البط ده بيتاكل؟
 

السلام عليكم ورحمة الله وبركاته
اخواني الاعزاء
انا بالامس طلعت انا وابن خالي طلعة صيد عشان نصطاد البط الغطاس الاسود اللي بيكون في القناطر
وبالفعل قدرنا نصطاد اربع بطات ما شاء الله كبار وحلوين
بس مش عارفين البط ده بيتاكل ولا لا ياريت لو حد عنده اي معلومات عن البط ده يقولنا عليها

رد: البط ده بيتاكل؟
 

طبعا بيتاكل وطعمة في منتهي الجمال وبالهنا والشفا

رد: البط ده بيتاكل؟
 

شكرا يا استاذ جلال وجزاك الله خير
اصل بصراحه اللي خوفني منه حاجتين
اولا ريحة الريش بتاعه صعبه اوي اصعب حاجه تضيف الريش
ثانيا تكوينه التشريحي مختلف معندهوش حوصله وقونصه عنده مريء طويل اوي وبينتهي بمعده
بس طالما حضرتك قلت بيتاكل يبقي الواحد يتوكل علي الله وياكل

رد: البط ده بيتاكل؟
 

الاخ الغالي البط ده بتاكل ولاكن له طريقه هي سلخ الجلد لان الجلد والريش بهم ظفاره عاليه جدا اما عن التركيب الي ذكرته للحوصله فهو مختلف تماما لانه ليس لديه حوصله مثل باقي الطيور او طيورعائلته التي تتغذي علي الاسماك
والسبب هو ان الطائر يقوم بصيد الاسماك الكبيره ويبتلعها ثم يذهب الي جزيره في الما او نخله قريبه من الماء ويقوم بارجاع السمكه ثم اكلها من هنا كانت حصلته عباره عن جراب لحمل الاسماك فقط
وهو بذالك مختلف عن عن البط العادي الاكل للطحالب والاسماك الصغيره والعوالق المائيه والحشرات اما الغطاس لا ياكل الا السمك الكبير
اما عن عمله
فهو سلخ الجلد بالكامل
تتركه في ماء وملح وخل لمده 4 ساعات
تسلقه نصف سلقه وترمي الماء
ثم نصف سلقه اخري بماء جديد
ثمه تحميره في الفرن
وكل وادعيلي وحتلاقي نفسك كل يوم في القناطر هههههههههههههههه

رد: البط ده بيتاكل؟
 

شكرا يا استاذ محمد انور جداااا والله كنت لسه هاسأل بيطبخ ازاي
وحلوه فكرة سلخ الجلد لان بصراحه ريشه زفر اوي ده غير ان الريش الصغير معرفتش اشيله وطلع عيني فيه
بالنسبه للتتبيله ربنا يخلي الحاجه هيا اللي هاتتبله بتتبيلتها السريه

رد: البط ده بيتاكل؟
 

fiin fi el kanater ya basha 3ashan ana nazel el kanater el gom3a el giya isa
w ana asef law kont bata2l 3alik

رد: البط ده بيتاكل؟
 

بص هو موجود في القناطر بس صيده صعب جدااا لانه بيكون في الميه
عشان كده احنا روحنا بلد اسمها نكله بعد المناشي هناك البط ده بيبات علي الشجر العالي

رد: البط ده بيتاكل؟
 

البط دة بعتبر صيدة تحدى علشان بيكون يا اما مستخبى فى الهيش او بيتحرك علشان كدة فعلا الى بيصيدة بيكون صياد بحق وحقيقى

رد: البط ده بيتاكل؟
 

شكرا جدا يا باشا و إن شاء الله يوم الجمعة هروح و هحاول اصطاده و ياترى في هناك حاجة تانية غير البط
و يا رب يكون المكان هادي