|
إستشارة لتحديد المصير
السلام عليكم ورحمة الله
يا إخوانى انا كان عندى بندقية معادى زمان من حوالى 6 سنوات وبعتها وكانت جميلة جدا سواء الشكل او القوة (طبعا على حسب تقديرى وإستخدامى وقتها) وحتى وقت قريب كنت بدون بندقية لغاية ما اشتريت الرمسيس من حوالى شهر وشوية وكنت فرحان بيها جدا .. لغاية ما دخلت المنتدى هنا وبدأت أقرأ الموضوعات واعرف البنادق وأكتسبت بعض الخبرة .. وهنا بدأت المشكلة ، وهى أن الطمع فى الافضل ملكنى على الاخر لدرجة أنى بدأت أكره الرمسيس مع انها حمالة أسية وشغالة تمام جدا .. وبالفعل نزلت موضوع هنا لبيعها .. لكن الان انا متردد المهم .. انا عايز منكم نصيحة وبعض المعلومات عن الرمسيس وكيفية ضبطها لافضل ضبط .. وكمان إذا حبيت أشترى أعلى منها بعض الشيىء أفكر فى ايه يكون افضل وسعره كويس؟ |
رد: إستشارة لتحديد المصير
الرمسيس كويسه يا استاذنى الفاضل وفى صياديمن بيعملو بيها شغل عالى اووووووى وعندك صديقنا السفاح حوكا باشا
وحماله اسيه زى ما انت بتقول يا باشا بس احفظ بندقيتك هتعمل بيها شغل عالى جدا لو عاوز حاجه اعلى ممكن تفكر فى الكرال نمره 2 هاى بور ورخصيه او تفكر فى حاجه اسبانى متوسطه السرعه لو معاك فلوس بقى يبقى اسبانى هاى بور او المانى |
رد: إستشارة لتحديد المصير
خلى الرمسيس معاك شوية واوعى تتعقد منها لانك لو كرهتها هاتكرهك هى كمان الرمسيس من ادق البنادق انتة ممكن تبقى قناص بيها وتنشن على دماغ الحمامة او اليمامة_واللة كنا بنضرب بيها اى حاجة وهى عاملة زى مشرط الجراح هات معاها رش خفيف شوية وهى تعمل احلى شغل
|
رد: إستشارة لتحديد المصير
طب انا الرمسيس بتاعتى بتحدف يمين 10سم فى ال 10متر ... الواحد يظبطها ازاى دى؟؟؟
|
رد: إستشارة لتحديد المصير
ممكن يكون مشكله فى النشينكان
او الماسوره يا استاذ بلو سى |
رد: إستشارة لتحديد المصير
اقتباس:
خدمتك ليا طريقة لضبط النيشان على الشعرة (من غير موضوع الليزر) وكمان المسافة اللى اثق فيها تماما لقتل الهدف مع العلم ان البندقية حالتها اللهم بارك ممتازة بفضل الله |
رد: إستشارة لتحديد المصير
اقتباس:
|
رد: إستشارة لتحديد المصير
اقتباس:
|
رد: إستشارة لتحديد المصير
اقتباس:
حرك النيشان الامامى حاجة بسيطة جدا (اقل من مللى) للشمال وادعيلى. |
رد: إستشارة لتحديد المصير
ياجماعه انتو الظاهر اتربيتو على الغالى و مشفتوش الرمسيس... النيشان الخلفى للرمسيس بيتحرك بحتة حديد لقدام وورا بس و ده بيتحكم فى ظبط النيشان لفوق و تحت... اما يمين و شمال كله حديد ملحوم و ليس له اى حركه اطلاقا سواء فى النيشنكان الامامى او الخلفى و عشان كده انا سالت على ظبط اليمين و الشمال انما فوق و تحت باظبطهم عادى
|
رد: إستشارة لتحديد المصير
اقتباس:
انا كتبت تحريك النيشان الامامى مش الخلفى. النيشان الامامى غير ملحوم ويمكن تحريكه فى المجره. |
رد: إستشارة لتحديد المصير
اقتباس:
|
رد: إستشارة لتحديد المصير
اقتباس:
|
رد: إستشارة لتحديد المصير
الدبشك انا لسه عند سمير زكى مربطه و مزيت البندقيه و مربوط كويس بس انا جربت احرك الناشينكان الخلفى مش راضى خالص... هو متثبت ببنز فى نصه من قدام و مش بيتحرك خالص و الامامى برده حاولت احركه لا يمكن بالايد و طبعا محبتش اجرب ادق عليه عشان ميتكسرش...ا. عادل و ا. عادل برده.. انتو متاكدين ان الناشينكان الامامى و الخلفى فى الرمسيس القديمه بتحركو... لو انتو متاكدين هاحاول احركهم بعده و اشوف
|
رد: إستشارة لتحديد المصير
اقتباس:
|
رد: إستشارة لتحديد المصير
منتحرمش ياباشا و مش هاعمل حاجه لحد ماشوف الصور و الف شكر على تعبكو معايا... محدش يحب يبدلها ببام و ياخد فرق؟؟؟ ههههه
|
رد: إستشارة لتحديد المصير
هوه لو انا عرفت اتواصل معاك على الاميل او الفون ممكن اقيدك لان للاسف الكاميؤا بتعتى باظت والتليفون من غير كاميرا
اسف والله كان نفسى افيدك بس ما باليد حيله |
رد: إستشارة لتحديد المصير
ياباشا الله يخليك..انا بكره هاعد العب فيها براحه كده و اشوف هوصل لايه... انا جربت بايدى كده بس و لقيته جامد فقلت انه متسنتر فى الماسوره و خلاص مش بيتحرك خالص و كان زمان مظبوط ايام ماكنت باستعمل البندقيه دى... بس لما جربتها اليومين دول بعد مصلحتها لقيت ورقت النيشان متخرمه كتير اوى من اليمين و من الشمال نضيفه من غير ولا خرم فقمت راسم صليبه و اعدت اظبط النيشان و ظبطه من فوق و تحت بس يمين و شمال قلت هى كده بقى.. انا بكره ان شاء الله هاحاول بجد و براحه و ربنا يسهل
|
رد: إستشارة لتحديد المصير
بس يا باشا بدل انت مصمم تلعب فيه عارف الحته اللى فيها البنز ديه
طبعا هتقولى اه هقولك الحته ديه بقى الكتله كلها بتيجى يمين وشمال يعنى ماشيه فى ميجرا جوه الماسوره ياريت تكون فهمتنى ولو عاوز اى استفسار انا خدامك فى اى وقت |
رد: إستشارة لتحديد المصير
السلام عليكم
طبعا اذا جائت سيره معشوقتى جاء عاشقها هههههههههههههههههه حضرتك نورت المنتدى واعضاؤه كلهم يا افندم بالنسبه للبنادق الحلوه فعند حضرتك كتير ومن تاخد صينى او اسبانى بسعر كويس حبتين انما لو حضرتك ناوى ع التقيل اوى يبقى المانى او انجليزى باذن الله ولو حضرتك عاوز الانواع الصينى: البى 3 او البام21..........................دول اللى جربتهم وشغالين كويس اوى الاسبانى: هانتر 440 او هانتر 890 .......نوريكا جيت او نوريكا سبورت او نوريكا مارفيك او مارفيك جولد وكل البنادق ديه مجربتش منهم غير المارفيك والهانتر 440 وجامدين اوى الالمانى: اكيييييييييد الديانات واى اصدار ليها لو قديم وضعيف يبقى نمره 1 ولو جديد وقوى يبقى نمره 2 وانصح حضرتك بال52 او ال54 وابعد تماما عن ال350 ماجنوم الانجليزى: البى اس ايه بكافه اصداراتها ما عدا الام جيه 7 لان الدبشك بيشترخ ولكن ليها حل بس ده كل اللى اعرفه عن البى اسات وهى من ادق البنادق فى العالم طبعا المفروض يجى قبل ده كله الويبلى بس احنا كده تخطينا حاجز ال5000 جنيه ولحد ال10 ان شاء الله نيجى بقى لحبيبه القلب الرمسيس اولا ربنا يحفظك ويحفظهالك ويرزقك من خيرها كله حضرتك بتقول بتضرب 10 سم يمين طيب اولا حضرتك تكسر الماسوره وتبص فيها وتشوف الماسوره ملويه ولا سليمه وغالبا مليوه لان 10 سم كتير اوى على نشنكان ولو مش ملويه خليك وراها لحد ما تجيب ارارها النشنكان الامامى بيتحرك يمين وشمال شوفه وظبطه فى النص بالظبط بغض النظر عن الخلفى النشنكان الخلفى بيتحرك يمين وشمال بردو بس بصراحه عمرى ما حركته بس هو بيتحرك من الناحيه الاماميه خالص لانه محفوله فى الحديد بس بحبه دق صغيرين وبحاجه صغيره (طبعا للامامى والخلفى) هانقول انها سليمه؟؟؟ طيب اوك افتح البندقيه وشوف البستم وشوف الجلبه والسوسته لان فى بندقيه اخرى كان بسبب السوسته بتحدف تحت الهدف بكتير بالرغم من انها هاى باور ومعرفتش ده غير من صياد قديم هانقول انها سليمه؟؟؟ طيب كده مش قدامك غير حل اخير بقى بس رخم حبتين حضرتك تضرب شمال الهدف ما تتخضش لان انا كنت بعمل كده بضرب شمال وفوق الهدف حتى وده خلانى اتعود على اى بندقيه تانيه بسرعه بالنسبه للرمسيس فهى بترمى فوق ال50 وده كلام ثقه وبتوقع غربان كمان ومن مسافه ال50 يمكن اكتر كمان اهم حاجه حضرتك هاتنشن فين وباى رش ومن اى زاويه وطبعا مهارتك كصياد المهم ان الرمسيس تنافس وتدخل فى ركن ادق البنادق وكفايه رغى كتير لانى حاسس انى صدعتك وان شاء الله خير سلام عليكم |
رد: إستشارة لتحديد المصير
الله عليك يا حوكا يا معلم و الله انتا راجل زي العسل
|
رد: إستشارة لتحديد المصير
والله ياجماعه انا مش عارف اقولوكو ايه... الف شكر بجد على مساعدتكم و ربنا يسهل و اعرف اظبطو و لو معرفتش هغلس على واحد فيكو و اقابله و نظبطه سوا... انا بصيت فى الماسوره لانى شكيت انها تكون لافه شويه بس بالنظر فى الضوء حاسس انها عدله... هو الناشينكان الامامى مش فى النص فعلا.. هحاول ابتدى بيه و اجيبه فى النص و اشوف و ربنا يستر و ميتكسرش... و لو اتكسر الرمسيس اكيد حاجتها موجوده... هتروح فين.. مش كده برده
|
| الساعة الآن 08:19 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir