|
صيــــــاد بارع ولا يُشق له غُبـــــار !!!
إخواني الأفاضل هذا الموضوع مفتوح للمناقشة ليشارك فيه الجميع برأيه حتى تعم الفائدة لنا جميعا كيف أحكم على أحد أو على نفسي بأنني صياد بارع ولا يُشق له غُبار ؟؟؟ هل بحصيلة الصيد ؟ هل بنسبة إصابة الأهداف التي يُرمى عليها ؟ هل بسلوكي الطيب في الصيد ؟ هل باقتنائي لأحدث الاسلحة والأدوات ؟ هل بمعرفتي لأماكن الصيد المتميزة وبمواعيد هجرة الطيور ؟ هل بكل هذه العوامل مجتمعه ؟ اتمنى من الجميع المشاركة حتى نصل سوياً إلى تعريف لـ الصيـــــاد البارع |
رد: صيــــــاد بارع ولا يُشق له غُبـــــار !!!
السلام عليكم
اسامه باشا وحشنى والله انا ليا راى مختلف الصياد البارع اكيد اللى يكون اسمه اسامه خطاب |
رد: صيــــــاد بارع ولا يُشق له غُبـــــار !!!
تسلم يا أحمد باشا ، دا والله من ذوقك
واحشني جدا ولك فترة كبيرة غايب ياترى ايه السبب وحمدا لله على سلامتك وتواصلك معانا |
رد: صيــــــاد بارع ولا يُشق له غُبـــــار !!!
وحشنا يا اسامه فينك من زمان
والله الموضوع جميل ومحتاج تحليل جامد لما نشوف الاساتذة رايهم ايه؟؟؟؟؟ لان فيه وجهات نظر بالمناسبه اشرف القطان بيسلم عليك |
رد: صيــــــاد بارع ولا يُشق له غُبـــــار !!!
اقتباس:
اذا اردنا ان نحلل ماسبق ها نقول كتير وكتير وكتير بس انت حليت المعادلة في تاني سؤال وهو هل بحصيلة الصيد ؟ طبعا عندما نتناول اي نوع من البحث والتحليل فعلينا ان نتاولة من خلال منهج بحثي دقيق واذا ما اردنا ان نخضع معني الصياد البارع علينا ان نسير في خطوات تؤدي الي الموضوع : الصياد البارع التجربة : رحلة صيد الادوات : بندقية العوامل : تنقسم الي جزئين الاول : الخاصة بالقائم علي التجربة ( احترافية ومهارة الصيد - نوع الاداة المستخدمة " البندق عيارها - سرعتها - مدة الاستخدام " الثاني : الخاصة بالفريسة (سلوكها - نوعها - حجمها - موسمها ) النتائج : المقصود بالنتائج هي حصيلة الصيد في الرحلة مع ضبط عوامل كتير منها ( اعداد الطيور كمية الذخيرة المستخدمة - العوامل الجوية - دقة الاصابة ) ويجب علينا في النتائج ان نخضعها الي العمليات الاحصائية علي سبيل المثال ** صياد استخدم اثناء الضرب عدد 1 علبة رش جامو وكانت الاصابة 55 فريسة اي كان النوع ** صياد استخدم اثناء الضرب عدد 100 رشة وكانت الحصيلة 40 فريسة اي كان النوع وبطريقة احصائية بسيط = 55/250 = 22. فريسة في الرحلة وبنفس الطريقة = 40/ 100 =44. فريسة في الرحلة اذن علاقة بين الكمية وعدد الطلقات المستخدمة في النتيجة ** الكمية والمقصود بها هنا هي عدد الطيور اثناء رحلة الصيد وهي ايضا ثؤثر في النتائج ومن خلال التعليق البسيط حاولت ان اصل التحليل المناسب من وجهة نظري الشخصية وهي خاضعة للصواب و الخطأ |
رد: صيــــــاد بارع ولا يُشق له غُبـــــار !!!
سبحان الله على المصادفة الجميلة
انا أحب ناس كتير هنا جدا في المنتدى لكن منهم 3 قريبين جدا الى قلبي وهم اللى ردوا حتى الان على الموضوع أحمد بك كمال - وصلاح بك فريد - وجلال بك خليفة ’ أشهد الله العلي القدير أني أحبكم في الله انت كمان واحشني يا عمي صلاح وايضا حبيب قلبي أشرف القطان وقل له سلامك وصل وان شاء الله قريب نتقابل في مصر حبيب قلبي الاستاذ جلال تحليلك ممتاز وجيد وماشاء الله عليك وانت كده وضحت ازاي نحكم من خلال نسبة مئوية لحاصل قسمة عدد الطلقات المستخدمة وعدد الفرائس التي تم الحصول عليها خلينا نكمل مع باقي أعضاء المنتدى علشان نعرف جميع الآراء واشكرك على مجهودك الرائع |
رد: صيــــــاد بارع ولا يُشق له غُبـــــار !!!
بسم الله الرحمن الرحيم
طب لازم نحدد نوع الفريسه وبراعتها وتوافرها لتحديد مدي براعه الصياد يعني مثلا مش ممكن نحكم علي اتنين واحد بيضرب حمام والتاني امري او يمام بالوسيله الكميه لان الحمام ممكن تاخد النتايه وتعمر وتضرب الذكر وتنزله جنبها وحصلت معايا انا ومحمد انور هوه ضرب النتايه ومن بعد قريب ووهوه راجع للعربيه قالي نزل بقي الذكر ده والاتنين كانوا جنب بعض والذكر كان في حاله قلق ياتري اطير وله لاء بس الحمد لله حصل زوجته هههههههههه انما الطيور البارعه والحذره زي الامري واليمام تبصلها تطير يبقي معيار البراعه للصياد هنا متناسب مع براعه الفريسه وله ايه اعتقد ان الحركه دي ماتحصلش من قريب مع يمام او امري |
رد: صيــــــاد بارع ولا يُشق له غُبـــــار !!!
اخوانا الكريم كل ماذكرت جميعا بالاضافة الى التواضع واحترام الفريسة
|
رد: صيــــــاد بارع ولا يُشق له غُبـــــار !!!
حبيب قلبي الغالي اسامة اشكرك علي الكلمات الجميلة بس ياعم انت نازل امتي علشان نتقابل
|
رد: صيــــــاد بارع ولا يُشق له غُبـــــار !!!
أخي أبو شعبان أشكرك على مرورك وفعلا الصياد البارع لازم تتوفر فيه كل هذه النقاط اضافة الى ما ذكرته حضرتك من التواضع واحترام الفرائس وعدم اللهو او العبث بها أخي الاستاذ جلال بأحاول انتهز فرصة قريبة وانزل ان شاء الله وربنا يسهل كده على شهر مارس أخونا walther انت ذكرت نقطة مهمه جدا وهي نوع الفرائس نفسها لان كل نوع له قدرات ودرجة حساسية تختلف من نوع الى اخر وكلامك ممتاز ومظبوط 100% وتقبل تحياتي |
رد: صيــــــاد بارع ولا يُشق له غُبـــــار !!!
اولا علشان نحكم على مستوى الصياد لازم يكون معاه بندقية كويسة ( مضبوطة وقوية) ثانيا يكون فى طير ينضرب عليه ويكون عوامل الجو طبيعية ..وبعد كده نطبق معادلة الاستا ذ جلال ونقارن بين الصيادين من حيث النسبة المئوية لكل منهم.. وساعتها نقدر نحدد البارع والاكثر براعة والتعبان اللى زى حالاتى
ده رأى على قد فهمى |
رد: صيــــــاد بارع ولا يُشق له غُبـــــار !!!
انت فين يا وليد زعلان مننا ولا اية بقالي اكتر من شهرين ثلاثة معرفش حاجة عنك يارب تكون بخير
|
رد: صيــــــاد بارع ولا يُشق له غُبـــــار !!!
بسم الله الرحمن الرحيم
العفو اسامه بك والتحيه لمعاليك |
رد: صيــــــاد بارع ولا يُشق له غُبـــــار !!!
اقتباس:
|
رد: صيــــــاد بارع ولا يُشق له غُبـــــار !!!
اسامه باشا والله الموضوع ده هايل والنسب فيه كتير لاختلاف الازواء اما عن السلاح حقولك
النوريكا و الرمسيس بتصتاد و الديانا والفايروخ بيصتادو والوبلي والبي اس ايه ايضا طب ايه الفرق اما عن الرش في ناس بتضرب بمرسمان ورمايه وبتصتاد واخريين ببركودا واير ارمز وبتصتاد وصدقني المهم في ده كله الصياد وايه اللي بيصتاده يعني لو علقت مشكاك قمري وصفير صدقني حعرف انك صياد جامد ولا يشك عليك غبار وكمان حعرف ان كل حاجه معاك مظبوطه سلاح ورش وصياد عارف ليه عشان عارف يبقي ايه الاقمري والصفير وعارف صيدهم اد ايه صعب ومحتاج صياد جامد وحريف وسلاح مضبوبط يعني بختصار النتيجه تحل رموز المعادله |
رد: صيــــــاد بارع ولا يُشق له غُبـــــار !!!
اشكركم اخواني الافاضل على مشاركاتكم الطيبة والمفيده
ومحمد باشا انور نورت الموضوع وملخص الكلام ان الحصيلة من الصيد وايضا نوع الطيور هما اهم معيارين |
رد: صيــــــاد بارع ولا يُشق له غُبـــــار !!!
اولا السلام عليكم يا احلى والطف اصدقاء فى الدنيا اخوكم مصطفى مدكور
ثانيا طبعا انا هتكلم على البندقية الرش وليس الخرطوش لانى كل بندقية وليها موضوع اهم شى للصياد البارع بالنسبة للبندقية الرش بعد المسافة فى الضرب ودقة الهدف وطبعا انا بتكلم على بعد المسافة ودقة الهدف من غير منظار لانى ممكن تضرب عصفورة من بعد كبير وتكون العصفورة مثلا على لمبة كهرباء مثلا طبعا لازم تصيب الهدف صح ومش مرة واحدة على الاقل 10 ضربات تصيب 10 ضربات ومن مسافة كبيرة ثالثا السلوك الطيب للصياد يعنى ممكن صياد يضرب الفريسة وهو مش شايف غير الفريسة ووراء الفريسة شى ممكن يصيبه اخر وطبعا انا بسمى هذا اداب الصيد زى اداب المرور |
رد: صيــــــاد بارع ولا يُشق له غُبـــــار !!!
الاخ مصطفى مدكور منورنا وشكرا لك على افادتك
وانت كده متفق مع الاستاذ جلال على ان نسبة الاصابة من عدد الضربات واخلاق الصياد مطلوبة دايما في كل الاوقات وعدم اللهو والعبث بالمخلوقات ولا نضرب بالبنادق الا ما نأكله او ما يضرنا لقتله انا مثلا عندما أجد يمامه راقدة على البيض في العش لا اضربها واتركها بأعشم نفسي ان فيه تحتها جوز يمام بكره هيكبروا ويطيروا ونصيدهم ههههههه |
رد: صيــــــاد بارع ولا يُشق له غُبـــــار !!!
اخى العزيز ا/ اسامه
اعتقد ان بعد اللى قالوه استذتنا الكبار واخواتنا الاعزاء مش حقدر اضيف حاجه جديده ولكن ممكن اشارك برأى هو ان الحكم على الصياد البارع يتم بالاعناصر التى ذكرتها حضرتك ولكن مع ترتيبها كالاتى الصياد بسلوكه وخبرته ممايتيح له معرفه اماكن الصيد و مواسم الهجره ثم نسبه اصابه الاهداف التى يرمى عليها ( معادله الاستاذ جلال والاخ والتر ) ثم حصيله الصيد الناتج وياتى بعد ذلك كعامل مساعد اقتناءه احدث الاجهزه والادوات ( استاذ محمد انور ) ومنتظر التصويب فى هذا الرأى ويسعدنى التعرف بحضرتك عند عودتك باذن الله |
رد: صيــــــاد بارع ولا يُشق له غُبـــــار !!!
أخي العزيز body77 انا لي الشرف بالتعرف بحضرتك
واشكرك على اضافتك للموضوع وعلى ترتيبك الجيد للعناصر الواجب توافرها في الصياد البارع |
رد: صيــــــاد بارع ولا يُشق له غُبـــــار !!!
لا شكر على واجب يا استاذ اسامه
احنا بنحاول نتعلم من استذتنا الكبار انا استفدت من الحوار ده كتير وكان لى رأى بعد اذنك واذن استذتنا ا/محمد/ا/ جلال / مدكور ا/ رفعت/ولتر و الاداره ليه مانعملش ميثاق شرف للصياد المصرى على الموقع ويكون ملزم لجميع الافراد الذين يريدو ان يشتركوا بالموقع منتظر ردكم ورأيكم؟؟؟؟ |
رد: صيــــــاد بارع ولا يُشق له غُبـــــار !!!
فكرة ممتازة يا body77 وانا معاك نطرحها هنا لجميع أعضاء المنتدى لابداء الرأي والتعليق عليها
|
رد: صيــــــاد بارع ولا يُشق له غُبـــــار !!!
اخي العزيز من وجهة نضري وطبعا مع الاحترام لكل ما ذكره الشباب الصياد البارع يعتمد على الشخص نفسه وتأتي الاسلحة والمعدات فيما بعد
فمثلا لتكون صياد بارع يجب ان تعرف وتفهم ما يلي سرعة انطلاق المقذوف من بندقيتك muzzle velocity الطاقة لفوهة البندقية muzzle energy نوع الذخيرة المناسبة لبندقيتك التخيل شبه الدقيق لمسار الطلقة منذ خروجها من البندقية حتى اصابتها الهدف bullet trajectory وزن الطلقة سرعة الرياح اذا كان الشخص ملم بما ذكرت اعلاه فيطلق عليه اسم قناص والقناص اخطر من الصياد وصاحب تكتيك عالي |
| الساعة الآن 05:58 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir