الصيد فى مصر

الصيد فى مصر (http://www.egyhunt.net/index.php)
-   الورشة (http://www.egyhunt.net/forumdisplay.php?f=63)
-   -   أزاى أعتني بسلاحي (http://www.egyhunt.net/showthread.php?t=14867)

GEN- I A Z 11-09-01 03:31 PM
أزاى أعتني بسلاحي
 
بسم الله الرحمن الرحيم

على الرغم انى مبقاليش كام يوم معاكم هنا الا انى حاسس انى وسط عيلة و اخوات

و ده الى شجعني على أقتناء أول سلاح ليه

و لكن انا عاوز أعرف ازاى اعتني بيه و ايه النصايح و ازاى ازيته و اشحمه و ازاى اظبطه و لو محتاج أدهنه أعمل ايه

لان بصراحه منحمس جدا بس فى نفس الوقت مش عارف اتصرف ازاى

من حيث التنضيف التشحيم التزييت الدهان ؟

نوع السلاح pioneers xs-b12 cal 5.5 .22


برجاء المساعده العاجله

عادل عبده 11-09-01 04:18 PM
رد: أزاى أعتني بسلاحي
 
ياباشا ادخل ابحث فى المنتدى وفى قسم البنادق الهوايه سوف تجد ضالتك ومن الممكن ان تجد ماهو اكثر وافيد ليك

mazenger 11-09-01 04:56 PM
رد: أزاى أعتني بسلاحي
 
اذكر نوع السلاح كى يتسنى لنل تقديم المساعدة لك تقبل تحياتى اخى الكريم

GEN- I A Z 11-09-01 05:41 PM
رد: أزاى أعتني بسلاحي
 
نوع السلاح pioneers xs-b12 cal 5.5 .22

برجاء المساعده العاجله

jamayka 11-09-01 05:45 PM
رد: أزاى أعتني بسلاحي
 
اقتباس:
المشاركة الأصلية كتبت بواسطة gen- i a z (المشاركة 188701)
نوع السلاح pioneers xs-b12 cal 5.5 .22

برجاء المساعده العاجله
انا لسه شاريها مكملتش اسبوعين و البندقية جميلة الصراحة
بص يا سيدى مفروض انك تحافظ عليها من التجريح و تستخدم رش كويس من نفس العيار و حاول متعملش فيها حاجة و انت مش عارف يعنى اسأل الاول عشان ياما حاجات باظت مننا و احنا بنجرب و نصيحة من اخوك اشتريلها جراب و برضه انتظر اراء خبراء البنادق عشان انا لسه على قدى
تحياتى

sameer 11-09-01 05:49 PM
رد: أزاى أعتني بسلاحي
 
و استخدم نوع رش واحد بس ليها و ما تسيبهاش متعمرة فترة طويلة عشان السوستة و ما تضربش من غير ما يكون فيه رشة يعني ما تضربش هوا و استنا برضه من الإخوة

GEN- I A Z 11-09-01 06:06 PM
رد: أزاى أعتني بسلاحي
 
اقتباس:
المشاركة الأصلية كتبت بواسطة jamayka (المشاركة 188707)
انا لسه شاريها مكملتش اسبوعين و البندقية جميلة الصراحة
بص يا سيدى مفروض انك تحافظ عليها من التجريح و تستخدم رش كويس من نفس العيار و حاول متعملش فيها حاجة و انت مش عارف يعنى اسأل الاول عشان ياما حاجات باظت مننا و احنا بنجرب و نصيحة من اخوك اشتريلها جراب و برضه انتظر اراء خبراء البنادق عشان انا لسه على قدى
تحياتى


اخيرا لقيت حد معاه البندقية ده ياريت يا باشا نساعد بعض لان فعلا زي ما بتقول بلاش الواحد يفتي فى السلاح ده مش ببلاش

انا بستعمل رش .22 5.5

انا مش بعمل حاجه فيها خالص يدوب ظبت بكرة التنشين و الحمد لله اتظبطت بعد 10 رشات


و كل شوية مثلا بمرن نفسي عشان أظبط ايدي و بصرراحه البندقية ممتازة الحمد لله و رمايتها قوية

بس هو الجراب يتجاب منين بكام و لو كمان سكوب هيبقى بكام و منين ؟ يا ريت تبعتلي رقمك و نبقى نسال بعض ما دام معانا نفس السلاح

GEN- I A Z 11-09-01 06:09 PM
رد: أزاى أعتني بسلاحي
 
اقتباس:
المشاركة الأصلية كتبت بواسطة sameer (المشاركة 188709)
و استخدم نوع رش واحد بس ليها و ما تسيبهاش متعمرة فترة طويلة عشان السوستة و ما تضربش من غير ما يكون فيه رشة يعني ما تضربش هوا و استنا برضه من الإخوة
انا بستعمل نفس العيار بتاعها فى الرش بس عاوز حد يشرحلنا هى بتتفكك ازاى و تتزيت بايه و ازاى و التشحيم و الفرق بين التزييت و التشحيم و لو هدهنها هتدهن بايه و ازاى و بالنسبة للماسورة بتدهن بايه نيكل ولا ايه و بيتجاب منين و ياريت السكوب بتاعها نمرة كام و بكام و بيتجاب منين

معلش انا صداع أسئلة

jamayka 11-09-01 06:14 PM
رد: أزاى أعتني بسلاحي
 
اقتباس:
المشاركة الأصلية كتبت بواسطة gen- i a z (المشاركة 188717)
اخيرا لقيت حد معاه البندقية ده ياريت يا باشا نساعد بعض لان فعلا زي ما بتقول بلاش الواحد يفتي فى السلاح ده مش ببلاش

انا بستعمل رش .22 5.5

انا مش بعمل حاجه فيها خالص يدوب ظبت بكرة التنشين و الحمد لله اتظبطت بعد 10 رشات


و كل شوية مثلا بمرن نفسي عشان أظبط ايدي و بصرراحه البندقية ممتازة الحمد لله و رمايتها قوية

بس هو الجراب يتجاب منين بكام و لو كمان سكوب هيبقى بكام و منين ؟ يا ريت تبعتلي رقمك و نبقى نسال بعض ما دام معانا نفس السلاح
بالنسبة للرش المارسمان كويس و الجامو كويس و بالنسبة للجراب سعره فى حدود 100 جنيه اكتر او اقل حسب نضافته و بالنسبة للسكوب مقاس 3-7*28 يكون كويس على البندقية دى انا ناوى اجيبه ان شاء الله
عايز اطلب منك طلب صغير ينفع تصور النشينكان الخلفى بتاع البندقية عشان غالبا اللى عندى ناقصه مسمار و الرقم هبعتهولك على الخاص و تحت امرك ف اى حاجة

GEN- I A Z 11-09-01 06:32 PM
رد: أزاى أعتني بسلاحي
 
1 مرفق
انا فعلا ناقص عندي العلوى الى موجود الجانبي بس وهصورهالك و هبعتهالك

اما بالنسبة لحوار السكوب ده أستني ننزل نجيبه سوا هو و الجراب لو كده نروح لحد يعملنا خصم انا فى اسكندرية و جاى القاهرة بكره

sameer 11-09-01 06:39 PM
رد: أزاى أعتني بسلاحي
 
اقتباس:
المشاركة الأصلية كتبت بواسطة gen- i a z (المشاركة 188719)
انا بستعمل نفس العيار بتاعها فى الرش بس عاوز حد يشرحلنا هى بتتفكك ازاى و تتزيت بايه و ازاى و التشحيم و الفرق بين التزييت و التشحيم و لو هدهنها هتدهن بايه و ازاى و بالنسبة للماسورة بتدهن بايه نيكل ولا ايه و بيتجاب منين و ياريت السكوب بتاعها نمرة كام و بكام و بيتجاب منين

معلش انا صداع أسئلة
لا يا غالي انا مش قصدي كدة انا قصدي يعني انتا مثلا تجيب الماتش و تثبت عليه مش تعود البندقية عليه و بعد كدة تغيره وتجيب الرماية ولا اي نوع تاني فهمتني؟ انما بقا الفك و الحاجات دي ماليش فيها بصراحة

GEN- I A Z 11-09-01 06:41 PM
رد: أزاى أعتني بسلاحي
 
أه طيب متعمل فينا جميل و تنزل اسماء الرش و كل علبة فيها كام رشة و بكام ؟ و بيتجاب منين ؟

jamayka 11-09-01 06:56 PM
رد: أزاى أعتني بسلاحي
 
الف شكر على الصورة يا باشا و هى نفس المشكلة اللى عندى

GEN- I A Z 11-09-01 07:04 PM
رد: أزاى أعتني بسلاحي
 
على فكره البندقية ممتازة بس هي مشكلتها حكاية تقلها بس تتحل لو علقت فيها حزام و اتنقلت بيهل هتبقى تمام اوى و بجد لما تمسكها تحسها بندقية بجد مش ورق

jamayka 11-09-01 07:10 PM
رد: أزاى أعتني بسلاحي
 
هى مش تقيلة اوى للدرجة بس حلاوتها تصميمها شكلها يوحى بقوة و سرعة اعلى من امكانيتها و اشيك بكتير من الرمسيس و الحاجات المشابهة

DR SNIPER 11-09-01 07:15 PM
رد: أزاى أعتني بسلاحي
 
سلام عليكم يا رجاله ........ اللينك ده فيه طريقه فك وتركيب البندقيه وتشحيمها وتزييتها http://www.egypthunt.net/showthread.php?t=7485 ........ اما بالنسبه للتعامل مع السلاح اهم حاجه المحافظه عليه متديش البندقيه لاى حد ايا كان هو مين ( اللى يفرط فى سلاحه يفرط فى مراته معلش فى اللفظ ) تانى حاجه التزييت المستمر بشكل دورى بعد الضرب ( تزييت السبطانه ومسح جسم البندقيه بقماشه مبلله بالزييت ) طيب ايه نوع الزيت ممكن زيت سلاح ( فى اى محل سلاح ) او زيت مكن الخياطه ... التشحيم بس مش على طول زى التزييت لا كل فتره عشان بتحتاج تفك البندقيه وكده ونوع السحم شحم جرافيتى ( esso fibrax 235 ) ..... متسيبش البندقيه متعمره لان ده هيضعف السوسته ... طبعا الجراب ويكون ليها مكان محترم فى البيت .... وبرده البندقيه مش للهزار لانها ممكن تعمل مصايب .... طول ما البندقيه متعمره خلى الماسوره فى الارض ...... حاول تتعامل بلطف مع سكان النطقه اللى انت بتصطاد فيها عشان تقدر تصطاد فى المكان ده على طول ( وفى موضوع لمحمود حوكا بيحكى فيه خبرته والمواقف اللى اتعرض لها فى رحلات صيده ) ..... من الاخر الحفاظ على البندقيه والاستفسار عن اى شىء غير مفهوم ...... اتمنى اكون افدتك وتقبل مرورى

sameer 11-09-01 09:05 PM
رد: أزاى أعتني بسلاحي
 
اقتباس:
المشاركة الأصلية كتبت بواسطة gen- i a z (المشاركة 188733)
أه طيب متعمل فينا جميل و تنزل اسماء الرش و كل علبة فيها كام رشة و بكام ؟ و بيتجاب منين ؟
بص يا باشا انا حاقولك عالأسعار اللي عندنا في اسكندرية و اللي انا بجيبه عشان ما افتيش عندك الرماية ب 3.5 المارسمان وده مش بلاقيه دلوقتي ب 3.5 برضه رش كدة اسمه الميزانة ب 3 ده بجيبه لما مش بلاقي حاجة وهو في النمرة واحد احسن من النمرة 2 و الرماية احسن في النمرة 2 عن النمرة 1 المهم ودول كلهم العلبه فيها 100 ده اللي بيقولوه بس لو عديتهم حتلاقيهم 88 ههههههههههه معلش اصلي شكيت فيهم و عديت لاقيتهم مش بيزيدو عن 90 رشة ده غير التالف و البايظ و بعد كدة الرش التركي المدبب ده العلبة فيها 200 رشة للنمرة 2 و 250 للنمرة 1 و العلبة عاملة من 12 ل 15 وده عايز بندقية ضعيفة او متوسطة عشان اختراقه عالي ومش حيبقا حلو مع البام ماشي و بعد كدة عندك الجامو ماتش ودي في النمرة 2 فيها 250 و النمرة 1 فيها 500 و العلبة عاملة 30 و فيه بيتباع علبة كرتون فيها 100 النمرة 1 بتبقا ب 6 و النمرة 2 ب7 لو حسبتها في النمرة 2 حتطلع انتا كسبان يبقا تخليك ذكي و تجيب الكرتون و حتلاقي فيها اكتر من 100 و العلبة الصفيح بيبقو حاطين بالزيادة ما تقلقش و فيه رش كدة اسمه ديابلو وده الماني و فيه منه ماتش و العلبة 500 نمرة واحد ب40 النمرة 2 ما اعرفش و الله بس اللي حيظبط معاك بالبام هو الماتش و فيه رش جامو هنتر رشاية مدورة و العلبة برضه ب 30 دول اللي انا اعرفهم بس فيه حاجات تانية كتير واسف لو طولت عليك ولو عايز حاجة تحت امرك

SHARKY 11-09-01 10:02 PM
رد: أزاى أعتني بسلاحي
 
السلام عليكم

حضرتك ما قولتش إسم المحل اللى فيه الأسعار دي و مكانه فين و إمتى اخر مرة إشتريت فيها

علشان أنا بأشترى الرماية ب 5 جنيه و مرسمان ب 6 جنيه

و شكرا لحضرتك

sameer 11-09-01 10:24 PM
رد: أزاى أعتني بسلاحي
 
من عند فتح الله محطة مصر و سعد زغلول ومحل في النبي دانيال معرفش اسمه ايه مش حاطط اسم

د.مهندس 11-09-01 10:44 PM
رد: أزاى أعتني بسلاحي
 
فيه رش مصرى اسمه تل لكن خفيف وطرى عن الرماية و المارسمان و الرماية افضل بصورة بسيطة من المارسمان

GEN- I A Z 11-09-02 07:36 AM
رد: أزاى أعتني بسلاحي
 
اقتباس:
المشاركة الأصلية كتبت بواسطة dr sniper (المشاركة 188755)
سلام عليكم يا رجاله ........ اللينك ده فيه طريقه فك وتركيب البندقيه وتشحيمها وتزييتها http://www.egypthunt.net/showthread.php?t=7485 ........ اما بالنسبه للتعامل مع السلاح اهم حاجه المحافظه عليه متديش البندقيه لاى حد ايا كان هو مين ( اللى يفرط فى سلاحه يفرط فى مراته معلش فى اللفظ ) تانى حاجه التزييت المستمر بشكل دورى بعد الضرب ( تزييت السبطانه ومسح جسم البندقيه بقماشه مبلله بالزييت ) طيب ايه نوع الزيت ممكن زيت سلاح ( فى اى محل سلاح ) او زيت مكن الخياطه ... التشحيم بس مش على طول زى التزييت لا كل فتره عشان بتحتاج تفك البندقيه وكده ونوع السحم شحم جرافيتى ( esso fibrax 235 ) ..... متسيبش البندقيه متعمره لان ده هيضعف السوسته ... طبعا الجراب ويكون ليها مكان محترم فى البيت .... وبرده البندقيه مش للهزار لانها ممكن تعمل مصايب .... طول ما البندقيه متعمره خلى الماسوره فى الارض ...... حاول تتعامل بلطف مع سكان النطقه اللى انت بتصطاد فيها عشان تقدر تصطاد فى المكان ده على طول ( وفى موضوع لمحمود حوكا بيحكى فيه خبرته والمواقف اللى اتعرض لها فى رحلات صيده ) ..... من الاخر الحفاظ على البندقيه والاستفسار عن اى شىء غير مفهوم ...... اتمنى اكون افدتك وتقبل مرورى


بجد ربنا يجزيك خير يا دكتورنا و دايما منورنا و بتفيدنا بخبرتك و انا ان شاء الله هتحرك من أسكندرية و ربنا يكرمنى و أوصل القاهرة و أشترى المفكات و الزيت و الشحم و أكلمك عشان تتابع معايه برده معلش هتعبك

GEN- I A Z 11-09-02 07:40 AM
رد: أزاى أعتني بسلاحي
 
اقتباس:
المشاركة الأصلية كتبت بواسطة sameer (المشاركة 188838)
بص يا باشا انا حاقولك عالأسعار اللي عندنا في اسكندرية و اللي انا بجيبه عشان ما افتيش عندك الرماية ب 3.5 المارسمان وده مش بلاقيه دلوقتي ب 3.5 برضه رش كدة اسمه الميزانة ب 3 ده بجيبه لما مش بلاقي حاجة وهو في النمرة واحد احسن من النمرة 2 و الرماية احسن في النمرة 2 عن النمرة 1 المهم ودول كلهم العلبه فيها 100 ده اللي بيقولوه بس لو عديتهم حتلاقيهم 88 ههههههههههه معلش اصلي شكيت فيهم و عديت لاقيتهم مش بيزيدو عن 90 رشة ده غير التالف و البايظ و بعد كدة الرش التركي المدبب ده العلبة فيها 200 رشة للنمرة 2 و 250 للنمرة 1 و العلبة عاملة من 12 ل 15 وده عايز بندقية ضعيفة او متوسطة عشان اختراقه عالي ومش حيبقا حلو مع البام ماشي و بعد كدة عندك الجامو ماتش ودي في النمرة 2 فيها 250 و النمرة 1 فيها 500 و العلبة عاملة 30 و فيه بيتباع علبة كرتون فيها 100 النمرة 1 بتبقا ب 6 و النمرة 2 ب7 لو حسبتها في النمرة 2 حتطلع انتا كسبان يبقا تخليك ذكي و تجيب الكرتون و حتلاقي فيها اكتر من 100 و العلبة الصفيح بيبقو حاطين بالزيادة ما تقلقش و فيه رش كدة اسمه ديابلو وده الماني و فيه منه ماتش و العلبة 500 نمرة واحد ب40 النمرة 2 ما اعرفش و الله بس اللي حيظبط معاك بالبام هو الماتش و فيه رش جامو هنتر رشاية مدورة و العلبة برضه ب 30 دول اللي انا اعرفهم بس فيه حاجات تانية كتير واسف لو طولت عليك ولو عايز حاجة تحت امرك
جزاك الله خيرا يا أخى و انا فعلا لاحظت ده ان من الافضل ان الواحد يشترى 3 علب كرتون يعني 300 هيكلفونا حوالى 11 جنيه احسن ما نجيب علبه ماتش ب 30 و فيها 250

sameer 11-09-02 07:59 AM
رد: أزاى أعتني بسلاحي
 
اقتباس:
المشاركة الأصلية كتبت بواسطة gen- i a z (المشاركة 189080)
جزاك الله خيرا يا أخى و انا فعلا لاحظت ده ان من الافضل ان الواحد يشترى 3 علب كرتون يعني 300 هيكلفونا حوالى 11 جنيه احسن ما نجيب علبه ماتش ب 30 و فيها 250
بالظبط كدة بس ده في النمرة 2 عشان مش حتفرق مع النمرة 1 وحتبقا زي بعض بس العلب الكرتون دي قليلة شوية وصعب انك تلاقيها


الساعة الآن 10:20 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir