لهواة الراديو الترددات العالية فقط icr-20 radio
 

I COM Radio Made in Japan
icr-20 radio
Communications Receiver
الراديو دة مش اى راديو رجاء الى عاوز يشترية يكون عارف يستعملة ازاى او يقراء عنة كويس
ويفضل محبى اجهزة الاسلكى و راديو الصحراء والمراكب واشارات المطارات

الجهاز مش بيتباع فى مصر طبعا

الملحقات
الجهاز + الاريال + جهاز لتحويل الفولت من 220 الى 150
الجهاز جديد بدون كرتونة معاة الكتالوج اليبانى

السعر جديد بدون جهاز تحويل الفولت 4000 جنية مصرى ____ سعر جهاز التحويل 600 جنية مصرى

السعر المطلوب 2500 بجهاز التحويل ممكن البدل بشى فى نفس او دفع فرق

0108011140

رد: لهواة الراديو الترددات العالية فقط icr-20 radio
 

مازلت حضرتك مقولتش ايه الاستفادة منه للاستفادة العامة يعنى الترددات العالية دى هتفيد ايه ؟؟؟

رد: لهواة الراديو الترددات العالية فقط icr-20 radio
 

حضرتك اولا جميع قنوات الازاعة بترددات عالية او ضعيفة بتكون سهلة الاستقبال على الجهاز دة

الاستخدام الثانى لو رحلة سفارى او بحرية الجهاز قابل للتظبيط مع موجة ارسال اجهزة الاسلكى والوكى توكى

وياريت حضرتك لو يهمك الموضوع تشوف المانيوال على الانترنت وهوة من اشهر الاجهزة فى الولايات المتحدة

رد: لهواة الراديو الترددات العالية فقط icr-20 radio
 

رد: لهواة الراديو الترددات العالية فقط icr-20 radio
 

الراديو ده للاستقبال فقط يعنى الاستماع بس على ما اعتقد ...
مش اى حد هيشتريه لازم يكون عنده هوايه الراديو ومعاه فلوس طبعا :D:D:D
انا كان نفسى اشتريه بس الواحد معهوش فلوس ومش لاقى حاجه ابدلها بيه هههههههههههه:D

تاخد موبايلى النوكيا n97 mini ومعاه كمبيوتر p4 2.0 هارد 80 ورامات 512 وكارت شاشاه 128 جى فورس وشاشه طبعا :rolleyes:

رد: لهواة الراديو الترددات العالية فقط icr-20 radio
 

اخوانى الاعضاء واحد صحبى معاه الراديو ده كان جيباه من السعوديه المهم فى المختصر المفيد
الجهاز ده بتسمع عليه جميع اذاعات العالم العربى كلها وتسمع جميع اجهزه الشرطه فى ج م ع وكمان سمعنا نداء شرطه السودان لبعض عبر الوكى الكلام ده كان من حوالى 10 سنين لانه جهاز لا ينسا كان جيبه ساعتها بما يوازى 700 مصرى المهم اول ما انتشر امر الراديو ده فى البلد عندنا قلنا مش مشكله ورحنا مكسرينه منعا للمشاكل مع الشرطه لانه كان بيلقط موجات الشرطه فى مصر والسودان وعلى فكره ده كان بالبركه كده يعنى لو حد غيرنا كان عرف يشغله كان سمع بيه شرطه العالم واتسترت ههههههههههههههههههه

رد: لهواة الراديو الترددات العالية فقط icr-20 radio
 

ياباشا عادى ...
هو كل اجهزه الراديو ممنوعه فى مصر سواء استماع (استقبال) او استماع وارسال ...
ومش كل الترددات هتبقى مسموعه لان فيه منها متشفر ......
هو بيسمع الطيران والبحريه طبعا المدنيه ..العسكريه ممكن لاكن بظروف معينه ....
هو بره فى امريكا اوكندا وكده ليه هواه كتير لان هناك الراديو مسموح لكل الاشخاص فتلاقى فى محطات راديو ملك لاشخاص عادى جدا غير انهم بيقعدو يتكلمو مع بعض فى الراديو على مستوى امريكا كلها ...
وهناك الى عايز يسمع الشرطه بيجيب حاجه اقل من كده police radio scanner وده رخيص جدا هناك ببلاش يعنى ......

رد: لهواة الراديو الترددات العالية فقط icr-20 radio
 

هل هو ارسال و استقبال ام استقبال فقط ؟
و ارجو لينك المانويل و موديل الجهاز

رد: لهواة الراديو الترددات العالية فقط icr-20 radio
 

تقريبا الجهاز دا استقبال بس و كدة تقريبا مالوش فلايدة غير التجسس او فى معامل كليات الهندسة يعنى مونيتر لترددات الراديو كلها

رد: لهواة الراديو الترددات العالية فقط icr-20 radio
 

بالظبط كده هو للاستقبال بس ....
بس فى ناس بتحب تسمع راديو الهواه (راديو الهواه فى امريكا والدول المتقدمه فى ناس بتحب الاتصالات الالسلكيه وعندهم راديوهات استقبال وارسال وبيقعدو يكلمو بعض ) فانت بالرديو ده تقدر تسمعهم من مسافات ...
وفى ناس بتحب تسمع برج المراقبه بتاع المطار وبرضه الى جنبه ميناء وبيحب يسمع الراديو والمحادثات بين السفن ...
بجانب انك ممكن تسمع قنوات عربيه واجنبيه كتير جدا جدا ....

انا لو معايا فلوس كنت اخدته ... انا عارض موبايلى النوكيا n97 mini والكمبيوتر بتاعى للبدل مع صاحب الراديو لو عايز يعنى هو الموبايل يعملو بتاع 1000-1300 مستعمل والى معايا فلندى ومعاه حاجته والكمبيوتر بتاع 700-600 جنيه ....

وممكن اسرق الامبوبه بتاعت البيت وممكن الرسيفر هههههههههههههههههه:D
بس للاسف الراديو جه فى وقت الواحد مفلس ....:(

رد: لهواة الراديو الترددات العالية فقط icr-20 radio
 

ممكن صورة ليه ؟؟

رد: لهواة الراديو الترددات العالية فقط icr-20 radio
 

يا استاذ محمد مصلح العرض حاجه وانت بتتكلم فى حاجه تانيه اما موضوعك فهنا ايضا فى راديو للهواه وليه موجه معينه بس قبل الثوره حضرتك كنت بتجيب شهاده تدريب موريس وبعدين كنت بتروح مباحث الاتصالات فى العباسيه تتقدم بطلب لشراء جهاز راديو لاسلكى وبعد الموافقه بتروح لنادى الهواه وتشنرى جهاز وترجعه كمان للعباسيه بينزلك عليه موجه خاصه بتتكلم من خلاله بتسمع محادثات طيارين وبواخر والدنيا كلها وربنا يوفق

رد: لهواة الراديو الترددات العالية فقط icr-20 radio
 

ايوة يافندم دة صحيح

رد: لهواة الراديو الترددات العالية فقط icr-20 radio
 

ياباشا صدقنى هو مش اغلى منك الناس كلها هنا فى منتدانا زى الفل واغلى من الدهب

رد: لهواة الراديو الترددات العالية فقط icr-20 radio
 

تم البيع

رجاء من الادارة اغلاق او حزف الموضوع

رد: لهواة الراديو الترددات العالية فقط icr-20 radio
 

يعنى ايه العرض حاجه وانا بتكلم فى حاجه تانيه ؟؟؟؟
انا فاهم ان الجهاز للاستقبال بس يعنى تسمع فقط بس انا اتكلمت على العموم ....
طيب هو حضرتك بعد الثورة الوضع اتغير ولا ايه ؟؟؟؟

رد: لهواة الراديو الترددات العالية فقط icr-20 radio
 

مبروك ياباشا البيع ....