الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   بندقية رش Mid Power 5 round magazine (http://www.egyhunt.net/showthread.php?t=15358)

ِAhmedAlaa2007 11-09-10 02:06 PM
بندقية رش Mid Power 5 round magazine
 
طبعا عنوان جميل والناس كلها نفسها في حاجة زي كده وانا منهم الصراحة
طب نبدأ وانا بدور علي النت لقيت حاجة حلوة من شركة Baikal بندقة سرعتها 490 ق / ث بخرينة 5 رشات عيار .177 طب جميل لحد هنا سعرها روعة 125 دولار علي الموقع ده http://www.pyramydair.com/p/izh-61-m...ir-rifle.shtml
وعلي فكرة اخونا محمد راتب بيتعامل معاه
وبحسبة بسيطة سعرها يكون من غير الشحن حوالي
125 * 6 = 750 ج + 30% جمارك حسب القانون * 750 = 225
يبقي المجموع كام
750 + 225 = 975 ج قول 1000 يعني ارخص من الكرال التركي وخد المفاجأة made in Russia بزمتكم في احلي من كده وفيها امكانية تعديل وضع الدبشك وشكلها روعة وكمان مفاجئة وزنها 2 كيلو جرام بس 4.3 بوند بس عيبها الوحيد قوتها قليلة شوية بالنسبة للكرال يعني هيا حوالي 150 م/ث والكرال نمرة 1 240 م/ث بس دي انضف بمراحل كفاية اسم روسيا عليها وكمان معاها سوستة احتياطي ودي مواصفاتها

Type: Pellet air rifle.
Manufacturer: Baikal.
Model: IZH MP-61.
Materials: Metal & plasctic.
Weight: 4.3 pounds.
Barrel: 18.5 inches, metal-rifled.
Propulsion: Spring piston.
Action: Repeater.
Ammunition Type: .177 caliber pellets.
Ammunition Capacity: 5 rounds.
FPS: 490.
Trigger Pull: The trigger pull on the IZH MP-61 is a nice light 1.4 pounds and the release stage is also adjustable, you actually need to be careful of accidental shots as the trigger is light enough to go off before you are ready to shoot.

Inexpensive spring piston rifle.
Very unique looking air rifle.
Side pull lever design.
5 round magazine/clip.
Right on the money with FPS.
Adjustable Stock.
Adjustable Trigger.
11mm dovetail rail mount for scopes.
Very light weigh and easy to cock.
18.5 inch rifled barrel
33 inches total length
1.4 pound trigger pull
Adjustable rear sight
Made in Russia

يا ريت تشوفوا الفيديو الاول والاوسط بعناية واهتمام عشان تعرفوا كل حاجة فيها


http://www.youtube.com/watch?feature...v=TDUmOGyWs-Y#!




لحد دلوقتي الموضوع حلو اوي بندقية بخزنة شكلها حلو سعرها معقول ممتازة لمبتدأ عشان سرعتها (( ياريت حد يقولي سرعة الرمسيس نمرة واحد )) بس في مشكلتين (( استر يا رب ))

1- السعر ده اللي هوا 1000ج لو حضرتك جابيها معاك من بره لكن بقي ما ادراك شركات الشحن ومصاريفها
2- اول ما توصل المطار واللبش اللي بتعمله البنادق بس دي سهلة (( اصل والدي ضابط وممكن يخلص الموضوع ))

فياريت من الاخوة اللي بيجيبوا الحاجات من بره يقوللنا سعرها هيقي كام ولو في حد عنده امكانية انه يسافر ويجب لنا كمية وياخد نسبة ربح ياريت

للأمانة حصري و غير منقول وغير مسموح بنقله او عرضه الا في منتدي الصيد في مصر

يا تعبروني باي رد سلبي او ايجابي عشان ده اول موضوع ليا احس ان فيه فايدة للناس مستني الردود.[/SIZE]

ِAhmedAlaa2007 11-09-10 02:10 PM
رد: بندقية رش Mid Power 5 round magazine
 
يا ريت تشوفوا الفيديو الاول والاوسط بعناية واهتمام عشان تعرفوا كل حاجة فيها

ِAhmedAlaa2007 11-09-10 03:00 PM
رد: بندقية رش Mid Power 5 round magazine
 
عيبها الوحيد عدم وجود زر امان

hell007_hell 11-09-10 03:36 PM
رد: بندقية رش Mid Power 5 round magazine
 
يشرفنى يا باشا انى اكون اول من يرد علي موضوعك

صراحة البندقية تحفة و تصميمها و الفينيش بتاعها بالاضافة الى اهم حاجة فيها ( انها صناعة روسي )

بس لو حد فكر يشتريها من برة هيدفع مبلغ كبييير فى الشحن لأن حجم الشنطة بتاعتها ضخمة ( و شركة الشحن هتحاسبه بسعر سياحى )

ِAhmedAlaa2007 11-09-10 04:53 PM
رد: بندقية رش Mid Power 5 round magazine
 
انا سألت ومستني الرد ولو هتبقي غالية اوي هستني لما حد معرفة يسافر اخليه يجبهالي

يسرى 11-09-10 05:24 PM
رد: بندقية رش Mid Power 5 round magazine
 
اقتباس:
المشاركة الأصلية كتبت بواسطة ِahmedalaa2007 (المشاركة 195667)
انا سألت ومستني الرد ولو هتبقي غالية اوي هستني لما حد معرفة يسافر اخليه يجبهالي
السلام عليكم انا بعد اذن حضراتكم لى راى تانى البندقيه جميله وزى غيرها كتير بنشوفها على النت لكن لو حد نجح انه يجيبها هايعملها صيانه ازاى والبندقيه بكل اجزائها عرضه للتلف ويحتاج كل جزء منها للتغيير ساعتها ستندم انك جبتها واول جزء هاينكسر فبها النشان الامامى والخلفى صدقونى دى بندقيه للاستعمال مره واحده فقط زى السرنجات البلاستك وهذا تشبيه للفكاهه يعنى فى راى ان المعادى او الرمسيس تتفوق عليها كفايه ان فيه منهم بنادق شغاله 25 سنه وكل اجزائها رخيصه جدا وهذه نصيحه اخويه وتحياتى

Consul 11-09-10 05:33 PM
رد: بندقية رش Mid Power 5 round magazine
 
بارك الله فيك أخي الحبيب...طبعا مشكور حبيب قلبي لمجهودك في هذا الموضوع وتجميع البيانات والمواصفات وفيديو العرض الجميل الذي أمتعنا بالفعل...بندقية حديثة وشكلها جميل وتغري على الإقتناء لكونها روسي...ولكن عيبها أنها غير دقيقة وضعيفة جدا وبالتالي هي تصلح للتدريب على الرماية فقط ولا تصلح للصيد...كذلك عدم وجود أمان...كذلك عدم توافرها بأعيرة مختلفة ( فقط عيار 4.5 نمرة 1 ) قصر وصغر مسافة تثبيت التيليسكوب رغم أنها لضعفها في رأيي لا تحتاج لتيليسكوب ولكن المفروض أنها ميزة ترفع من قيمة البندقية وتضيف لإمكانياتها...أنا عن نفسي لو عرضت عليا هذه البندقية سأقوم بشرائها بدون تفكير لجمال شكلها وتصميمها حبا في الإقتناء وكونها صناعة روسية...ولكنني لا أعتقد أنني سأسعى لإستيرادها وتحمل مشقة وتعقيدات ومصاريف إستيرادها من الخارج...طبعا هذا في رأيي الشخصي ومن وجهة نظري...خالص تحياتي...

ِAhmedAlaa2007 11-09-10 06:04 PM
رد: بندقية رش Mid Power 5 round magazine
 
بالنسبة ليسري دي وجهة نظرك بس هو انتا عايز حاجة حدادي ولا ايه اصل اكيد اي حاجة فيبر محتاجة لين في المعاملة بس ما عتقدش ان الرمسيس والمعادي احلي منها

وبالنسبة للكونصل طبعا رأي حضرتك واضح جدا وانا فعلا لو عرفت اجيبها هتبقي للرماية مش اكتر وممكن حبتين صيد يعني بس هيا شكلها الجميل و الخزنة 5 طلقات عجباني اوي وعلي فكرة حضرتك مختش بالك ان قاعدة التليسكوب 11سم يعني بيتهيئليي كويسة

ولو سمحت عايز اسئل حضرتك سؤال حضرتك قولت انها ضعيفة جدا طب من وجهة نظر حضرتك عشان تبقي ميدم بور او حاجة كويسة للصيد من مسافة 30 م مثلا تكون قوتها كام ؟؟؟

Consul 11-09-10 06:40 PM
رد: بندقية رش Mid Power 5 round magazine
 
ولو سمحت عايز اسئل حضرتك سؤال حضرتك قولت انها ضعيفة جدا طب من وجهة نظر حضرتك عشان تبقي ميدم بور او حاجة كويسة للصيد من مسافة 30 م مثلا تكون قوتها كام ؟؟؟

بارك الله فيك أخي الحبيب...إنت بتقول من مسافة 30 متر ( يعني بدايتك من 30 متر وممكن أكثر ) يبقي المفروض سرعتك لا تقل عن 180-190 م/ث علشان تجيب مدي معاك وتبقي مؤثرة حتى 40-50 متر ولكن طبعا لا تقاس أو تقارن بالهاي باور التي تتعدي سرعتها 220 م/ث...هذا يتوقف طبعا على نوع الطريدة أو الهدف الذي تريد أن تصيبه والمسافة بينك وبينه...وشكل وحجم ووزن الرش المستخدم...وتجدني في كثير من المواضيع أرشح البندقية نوريكا سبورت عيار 5.5 ( نمرة 2 ) بالنسبة للمبتدئين والذين يريدون أن يتدربوا بداية على الرماية تمهيدا لتعلمهم وتمكنهم من صيد اليمام والحمام على مسافات 20-30 متر رغم أن سرعتها متوسطة 160 م/ث وهي لهذا المدى فعالة ومؤثرة وعملية جدا...وأذكرك بأنها عيار 5.5 ( نمرة 2 ) وليست عيار 4.5 ( نمرة 1 ) والتي تعتبر بهذه السرعة ضعيفة طبعا...ويادوب تصيد عصافير أو يمام من مسافات قريبة...أرجو أن تكون وضحت الصورة...ووصلتك وجهة نظري...أنا لست بمتحامل على البندقية بالعكس أنا قلت لو معروضة عليا هأشتريها بدون تفكير حبا في الإقتناء لإنسيابها وجمال شكلها وتصميمها وخفة وزنها وكونها صناعة روسي...وبعدين أنا واخد بالي كويس من الفيديو ورأيته أكثر من مرة بالنسبة لمكان تثبيت التيليسكوب ( 11 ملم وليست سم ) وبشهادة بول كاباللو خبير الأسلحة ببيراميد إير قصير ويحتاج لأدابتور خاص لتثبيت التيليسكوب أو إستعمال قاعدة عريضة قطعة واحدة وسيكون جزء منها خارج البندقية ( يعني في الهواء )...خالص تحياتي...

ِAhmedAlaa2007 11-09-10 06:43 PM
رد: بندقية رش Mid Power 5 round magazine
 
شكرا جزيلا

senawy 11-09-11 05:18 PM
رد: بندقية رش Mid Power 5 round magazine
 
موضوع جميل يا أستاذ أحمد


الساعة الآن 09:47 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir