|
دوره تدريبيه مكثفه لتصبح صياداً ماهراً
السلام عليكم
اود ان اطرح هذا الموضوع كعضو من اعضاء الرابطه وليس باسم الرابطه ولكن اتمنى ان يتم وينفذ بنجاح تحت اسم رابطه الصيد والرمايه انا بقترح يتم اخذ 5 من الصيادين الجداد ويتكفل بهم 5 من القدامى بتعليمهم كافه اساليب الصيد التى يعرفونها ونقل الخبره اليهم اى كان حجمها وكذلك تعريفهم على انواع البنادق المختلفه والاسكوبات وانواع الطيور ومفيش مانع يكون تعليم ذاتى وواجب منزلى ان يبحث الصياد عن طرائده ويفهمها ويعرف اماكنها ومواسم هجرتها انا الموضوع ده مستعد اقوم بيه شخصيا مع فرد واحد ولكنى مش صياد قديم وخبرتى قصيره بس اقدر اخليه يفهم بعض الحاجات المهمه فى الصيد واللى انا بستخدمها يعنى من الاخر هاخليه نسخه منى وده هايتطلب مجهود كبير لانى المفروض افضى نفسى ليه لمده ما تقلش عن اسبوعين ويوميا اعلمه وادربه واخرجه فى طلعات صيد خفيفه لتطبيق ما قد تعلمه الحكايه مش مسأله هايطلع معايا طلعه ويتعلم فيها وخلاص المسأله مسأله (مدرسه) للصيد والرمايه ليها اسس ومبادئ وتكون نواه لصرح عظيم وقد نبدأ مشوار الرابطه الحقيقى بهذه المدرسه المصغره التى ان جد اصحابها واجتهدوا لاصبحو مدرسه عملاقه تضم اكتر من الف صياد من مختلف انحاء مصر ياريت تقولولى رايكو وانا فى خلال اسبوعين هاقرر اذا كانت الفكره هاتتنفذ او لا وده بكذا عامل ربنا يوفقنا جميعا للخير والعمل الصالح سلام عليكم |
رد: دوره تدريبيه مكثفه لتصبح صياداً ماهراً
فكره حلوه بانتظار التنفيذ
|
رد: دوره تدريبيه مكثفه لتصبح صياداً ماهراً
موضوع هايل بجد هوا ده الشغل , باريت نعمل كده بجد و ممكن كمان نحجز قاعه موتمرات ونعمل تدريب نظري ونعرض فيها افلام عن الصيد
|
رد: دوره تدريبيه مكثفه لتصبح صياداً ماهراً
التنفيذ هايكون بجديه المشتركين سواء من الصيادين القدامى او الجدد وان ده مش تضييع وقت ولكن نشر لهوايه الصيد فى انحاء مصر
وعلشان كده بقول كمان اسبوعين لحد ما الناس تكون فكرت وقررت عاوزين يكبرو ويبقو زى الدول الاوروبيه ولا عاوزين نفضل زى ما احنا ومساله الصياد مش بيقول على مكان صيده والكلام اللى بيحسس الواحد ان اللى بيصطاد بيلاقى كنوز مش عاوز غيره يلاقيها اهم شئ ان الهوايه تنتشر لانها لو انتشرت ناس كتير هاتبقى جنبنا وبكده هانقدر نحقق احلامنا وطموحاتنا سلام عليكم |
رد: دوره تدريبيه مكثفه لتصبح صياداً ماهراً
أنا أوعدك ان جميع الصيادين القدامه والجدد زي حالاتى مش هيتاخرو ان ألمساعده
|
رد: دوره تدريبيه مكثفه لتصبح صياداً ماهراً
فكرة اكثر من رائعة و انا اول صياد جديد بس مشكلتي اني من حدائق القبة ومحدش قريب مني
|
رد: دوره تدريبيه مكثفه لتصبح صياداً ماهراً
فكرة حلوة يا حودة تسلم دماغك
|
رد: دوره تدريبيه مكثفه لتصبح صياداً ماهراً
معاك يا باشا و تحت امركم
|
رد: دوره تدريبيه مكثفه لتصبح صياداً ماهراً
رد سريع عشان بكتب من الموبايل إقتراح جميل وأعتقد أن أول خطوة عملية هى تسجيل الأسماء أولا : تسجيل أسماء أصحاب الخبرة (حتى لو قليلة) ويكون عنده استعداد للمشاركة فى المشروع ثانياً : أسماء من يريد أن يشارك كمتعلم |
| الساعة الآن 02:15 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir