الصيد فى مصر - أفضل بندقية ديانا ؟

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - أفضل بندقية ديانا ؟ (http://www.egyhunt.net/showthread.php?t=15069)

tabeeb

11-09-04 05:26 PM

أفضل بندقية ديانا ؟

السلام عليكم
دي أول مشاركة ليا

صديقي بيسأل ايه هي أفضل موديل من بنادق ديانا عشان عاوز يشتري واحدة ؟؟

وأنا ليا سؤال تاني :

عاوز بندقية حلوة لصيد اليمام و الحمام البري مع منظار
بحيث يكون السعر في حدود 3000 جنيه فقط

تنصحوني بايه ؟؟
انا الصراحة قرأت شوية
و شايف ان شركة جامو حلوة ؟

بس ناقص الموديل ؟
تنصحوني باي موديل من شركة جامو ؟؟

وما تنسوش تقولو متوسط الأسعار الان الله يكرمكم

وكل سنة وانتم طيبيبن

دي أول مشاركة ليا هنا

أحمد عطاالله إبراهيم

11-09-04 06:30 PM

رد: أفضل بندقية ديانا ؟

افضل موديل من ديانا دى صعبة شوية .. كل موديل ليه مميزات وعيوب بس هقولك احلى الموديلات ..

عندك البندقية القوية جدا الديانا 350 ماجنوم بس برضه القوة مش كل شئ

وعندك الملكة ديانا 54 اير كينج
وعندك الديانا 52 ..

وعلى فكرة ال ماجنوم بتبتدى من 6000 جنيه

والاير كينج بتبتدى من 7000 جنيه

وال 52 مش عارف الصراحة بس اللى يخليك تجيب ال ديانا 52 لا انتا تزود شوية وتجيب ال 54 ودى حلم كل صياد ولو عايز حاجة قوية جيب ال ماجنوم بس القوة مش كل شئ وتذكر الكلمة دى جيدا ..

وبالنسبة بقى لبندقية حضرتك ..

بص حضرتك معاك 3000 جنيه ..

مع حضرتك خيار النوريكا وحضرتك ممكن تجيب الجيت نمرة 2 بتعمل فى الحدود دى وممكن حضرتك تجيب المارفيك نمرة واحد وبرضه بتعمل حدود ال 3000 جنيه وممكن تجيب حاجة نوريكا كويك بس على ما اعتقد بتعمل 3500 ..

بس لو حضرتك عاوز حاجة جامو والله انا مش بفهم فى الجامو كتير وممكن الخبراء يفيدوك بس برضه سيبك من الجامو والنوريكا .. الاحلى منهم ال bsa الانجليزى .. دى بندقية محترمة جدا جدا جدا وفى منها موديلات بتوصل ل 6000 جنيه وفى اقل على حسب امكانيات حضرتك

وبرضه الخبراء يفيدوك اكتر منى .. انا يا دوب لسه مبتدئ . هههههه

وتحياتى لحضرتك وادى نمرتى لو عند حضرتك اى استفسار

0105017800

اخوك احمد عطالله

tabeeb

11-09-04 06:57 PM

رد: أفضل بندقية ديانا ؟

ربنا يبارك فيك يا رب يا استاذ أحمد
استفدت جدا من مشاركتك
هقول لصاحبي يجيب الديانا 54 اير كنج ان شاء الله .
سجلت رقم حضرتك عندي . ربنا ما يحرمني منك أبدا .

هنتظر رأي باقي الاخوة في الجامو و bsa
أنا الصراحة النوريكا واحد ماكنتش عاجباه . و قالي كلمتين فيها خلا فيه حاجز نفسي بيني وبينها :) . بس انا عمري ما تعاملت معاها !
السعر يدور حول 3000 جنيه يا أحباب :D
جزاكم الله كل خير

أحمد عطاالله إبراهيم

11-09-04 07:09 PM

رد: أفضل بندقية ديانا ؟

والله انا بستخدم النوريكا وتحديدا الجيت نمرة واحد وبدقية مدفع ما شاء الله والكل بيشكر فيها

dr_mohasan

11-09-04 08:59 PM

رد: أفضل بندقية ديانا ؟

الجامو هنتر , بندقية تجمع بين القوة والدقة وجودة الصناعة الأسبانية وتوفر قطع الغيار , وثمنها 3500 عند أبو ضيف فى شبرا جديدة
أو فى حدود 2200 - 2300 مستعملة

بالتوفيق ان شاء الله

hesham[MaFya]a

11-09-05 04:25 AM

رد: أفضل بندقية ديانا ؟

اقتباس:

المشاركة الأصلية كتبت بواسطة أحمد عطاالله إبراهيم (المشاركة 190947)

الله ينور عليك يا احمد.

mohd_wafik

11-09-05 04:35 AM

رد: أفضل بندقية ديانا ؟

اقتباس:

المشاركة الأصلية كتبت بواسطة أحمد عطاالله إبراهيم (المشاركة 190947)

افضل موديل من ديانا دى صعبة شوية .. كل موديل ليه مميزات وعيوب بس هقولك احلى الموديلات .. عندك البندقية القوية جدا الديانا 350 ماجنوم بس برضه القوة مش كل شئ وعندك الملكة ديانا 54 اير كينج وعندك الديانا 52 .. وعلى فكرة ال ماجنوم بتبتدى من 6000 جنيه والاير كينج بتبتدى من 7000 جنيه وال 52 مش عارف الصراحة بس اللى يخليك تجيب ال ديانا 52 لا انتا تزود شوية وتجيب ال 54 ودى حلم كل صياد ولو عايز حاجة قوية جيب ال ماجنوم بس القوة مش كل شئ وتذكر الكلمة دى جيدا .. وبالنسبة بقى لبندقية حضرتك .. بص حضرتك معاك 3000 جنيه .. مع حضرتك خيار النوريكا وحضرتك ممكن تجيب الجيت نمرة 2 بتعمل فى الحدود دى وممكن حضرتك تجيب المارفيك نمرة واحد وبرضه بتعمل حدود ال 3000 جنيه وممكن تجيب حاجة نوريكا كويك بس على ما اعتقد بتعمل 3500 .. بس لو حضرتك عاوز حاجة جامو والله انا مش بفهم فى الجامو كتير وممكن الخبراء يفيدوك بس برضه سيبك من الجامو والنوريكا .. الاحلى منهم ال bsa الانجليزى .. دى بندقية محترمة جدا جدا جدا وفى منها موديلات بتوصل ل 6000 جنيه وفى اقل على حسب امكانيات حضرتك وبرضه الخبراء يفيدوك اكتر منى .. انا يا دوب لسه مبتدئ . هههههه وتحياتى لحضرتك وادى نمرتى لو عند حضرتك اى استفسار 0105017800 اخوك احمد عطالله

اهلا بييك يا استاذ احمد ازي حضرتك ؟؟ اسمحلي يا سيدي الفاضل في نقطه حضرتك ذكرت ان الديانا ماجنوم قويه جداا بس القوه مش كل حاجه . ممكن حضرتك تفهمني ليه ؟ انا مش قصدي حاجه والله بس حضرتك عندك معلومه اتمنى استفيد منها ... بس من خبرتي في البندقيه دي ان هيه قويه جداا اخف من الاير كينج بس عيبها من وجهة نظري صعوبه الكسر بس باللنسبالي مش مشكله اوي الحمد لله نعمه من عند ربنا اني قادر اكسرها عادي و كمان الارتدات بتاعها قوي شوي عشان كده الناس بتقول مش دقيقه في التصويت مع اني والله يا سيدي الفاضل اتعودت عليها و مرتاح نفسيا ليها و بقيت اعرف امسكها كويس و مش بجلي معايا بس اكيييد بتجلي في مرات عشان هزة ايدي ...
وتقبل تحياتي يا سيدي الفاضل
اخوك محمد وفيق

محمد رضا العبد

11-09-05 05:15 AM

رد: أفضل بندقية ديانا ؟

3000 او اكتر شويه على ما اظن ممكن تشترى بيهم الموس

cfx royal
ملهاش حل

DR SNIPER

11-09-05 05:39 AM

رد: أفضل بندقية ديانا ؟

3 مرفق

اقتباس:

المشاركة الأصلية كتبت بواسطة tabeeb (المشاركة 190896)

افضل موديل للديانا هو اخر موديل ( اخر واحد انا سمعت عنه ) وهو تطوير للديانا 54 اير كينج ودى الصوره
اما موضوع انك عايز بندقيه فى حدود 3000 جنيه انا انصحك بالبام 21 بندقيه من الاخر عامله 2000 او 2200 قوه ودقه بس تقيله شويه وهى نسخه من ديانا 52 بس البام اقوى تقريبا (ده راى ناس جربت الاتنين ) ودى صورتها

mohd_wafik

11-09-05 05:44 AM

رد: أفضل بندقية ديانا ؟

استاذ اسنير ممكن اعرف حضرتك جبت منين استاند البندقيه إلى موجود في الصوره

DR SNIPER

11-09-05 05:47 AM

رد: أفضل بندقية ديانا ؟

البندقيه اللى موجوده فى الصوره مش بتاعتى صاحبها زميل لينا هنا فى المنتدى ( انا بحب اجمع صور كل حاجه اشوفها وتعجبنى ) مش فاكر مين بصراحه بس هو كان عامل موضوع عنها لما اشتراها .......... كان نفسى افيدك ... تحياتى

mohd_wafik

11-09-05 05:56 AM

رد: أفضل بندقية ديانا ؟

يا باشا كفايه رد حضرتك ده وسام على صدري

DR SNIPER

11-09-05 06:02 AM

رد: أفضل بندقية ديانا ؟

الله يخليك ده من زوقك وكرم اخلاقك وانا تحت امرك ولو قدرت اوصل للموضوع بتاع البندقيه دى هبعتلك اللينك ان شاء الله

mohd_wafik

11-09-05 06:18 AM

رد: أفضل بندقية ديانا ؟

انا عارفه يا سيدي بس هوه جاب الحاجات دي من بره و عرف يعديها من الامن انما انا مش هعرف .. رحم الله امرأن عرف قدر نفسه

سرسور

11-09-05 08:16 AM

رد: أفضل بندقية ديانا ؟

هذه صورة الديانا 56
و كانت معروضة للبيع في المنتدي عل هذا الرابط
http://www.egypthunt.net/showthread....CF%ED%C7%E4%C7
و الحامل يباع هنا في مصر و سعرة حوالى 350 جنيه

sameer

11-09-05 10:04 AM

رد: أفضل بندقية ديانا ؟

اقتباس:

المشاركة الأصلية كتبت بواسطة mohd_wafik (المشاركة 191256)

اديك حضرتك يا باشا قولت عيوبها

أحمد عطاالله إبراهيم

11-09-05 10:58 AM

رد: أفضل بندقية ديانا ؟

اقتباس:

المشاركة الأصلية كتبت بواسطة hesham[mafya]a (المشاركة 191252)

الله ينور عليك يا احمد.

الف شكر يا باشا ده وسام اضعه على صدرى والله

أحمد عطاالله إبراهيم

11-09-05 11:01 AM

رد: أفضل بندقية ديانا ؟

اقتباس:

المشاركة الأصلية كتبت بواسطة mohd_wafik (المشاركة 191256)

يا باشا ادى حضرتك ذكرت عيوبها بسبب القوة المفرطة بتاعتها ..

بس هيا بندقية بسم الله ما شاء الله مدفع .. وبرضه لولا اختلاف الاذواق لبارت السلع .. واحب انوه ان الصيد مش بندقية .. الصيد صياد ..

يعنى ممكن تلاقى واحد معاه رمسيس بس هوا صياد تمام وبيعمل شغل احسن من واحد معاه ديانا اير كينج بس مش صياد محترف

أحمد عطاالله إبراهيم

11-09-05 11:02 AM

رد: أفضل بندقية ديانا ؟

اقتباس:

المشاركة الأصلية كتبت بواسطة محمد رضا العبد (المشاركة 191270)

3000 او اكتر شويه على ما اظن ممكن تشترى بيهم الموس

cfx royal
ملهاش حل

باشا مع احترامى لحضرتك .. ال cfx royal بتعمل 4500 جنيه مش 3000

تحياتى

tabeeb

11-09-05 12:16 PM

رد: أفضل بندقية ديانا ؟

اقتباس:

المشاركة الأصلية كتبت بواسطة dr_mohasan (المشاركة 191008)

بالتوفيق ان شاء الله

جامو هنتر مديل كام طيب اللي ب 3500 ؟

tabeeb

11-09-05 12:25 PM

رد: أفضل بندقية ديانا ؟

اقتباس:

المشاركة الأصلية كتبت بواسطة أحمد عطاالله إبراهيم (المشاركة 190967)

والله انا بستخدم النوريكا وتحديدا الجيت نمرة واحد وبدقية مدفع ما شاء الله والكل بيشكر فيها

والله انت حببتني فيها من بعد الكلمة بتاعتك دي
_________
انا عاوز أشرحلك مشكلتي لو تسمح
انا كنت بطلع ببندقية متواضعة رمسيس واحد اصطاد بيها يمام
لو حاولت اضرب اليمامة من بعيد يعني 40-50 متر
و عملت حساب الجاذبية وكلو و نشنت فوقها بشوية بسيطة بحيث الرشة لما تنزل مع الجاذبية تصيبها .
كانت الرشة بتصيبها فعلا بس بتطير وتنزل تحت وبعد كده تطلع تقف علي السور تاني :)
ولو حاولت أقرب علي مسافة 20 متر أو أقل اليمامة صايعة بتطير مني قبل ما افكر اضرب عليها حتي !!! :(
________________
فأنا دلوقتي عاوز بندقية جامدة و دقيقة أقدر أضرب من علي مسافة 40 متر بيها و تصيب الهدف و توقعه . و أركبلها منظار كمان . كده هتكون فرصة اصابة الاهداف كبيرة جدا بالنسبة ليا .
_______________
و دلوقتي هل أجيب بندقية واحد ولا اتنين ؟؟
انا هصطاد بيها يمام . بس انا عاوزها قوية عشان اضرب من مسافة بعيدة وبدقة .
:)
________________
و انا شاكر جدا لمشاركتكم القيمة دي

sameer

11-09-05 12:48 PM

رد: أفضل بندقية ديانا ؟

اقتباس:

المشاركة الأصلية كتبت بواسطة tabeeb (المشاركة 191454)

هيا يا باشا النمرة واحد احسن من النمرة 2 في المسافات و في الاختراق خش على الجيت نمرة واحد يا باشا وحطلها رش ماتش حتظبط معاك جدا هات جيت او مارفيك المهم يبقا نمرة واحد

سرسور

11-09-05 01:15 PM

رد: أفضل بندقية ديانا ؟

رأيت معظم الصيادين يستعملو نمرة 2
راجع آراء الصيادين في نمرة 1 و نمرة 2

mohd_wafik

11-09-05 02:39 PM

رد: أفضل بندقية ديانا ؟

استاذ سرسور طب الحامل بيتباع فين في القاهره ؟

Peace Missile

11-09-05 03:30 PM

رد: أفضل بندقية ديانا ؟

اقتباس:

المشاركة الأصلية كتبت بواسطة mohd_wafik (المشاركة 191303)

اخى الكريم انا صاحب البندقية اللى فى صورة بالبيبود ( الحامل ) وفعلا انا جايبة من برة وجبت حاجات كتير اوى تانيه ليزر وكشاف وسكوب .. لكن الموضوع مش انى عرفت اومعرفتش .. لكن كانت الامور سالكه ومكنش فيه لجان من الامن العام بتفحص الطرود وكانوا بيحولوا الطرود لاصحابها على طول ووللاسف مكنتش جبت غير سكوب واحد ولو كنت اعرف كنت جبت لوت ولا اتنين .. وبالتوفيق يا باشا اعتقد البيبود ممكن تجيبة من برة بسهولة وحتى لو اتحجز هتروح ليهم وتقولهم انه بيبود كاميرا مثلا .. اعتقد ان الموضوع مش صعب خالص ...... وفى ناس بتعافر معاهم وبتستلم حاجتهم .. وهى نصيب ... بالتوفيق

tabeeb

11-09-06 07:37 PM

رد: أفضل بندقية ديانا ؟

ايه رأيكم يا جماعة في الجامو هنتر 440 ؟؟

وهل الأفضل ليا بردو اجيب نمرة واحد ولا اتنين ؟

وسعرها كام جديدة الان ؟

dr_mohasan

11-09-06 07:55 PM

رد: أفضل بندقية ديانا ؟

اقتباس:

المشاركة الأصلية كتبت بواسطة tabeeb (المشاركة 191447)

جامو هنتر مديل كام طيب اللي ب 3500 ؟

... هنتر 440 ... نمرة 2

momo44

11-09-06 09:30 PM

رد: أفضل بندقية ديانا ؟

ديانا 56 (ده لو لقيتها)
ديانا 54
ديانا 52

نوريكا جيت نمرة 2
جامو هنتر 440

أحمد عطاالله إبراهيم

11-09-06 10:12 PM

رد: أفضل بندقية ديانا ؟

اقتباس:

المشاركة الأصلية كتبت بواسطة tabeeb (المشاركة 191454)

رايى جيب جيت نمرة واحد طالما مسافات بعيده واديها سكوب 3-7*32 او 3-7*40 وهتظبط معاك ومع الرش الماتش هتبقى خطيرة

tabeeb

11-09-06 10:16 PM

رد: أفضل بندقية ديانا ؟

اقتباس:

المشاركة الأصلية كتبت بواسطة momo44 (المشاركة 192644)

ديانا 56 (ده لو لقيتها)
ديانا 54
ديانا 52

نوريكا جيت نمرة 2
جامو هنتر 440

والله كويس انك قلتلي ان فيه ديانا 56 هقول لصاحبي عليها
تنصحني بجامو هنتر 440 نمرة واحد ولا اتنين ؟؟؟

tabeeb

11-09-06 10:20 PM

رد: أفضل بندقية ديانا ؟

اقتباس:

المشاركة الأصلية كتبت بواسطة أحمد عطاالله إبراهيم (المشاركة 192688)

رايى جيب جيت نمرة واحد طالما مسافات بعيده واديها سكوب 3-7*32 او 3-7*40 وهتظبط معاك ومع الرش الماتش هتبقى خطيرة

مفيش نوع سكوبات حلوة تنصحني بيها للديانا و البندقية التانية ؟؟
وتفتكر لو جبت جامو هانتر 440 نمرة 2 تكون قوية و دقيقة وتجيب مسافات بعيدة
علي فكرة البنادق دي ان شاء الله هتيجي من برة
ادعو بس تعدي :)))))))))

momo44

11-09-07 12:33 PM

رد: أفضل بندقية ديانا ؟

اقتباس:

المشاركة الأصلية كتبت بواسطة tabeeb (المشاركة 192691)

والله كويس انك قلتلي ان فيه ديانا 56 هقول لصاحبي عليها
تنصحني بجامو هنتر 440 نمرة واحد ولا اتنين ؟؟؟

نمرة 2 طبعااااااااااااااااا
دى اختيار الصياد الصحيح
وعلى فكرة مش معنى نمرة 1 سرعتها اعلى تبقى افضل
السرعة العالية+مقذوف خفيف = عدم انتظام مسار الرشة (هتعوم )

اقتباس:

المشاركة الأصلية كتبت بواسطة tabeeb (المشاركة 192695)

انا انصحك بالجامو
لانها الى حد ما لسة مطلعش منها المضروب

عادل عبده

11-09-07 01:24 PM

رد: أفضل بندقية ديانا ؟

اقتباس:

المشاركة الأصلية كتبت بواسطة tabeeb (المشاركة 192691)

والله كويس انك قلتلي ان فيه ديانا 56 هقول لصاحبي عليها
تنصحني بجامو هنتر 440 نمرة واحد ولا اتنين ؟؟؟

نمره اتنين حلوه لان مش اى صياد يضرب بنمره 1 نمره واحد عاوزه قناص زى ماقال الكتاب

لو البنادق هتيجى من بره ممكن تفكر فى الويبلى او الفايروخ احسن من اى كلام تانى

tabeeb

11-09-07 05:21 PM

رد: أفضل بندقية ديانا ؟

اقتباس:

المشاركة الأصلية كتبت بواسطة عادل عبده (المشاركة 193200)

صحبي كلم والده علي بندقية رش وهو وافق مبدئيا و شكله ممكن يجيبها معاه وهو جاي من بلد عربي

انا هكلمو يجيبلي معاه بندقية مش غالية لو أمكن يجيب بندقيتين معاه ! .
و دلوقتي انا ميلت لجامو هانتر 440 نمرة اتنين من كلامكم . هي هنا شكلها وصلت لأكتر من 3000 أظنها من برة ممكن تكون ب 2000 مثلا او زيادة شوية .

بالنسبة للويبلي و الفايروخ .. دي بدائل عن الديانا ؟؟
يعني هل هما افضل من الديانا ؟؟؟
ولو كان كده قولي الموديلات اللي افضل من ديانا 54 و 56
لاني صحبي عاوز يجيب أحسن حاجة !

محمود شلبي

11-09-07 11:43 PM

رد: أفضل بندقية ديانا ؟

اقتباس:

المشاركة الأصلية كتبت بواسطة أحمد عطاالله إبراهيم (المشاركة 190967)

والله انا بستخدم النوريكا وتحديدا الجيت نمرة واحد وبدقية مدفع ما شاء الله والكل بيشكر فيها

السلام عليكم انا بجد معجب بيك يا احمد بسرعه كدة بتحد وتاكد انا كمان فخور انك بتحب الصيد ومساعدة الاخرين (السرعه و القوة و السعر )مشكور انشاء الله توفق ف الشراء تقبل مرورى

أحمد عطاالله إبراهيم

11-09-08 12:38 AM

رد: أفضل بندقية ديانا ؟

اقتباس:

المشاركة الأصلية كتبت بواسطة محمود شلبي (المشاركة 193687)

يا استاذ محمود والله ده انا تلميذ وبتعلم من خبرات الخبراء زى حضرتك ..
و انا بحب الصيد عشان انا موجود فى وسطكوا والله ..

تحياتى لحضرتك .. ولجميع اعضاء المنتدى

tabeeb

11-09-08 05:02 PM

رد: أفضل بندقية ديانا ؟

انا شاكر لكم جدا نصائحكم الغالية و تواصلكم الجميل .
شعور بجو العائلة الواحدة المتآلفة .
يا ريت لو لكم حسابات علي الياهو او الفيس بوك تضيفوني
ده حسابي علي الفيس بوك و الياهو

E-mail : tabeeb_tk@yahoo.com
Facebook: http://www.facebook.com/abouyahyaa

يا ريت تضيفوني وتعرفوني هناك انكم من هواة الصيد

الساعة الآن 01:52 PM