الصيد فى مصر - بتفك و تركب سلاحك فى أد ايه

الصيد فى مصر (http://www.egyhunt.net/index.php)

- الورشة (http://www.egyhunt.net/forumdisplay.php?f=63)

- - بتفك و تركب سلاحك فى أد ايه (http://www.egyhunt.net/showthread.php?t=15086)

GEN- I A Z

11-09-05 01:35 AM

بتفك و تركب سلاحك فى أد ايه

السلام عليكم و رحمة الله

الموضوع ده شاغل دماغى اوى لو انته عاوز تبقى صياد كويس يبقى لازم تتوحد مع بندقيتك و تراعي سلاحك كانه ابنك و تعرف عنه كل حاجه

و عشان تعرف ابنك كويس يبقى لازم تقدر تفكه و تركبه و اكتر من مجرد فك و تركيب انك تبقى حافظ اجزائه لدرجة انك تبقى بتركبه و انته حافظه و عارف كل صغيره و كبيرة فيه

انا اول مرة فكيت السلاح انبارح بندقية pioneer-xs-b12 cal 5.5

اول مرة اخدت منى 3 ساعات فك و تشحيم و تركيب

النهارده كنت عاوز أبص على الجلبة الداخلية و اتاكد انها كويسة ففكيت السلاح و شحمته تانى و ركبته اخدت 15 دقيقة بالظبط

انا شايف أصعب حاجه ان البنز لازم يعدي فى ثقب الزناد و كل ده تحت ضغط السوسته

يا ريت كل واحد يكلمنا عن سلاحه و تعقيداته و ايه المشكلة الكبيرة فى الفك و التركيب و الوقت القياسي الى استغرقه فى الفك و التركيب

سرسور

11-09-05 06:59 AM

رد: بتفك و تركب سلاحك فى أد ايه

مسألة الفك و التركيب تختلف من سلاح لآخر
بمعنى البندقية غير المسدس
و البنادق تختلف في انواعها و ايضا المسدسات
و أول مرة غير المرات المتكررة
و مسألة البنز الموجودة في البيونير غير موجودة في بنادق أخرى مثل المعادي و الكرال
لكن كل بندقية أو مسدس له حالتة الخاصة
و كل واحد عارف الطريقة التى يتعامل بها مع سلاحه حسب نوعه و امكانياتة

سرسور

11-09-05 07:09 AM

رد: بتفك و تركب سلاحك فى أد ايه

اول بندقية فكيتها كانت الرمسيس لتغيير السوستة
و عندما قمت بتجميعها كان اصعب شيئ ضغط السوستة و لف القلاووظ في نفس الوقت
و عندما لم استطيع ضغطها قصرت السوستة الجديدة و لكنى لم اكن اعلم ان هذا غير صحيح
و بعد ذلك قمت بتركيب سوستة اخرى ولكن بمساعدة صديق لضغط السوستة
كان هذا حوالى عام 1995 م

عادل عبده

11-09-05 10:20 AM

رد: بتفك و تركب سلاحك فى أد ايه

البندقيه بتعتى رمسيس فكتها وانا فى ثانوى ودلوقتى ممكن فك وتركيب متخدش منى 10 دقائق بس الحوار كله زى ما سرسور باشا قال فى السوسته وديه اللى عورتنى وانا بغيرها من حوالى شهر كده ولو السوسته جديده وغبيه لازم حد يساعدك فى لف القلوظ لانها قطعت ايدى لما حولت اخلصها لوحدى

GEN- I A Z

11-09-05 02:05 PM

رد: بتفك و تركب سلاحك فى أد ايه

اقتباس:

المشاركة الأصلية كتبت بواسطة سرسور (المشاركة 191317)

هو انا اسمع ان البنادق المصرى صعبه اوى فى فكها بسبب حكاية القلاوز ده الصيني ارحم بكتير بقى

GEN- I A Z

11-09-05 02:08 PM

رد: بتفك و تركب سلاحك فى أد ايه

اقتباس:

المشاركة الأصلية كتبت بواسطة عادل عبده (المشاركة 191360)

اه ده باين على حكاية السوسته بتاعت رمسيس ده مشكله كبيرة

ِAhmedAlaa2007

11-09-05 02:14 PM

رد: بتفك و تركب سلاحك فى أد ايه

المسدس الحلوان في حوالي 30 د فك وتركيب وتزيت

أحمد عطاالله إبراهيم

11-09-05 07:12 PM

رد: بتفك و تركب سلاحك فى أد ايه

انا بقى معايا الجيت .. وشوفت الراجل بتاع الورشة وهوا بيفكها ووهوا بيركبها .. عشان يغير الجلبة اول ما جبتها .. ووالله انا حفظها خلاص من جوا بس الصراحة خايف افكها لابوظها لان والله انا خايف لا تبوظ منى او يحصل فيها حاجة .. دنا كنت طالع طلعة صيد والبندقية اخدت خدش صغير جدا جدا ولما روحت البيت قعدت اعيط عليها اه والله مش بستحمل على بندقيتى الهوا

أحمد عطاالله إبراهيم

11-09-05 07:13 PM

رد: بتفك و تركب سلاحك فى أد ايه

بس باذن الله هفكها المرة اللى جاية عشان انا بعد كده اللى هعملها الصيانة

coyote160

11-09-05 07:44 PM

رد: بتفك و تركب سلاحك فى أد ايه

أنا في الجيش كنت بفك الألي واركبه وانا مغمض في 1.20 دقيقه و عشرين ثانية والحلوان في 1 بالظبط أما حاليا فالرمسيس بفكها في 10 دقايق براحتي خالص يعني شغل دلع وتركيب السوسته بكبسها بغراب المخرطة

GEN- I A Z

11-09-05 07:46 PM

رد: بتفك و تركب سلاحك فى أد ايه

اقتباس:

المشاركة الأصلية كتبت بواسطة coyote160 (المشاركة 191775)

بسم الله ما شاء الله

coyote160

11-09-05 07:53 PM

رد: بتفك و تركب سلاحك فى أد ايه

اقتباس:

المشاركة الأصلية كتبت بواسطة gen- i a z (المشاركة 191776)

بسم الله ما شاء الله

الله يخليك هي بالتعود علي فكرة احنا وصلنا للمستوي دا بشهر تدريب محترم ونفذناه في عرض عسكريزي اللي بييجوا في التلفزيون ذكريات حلوة والله موضوعك فكرنا بالذي مضي

GEN- I A Z

11-09-05 08:00 PM

رد: بتفك و تركب سلاحك فى أد ايه

انا كان نفسي ادخل حربية بس اعمل ايه بقى حظى جابني كلية علاج طبيعي مع انى بحبها اوى برده بس بحب الجيش جدا

سرسور

11-09-05 08:12 PM

رد: بتفك و تركب سلاحك فى أد ايه

دائما اول مرة هي اطول وقت و اكثر مجهود
ثم بعد ذلك التعود يصبح الوقت أقل فأقل
و هذا طبعا بالتدريب المستمر

mohamed fareg

11-09-06 12:51 PM

رد: بتفك و تركب سلاحك فى أد ايه

علي فكرة فك وتركيب الالي الحي كان احلي وقت لي انا في الجيش لما كنت في الجيش وهناك يوم اسبوعيا اسمة يوم الصيانة وكنت بامسك البنادق الالية لفكها وتشحيمها وتركيبها تاني وهو في الاول بتبقي تاخد وقت بس بعد كدة بتبقي سريع فيها

GEN- I A Z

11-09-08 01:55 PM

رد: بتفك و تركب سلاحك فى أد ايه

الايام الحلوة

coyote160

11-09-18 01:17 PM

رد: بتفك و تركب سلاحك فى أد ايه

اقتباس:

المشاركة الأصلية كتبت بواسطة gen- i a z (المشاركة 191783)

انا كان نفسي ادخل حربية بس اعمل ايه بقى حظى جابني كلية علاج طبيعي مع انى بحبها اوى برده بس بحب الجيش جدا

وأنا كان نفسي ادخل فنون جميله ودخلت حقوق وطلعت خراط هههههههههههه تحيا مصر بلدي حبيبتي

أبوذيب

11-09-30 09:22 AM

Re: بتفك و تركب سلاحك فى أد ايه

ممكن استاذ gen- i a z

تعرفني بالصور والشرح كيف تصل حتى جلبة البيونير الداخلية علشان اتعلم منك .

أخوكم

الساعة الآن 08:18 PM