مكان وضع الرش في بندقيه معادي نمره 2
 

السلام عليكم

عندي مشكله مش عارف حلها ايه؟

عندي بندقيه معادي نمره 2 رش كانت الفاتحه بتاعت الماسورة اللي بحط فيها الرش ضيقه شويه و لما بحط الرش بيكون طالع ومش مستريح في مكانه.

وديتها لمحل تصليح اسلحه شهير .. فتحها وجاب شاكوش و ساق حديد علي مقاس الماسورة وو سع الفتحه شويه .

المهم بقي دلوقتي لما بحط الرشه بلاقيها داخله في الماسورة مش ظاهر منها حاجه خالص وحاسس انها وسعت اكتر من اللزوم وده اكيد مأسر علي سرعه الرشه.

اسف للاطاله وارجو الافاده

رد: مكان وضع الرش في بندقيه معادي نمره 2
 

هو موضوع انها الرشة مش بتدخل كلها ده عادي في المعادي هههههههههه قصدي في البندقية المعادي وبتحصل بس انتا بمجرد ما تقفل الماسورة كانت حتتشكم الرشة صح جوة وكان حلها تجيب نوع رش رفيع شوية وقصير زي المارسمان بس دلوقتي بقا يبقا جرب انك بعد ما تحط الرشةفي مكانها تنفخ نفخة جامدة من عند الرشة و تشوف الرشة وقعت ولا لأ او بتحش ان فيه تسريب هوا لو مافيش الكلام ده يبقا عادي ومافيش مشكلة لو لاقيتها بتنفس او الرشة وقعت يبقا تجيب رشاية واسعة شوية من ورا زي الماتش انا باقول زي الماتش مش الماتش عشان الماتش مش حيبقا حلو مع المعادي عشان البندقية ضعيفة حبتين جرب تجيب المارسمان مثلا لو ما نفعش جرب رش تاني لحد ما تلاقي اللي بيظبط معاها لو جربت بقا كل حاجة وما نفعش يبقا انا كدة دوري انتهى ولو زودت في الكلام يبقا حفتي ههههههههههه بس ان شاء الله تبقا سليمة

رد: مكان وضع الرش في بندقيه معادي نمره 2
 

شكرا للرد ...

بس هيا لما بتضرب الرشه بتتحشر في الماسورة و مبتنزلش

رد: مكان وضع الرش في بندقيه معادي نمره 2
 

هيا بتتحشر وما بتنزلش ولا بتدخل و بتغطس؟

لو بتتحشر انتا الاول بتحط رش ايه؟ ممكن الرش اللي بتحطه يبقا كبير شوية عن غيره وممكن تبقا البندقية ضعيفة وهو ده السبب

رد: مكان وضع الرش في بندقيه معادي نمره 2
 

نوه الرش مارسمان نمرة 2 والبندقيه معادي نمرة 2
الرشه بتكون غاطسه جوه الفتحه تقريبا بيكون في مكان ضيق جنبها بيسرب هواء

علشان كده ممكن تكون مبتتضربش كويس و بتقف في الماسورة
وبنزل الطلقه بسيخ حتي لو ضربت اكتر من مره وهيا فاضيه علشان الرشه تنزل مبتنزلش

رد: مكان وضع الرش في بندقيه معادي نمره 2
 

طيب جرب تجيب رش الرماية هو خد بالك المارسمان عندي بندقية برضه مش بينفع معاها و بيتحشر برضه عشان رشاية المارسمان مبططة و قصيرة انما الرماية حتلاقيها طويلة و رفيعة فكدة ان شاء الله حتظبط معاك ومش حتلاقيها غاطسة ومش حتتحشر جرب ويا ريت تقولي عملت ايه

رد: مكان وضع الرش في بندقيه معادي نمره 2
 

شكرا ليك يا كبييييررر

هجرب النهارده وهرد عليك فورااااا

الف شكر لاهتمامك

رد: مكان وضع الرش في بندقيه معادي نمره 2
 

تحت امرك يا غالي ومستنيك تقولي النتيجة

رد: مكان وضع الرش في بندقيه معادي نمره 2
 

جربت الرمايه نفس النظام

بس ظهر حاجه جديده .... باجي اكسر الماسورة علشان اعمرها .. مبترضاش تتعمر .. وبعد محاولات بتتعمر وتضرب لوحدها بعد كام ثانيه كده

العيب ده كان موجود فيها قبل كده من 3 اسابيع وديتها لمحل اسلحه اسمه العراقي بالزقازيق غير ليها طقم جلد و سوسته زناد ب 60 جنيه .
مستخدمتهاش بعدها غير 3 رشات بس

بعد كده لاحظت الموضوع ده

رد: مكان وضع الرش في بندقيه معادي نمره 2
 

سلام عليكم ........... بالنسبه للمعادى هيا بندقيه حلوه بس بحالات هيا كانت معايا على العموم موضوع الماسوره اللى وسعت دى ملهاش غير انك تستعمل مارسمان لانه عريض ايوه هيدخل فى الماسوره شويه بس هو احسن من الرمايه .......... اما موضوع انها بتضرب لوحدها انت تروح لاول ورشه لحم تخليه يزودلك الزناد لحام ويساويه بالحجر وبعد كده تشوفلها ياى قوى ( سوسته زى بتاعه الزناد بس اقوى ) وتركبها وتثبتها باللحام ....... موضوع كسر البندقيه انت بس شحم البندقيه كويس واتاكد ان دراع التعمير بيتحرك كويس وماسك فى البيستم ........... وربنا معاك وحاول تسال عن اى عطل الاول فى المنتدى قبل ما توديها عند اى محل تصليح لانها سهله الصيانه بشكل كبير والمحلات دى فيها نصب فوق الفظيع ............ تحياتى وتقبل مرورى .