الصيد فى مصر - ليزر لضبط البندقية

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - ليزر لضبط البندقية (http://www.egyhunt.net/showthread.php?t=14868)

sniperwolf500

11-09-01 04:08 PM

ليزر لضبط البندقية

2 مرفق

هو لية ياجماعة محدش فكر يعمل قلم ليزر نضبط بيه البنادق الرش زي بتاع الجيش الي هو عبارة عن طلقة بعيار السلاح وبها شعاع ليزر يخرج من الماسورة ويتم ضبط البندقية بيه .... لو حد عنده خبره ياجماعة بكالريوس علوم وهندسة ممكن نعمل حاجة زي كدة مش لازم أد الرشاية فالطول ممكن يكون أطول بس نفس قطر الرش ونبتدي بالرش الكبير نمرة 2 مثلا هل ياجماعة الفكرة فاكسانة ولا ممكن تطبق مع العلم ان ممكن تكون تكاليفها عبيطة أوي بس تضبط البندقية فثواني وبالذات المناظير أما الأجهزة الي بتركب من فوهة البندقية غير دقيقة ومش بتشتغل مع كل البنادق

ملف مرفق 21322
ملف مرفق 21323

sameer

11-09-01 04:12 PM

رد: ليزر لضبط البندقية

و الله يا غالي ايدي على كتفك و انا نفسي فعلا في حاجة زي كدة للرش بس انتا ممكن تجيب قلم ليزر عادي و تكسر البندقية و تسيبها مكسورة وتحط القلم الليزر و تخلي النور بتاعه يعدي مكان الرشة و تخلي الماسورة البندقية موازية للأرض يعني عمودية على الحيطة و اظبط بقا يا معلم

عادل عبده

11-09-01 04:40 PM

رد: ليزر لضبط البندقية

والله انا كنت بفكر فى موضوع مشابه لو وصلت لحاج اكيد هقولكو

sniperwolf500

11-09-01 04:54 PM

رد: ليزر لضبط البندقية

والله ياجماعة برضو جربت الموضوع بتاع القلم واكسر الماسورة فاكس موووووووت وعذاب ويسلام بقي لو انت لوحدك أيد تمسك القلم الي كلي ثانية يتهز وتانية النشان والعفريت يبقي يمسكلك البندقية بقي ياحلو وجربت اثبت القلم من الأمام يخرب بيت الفشل
كلام باذنجان

sniperwolf500

11-09-01 05:04 PM

رد: ليزر لضبط البندقية

1 مرفق

ملف مرفق 21328

معلش اصلي جاهل برامج رسم لأنها بعيده عن مجال عملي خالص وملهاش وقت عندي

sniperwolf500

11-09-01 05:08 PM

رد: ليزر لضبط البندقية

واحد زميلي قالي انه محتاج كارته علشان يشتغل كارته صغيره بها ازرار التشغيل طب مينفعش تبقي خارج الجسم ومتوصلة بحاجة زي كابل الفلاته رفيع ولما البندقية تقفل تقفل عليه طبعا حيبوظ مع الوقت مش مشكلة ده ممكن يكون بتلاته تعريفة ويبقي منتج مستهلك

يسرى	11-09-01 05:40 PM

رد: ليزر لضبط البندقية

فيه واحد منزل اعلان عن بيع اسلحه وذخائر ميرى وكاتب اسماء وتليفونات اعضاء محترمين جدا برجاء التحقق من الموضوع

mohd_wafik

11-09-01 05:44 PM

رد: ليزر لضبط البندقية

السلام عليكم..
انا جربت موضوع قلم الليزر ومنفعش عشان اساسا قطر الشعاع اكبر من قطر الماسوره و عذاب بجد عشان تكسر البندقيه و تظبط القلم . انا اتعاقد على الليزر إلى بتحط فوهة البندقيه و انشاء الله في خلال اسبوعين هيوصل وحضرتك قولت هوه مش دقيق طب لييه السبب؟

sniperwolf500

11-09-01 08:27 PM

رد: ليزر لضبط البندقية

اقتباس:

المشاركة الأصلية كتبت بواسطة mohd_wafik (المشاركة 188705)

أولا حتلاقي تعليمات التشغيل بتقولك انه لا يعمل علي البنادق ذات الماسورة التي تنكسر أو التي لها فوهة مثل كاتم الصوت أو بها كاتم صوت ... ومن تجارب بعض الزملاء وجدوا حدوث بوش خفيف بمعني انه لما بيدخل الماسورة بيكون بيتلخلخ أو أنه صغير ومش علي أد الماسورة مش داخل شحط فتخيل أنك بتضبط علي مسافة 100 ياردة يعني 91.44 متر وهي المسافة المثالية للسكوب
كل كليك بربع انش طب لو بتظبط علي 10 متر كل كليك بانش كامل ولو في بوش حيكون في كليك بحالها خطأ فحتعد تلوش وحتلاقية مش حيتضبط أبد وتتنكد

sniperwolf500

11-09-02 01:53 AM

رد: ليزر لضبط البندقية

مفيش أفكار يامهندسين ياعلوم أنتم فييييين يارجالة

يسرى	11-09-02 02:39 AM

رد: ليزر لضبط البندقية

اقتباس:

المشاركة الأصلية كتبت بواسطة sniperwolf500 (المشاركة 188976)

مفيش أفكار يامهندسين ياعلوم أنتم فييييين يارجالة

انا عرفت مشاكل الليزر ده لانى لم اكن استعمله قبل كده باذن الله بعد العيد هاعملكو واحد بتكلفه زهيده جدا

sniperwolf500

11-09-02 09:14 AM

رد: ليزر لضبط البندقية

اقتباس:

المشاركة الأصلية كتبت بواسطة يسرى (المشاركة 188991)

انا عرفت مشاكل الليزر ده لانى لم اكن استعمله قبل كده باذن الله بعد العيد هاعملكو واحد بتكلفه زهيده جدا

>ياريت والله والحمد لله أنا من المجربين الجيدين تيستر يعني ... الموضوع ده لو مشي ممكن يكون عندنا بعد كدة أحسن صيادين بالعالم لأن التركيز مش حيكون علي الضبط البنادق ده حيكون علي الرماية ذات نفسها

sniperwolf500

11-09-02 09:45 AM

رد: ليزر لضبط البندقية

أهم الملحوظات ياجميل

أنه يدخل مكان الرشاية ويكون له ديل زي الرش علشان تبات مكان الرشاية ولو الجهاز طويل يكون له حروف دائرية من الوسط يسند عليها علشان متلخلخش جوه البندقية لأن بسبب طوله ,الجزء الأمامي حيكون أثقل فبوز الجهاز حيتكفي والليزر مش حيطلع لأنه حيكون بوز الجهاز لتحت

وسيلة اخراج الجهاز من الماسورة زي سلك نشد بيه الجهاز علشان ميتحشرش

قطر اليزر أقل من الماسورة والا الليزر مش حيخرج برضه

وطبعا الفيلم ده كله معمول علشان الجهاز يكون داخل الماسورة مش براها زي الي بيدخل من الفزهه من الأمام وأن البندقية تتقفل عليه يبقي كده 100 فل وجامد

sniperwolf500

11-09-02 09:53 AM

رد: ليزر لضبط البندقية

اظن مفيش زبون طلباته أدق من كدة نقول كمان ....... ولا نستني شويه
وكل سنة وأنتم طيبين

sameer

11-09-02 10:25 AM

رد: ليزر لضبط البندقية

دي شغلانة يا عم

sniperwolf500

11-09-02 08:56 PM

رد: ليزر لضبط البندقية

ها باشمهندس يسري أيه الأخبار

momo44

11-09-02 11:26 PM

رد: ليزر لضبط البندقية

متابع
فكرة رائعة
بس محتاجة شوية مجهود

الساعة الآن 12:01 AM