه بتتعلم بالنسبه لاماكن المحلات الكويسه فعندك الاستاذ شريف ابوضيف فى شبرا وفى المهندسين فى الشارع اللى قدام المحكمه وعندم ميشيل عازر فى العتبه (الاهليه للاسلحه) وعندك الصياد المصرى فى وسط البلد وهو تبع ميشيل عندك فتح الله فى الاسعاف اول ما تنزل من كوبرى اكتوبر ع اليمين بس اسعاره حسب اللى داخله لو انت حدق هايديك بسعر مناسب شويه لكن لو ربنا رزقك ورخمو (كالعاده) السعر هايكون عالى امممممممممم عندك بينو فى الزمالك وده اسعاره ناااااااااااار بس للامانه عنده حاجات لقط وجامده جداااااااااااا عندك محلين سلاح او 3 تقريبا فى الجيزه بردو حلوين حبتين بس لازم تشترى اكنك داخل تشترى اوطه وتفاصل وتقوله مينفعش واحنا صيادين وهكذا علشان ينزل السعر نيجى لاماكن الصيد اى مكان فى اى حته فيه يمام حتى جنب بيتك هاتلاقى يمام والحمام البرى فى المناطق السكنيه المهجوره او اللى سكانها قليلين وطبعا فى المناطق الصناعيه والصحرا فى الجبال بالنسبه لانك تتعلم نشان فلازم تظبط بندقيتك وتتصفح المنتدى كله علشان تفهم البندقيه وازاى تظبطها وازاى تقف علشان تنشن وهكذا فيه حاجه مهمه قبل ده كله وهى اداب الصيد فى التعامل مع السلاح والطير وديه لازم تكون عارفها كويس قبل كل شئ بس تقريبا كده انا صدعتك معايا وخليتك تكرهنى وتكره البنادق هههههههههههههههههه اسف ع الاطاله واتمنى لحضرتك الخير سلام عليكم |
رد: محتاج مساعدتكم فى حاجه ماسه جدا
يا راجل انته نورتني ربنا يخليك و الف شكر بجد على المعلومات الجامده ده
بص انا لفيت كده فى المنتدي لفة ولقيت ناس بتبيع مستعمل و فى حد ممكن أشترى منه رمسيس نمرة 1 مستعمل فهل هى البندقية ده كويسة بتصطاد و لا تعبانه وأزاى اختبرها و انا بشتريها يعني أعرف منين انها مش خربانه ؟ |
رد: محتاج مساعدتكم فى حاجه ماسه جدا
أولا أهلا وسهلا ومرحبا ..
ثانيا توكل على الله وإشترى رمسيس .. وأول ما تجبها إذهب إلى (أبو ضيف *100 ش شبرا*) وهيظبطهالك على الأخر .. |
رد: محتاج مساعدتكم فى حاجه ماسه جدا
انصحك يااخى بالكرال الكسر الفيبر سعرها عند خضر فى الاسكندريه 1200 تقريبآ نمره 2 مدفع وممكن تقعد فتره كبيره عقبال متحتاج تغيرها هيا افضل بندقيه قويه رخيصه الثمن والميزه فى المهندس خضر انه عامل عرض توصيل فى القاهره بس للاسف معرفش النمره ممكن اى حد من الاعضاء يدلك عليها
|
| الساعة الآن 01:27 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir