|
مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
بسم الله الرحمن الرحيم السلام عليكم و رحمة الله و بركاته http://rtoosh.com/up/images/61699437708518429255.jpg الموضوع دايما يخطر في بالي لما بشوف فيه ازمة في البنزين مثلا او الناس اللي بتركب العربية عشان يروحوا الشارع اللي وراهم او مثلا رايح المسجد لازم يركب و يدور و يسخن و يروح و يرجع طب ايه لازمتها ؟؟؟ مش عارف , الناس دول مش هيحسوا غير لما يكونوا مش قادرين يحطوا بنزين هيقولوا كنا بنهدر في البنزين في الهوا زي ما بنعمل للأسف في المية دلوقتي فدايما بفكر في القصة ديه فجت في دماغي الفكرة اننا نرجع العجل تاني و نستخدمه زي الصين و اليابان و الهند يعني مثلا اليابان ع كل التقدم ده و العربيات اللي منحلمش نشوف نصها هنا لكن بيستخدموا العجل و خاصة عشان يروحوا المدارس و ممكن تلاقي واحد لابس بدلة و راكب عجلة رايح شغله يا حلاوة يا ولاد فايه اللي يحصل لو نعمل زي مبادرة لركوب العجل تاني يعني مثلا ان نازل اخر الشارع اشتري حاجة بدل العربية اركب العجلة و اروح بيها او رايح مشوار قريب و الدنيا عارف انها هتبقي زحمة خلاص اخد العجلة و انزل لو حصلت ازمة بنزين العجل هيكون البديل و تروح اي حتة ...الخ...الخ و الموضوع مش للاطفال و الشباب بس لأ و الرجال كمان ده بالعكس المفروض الرجال اللي هم اربعينات و طالع هم اللي يركبوا العجل عشان تبقي رياضة ليهم و يفضل عندهم نشاط و ميبقوش كسلانين طبعا هيجي واحد و يقولي طب هنستفاد ايه من القصة ديه هقول اللي هنستفاده كالآتي : 1- توفيرا للبنزين سواء للفلوس او لو مثلا حصلت ازمة في وجوده و التوفير للطرفين لينا و للبلد 2- التكدس المروري اللي بنشوفه هيقل في بعض المناطق و هنبتدي نلاقي مناطق زي الاسواق قلت العربيات فيها و التسوق فيها يبقي افضل و مش بعيد نلاقي العربيات الراكنة اكتر من اللي ماشية في بعض المناطق 3- طبعا رياضة مفيدة و تنشط الجسم 4- اهو الواحد يرجع يفتكر ايام زمان لما كان لسه صغير ههههه و نغني اغنية زمان و انا صغير كنت بحلم ابقي كبيير ابقي كبيير و لما كبرت تعبت من الشغل و المواويل هههههه بس هنبقي محتاجين حاجتين بقي اولهما اننا فعلا ننفذ الموضوع مش ندخل نقول اه و ماشي و هجيب و اول ما يخرج يكبر دماغه كعادتنا التنفيض اللي مودينا في داهية في اي حاجة جدية لازم تكون حاجة هايفة عشان نتصدر فيها ثانيهما : اتمني ان الحكومة تساعد معانا في حالة ان الناس ابتدت تتجه لتطبيق الفكرة و هو ان يتعمل زي جراجات خاصة للعجل في المدراس و الجامعات اللي هي زي بتاعت موتسيكلات الدليفيري اللي بتحطها كنتاكي للديليفري عشان بدل العربيات بتاعت اهاليهم و التوصيل او المشي او المواصلات يبقي بالعجل عالطول و خاصة لو قريب و منها رياضة الطالب يبقي رايح نشيط او مثلا طالب جامعي معهوش عربية او موتسيكل او هيصرف كتيير ع المواصلات يركب العجلة و عالطول يبقي هناك و يركنها جوة الجامعة و يبقي جراجات برده للعجل في الشوارع زي برة و يكون واحد متعين من الحكومة يبقي زي حارس عليهم منها حراسة و منها توفير فرص للعمل و يبقي كل واحد راكن بسلسلته و بكارت للعجلة بتاعته بس من غير رسوم لأنها اساسا للتوفير يبقي زي الكارت اللي بناخده لما ندخل سوبر ماركت و ندي الشنطة للامانات و اخيراهي حاجة بعيدة بس هقولها و هي بعد ما الشوارع تتظبط و ديه محتاجة وقت شوية بس خلي عندنا امل ان يتعمل حارات في بعض المناطق للعجل هو احتمال الي حدا ما بعيد بس اهو خلي عندنا امل و بالنسبة العجل العجل عامة مش غالي يعني العجلة الجديدة كلها بكام 200-600 جنيه ع حسب النوعية او المقاس و احنا بنضيع فلوس زي ديه و اكتر في حاجات هايفة اساسا فنستخدمها في حاجات مفيدة زي كده و طبعا محدش ينسي السيفتي و هو كالآتي : -حامي كوع و ركب -و خوذة راكبي الدراجات -و ممكن لو عايزين جوانتي او نضارة واقية -و برده في سفتي زي بتاع الموتسيكلات بيتلبس تحت اللبس بيكون زي اير باج بحيث لو وقعت يحميك و كلهم انواع وا شكال و اسعار بسيطة بس كده و لو عايزين بليل انوار بقي تشتري دينامو و تركبه بيولد كهربا لما بتمشي بينور اللمبات و سرينة و ظبط نفسك و الموضوع بجد مش هزار و انا عن نفسي هبتدي كأول واحد يطبق الفكرة و اجيب عجلة تاني و استخدمها بدل العربية في اوقات كتيير طبعا اكيد فيه ناس هتدخل تضحك و تقول ايه اللي بيقوله الشخصية ده بس يا ريت نبصلها من الناحية الايجابية بلاش عدم المبالاة اللي احنا فيها اللي مضيعانا ديه و ارجو ان كل واحد يدخل يشارك برأيه موافق و لا لأ و ايه اسباب موافقته او اعتراضه كام كلمة يعني مش هياخدوا من وقتك كتيير ولا البخل هيظهر بقي ههههههه :) و رجاء لو فعلا اللي موافقي ينفذ فعلا و يفهم كل اللي يعرفهما الكلام ده و يخلي اولاده يعلموا كده و يقولوا لاصحابهم كده و هكذا لحد ام تنتشر لازم نبتدي بنفسنا عشان الباقي يتغير و لا الكلام ده مش بنقوله غير في حالات حالات اظن محدش عنده حجة في انتظار ردكم و فكروا من الناحية الايجابية للموضوع :) و ديه الصفحة الرسمية للمبادرة في انتظار انضمامكم جميعا 111 111 111111 1111 11 http://www.facebook.com/pages/%D9%8A...11233682269618 |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
وتانى تانى تانى هنروح للحيرة تانى والعذاب من تانى هههههه موضوع جميل يا باشا ورياضى وأنا عندى عجلة بس مبستعملهاش ههه
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
ما شاء الله فكرة رائعة
في الاسكندرية يكون هناك سباق دراجات على البحر كل فترة صغيرة و دعوة لا للتدخين فتكون فرصة لكى يقلع المدخنين عن التدخين لكن في مطروح هي وسيلة اساسية ومنتشرة بكثرة داخل المدينة وان شاء الله سوف اصور دراجتى و اعرض صورتها فى الموضوع |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
فكره جميله ويريت تتنفز لانها هتوفر كتير بلتوفيق
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
فكره فى منتهى الجمال وانا كنت بفكر فيها فعلا وعلى الله فليتوكل المتوكلون وانا امبارح كنت بصلح لواحد جارى عجلته وكان نفسى اخد لفه والله بس طمع ياخد لفه بالموتوسيكل فمردتش
بس الصراحه كان نفسى ارجع للذى مضى بقى وكده يالا المره الجايه ابقى اخد لفه |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
هههههه ايه الاحباط ده يا استاذ خالد لا لا لازم نتغير بقي و نبدأ بنفسنا عشان الباقي يتغير |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
احنا بقي مش عايزينها مسابقات بس او لعب بس لأ احنا عايزين الموضوع يبقي كمان كوسيلة تنقل :) و في انتظار الصور |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
ده المفروض كل واحد فينا يا جماعة يقول قرايبه و اصدقائه و زمايله و يوعي كل اللي يعرفهم بالموضوع ده عشان ينتشر |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
هى فكرة كويسة وأنا معايا واحد فى الشغل بيجى بعجلة من مشوار كبير أوى وبياخد نفس وقت العربية لأن طبعاً العربيات بتعطلها إشارات مرور، وهو تقريباً قريب من سكنى فأنا بطلع من شغلى فى أرض الجولف أركب الميكروباص وهو بيكون طالع بعجلته وتقريباً بوصل أنا وهو فى نفس الوقت وساعات هو الى بيسبق بعجلته، وأنا كنت هشترى عجلة من كم شهر بس الراجل صاحبها للاسف كان فى المعادى وبعيد عنى، بس أستخدام العجل منتشر فى الفلاحين والمحافظات الإقليمية أكثر من القاهرة، بس أنا مقدرشى اروح شغلى بعجلة لأسباب كثيرة منها نظرة الناس ودى لازم تتغير فى المجتمع، بالإضافة إلى طول المشوار وعدم وجود جراجات مخصصة للدراجات، ومع ذلك أنا برحب جداً أن الواحد يشترى دراجة يستخدمها كرياضة وفى المشاوير القريبة هتوفر كثير وقت وتعب وفلوس.
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
انا كنت ناوى عمل كده من فترة
بس للاسف لما نويت لقيت الناس هتتريق قلت بلاش منها بس فكرة عملية جداااااااااااااا |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
انا جربتها من عشرين سنه كده و انا فى الكليه لانى كنت تعبت من المواصلات.. جبت عجله و روحت من مدينة نصر لهندسة القاهره.. طبعا روحت عرقان و مينفعش اعمل اى حاجه و رجعت البيت تانى... هى فكره جميله جدا بس للمسافات القصيره و الشمس هتبقى مشكله برده.. انا لسه ساكن فى مدينة نصر و باشتغل فى اكتوبر.. العربيه بتكمل المشوار بالعافيه اصلا.. ههههه
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
طيب يعني فيه امل اهو ان الناس تبتدي تتجه للموضوع ده هيوفر وقت و مصاريف و رياضة كمان و يا ريت حضرتك كمان تنضم لينا كلنا و تجيب عجلة و تعمل زي زميلك و توعي كل زمايلكم في الشغل مثلا و كل اللي تعرفهم يبقي فيه توعية عشان نظرة الناس تتغير للموضوع |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
حكاية نظرة الناس و كلامهم بالعكس يا ريس المفروض تعمل كده و اللي يتكلم فهمه الموضوع و اللي مش عجبه ميبصش مهي ديه للأسف من ضمن الحاجات اللي جايبانا ورا كلام الناس و نظرتهم و ع فكرة انا شوفت شباب مع بعض في مناطق زي مصر الجديدة ماشيين بالعجل عادي ع جنب مع العربيات و محدش و لا اتريق و لا اتكلم و لابسيين السيفتي كمان خوذة و حامي كوع و ركب و جوانتيو نضارة عادي جدااا ده احنا كنا بنفكر كمان ان بعد ما كله يبتدي يجيب عجل في مجموعتنا نتقابل في مناطق زي مصر الجديدة و ننزل وسط الناس و الناس تبتدي تشوفنا و تتعود ع العجل وسط الشوارع و اللي يسال و لا يكلم نفهمه بل الشباب هيبقوا عايزين يقلدونا و تبقي موضة كمان ههههههه و بكده يبعدوا عن العربيات شوية و الناس طبيعي زي ما قالت ع راكبي الموتسيكلات انهم جايبنها للتوفير و يسلكوا في الزحمة نفس الموضوع هيتقال ع العجل :) بالاضافة ان العجل بيمتاز عن الموتسيكل انه مصاريفه لا تذكر و صيانته تتعمل بايديك و مش مكلف في اي حاجة و مش هيبقي فيه الطمع زي الموتسيكلات :) |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
هى فكرة أخر حلاوة
والاجمل اننا نحول الموتوسيكل لعربية ونقفله كمان مع توفير الحجم يكون كرسيين بس مثلا |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
لا عندك حق المشوار بعيد و انا قصدت المشواير القريبة بس هي في الشتا في المشاوير البعيدة متعة هههههه بس انا بتكلم نحاول ع اد ما نقدر نبعد عنا لعربية يعني مثلا اعمل الآتي اتفق حضرتك و واحد هو بالعجلة و حضرتك بالعربية و روحوا مثلا من النقطة ( أ ) الي النقطة ( ب ) يعني فليكن من الحديقة الدولية لأول عباس العقاد هو هيوصل قبلك و مرتاح كمان و حضرتك هتكون لسه في الطريق مزنوق او بتدور ع ركنة :) |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
احنا كده هنخليه توك توك هههه يبدو ان الفكرة مازلت قائمة و موضوع موتسيكل متقفل و معمول بكرسيين الصين عملته فعلا في عربيتين واحدة بـ3 عجلات و واحدة 4 عجلات و لم تلق قبول في العالم لكن الفكرة او المقصود هنا ان حتي الموضوع ميكونش محتاج للوقود حتي او مصاريف للصيانة تذكر و حاجة سهلة النقل و الركن و الصيانة و متاخدش حيز كبيير من الشارع و في نفس الوقت رياضة و التلوث طبعا هيقل مع الوقت و انتشارها |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
انشاء الله انا مع المبادرة الرياه انا مرة كنت نازل بلد فىبحرى طريق القناطر ولاقيت واحد على كتفه بندقيه وراكب عجله وعمال يخلص قبل منى على اليمام و انا طبعا كنت بالعربيه و هو بيقرب للصيد عادى مفيش صوت يعنى رياضه للبدن حتى لو بدخن الموضوع جميل واتمنى ان ينتشر فى مصر لك الشكر
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
هى اكيد اسرع فى المسافات لحد 5 كيلو و اسهل من اليوتيرنات و الزحمه و الركن و بليل مفيش فيها مشكله خالص.. بس فى الطريق الدائرى او النصر او الطرق السريعه شويه لازم يكون فى حاره للعجل زى بتاعة الكارو زمان و الحاره دى موجوده فى هولندا و بلاد اوروبيه تانيه
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
والله فكرة جامدة وان وضحت كل مميزاتها انا ناوى اعمل كدة ان شاء الله
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
fkra gmdaaaa gdn ws7ya awi
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
والله انتا بتقول كلام زى العسل .... واحنا عايزين نعمل صفحة على الفيس او جروب للموضوع دة ..... تحياتى ليك
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
مهو ده اللي ان شاء الله المفروض يتعمل بس تنتشر و بعدين نقدر نطالب بحارة للعجل في الشوارع الكبييرة و الميادين |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
طب تمام ايوة كده يا جماعة يلا شدوا حيلكم و عايزكم تفهموا كل اللي تعرفوهم الكلام ده |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
|
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
يوم ما نقول حاجة عملت تلوث او زحمة يبقي الجرار هو السبب هههههه يلا يا ريس انضم لينا و لا مش ناوي ؟ |
رد: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )
اقتباس:
انا فعلا عامل صفحة ع الفيس و حاططها في اول الموضوع اهي http://www.facebook.com/pages/%D9%8A...11233682269618 |
| الساعة الآن 01:01 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir