الصيد فى مصر - وأخيراً بقيت صياد

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - وأخيراً بقيت صياد (http://www.egyhunt.net/showthread.php?t=15338)

mman2005

11-09-10 02:00 AM

وأخيراً بقيت صياد

بعد حوالى 7 شهور من الإنضمام للمنتدى أصبحت أمتلك بندقية صيد اشتريتها من الأستاذ الفاضل/ هشام سيد فى المنتدى.

بجد إحساس جميل إمتلاك بندقية صيد، ورغم أنى قبل إمتلاك بندقية كنت أتشوق لذلك، إلا أنى بعد إمتلاك بندقية صيد الظاهر أنى سوف أصبح مدمن لهذه الهواية وكل ما يتجمع معى مبلغ من المال أروح أشترى بندقية جديدة.

كعادتى كل يوم أتصفح سوق المنتدى لعلى أجد بندقية مناسبة لإمكنياتى وأنا فى العمل قرأت موضوع الإعلان، ورغم أنى أنوى شراء سيارة مستعملة وأدخر كل جنيه لذلك، إلا أنى بمجرد ما قرأت الإعلان وشاهدت صور البندقية أعجبتنى جداً ووجدت أن سعرها مناسب وهو مبلغ 450 جنيه.

قررت أن أتصل بأستاذ هشام وأفادنى أن هناك من سبقنى وإذا لم يحضر سوف تكون البندقية من نصيبى المهم أتصل بى وقال أن الشخص الذى أتصل به لم يحضر وخرجت من عملى عليه مباشرة، ووصلت إله بيته وأستقبلنى الرجل استقبال حار وبعد كرم الضيافة عرض على بندقيتين النوريكا 61 والصينى وكان لا يعرف موديل الصينى، بعد وصولى للبيت حاولت قراءة موديل البندقية ووجدت عليها مكتوب بخط خفيف shan وباقى الحروف ممسوحة وبعدها كلمة china أعتقد أن ماركة البندقية شانغهاى، بصراحة البندقية حالتها نظيفة وقوية، وقمت بتجربة البندقيتن النوريكا والصينى بالضرب بها من بلكونة شقته فى الدور الخامس على إحدى العمارات، بصراحة رغم قوة الصينى إلا أن النوريكا كانت مدفع جبار لدرجة أنى بعد أن حجزت الصينى ندمت أنى لم اشترى النوريكا ولكن كله نصيب، ومع ذلك البندقية الصينى محترمة جداً شكلاً وموضوعاً وسعرها مناسب 450 جنيه.

المهم حجزت البندقية من استاذ هشام ودفعت مبلغ تحت الحساب وقلتله هجيلك بكرة لأنى مكنتش عامل حسابى، بس بع ما رجعت البيت أتصلت بيه وقلتله هجيلك النهاردة الراجل قالى مفيش مانع رحلته على الساعة 9.15 وأخدت البندقية، وطبعاً لفهالى الراجل فى جرنال ولصقها وأنا جبت معايا أكياس سودا طويلة من بتاعة الزبالة وربطناها بأساتك، وكنت بصراحة شايلها وخايف لظابط يرذل عليه ولا حاجة، المهم بقى وأنا خايف وراكب الميكروباص بيها وحاطط البندقية بين رجلى والكيس مدريها كلها ومش مجسمها ومن شكلها محدش يقدر يعرف أنها بندقية، لاقيت راجل عجوز قاعد جمبى بيقولى أنت شايل معاك بندقية آلى ولا إيه، بصراحة أتخضيت من السؤال بس أخدت الموضوع بدون توتر وبإبتسامة قلتله أه يا حاج بندقية آلى أنت عارف القلق إلى موجود اليومين دول والراجل ضحك هو والسواق وأكل دماغى طول السكة بالبلطجية ومحاكمة مبارك... الخ...

وبصراحة يا جماعة أنا ضربت رشتين بيها لغاية دلوقتى وأنا فى بيتى جبت كرتونة كيبورد وحطتها فى البلكون وقعدت فى الصالة على كنبة الأنتريه وضربت أول رشة خرمت الكرتونة ودخلت فى حيطة البلكونة، مش مهم لأن البلكونة عندى معمولة محارة مخرفشة، ثانى رشة رسمت دايرة قطرها حوالى 10 سم على الكرتونة ونشلت عليها وجت الرشة فوق الدايرة بحوالى 3 سم.

بس يا جماعة إحساس بالخوف وأنا ماسك البندقية تملكنى ورهبة ولكن بدأت الآن أتعود وأتدرب على ماسكة البندقية الصحيحة وأصبحت أكثر تمكناً فى حمل البندقية والثبات بها.

وأنا شكلى والله أعلم هلغى موضوع العربية وأنزل أشترى بندقية جديدة، لأنى بعد إمتلاكى لهذه البندقية وإعجابى بشكلها وقوتها أصابنى الطمع فى إمتلاك بندقية أقوى وأجمل شكلاً.

وأخيراً فيه طلب عايز استفسر عليه منكم، على حسب ما قريت فى المنتدى الرش المصرى الحلو أسمه الرماية أو مارسمان والعلبة تقريباً ب 5 جنيه، هل فيه رش مدبب لأن الرش إلى إدهولى أستاذ هشام راسه مقوصة على شكل نصف دايرة، وأسف أن كنت أزعجتكم بموضوعى هذا

أبو شمس

11-09-10 02:26 AM

رد: وأخيراً بقيت صياد

الف مبرووووووووووووووووووك

ابو مروان

11-09-10 02:31 AM

رد: وأخيراً بقيت صياد

الف مبروك ولكن عليك الحزر ما تضربش بالبندقية فى البيت ممكن الرشاية تعمل سكتيرما (تغير اتجاهها)بعد الضربة وتعور حد واوعى يكون عند حضرتك اطفال صغيرين وتسيب البندقية معمرة فيها رشاية_ربنا يسترها

safroot

11-09-10 02:33 AM

رد: وأخيراً بقيت صياد

معلش بس الحديث الى انت حطة صحيح

أبو شمس

11-09-10 02:39 AM

رد: وأخيراً بقيت صياد

اقتباس:

المشاركة الأصلية كتبت بواسطة ابو مروان (المشاركة 195212)

انا معاك في اللي حضرتك بتقوله لان ده فعلا حصل معايا النهاردة و انا بجرب البام
و ربنا يسترها

hema777h

11-09-10 02:52 AM

رد: وأخيراً بقيت صياد

في رش اسمو اوسكار هو مدبب من الامام نمرة اتنين العلبة 100 رشاية ب5 جنية

hema777h

11-09-10 02:55 AM

رد: وأخيراً بقيت صياد

1 مرفق

دي الصورة بتاعتو والف مبرررررررررررررررررروووووووووووووك علي البندقية

GEN- I A Z

11-09-10 03:03 AM

رد: وأخيراً بقيت صياد

الف مبروك يا عم و اهم حاجه انك تبدا تتعلم على سلاحك الاول ازاى تنضف و تعمل صيانه و تشحم و تزيت و ازاى تعتني بيه

و اهم حاجه انك تعامله كأبنك محدش يلمسه ولا حتي مراتك

انا مش بخلي حد يلمس البيونير و متفكرش تشترى تانى دلوقتى اتعلى على ده الاول

محمود شلبي

11-09-10 03:51 AM

رد: وأخيراً بقيت صياد

عاوز ابارك واشارك حضرتك الفرحه باول بندقيه مهما كانت صنعتها او قوتها الف مبروك
اولا - لاتعطى البندقيه لاحد
لاتشاور بها تجاة احد فارغه او مليانه (معمرة)
كن على حزر ان يمر احد عن غير قصد امامك تاكد من خلو المكان
راجع الربط على المسامير والتاكيد عليها كل استخدام التزيت و التشحيم
زى ما تقول كدة اذكر نفسى وحضرتكم ب (ما يسمى بتعليمات السلامه الشخصيه)كن على اتصال

ahmedalim

11-09-10 08:09 AM

رد: وأخيراً بقيت صياد

الف مبرووووووووووووووووووك وربنا يكفيك شرها

sameer

11-09-10 08:34 AM

رد: وأخيراً بقيت صياد

الف مبروك يا باشا ربنا يباركلك فيها و يكرمك بيها
وبعدين دلوقتي يا باشا كدة الحاجة للعربية زادت اكتر العربية في الصيد بتبقاا جميلة و انا شغلي كله صيد من العربية
و احسن رش مصري اللي هو المارسمان رشاية نضيفة جدا و التالف فيها نادر و كل رشاية اخت التانية التوأم حاجة جميلة جدا وبعدين الرماية بس ده الرش بتاعه مختلف و التالف فيه كتير بس السليم كويس وبعد كدة ارمي وما تجيبش حاجة تانية انا المارسمان جايب العلبة النمرة اتنين من المصنع ب3وربع ما اعرفش بتتباع برة بكام

GEN- I A Z

11-09-10 08:41 AM

رد: وأخيراً بقيت صياد

يا بختك يا سمير انا جايب المارسمان ب 5 جنيه

sameer

11-09-10 08:44 AM

رد: وأخيراً بقيت صياد

اقتباس:

المشاركة الأصلية كتبت بواسطة gen- i a z (المشاركة 195392)

يا بختك يا سمير انا جايب المارسمان ب 5 جنيه

المصنع حيقفل خلاص ههههههههههههه

GEN- I A Z

11-09-10 08:52 AM

رد: وأخيراً بقيت صياد

اقتباس:

المشاركة الأصلية كتبت بواسطة sameer (المشاركة 195397)

المصنع حيقفل خلاص ههههههههههههه

لول ولع ولع ولع ههههههههههههههه مش بحسد يا جميل انا لسه متكلمتش عن كمية الطيور و فرخ الميه ياسيدي يل سيدي ده كله كوم و الطيور الى فى اسكندرية كوم

هتصحي تلاقى اسكندرية مفهاش عصفورة لول نيهههههههههههههههه ضحكات شريرة متقطعه

sameer

11-09-10 08:54 AM

رد: وأخيراً بقيت صياد

اقتباس:

المشاركة الأصلية كتبت بواسطة gen- i a z (المشاركة 195404)

ههههههههههههههههههه ربنا يستر ده احنا غلابة ومش لاقيين ربنا يوعدنا بعندليب كدة ولا حاجة هههههههههههههههه

بس حلوة ضحكات شريرة متقطعة دي

ahmedmh_ali

11-09-10 10:16 AM

رد: وأخيراً بقيت صياد

مبروك ....

mahmoud11144

11-09-10 10:25 AM

رد: وأخيراً بقيت صياد

الف الف مبروك ياباشا ..

أحمد عطاالله إبراهيم

11-09-10 10:44 AM

رد: وأخيراً بقيت صياد

الف الف مليون مبرووووووك يا باشا .. وربنا يعطيك خيرها ويكفيك شرها ويبارك لحضرتك فيها يا رب ..

وعلى فكرة الرش المارسمان خطير جدا وملهوش حل .. ورشايته اخت الرشاية الجامو ماتش بالظبط ..

وابقى ورينا بقى طلعات الصيد .. وماتنساش يا باشا تعزمنا على اول طلعة .. ويا ريت يكون فيها يمام بقى .. ههههههههههههههههههههههههه انا داخل على طمع ههههههههههههههههههه

dr_mohasan

11-09-10 10:58 AM

رد: وأخيراً بقيت صياد

ألف مليون مبروك ......... وربنا يرزقك خيرها ان شاء الله ويكفيك شرها

منتظرين طلعات الصيد ان شاء الله

خالص تحياتى

المايستروو

11-09-10 12:00 PM

رد: وأخيراً بقيت صياد

الف مبروك وربنا يباركلك فيها وعقبال الاير كينج فى رش الجاموماجنوملا ده مدبب

essam assem

11-09-10 12:30 PM

رد: وأخيراً بقيت صياد

http://hh7.net/Sep/10/hh7.net_13156469521.gif
وعقبال لما نشوف صور صيدك
وتحياتى للجميع

Android man

11-09-10 12:45 PM

رد: وأخيراً بقيت صياد

الف الف مبروك عليك البندقة ومن رايي انت اشتري العربية كمان علشان تطلع تصطاد بيها والبندقية خليها بعدين وكفاية انك معاك واحدة
وربنا يكفيك شرها وتصطاد بيها كده اسود ونمور

mman2005

11-09-10 01:01 PM

رد: وأخيراً بقيت صياد

اقتباس:

المشاركة الأصلية كتبت بواسطة أبو شمس (المشاركة 195210)

الف مبرووووووووووووووووووك

الله يبارك فى حضرتك يا أستاذ أحمد ونورت الموضوع

اقتباس:

المشاركة الأصلية كتبت بواسطة ابو مروان (المشاركة 195212)

الله يبارك فى حضرتك، أكيد كلام حضرتك ونصائح غالية أنا براعى أنى أكون فى الصالة والولد الصغير جوة فى الأودة وبضرب ناحية البلكونة، وربنا يسترها.

اقتباس:

المشاركة الأصلية كتبت بواسطة hema777h (المشاركة 195233)

في رش اسمو اوسكار هو مدبب من الامام نمرة اتنين العلبة 100 رشاية ب5 جنية

اقتباس:

المشاركة الأصلية كتبت بواسطة hema777h (المشاركة 195236)

دي الصورة بتاعتو والف مبرررررررررررررررررروووووووووووووك علي البندقية

الله يبارك فيك يا هيما وشكراً على الإفادة الجميلة وشكل الرش ده نضيف وتقيل غير الرش الى معايا لونه رصاصى غامق وخفيف.

اقتباس:

المشاركة الأصلية كتبت بواسطة gen- i a z (المشاركة 195243)

الله يبارك فيك يا باشا، أنا أساساُ المدام بتخاف تبص للبندقية والحمد لله وربنا يستر على الواد الى لسة بيتعلم المشى طبعا هحاول أخفيها عنه لأنه عايز يستكشف كل حاجة.

اقتباس:

المشاركة الأصلية كتبت بواسطة ahmedalim (المشاركة 195370)

الف مبرووووووووووووووووووك وربنا يكفيك شرها

الله يبارك فيك يا استاذ أحمد نورت الموضوع

اقتباس:

المشاركة الأصلية كتبت بواسطة محمود شلبي (المشاركة 195263)

الله يبارك فيك يا أستاذ محمود ونصائح غالية وجميلة ومحتاج تدريب فيها لغاية متعلم كويس وربنا يسترها علينا كلنا.

mman2005

11-09-10 01:25 PM

رد: وأخيراً بقيت صياد

اقتباس:

المشاركة الأصلية كتبت بواسطة sameer (المشاركة 195385)

الله يبارك فيك يا أستاذ سمير نورت الموضوع، فعلا العربية هتشجع الواحد أنه يخرج يصطاد لأن الواحد وهو شايل البندقية فى الشارع حاسس أنه شايل تهمة، بس حتة الرش دى أنا أحتارت ناس تقول الرماية أحس وناس تقول المارسمان أحسن والأستاذ هيما عارض حاجة أسمها أوسكار شكلها نضيف بصراحة، على العموم علبة من كل نوع مش هتخسر والتجربة العملية هى الفيصل ، وأنا بقى لما أجى الإسكتدرية أخليك تحجزلى 10 علب من الأسعار الحلوة دى تقبل تحياتى.

اقتباس:

المشاركة الأصلية كتبت بواسطة gen- i a z (المشاركة 195392)

يا بختك يا سمير انا جايب المارسمان ب 5 جنيه

أه فعلا يا بخته كلنا بنحسده.

اقتباس:

المشاركة الأصلية كتبت بواسطة sameer (المشاركة 195397)

المصنع حيقفل خلاص ههههههههههههه

طب إحجزلنا 10 علب قبل ما يقفل، ههههههههه.

اقتباس:

المشاركة الأصلية كتبت بواسطة gen- i a z (المشاركة 195404)

يا ساتر يا ساتر، طب أبعد عن القاهرة أرجوك، ههههههههههههههه.

اقتباس:

المشاركة الأصلية كتبت بواسطة ahmedmh_ali (المشاركة 195444)

مبروك ....

الله يبارك فيك يا أستاذ أحمد نورت الموضوع.

اقتباس:

المشاركة الأصلية كتبت بواسطة mahmoud11144 (المشاركة 195456)

الف الف مبروك ياباشا ..

ربنا يبارك فيك يا أستاذ محمود نورت الموضوع.

اقتباس:

المشاركة الأصلية كتبت بواسطة أحمد عطاالله إبراهيم (المشاركة 195469)

الله يبارك فيك يا باشا، أنت دلوقتى قديم عنى وتبقى أستاذى فى الموضوع ده، أنا النهادة عملت زى ما أنت عملت بالظبط فى أول طلعة صيد ليك، قعدت الصبح أضرب على اليمام من شباك شقتى ولا فيه ولا يمامة أتحركت من مكانها ولا أتهزلها ريشة، لدرجة انا لاقيت 20 عصفورة واقفين جمب بغض على الأرض قلت أضرب عليهم أكيد هتصيب واحدة، وللأسف بعج ما ضربت طارو ومجتش فى ولا واحدة، بس فرحت أنهم خافو مش زى اليمام، تقبل تحياتى.

اقتباس:

المشاركة الأصلية كتبت بواسطة dr_mohasan (المشاركة 195475)

ألف مليون مبروك ......... وربنا يرزقك خيرها ان شاء الله ويكفيك شرها

منتظرين طلعات الصيد ان شاء الله

خالص تحياتى

الريس الكبير نورنى الدكتور محمد، الله يبارك فيك يا رياسة، طبعاً مش هطلع غير لما تشجعنى، وربنا يسهل وأجيب للبندقية جراب علشان أقدر أمشى بيها، وإلا بقى هضطر مش أصطاد إلا فى البلد عندنا بيت ريفى وسط الزرع واليمام والطيور ما شاء الله زى الرز، تقبل تحياتى.

اقتباس:

المشاركة الأصلية كتبت بواسطة المايستروو (المشاركة 195492)

الف مبروك وربنا يباركلك فيها وعقبال الاير كينج فى رش الجاموماجنوملا ده مدبب

الله يبارك فى حضرتك ونورت الموضوع، والإير كنج حتة واحدة، بس فعلا الهواية دى جميلة وتستاهل الواحد يصرف عليها ويقتنى أغلى وأحسن البنادق تقبل تحياتى.

mman2005

11-09-10 01:39 PM

رد: وأخيراً بقيت صياد

اقتباس:

المشاركة الأصلية كتبت بواسطة essam assem (المشاركة 195509)

http://hh7.net/sep/10/hh7.net_13156469521.gif
وعقبال لما نشوف صور صيدك
وتحياتى للجميع

الله يبارك فيك استاذ عصام، والله فعلاً نورت الموضوع ونستفاد بخبرة حضرتك قريب إن شاء الله تقبل تحياتى.

اقتباس:

المشاركة الأصلية كتبت بواسطة android man (المشاركة 195512)

الله يبارك فيك يا ريس نورت الموضوع أنا هاخد بنصيحتك فعلاً لأن التهمة دى مش هعرف أمشى بيها فى القاهرة، ده وأنا فى الميكروباص وشكلها مش واضح ملبسها كيس زبالة الراجل الى جمبى بيوقلى أنت شايل معاك بندقية آلى ولا إيه، خلا الميكروباص والسوق يبصوا عليه، وكنت بقى هبقى حفلة للشعب المصرى الى بيحب يجامل فى المواضيع دى، تقبل تحياتى.

هشام سيد

11-09-11 02:36 PM

رد: وأخيراً بقيت صياد

ياباشا الف مبروك ربنا يبارك فيها ويديك خيرها وانتا نورتنى وانا سعيد لانك مبسوط لامتلاكك البندقية وان شاء الله هتفرح اكتر لما تصتاد بيها وتاكل من صيدك

mman2005

11-09-11 05:34 PM

رد: وأخيراً بقيت صياد

اقتباس:

المشاركة الأصلية كتبت بواسطة هشام سيد (المشاركة 196337)

ربنا يخليك يا ريس كلك ذوق وإن شاء الله تفرح بأحلى بندقية وأحلى صيد والفرحة الكبيرة بعبد الرحمن ربنا يخلهولك وتشوفه فى أعلى المناصب.

amr7	11-09-11 05:47 PM

رد: وأخيراً بقيت صياد

موضوع حلو اوي
الواحد موضوع الصيد دا عمال يدخل دماغه يوم بعد يوم هنا
بفكر اجيب بندقية صيد والله

hesham[MaFya]a

11-09-12 04:28 AM

رد: وأخيراً بقيت صياد

من كل قلبى اهنيك و الف مبروك على البندقية و يارب متكنش شايل منى و تكون معرفة خير...و صدق الى قال ما محبة الا بعد عداوة بس ربنا ميجيب عداوة..و ربنا يباركلك فيها.

hema777h

11-09-12 04:45 AM

رد: وأخيراً بقيت صياد

اقتباس:

المشاركة الأصلية كتبت بواسطة hesham[mafya]a (المشاركة 196893)

اية سر العدواة اعترف يا هشاااام

hesham[MaFya]a

11-09-12 04:48 AM

رد: وأخيراً بقيت صياد

اقتباس:

المشاركة الأصلية كتبت بواسطة hema777h (المشاركة 196895)

اية سر العدواة اعترف يا هشاااام

هههههههههههه هيما حبيبى عامل ايه يا معلم .. يا عم لا عداوة ولا حاجة بس حصل سوء تفاهم بينى و بين الراجل المحترم ده و ان شاء مفيش اى مشاكل..افتح الياهو عشان عاوزك.

fidodido

11-09-12 05:25 AM

رد: وأخيراً بقيت صياد

مبرووووووووووووووووووووووووووووووووك

new hun

11-09-12 07:04 AM

رد: وأخيراً بقيت صياد

السلام عليكم اخى الكريم .... الف مبروك على البندقية , ربنا يديك خيرها ويكفيك شرها .....
على فكرة انا اللى اخذت البندقية النوريكا من استاذ هشام ... وهو فعلا راجل محترم ربنا يجزيه خير ...

mman2005

11-09-12 07:25 AM

رد: وأخيراً بقيت صياد

اقتباس:

المشاركة الأصلية كتبت بواسطة amr7 (المشاركة 196510)

موضوع حلو اوي
الواحد موضوع الصيد دا عمال يدخل دماغه يوم بعد يوم هنا
بفكر اجيب بندقية صيد والله

هتتمتع بجد لما تلاقى نفسك ماسك بندقية وعمال تنشل بيها، هواية جميلة ومفيدة وبالتوفيق.

اقتباس:

المشاركة الأصلية كتبت بواسطة hesham[mafya]a (المشاركة 196893)

الله يبارك فيك، ومفيش حاجة وأنت أخويا الصغير، وبالتوفيق والنجاح.

mman2005

11-09-12 07:31 AM

رد: وأخيراً بقيت صياد

اقتباس:

المشاركة الأصلية كتبت بواسطة fidodido (المشاركة 196907)

مبرووووووووووووووووووووووووووووووووك

الله يبارك فيك يا ريس وبالتوفيق والنجاح.

اقتباس:

المشاركة الأصلية كتبت بواسطة new hun (المشاركة 196923)

الله يبارك فيك أخى الفاضل وربنا يباركلك فيها بندقية محترمة بجد، على فكرة أنا ضربت بيها رشة وجربتها وفعلاً أنت كسبتها، بس ليه يا عم أنت كنت عايز تشترى البندقيتين، مش عايزنا نبقى صيادين ولا إيه هههههه.

الحمد لله كل واحد أخد إلى كتبهولوا ربنا، والبندقية النوريكا رغم أنى بعد ما روحت فكرت أرجع اشتريها، بس الحمد لله راحت فى بيتها لأخ فاضل، وربنا يرزقنا ببنادق أحسن فى المستقبل، وبالتفويق.

new hun

11-09-12 07:39 AM

رد: وأخيراً بقيت صياد

بس ليه يا عم أنت كنت عايز تشترى البندقيتين، مش عايزنا نبقى صيادين ولا إيه هههههه

ربنا يكرمك ... واللة هيا جت معايا كدة كنت عايز واحدة ليا وواحدة هاهديها لصديق عزيز ,, اتعلمت على ايدو كتير وكان عايز واحدة ,,,

mman2005

11-09-12 07:43 AM

رد: وأخيراً بقيت صياد

اقتباس:

المشاركة الأصلية كتبت بواسطة new hun (المشاركة 196927)

ربنا يوفقك، وإن شاء الله تلاقى فى السوق أحسن بندقية وبسعر حلو.

moorg

11-09-22 02:19 AM

رد: وأخيراً بقيت صياد

اقتباس:

المشاركة الأصلية كتبت بواسطة hema777h (المشاركة 195236)

دي الصورة بتاعتو والف مبرررررررررررررررررروووووووووووووك علي البندقية

الرش دا دخياااااااااااال :) تسلم يا استاذ ابراهيم بجد تسلم الف شكر انا ليا الشرف لتعاملي مع الاستاذ ابراهيم
انهردا طلعت طلعة الفجر والحمد لله كانت الحصيلة 6 يمامات 2 حمامة 2 عصفورة :) مع العلم انا لسا مبتدئ:):):)

hema777h

11-09-22 02:47 AM

رد: وأخيراً بقيت صياد

اقتباس:

المشاركة الأصلية كتبت بواسطة moorg (المشاركة 204153)

الف مبرررروك عليك وانا الي كااان ليا شرف التقابل والتعامل مع حضرتيك ومتنسناش المرة الجاية جوز يمام كدااا وبالهناء والشفاء

الساعة الآن 10:33 PM