الصيد فى مصر - طلعت صيد خفيفه في مدينة نصر و قلبت بي خناقه

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - طلعت صيد خفيفه في مدينة نصر و قلبت بي خناقه (http://www.egyhunt.net/showthread.php?t=15295)

mohd_wafik

11-09-09 10:15 AM

طلعت صيد خفيفه في مدينة نصر و قلبت بي خناقه

السلام عليييكم ..
انا نفسي اعرف حاجه ليه في فئه من الشعب المصري بيحب يحشر منخيره في كل حاجه و بيحب يفتي في اي حاجه , يعني انا انهرده نزلت اروح الحديقه الدوليه إلى عباس العقاد قولت اللف بالعربيه حوليها و إلى الاقيه انشه . المهم لفيت اربع مرات حوالها بس طبعا بسرعه بطيئه اوي و إلى بصطاده بنزل بالسكينه اللحقه بس بحاول انقي الطير إلى يقع بره الجنينه .. المهم ورا الجنينه في فكهاني و قهوه و في اللفه الرابعه لاقيت شخص وقفلي قدام العربيه بس عارفه فكهاني المهم قفلت الازاز و نزلت و قفلت لوك العربيه .. و الحوار كان ده.
انا . ايييه يا خير في حاجه
شخص . اييه إلى انته بتعمله ده
انا . بصطاد عادي
شخص . لا متصطادش هنه
انا . ليه يعني هوه انته اشتريتها و انا مش واخد بالي
شخص . المنطقه منطقتي
انا . المنطقه منطقتي من قبل ما انته تتولد اساسا و فكك مني على صبح
شخص . اللون ده ميكلش معايا وزقني على كتفي
انا . رزعت الاقلم علمت على خده ( قلم خدامين )
وابتدت الخناقه بينا الناس اتلموا وفكونا من بعض مش عاوز اطول عليكم عشان حصل شوية حاجات بعديها ..
المهم الحصيله 4 فرد يمام بس .. مكملتش عشان فور دمي
وتقبلوا تحياتي
محمد وفيق

ebrahem

11-09-09 10:32 AM

رد: طلعت صيد خفيفه في مدينة نصر و قلبت بي خناقه

معلش يا محمد وانت قدها وقدود

hoka	11-09-09 10:43 AM

رد: طلعت صيد خفيفه في مدينة نصر و قلبت بي خناقه

غلط يا افندم اللى انت بتعمله
اينعم هو العيب مش فينا بس بردو غلط
اولا مينفعش تبدا حوارك مع الراجل كده
ثانيا مينفعش تقوله وانت مالك او المنطقه بتاعتى او بتاعتك وهكذا
ثالثا مينفعش تمد ايدك عليه ولا تضربه وتتخانق لانه هو مش فاهم
الموقف كان المفروض يتلم بسرعه وبكلمتين حلوين وانا معاك اللى انت عملته صح الصح بس مش فى الصيد لان الصيد عاوز صياد وصبر على كل حاجه
وانا بردو انهارده نزلت اصطاد وكان يوم تييييييييييييت اخر 500 حاجه وبردو نفس الكلام ما تصطادش هنا ومش عارف ايه مع ان شارعى ورا شارعه بس بقوله شكرا وسلام على طول
اصل الموقف مش مستاهل واحنا اللى غلط اننا بنصطاد فى مناطق زى ديه بس نعمل ايه دوله تيييييييييت مش بتفهم فى السلاح
ياريت حضرتك ما تزعلش منى بس احنا بنقول اللى لينا واللى علينا
سلام عليكم

sameer

11-09-09 10:52 AM

رد: طلعت صيد خفيفه في مدينة نصر و قلبت بي خناقه

معلش يا باشا حصل خير المهم انك كويس وبعدين زي ما حوكا قال المفروض كنت تقصر وتمشي من سكات وتعرفهم انك احسن منهم

ghosthunter

11-09-09 11:04 AM

رد: طلعت صيد خفيفه في مدينة نصر و قلبت بي خناقه

حبيبب قلبى لو راجعت قوانين الصيد حتلاقى ممنوع منعا باتا الصيد فى المناطق السكنية والعقوبة غرامة وحبس أو إحدى هاتان العقوبتان علاوة على مصادرة أدوات الصيد,وكان الراجل ده ممكن يسبب لك مشكلة لو إستدعى الشرطة ,الموضوع يتحل ودى و لو لم يجدى الحل الودى ,إذا الانصراف بهدوء

mohd_wafik

11-09-09 11:37 AM

رد: طلعت صيد خفيفه في مدينة نصر و قلبت بي خناقه

يا جماعه عندكم حق والله و انا بغلط نفسي بس بتكون ساعة شيطان انا مستحملتش انه يزقني من كتفي مع اني دايما ضد العنف اساسا بس الحمد لله و فعلا انا غلطاااان وبتأسف لكل صيااااد ....تقبلوا تحياتي

عادل عبده

11-09-09 11:46 AM

رد: طلعت صيد خفيفه في مدينة نصر و قلبت بي خناقه

ياباشا على العموم حصل خير والموضوع ماكنش مستاهل ده كله انا لما كنت ماشى مع حوكا حصل موقف من راجل تييييت كده اناكنت عاوز ارزعه رشايه بس حوكا قالى لاء ياعم والكلام ده وانا عن نفسى عشان عارف انى مجنون وبقلقك من الحورات ديه مبنزلش اصطاد لوحدى هنا ولا فى اى حته بنزل مع اى حد عشان الحوارات ديه اهوه واحد يشد وواحد يرخى

sameer

11-09-09 11:47 AM

رد: طلعت صيد خفيفه في مدينة نصر و قلبت بي خناقه

يا باشا حاسين بيك هما فعلا فيه ناس بيبقو عايزين ضرب الشباشب بس انتا تعرفه انك راجل محترم وتكسبه يعني لو بتصطاد في حتة ترمي السلام على الناس اللي قاعدة او لو كلموك تهزر معاهم كدة بالأدب تبتسملهم كدة يعني تحببهم فيك وتخلهم بعد كدة يفرحو لما يشوفوك بتصطاد في المكان ده تاني وممكن يقولولك على حتة بيبقا فيها يمام كتير

انما لو لاقيتهم ناس مقفلينمكن ومش قابلن منك كلام خلاص يغورو بالحتة اللي هما فيها لا مؤاخزة

عادل عبده

11-09-09 11:47 AM

رد: طلعت صيد خفيفه في مدينة نصر و قلبت بي خناقه

اقتباس:

المشاركة الأصلية كتبت بواسطة mohd_wafik (المشاركة 194730)

الكلام ده بيدل على انك راجل محترم ومن بيت محترم
اهم حاجه بقى روقته ولا هو اللى عمل معاك الصح
ههههههههههههههههههههههههههههههههههههه
انا بهزر اوعى تزعل

mohd_wafik

11-09-09 11:51 AM

رد: طلعت صيد خفيفه في مدينة نصر و قلبت بي خناقه

اقتباس:

المشاركة الأصلية كتبت بواسطة عادل عبده (المشاركة 194737)

الكلام ده بيدل على انك راجل محترم ومن بيت محترم اهم حاجه بقى روقته ولا هو اللى عمل معاك الصح ههههههههههههههههههههههههههههههههههههه انا بهزر اوعى تزعل

عيب عليييك يا راجل اخوك حزام اسود في الجودو بس على قدي الحمد لله يا باشا هزر براحتك حضرتك اخويا وده شرف ليا ...

عادل عبده

11-09-09 11:52 AM

رد: طلعت صيد خفيفه في مدينة نصر و قلبت بي خناقه

طب الحمد لله ضمنت لو انى طلعت معاك مش هضرب
ههههههههههههههههههههههههههههههههه
نهارك ابيض يا باشا

mohd_wafik

11-09-09 11:55 AM

رد: طلعت صيد خفيفه في مدينة نصر و قلبت بي خناقه

يا باشا ده شرف ليا بس انا إلى هتحام وراك بس بيقولك الجري نص المجدعه ههههههههههههههه

عادل عبده

11-09-09 11:57 AM

رد: طلعت صيد خفيفه في مدينة نصر و قلبت بي خناقه

والنص التانى انك تشتم وانت بتجرى
هههههههههههههههههههههههههههه
يابشا انا مش عاوزك تزعل محدش بيتعلم ببلاش واديك اتعلمت حاجه من الموقف ده وبأذن الله انا مسافر بكره ولما ارجع ان شاء الله لينا لقاء مع بعض انا بينى وبينك نص ساعه بس

mohd_wafik

11-09-09 12:00 PM

رد: طلعت صيد خفيفه في مدينة نصر و قلبت بي خناقه

يا ريت والله نتقابل وده شرف ليا طبعا يا باشا

محمد فودة

11-09-09 12:08 PM

رد: طلعت صيد خفيفه في مدينة نصر و قلبت بي خناقه

انتا غطان يا باشا فى حاجة واحدة بس اول مكان زقك فى كتفك الالم المفروض يكون بوكس يكسر سنانة علشان يبقى يتكلم بطريقة كويسة وميزقش حدج فى كتفة ويكلم النناس بادب

jamayka

11-09-09 12:14 PM

رد: طلعت صيد خفيفه في مدينة نصر و قلبت بي خناقه

يا محمد باشا ولا تزعل نفسك احنا نظبط طلعة كده نبقى 5 ولا 6 و نروح نفضل قاعدين فى الشارع ده و نشوف مين اللى استجرى و ضايقك :)

عادل عبده

11-09-09 12:16 PM

رد: طلعت صيد خفيفه في مدينة نصر و قلبت بي خناقه

اقتباس:

المشاركة الأصلية كتبت بواسطة mohd_wafik (المشاركة 194750)

يا ريت والله نتقابل وده شرف ليا طبعا يا باشا

بأذن الله لما ارجع ياكبير
ادعيلى بس اخف واكيد لينا لقاء مع بعض بأذن الله

عادل عبده

11-09-09 12:19 PM

رد: طلعت صيد خفيفه في مدينة نصر و قلبت بي خناقه

اقتباس:

المشاركة الأصلية كتبت بواسطة jamayka (المشاركة 194762)

هههههههههههههههههه
الرجاله اتجمعت اهى ومدينه نصر هيحصل فيها انقلاب ياباشا وانا اروح اجمع الرجاله اللى كانو معايا فى الشغل فى عباس ونولع فيها بقى ونخلص
هههههههههههههههههههههههه

mohd_wafik

11-09-09 12:27 PM

رد: طلعت صيد خفيفه في مدينة نصر و قلبت بي خناقه

اصلي يا رجاله اهووو كده ايد واحده و انا هجيب الرجاله بعد صلاة العصر و بالشوم وندغدغهم وهجيب اخويا هوه دكتور عظام عشان الاصابات و الصيدلية بتاعت اخويا التاني هتفضل مفتوحه عرض خاص ادويه تركي دبل اكشن بي 10 جنيه وادويه الاماني اصلي بدون خدش بي عشرين ههههههههههههههههههههههههه

jamayka

11-09-09 12:30 PM

رد: طلعت صيد خفيفه في مدينة نصر و قلبت بي خناقه

سبحان الله اول مرة احس ان فى اعضاء كتير من مدينة نصر جت مصلحة الحكاية دى

mohd_wafik

11-09-09 12:32 PM

رد: طلعت صيد خفيفه في مدينة نصر و قلبت بي خناقه

انا بردو والله اول مره اعرف كده .. امبارح قابلت اخ لينا اسمه الاستاذ حازم في محل سلامه ابوضيف إلى مدينة نصر و طلع جاري في نفس الشارع كمان .. سبحان الله

mero1x

11-09-10 01:39 PM

رد: طلعت صيد خفيفه في مدينة نصر و قلبت بي خناقه

يا باشا جت سليمة وصيد موفق
وبعدين مش متفقين نطلع مع بعض ؟؟

انت قلبتى يا برنس ومتصلتش وادى النتيجة :)

عموماً تجنب صيد المناطق السكنية تماماً واللى يزقك اديلو على دماغة .

تقبل مرورى

mohd_wafik

11-09-10 02:15 PM

رد: طلعت صيد خفيفه في مدينة نصر و قلبت بي خناقه

اقتباس:

المشاركة الأصلية كتبت بواسطة mero1x (المشاركة 195544)

ماشي ماشي يا استاذ امير ليك رساله على الخاص و البيبسي عليييييك بقى مليش دعوه هههههههههه

محمود شلبي

11-09-10 02:50 PM

رد: طلعت صيد خفيفه في مدينة نصر و قلبت بي خناقه

الموضوع مليان بالخبرات انا دلوقتى هنزل عند الحديقه اصتاد ازاى وانا ولا حزام ولا كاتا اعمل ايه انا معاك ان فى ناس تنرفز العيب فى ثقافه شعب مش فينا فكر مع نفسك هتلاقى اسلوب تانى كان هيخلى الراجل دى يتصل بيك لما تتاخر ومتنزلش بعد جمعه او اتنين (ممكن) واتعملت من ضدك الى معاك ويجبلك الصيد ويدلك على مكانه لو عاوز
وادينا بنتعلم خبرات خبرات خبرات تقبل مرورى

صياد قديـــــــــــم

11-09-10 03:07 PM

رد: طلعت صيد خفيفه في مدينة نصر و قلبت بي خناقه

أهى خناقة جمعت صيادين مدينة نصر على الموقع طيب ماشاء الله
انا نازل بكرة وحتعمد ادب خناقة مع اى حد واجى جرى واحكى ولما نشوف كام واحد حيطلع من اسكندرية
ولا ليه منا انزل الموضوع ومن غير ما امسك فى حد هوا فيه حد شايف حاجة هههههههههههههههههههههه
محمد يا سمير فكرتنى بكلامك لما نزلنا يوم الخميس وقابلنا الزناتى هههههههههههههههههههههههههههه
حصل خير والصح اننا مادمنا بنصطاد فى اماكن سكنية فالمفروض ناخد الحذر لان ممكن اكون مركز مع هدف ومشوفش اللى حواليا لان الصياد مننا لما بيصطاد فى منطقة سكنية بيبقى وكأنه منعزل عن اى حاجة محيطة بيه وبيركز على الطير اللى عينه وقعت عليه وممكن وقت اصابة الهدف يظهر حد لا قدر الله وتيجى الاصابة فيه ووقتها مش حتبقى زقة كتف لا دى حتبقى معركة ولكن الحمد لله ربنا سترها معاك ومادمت معاك عربية اطلع فى اماكن زى طرق سريعة بدرى بيكون الحمام واليمام على جانب الطريق كتير بياكل فى الحبوب اللى وقعت من التريلات الىل عدت.... مسائكم ورررررررررررررررررررررد

أحمد عطاالله إبراهيم

11-09-10 08:18 PM

رد: طلعت صيد خفيفه في مدينة نصر و قلبت بي خناقه

اقتباس:

المشاركة الأصلية كتبت بواسطة صياد قديـــــــــــم (المشاركة 195618)

ايه يا ريس .. هما بتوع مدينة نصر ارجل مننا ولا ايه ...

انا اول واحد معاك يا ريس لو فيه خناقة ونجيب بقى احمد خلف ومحمد سمير وحسين صاحبه واحمد على والناس الحلوة دى كلها وباذن الله فى اول الخناقة هتلاقينى اول واحد طلعت اجرى هههههههههههههههههههههههههههههههههههههه انتا بس تشاور يا ريس ..

Consul

11-09-10 09:40 PM

رد: طلعت صيد خفيفه في مدينة نصر و قلبت بي خناقه

اقتباس:

المشاركة الأصلية كتبت بواسطة mohd_wafik (المشاركة 194730)

بارك الله فيك أخي الحبيب...قدر الله وما شاء فعل...أنا أحيي فيك جرأتك وشجاعتك وضميرك الحي ومحاسبتك لنفسك وعدم الإصرار على الخطأ والتمادي فيه...وزي ماقلت بالظبط هي ساعة شيطان ( أعاذنا الله وإياكم منه ومن شره ونزغاته ووسوسته )...لاحظت أخي الحبيب أنك ذكرت أن هذا الشخص فكهاني أو بائع أو ما شابه ذلك ( إنسان بسيط ثقافته قليلة وتعليمه محدود وأفقه ضيق يعني على قده )...وأنت رجل مثقف ومتعلم وأفقك واسع وفوق هذا وذاك صياد...يعني لازم وحتما ولا بد أن يكون بالك وطبعك ورد فعلك الهدوء والصبر والحلم وتقدير الأشياء بقدرها...بصراحة صعب قوي حبيب قلبي أن يتطور الأمر بينكما ويصل لدرجة أن ( ترزعه بالقلم...وقلم إيه؟!...خدامين )...أنا أشعر بالأسى والأسف في كلامك لما حدث وأعتقد أن صورته لا تفارق مخيلتك وأنت ترزعه هذا القلم الذي علم على خده...مهما كان حبيب قلبي هذا رجل أو شاب أيا كان له كرامة فكن حريصا المرة القادمة ( الأمر وارد الحدوث والتكرار في أي مكان ومع أي شخص )أن يكون بالك طويل وأن تكون من ذوي الحلم وأن تحتويه وتفهمه بالراحة...أو تتركه في هدوء وترحل ولك الأجر والثواب من الله وطبعا أنت الكسبان أنك تغلبت على شيطانك وأرضيت ربك وكنت عند الله من الكاظمين الغيظ والعافين عن الناس...وألا تهدر كرامته وبالذات على الخد أو الوجه والذي نهانا رسولنا الكريم عليه الصلاة والسلام من الضرب على الوجه حتى مع أولادنا على سبيل العقاب للتربية والتقويم...قدر ولطف...وعفى الله عما سلف...إعقد العزم والنية على ألا يتكرر هذا مرة أخري...أذكر نفسي وإياكم حبايب قلبي أن يعافينا الله ويقوينا على أنفسنا وألا يوقعنا في حبال وشراك ونزغات ووساسوس الشياطين وألا يتركنا فريسة سهلة لهم...اللهم آمين...خالص تحياتي...

mohd_wafik

11-09-11 05:50 AM

رد: طلعت صيد خفيفه في مدينة نصر و قلبت بي خناقه

اقتباس:

المشاركة الأصلية كتبت بواسطة consul (المشاركة 195860)

يا سيدي الفاضل اخجلتم تواضعنى بجد ومفيش كلام بعد كلام حضرتك و اشكرك على المعلومات التي وضعت وسام على صدري يا سيدي الفاضل .. تقبل تحياتي

mustafa-amer

11-09-11 06:01 AM

رد: طلعت صيد خفيفه في مدينة نصر و قلبت بي خناقه

عشان كدة افضل الصيد ليلا

الساعة الآن 03:33 AM