الصيد فى مصر - خبر مرعب جدا

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - خبر مرعب جدا (http://www.egyhunt.net/showthread.php?t=15443)

ghosthunter

11-09-12 03:01 AM

خبر مرعب جدا

أصدر المجلس العسكرى قراراً رقم (193) لسنة 2011، بتعديل بعض أحكام قرار رئيس الجمهورية رقم 126 لسنة 2010 والخاص بحالة الطوارئ فى مصر.

وأوضح القرار أن تطبق الأحكام المترتبة على إعلان حالة الطوارئ خلال مدة سريانها على حالات مواجهة حدوث اضطرابات فى الداخل وكافة أخطار الإرهاب والإخلال بالأمن القومى والنظام العام بالبلاد أو تمويل ذلك كله وحيازة الأسلحة والذخائر والاتجار فيها وجلب وتصدير المواد المخدرة والاتجار فيها، وكذلك على حالات مواجهة أعمال البلطجة، والاعتداء على حرية العمل وتخريب المنشآت وتعطيل المواصلات وقطع الطرق، وبث إذاعة أخبار أو بيانات أو شائعات كاذبة.هذا الخبر على اليوم السابع ربنا يستر ,بس هل يقصد الاسلحة البيضاء أيضا أم لا ,وهل ممكن ضابط يغتت على عضو معه بندقية ضغط هواء ويعمل عبيط ويصدر له خطاب إعتقال على إنها سلاح نارى ,مع العلم قانون الطورىء ليس فيه عرض على النيابة أو المعمل الجنائى ,هى خربت والسلام

Android man

11-09-12 03:10 AM

رد: خبر مرعب جدا

تصدق انا كنت طالع اصطاد وبعد كلامك قلقت
ربنا يستر

okapi knife

11-09-12 03:22 AM

رد: خبر مرعب جدا

دة بينها هتبقى وقعة مربربة

mahmoudalaa

11-09-12 03:32 AM

رد: خبر مرعب جدا

اقتباس:

المشاركة الأصلية كتبت بواسطة okapi knife (المشاركة 196855)

دة بينها هتبقى وقعة مربربة

ده باينة هيبقي مرار طافح

okapi knife

11-09-12 03:39 AM

رد: خبر مرعب جدا

اقتباس:

المشاركة الأصلية كتبت بواسطة mahmoudalaa (المشاركة 196859)

ده باينة هيبقي مرار طافح

شكرا لتصحيح مقولة الكبير اوي ههههههههههه

mahmoudalaa

11-09-12 03:40 AM

رد: خبر مرعب جدا

اقتباس:

المشاركة الأصلية كتبت بواسطة okapi knife (المشاركة 196860)

شكرا لتصحيح مقولة الكبير اوي ههههههههههه

لا ما هو بيقول الاتنين هههههههههه

okapi knife

11-09-12 03:42 AM

رد: خبر مرعب جدا

هايرجعو الطوارئ تاني هي نقصة

تيتو المحلاوى

11-09-12 04:06 AM

رد: خبر مرعب جدا

انا قعدت اقول اهدوا يا جدعان ف الموضوع العاملتة مخصوص

باسم ماينفعش البيحصل ف السفارة الاسرائيلية

ومحدش سمع كلامى واهى جت ع دماغنا

والجيش هينقل السفارة ف مكان تانى والسفير هيرجع

واحنا ال هنتنفخ ف الاخر

قولت نفكر بعقل رديتوا عليا دة احنا مافيش مننا اتنين

دة اسرائيل والنظام الحالى والجاى هيعمللنا الف حساب

وفعلا عمللنا الف حسا ضرب وقسمة وجمع عاطل ع باطل ف السجون

وصححوا وعدلوا قانون الطوارئ عشان نطرح ف المعتقلات

الف شكر لشوية شباب خلوا هيبتنا اقل من هيبة العيال

ahmedmh_ali

11-09-12 10:27 AM

رد: خبر مرعب جدا

مصر مش فاضية وراها طبيخ ..

hogan

11-09-12 10:30 AM

رد: خبر مرعب جدا

على فكره كده صح لان الجميع مشفش الاشكال الى كانت عند السفاره و الداخليه ومدرية الامن
انا اخى ضابط وكان هناك واللهى شباب ضايع وناس اشكلها غريبه وانا مع تطبيق حاله الطوارء لكى يعود الامن

mman2005

11-09-12 10:44 AM

رد: خبر مرعب جدا

بصراحة خبر حلو لو هيطبق صح ومصيبة لو هيطبق غلط، وطبعاً الشرطة عندنا ما زال معظمها فاسد فأكيد القانون هيبقى على هوى الضابط، يعنى لو شاكلك مش عاجبه، أو قلتله حضرتك هيقولك وكمان بترد عليه، جواب اعتقال فوراً، وطبعاً الشرطة الى مش قادرة على البلطجية إلى معاهم آلى وصواريخ مضادة للدبابات والطائرات علشان يعملوا شغل يلاقوا شوية شباب طالع يصطاد ببنادق صيد، هبا تم اعتقال مجموعة من الخارجين على القانون تقوم بترويع السكان الآمنين وأشتغل بقى على الى شايل مسدس صوت من أجل الحماية والى شايل سكينة صيد.

يا جماعة دول قبضوا على واحد بيبيع ولاعات على شكل مسدسات بتهمة أنه رايح يبعهم فى العتبة للبلطجية، أمال لما يطبق قانون الطوارئ صح هيعملوا ايه، ده ممكن يعتبروا المفاتيح آلة حادة.

د.مهندس

11-09-12 10:56 AM

رد: خبر مرعب جدا

لا تقلقوا يا شباب
قانون الطوارئ هدفه القبض و تدمير اى مناوئ سياسى للمجلس العسكرى و الشرطة تشعر ان هذا يعيد لهم كرامتهم و سطوتهم و بطش جهاز امن الدولة
و اكيد ممكن ناس تيجى فى الرجلين عادى
مش هيفرق انت معاك دليل ادانة و لا لأ او عملت جريمة ولا لأ
القضية هل هما عاوزين يقبضوا عليك ولا لأ
القضية سياسية و ليست امنية
و الانفلات الأمنى كان اكثر من الآن و لم نرى سوى الدلع و ترك البلطجية على راحتهم
و احداث السفارة قال عدد من السياسيين و الخبراء انها مفتعلة و ان حريق مديرية الأمن كان من الداخل
و ربنا يستر
و قد تتفجر الأحداث بصورة اكبر من 28 يناير
لانه حتى الآن لم يتم اى اصلاح حقيقى او تغيير فى السياسات او حماية و احترام للشعب او عدالة اجتماعية و تكافؤ فى الفرص
الرشوة و الواسطة و النهب كما هى
فما رايكم أدام الله عزكم؟

تيتو المحلاوى

11-09-12 02:08 PM

رد: خبر مرعب جدا

اقتباس:

المشاركة الأصلية كتبت بواسطة د.مهندس (المشاركة 197000)

تمام انا معاك ف الراى دة

ربنا يستر علينا كلنا هنتشد الكبير والصغير والحلو والوحش

hema777h

11-09-12 03:50 PM

رد: خبر مرعب جدا

اقتباس:

المشاركة الأصلية كتبت بواسطة د.مهندس (المشاركة 197000)

كلامك صحيح 100% ومفيش كلام تاني

ahmed6394

11-09-12 04:20 PM

رد: خبر مرعب جدا

no scaf no scaf

eng.essam

11-09-12 05:27 PM

رد: خبر مرعب جدا

اقتباس:

المشاركة الأصلية كتبت بواسطة ahmedmh_ali (المشاركة 196986)

مصر مش فاضية وراها طبيخ ..

هههههههههههههههههههههههههههههه

التلميذ

11-09-12 05:27 PM

رد: خبر مرعب جدا

بصو يا رجالة طريقة واحدة تجمع شمل المصريين أو على أقل تقدير أغلب المصريين وتصحح أفكار كتييير من الأفكار السلبية المترسخة فى دماغ شباب ومفكرين وسياسيين
( نفهم ونتعلم ونطبق دينا صح ) عاوز تصحح سلوكيات وعقائد وأخلاق ناس كتير ( علمهم دينهم صح )

dr mohamed kamal

11-09-12 05:40 PM

رد: خبر مرعب جدا

يا جماعة نريد حلول ,كده الاعضاء الكرام معرضون للاعتقال وهذه كارثة

mahmoudalaa

11-09-12 05:47 PM

رد: خبر مرعب جدا

يا جماعة ما هو قانون الطوارئ كان موجود ايام مبارك والعن من كده يعني المشكلة مش جامده اوي علي ما اظن

نور المسلم

11-09-12 06:14 PM

رد: خبر مرعب جدا

يا جماعة المشكلة ان كدة الشرطة هترجع زي ما كانت الا ما رحم الله
يعني لو ظابط كلمك كلمة معجبتكش وفكرت بس ترد عليه هيمسكك ويعتقلك ويقولك قانون طوارئ ولو حاولت تتكلم او تزعق وتقزل مظلوم هيطلعلك قرار اعتقال ويقول بلطجي ونم القبض عليه
وده للاسف اللي ممكن يحصل مع صيادين المنتدي المحترمين لو حد من الشرطة الفاسدة شاف اي حد منهم بيصطاد
مهو قانون طوارئ وللظابط حق مواجهة البلطجة زي ما هو عايز
لذلك اهيب باخواني الصيادين المحترمين توخي الحذر الشديييييييييييد جدا عند الذهاب للصيد
والافضل تاجيل طلعات الصيد في الفترة دي لغاية لما الدنيا تهدي
وربنا يستر علي بلدنا وتعدي الازمة علي خير
قولوا اميييييييييييين

الساعة الآن 01:48 PM