الصيد فى مصر - سعر حنين

السلام عليكم

اخي الفاضل تحيتي ليك..

والله شوف انا جربت الفالترو هو اولا ماينفعش يركب الا بأنبوبتين يعني كل مرة لازم انبوبتين
الانبوبتين بيضربوا حوالي من 60 الى 70 رشاية سرعته 385 قدم في الثانية.

تجربتي معاه تتلخص اني لقيت فيه عيب ان الدايرة نفسها بتسرب وبتنفس وصوت التنفيس ظاهر وفيها مشاكل ورجعته وخسرت فيه 200 جنيه لان اللي شاريه منه ماعرفش العيب منين, شفت 4 غيري اشتروه 3 اشتكوا منه وواحد مبسوط منه. ده الملخص

انا شايف ان مسدسات الغاز قوتها متقاربة من 350 قدم / ثانية الى 450 قدم / ثانية.

بص ياسيدي انا جبت الجامو pt- 90 والصراحة جربت فيه لغاية دلوةقتي 5 انابيب وكنت بسيب الانبوبة فيه بال4و 5 ايام وقوته هي هياها غير كدة الانبوبة الواحدة معايا بتضرب من 50 الى 60 رشاية فانا مش فاهم الفالترو الانبوبتين بيضربوا فرق 10 رشايات بس؟ ده سؤال محيرني لحد دلوقتي

بس ارجع واقولك ان الاصح انك تحط الانبوبة وتخلصها ما تركنش المسدس بيها لانها بتأثر على الجلبة والجامو مسدس روعه سعر وقوة بس فيه نقطة وهي الجلبة كل فترة على كلام بعض الاخوة اللي جربوا موديل جامو pt-23 وجامو pt-80 مش عارف ال90 اللي معايا نظامه ايه بس عامة الجلبة جلدة مدورة زي ما الاخوة شبه جلدة انبوبة البوتجاز قالولي بتتجاب وتخلع القديمة وتبيت الجديدة ومع حط انبوبة فاضية الجلدة اللي هي الجلبة الجديدة بتبات صح والعملية دي على حد كلامهم كل شهرين او 3 والجلدة مش بتعدي 20 جنيه.

لكن لو انت حافظت على المسدس وحطيت نقطة زيت مكن خياطة زي ما اخوة ربنا يكرمهم قالولي تحط نقطة على بوز الانبوبة من فوق قبل التركيب بتعمل عملية تليين للجلبة وبتمنع انها تنشف لان الغاز ثاني اكسيد الكربون ده درجة حرارته تحت الصفر وبتلاقي الانبوبة باردة جداً.

انا لو منك اشوف المسدس ده سعره 850 جنيه :

http://www.egypthunt.net/showthread.php?t=11114

وربنا يوفقك وتختار انسب حاجة ليك