الصيد فى مصر - ايه هيا اقوى بندقيه كرال؟

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - ايه هيا اقوى بندقيه كرال؟ (http://www.egyhunt.net/showthread.php?t=15355)

المايستروو

11-09-10 12:13 PM

ايه هيا اقوى بندقيه كرال؟

ممكن حد يفيدنى عن اقوى بندقيه كرال والسعر دلوقت لو سمحتم؟

المايستروو

11-09-10 12:15 PM

رد: ايه هيا اقوى بندقيه كرال؟

وممكن سعر النوريكا جيت لو سمحتم؟ انا اسف لكثرة الاسئله بس انا محتاج المعلومات دى ضرورى لانى هشترى ان شاء الله خلال الاسبوع ده ومحتار.

أحمد عطاالله إبراهيم

11-09-10 12:16 PM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة المايستروو (المشاركة 195502)

ممكن حد يفيدنى عن اقوى بندقيه كرال والسعر دلوقت لو سمحتم؟

يا ريس الكرال هيا بندقية واحدة وكلهم حاجة واحدة بس فرق الدبشك .. وانضف حاجة الخشب وسعرها دلوقتى 1200 جنيه عند هيثم خضر

أحمد عطاالله إبراهيم

11-09-10 12:17 PM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة المايستروو (المشاركة 195503)

نصيحة خليك فى الجيت .. سعرها 1800 عند فتح الله

sameer

11-09-10 12:19 PM

رد: ايه هيا اقوى بندقيه كرال؟

خليك في الجيت يا باشا سعرها من 1800 للنمرة واحد وممكن ازيد شوية بس تستاهل وسرعتها 260
الكرال في النمرة 2 سرعتها 240 وبيقولو وده كلام التجار ان الكرال الشحنة الجديدة سوستتها بتستحمل ومش بتتكسر
وده كلام تجار ما اعرفش بقا الكلام ده بجد ولا بيسوقو بضاعة الله اعلم

المايستروو

11-09-10 01:39 PM

رد: ايه هيا اقوى بندقيه كرال؟

متشكر لسرعة الرد بس النوريكا جيت كويسه ؟؟؟ ولو سمحت سعر نمره اتنين منها كام

blow c06

11-09-10 02:50 PM

رد: ايه هيا اقوى بندقيه كرال؟

هو حضرتك مش عاجباك البام ولا ايه؟؟ اصل انا عايز اجيب برده و ناوى على بام ان شاء الله

Andria

11-09-10 02:56 PM

رد: ايه هيا اقوى بندقيه كرال؟

نصيحه للاخوه من واحد عنده الثلاثه المهم الراحه النفسيه وكمان نوع الصيد والطريقة زي السياره او سير علي الأقدام كده ياعني

سرسور

11-09-10 02:56 PM

رد: ايه هيا اقوى بندقيه كرال؟

يوجد اصدار جديد من الكرال اسمة الرماية
لا اعرف مواصفاتها

المايستروو

11-09-10 04:36 PM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة blow c06 (المشاركة 195604)

هو حضرتك مش عاجباك البام ولا ايه؟؟ اصل انا عايز اجيب برده و ناوى على بام ان شاء الله

مهما تكون هى صينى واغلى من النوريكا بس النوريكا بيقولو احسن

المايستروو

11-09-10 04:37 PM

رد: ايه هيا اقوى بندقيه كرال؟

طيب ايه سرعة الجيت نمره2 الله يخليكم علشان رايح اشترى انهارده

المايستروو

11-09-10 04:39 PM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة andria (المشاركة 195610)

طيب النوريكا جيت عامله ايه والسرعه والسعر لو سمحت

أحمد عطاالله إبراهيم

11-09-10 07:48 PM

رد: ايه هيا اقوى بندقيه كرال؟

ايه يا باشا مالك متردد ليه .. يا باشا اتوكل على الله فى الجيت نمرة اتنين انا على فكرة معايا نمرة واحد وبندقية بسم الله ما شاء الله مدفع .. النمرة واحد سرعتها 260 على كلام الكتالوج وهنا فى المنتدى بيقولوا 305 والمهم النمرة اتنين 220 متر فى الثانية وبرضه ملهاش حل وسعرها بيبتدى من 2800 وانتا طالع .. واخرها 3500 ده عند اغلى تاجر ..

وبصراحة النمرة اتنين فى الهاى باور حلو وبلاش النمرة واحد عشان حكاية سرقة الطير دى .. بس انتا لو استخدمت مع النمرة واحد رش جامو ماتش بتقضى على سرقة الطير دى بنسبة 95 % .. وانا معايا الجيت نمرة واحد وبستعمل الجامو ماتش وبصراحة مسرقتش معايا طير غير مرة واحدة بس من ساعت ما جبتها ..

ومبروك مقدما

أحمد عطاالله إبراهيم

11-09-10 07:50 PM

رد: ايه هيا اقوى بندقيه كرال؟

ولو معاك ال 1800 بتوع النمرة واحد ونفسك فى اتنين .. اتوكل على الله وجيب الجيت نمرة واحد برضه وما تقلقش مع الجامو ماتش بتبقى تمام .. ومش معنى كلامى اللى فات انى قولتلك بلاش نمرة واحد بالعكس الاتنين حلوين .. وشوف امكانياتك كام واتوكل على الله

أحمد عطاالله إبراهيم

11-09-10 07:51 PM

رد: ايه هيا اقوى بندقيه كرال؟

بص من الاخر متجيبش غير الجيت بلاش الكرال دى بالله عليك .. انا حلفتك بالله اهو دى بندقية حقيرة وملهاش لزمة

sameer

11-09-10 08:04 PM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة أحمد عطاالله إبراهيم (المشاركة 195805)

بص من الاخر متجيبش غير الجيت بلاش الكرال دى بالله عليك .. انا حلفتك بالله اهو دى بندقية حقيرة وملهاش لزمة

ههههههههههههههه يابني حقيرة ايه بس الله يهديك هيا كويسة وبت حلال بس يتغيرلها سوستة الكلام على ان الجيت احسن طبعا منها بس مش معنى كدة انها حقيرة يعني

Peace Missile

11-09-10 08:08 PM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة أحمد عطاالله إبراهيم (المشاركة 195805)

بص من الاخر متجيبش غير الجيت بلاش الكرال دى بالله عليك .. انا حلفتك بالله اهو دى بندقية حقيرة وملهاش لزمة

باشا .. مع احترامى لحضرتك ... الكرال بندقية ممتازة ...ومش حقيرة زى ما حضرتك بتقول .. يمكن هى لو قورنت بالنوريكا ..النوريكا تكسب لكن الكرال كانت معايا ممتازة جدا وقوية وسوستها كانت قوية ووممتازة ... وبعدين يا باشا الرك على الصياد يعنى لو صياد اى كلام وجبتيله بندقية BSA Super ten مش هيعرف يصطاد وفيه ناس معاهم الرمسيس ومبهدلين بيها يمام مصر كلها ..ههههه
تحياتى

أحمد عطاالله إبراهيم

11-09-10 08:26 PM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة peace missile (المشاركة 195819)

باشا .. مع احترامى لحضرتك ... الكرال بندقية ممتازة ...ومش حقيرة زى ما حضرتك بتقول .. يمكن هى لو قورنت بالنوريكا ..النوريكا تكسب لكن الكرال كانت معايا ممتازة جدا وقوية وسوستها كانت قوية ووممتازة ... وبعدين يا باشا الرك على الصياد يعنى لو صياد اى كلام وجبتيله بندقية bsa super ten مش هيعرف يصطاد وفيه ناس معاهم الرمسيس ومبهدلين بيها يمام مصر كلها ..ههههه
تحياتى

يا باشا مع احترامى لحضرتك .. وانا برضه مقصدش انها حقيرة .. لكن برضه الكرال دى بندقية انا شخصيا مش بحبها وبعدين الراجل معاه 3000 جنيه وهنقولوله جيب كرال .. لا طبعا .. ده بال 3000 دول ممكن يجيبله جيت او حاجة bsa مش كرال صح ولا ايه ؟

basemzero

11-09-10 10:03 PM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة أحمد عطاالله إبراهيم (المشاركة 195805)

بص من الاخر متجيبش غير الجيت بلاش الكرال دى بالله عليك .. انا حلفتك بالله اهو دى بندقية حقيرة وملهاش لزمة

معلش بس انا شايف انك زعلان قوى من الكرال..... ياترى الكلام دا عن خبره شخصيه؟؟......يعنى كانت عندك و لقيت فيها مشاكل و بسبب المشاكل دى بعتها و اخدت عنها الفكره دى؟؟؟.

أحمد عطاالله إبراهيم

11-09-10 10:19 PM

رد: ايه هيا اقوى بندقيه كرال؟

يا جدعان انا عارف ان اكثر من ربع صيادين مصر عندهم الكرال وبصراحة من رايى شايف انهم اتخدعوا فيها .. وعارف انى مهما اتكلمت عن الكرال وطلعت فيها العبر هيبقوا كلهم عليا عشان هيا طبعا بندقيتهم وهما مش هيصدقوا ان انهم اتخدعوا فيها مثلا او انهم المفروض يندموا على انهم اشتروها ..

بس مهما اتكلمت عن الكرال مش هعرف اطلع فيها كل العيوب اللى فيها ..

يعنى مثلا زنادها ضعيف ودبشكها ضعيف جدا الفيبر والخشب ردئ جدا والماسورة بتتنى والنشان ضعيف وبيتكسر ولازم كل شوية تربط عليه وشكلها غبى وسوستتها بتتكسر وهتقولى هغيرلها سوسته .. وانا جايب بندقية جديدة عشان اغيرلها سوسته وجلبة و وافتحها وكده وطبعا خاماتها ضعيفة جدا جدا ومن الاخر بندقية ملهاش لزمة .. وده رايى فيها مش هقول عن تجربة شخصية .. ولكنى شفت بندقية واحد صديقى وهيا معاه بقالها 6 شهور وهوا قالى الكلام ده وبيقولى انه مش مبهدلها اوى وبيهتم بيها زى اخواتها

سرسور

11-09-10 11:13 PM

رد: ايه هيا اقوى بندقيه كرال؟

اخي لا تتكلم عن تجربة غيرك
جرب بنفسك و بلغنا خبرتك
الكرال الآن بسعر الرمسيس و المعادي
يعنى بسعر الشعبى و اداء الهاى باور
جربها بنفسك و بلغنا

Andria

11-09-10 11:56 PM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة أحمد عطاالله إبراهيم (المشاركة 195805)

بص من الاخر متجيبش غير الجيت بلاش الكرال دى بالله عليك .. انا حلفتك بالله اهو دى بندقية حقيرة وملهاش لزمة

يا احمد بلاش كده الكرال مش وحشه أنتا مجربتهاش عشان تحكم أنا عاندي الاتنين الكرال بالنسبه ليه احسن المفروض نعطي للصيادين الجداد الخبره الشخصيه مش الي سمعناه وانا عن قريب هنوا موضوع متكامل عن الكرال الجديده لسه جيبها النهارده احسن من كل حاجه شوفتها من حيث الدقه والوزن والقوه وسعرها كمان بقي 2000 جنيه

سرسور

11-09-11 12:05 AM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة andria (المشاركة 195961)

الف مبروك على الكرال الجديدة
وهذا ما كنت اقوله ان الخبرة الشخصية هي الافضل حتى لا تردد اشاعات
و يجب ان تكون من اكثر من صياد و يكون كل صياد له خبرة مع بنادق اخرى
ليميز المزايا والعيوب من خلال المقارنة بين الانواع

Andria

11-09-11 12:14 AM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة سرسور (المشاركة 195971)

الله يبارك فيك يا باشا

dr_mohasan

11-09-11 12:18 AM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة andria (المشاركة 195981)

الله يبارك فيك يا باشا

ألف مبروك ولازم تعمل موضوع عنها بالصور

المايستروو

11-09-11 12:39 AM

رد: ايه هيا اقوى بندقيه كرال؟

ايه رايكم لسه سائل دلوقت على الجيت نمره واحد ب 2500 مبينزلوش مليم واتنين ب3500 مبينزلوش مليم

dr_mohasan

11-09-11 12:45 AM

رد: ايه هيا اقوى بندقيه كرال؟

اقتباس:

المشاركة الأصلية كتبت بواسطة المايستروو (المشاركة 196004)

ايه رايكم لسه سائل دلوقت على الجيت نمره واحد ب 2500 مبينزلوش مليم واتنين ب3500 مبينزلوش مليم

يبقى تتوكل على الله وتشترى الكرال

سرسور

11-09-11 12:52 AM

رد: ايه هيا اقوى بندقيه كرال؟

صلى استخارة و توكل على الله
و عندما تشترى بلغنا لنهنئك
و بالمرة اشترى علبة شحم للتشحيم قبل الصيد

المايستروو

11-09-11 03:14 AM

رد: ايه هيا اقوى بندقيه كرال؟

متشكرجدا على التشجيع ان شاء الله لما اشترى هبلغكم خالص تحياتى

الساعة الآن 06:47 AM