الصيد فى مصر

الصيد فى مصر (http://www.egyhunt.net/index.php)
-   ادوات الصيد الثقيله (http://www.egyhunt.net/forumdisplay.php?f=66)
-   -   استفسار من اخوكم صائد البوم عن اسعار الخرطوش 12 العادي الان(بالتصريح طبعا) (http://www.egyhunt.net/showthread.php?t=15483)

صائد البوم 11-09-12 10:51 PM
استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
الرجاء من اخواني في منتدي الملوك والعظماء الفقراء لله الرجاء عايز اعرف سعر الخرطوش ال12 كام دلوقتي ويا ريت في الاسكندريه لاني معايا تصريح ب500 طلقه وعايز اعرف بتعمل كام لان فتح الله الي عندنا انا عارف انه مغلواني فكنت عايز اعرف علشان ميندحكش عليا وانتم موجودين ..
فياريت الي قريب من محل اسلحه يساله بنفسه ويوضح الاول انه معاه تصريح شراء خرطوش 500 طلقه . معلش هتعبكم معايا

التلميذ 11-09-12 10:56 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
سعر المصرى الكرتونة 20 باكو 500طلقة ب3000جنية والمستورد الباكو ب200جنية السعر دة أنا شارى بية على الرخصة قبل العيد من إسكندرية

صائد البوم 11-09-12 11:15 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
اقتباس:
المشاركة الأصلية كتبت بواسطة التلميذ (المشاركة 197454)
سعر المصرى الكرتونة 20 باكو 500طلقة ب3000جنية والمستورد الباكو ب200جنية السعر دة أنا شارى بية على الرخصة قبل العيد من إسكندرية
الف شكر لحضرتك وعلي سرعه الرد بس يا تري باكو المستورد 25 خرطوشه زي المصري ولا ايه ويا تري ايه تقييمك للمصري والمستورد ايه في فرق كبير ولا ايه . وكمان انا عندي خرطوش قديم لما فتحته لقيت الخردل الي جواه حب كور صغيره بس محمله يعني جميله جدا.. اما الي موجود دلوقتي المصري عباره عن شويه خردل لو نفخته هيطير حاسس انه مش قوي فهل في خرطوش لكل غرض ولا ايه ياريت التوضيح لو امكن. وبجدد شكري لحضرتك.

التلميذ 11-09-12 11:44 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
2 مرفق
المستورد طبعا أنضف من المصرى وباكو المستورد 25 طلقة زى المصرى والمصرى شغال مبيقولش لأ
وطبعا الخرطوش ضغوط مختلفة وأوزان مختلفة كل وزن يصلح لصيد معين وطبعا الموضوع كبير وهحاول أبقا أعمل موضوع عن الخرطوش وأوزانة الموجود والمتداول فى مصر إن شاء الله

صائد البوم 11-09-12 11:57 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
الف شكر بجد لحضرتك لاهتمامك السريع بس ياريت توضح لنا يعني ايه .. رقم 2 ضغط 40 هل ده يعني حجم وكميه البارود ام الخردل ولا ايه ويا تري كل ما يكبر الرقم كل ما يكبر حجم الخردل ولا ايه . معلش هتئل عليك

صائد البوم 11-09-13 12:11 AM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
اقتباس:
المشاركة الأصلية كتبت بواسطة صائد البوم (المشاركة 197450)
الرجاء من اخواني في منتدي الملوك والعظماء الفقراء لله الرجاء عايز اعرف سعر الخرطوش ال12 كام دلوقتي ويا ريت في الاسكندريه لاني معايا تصريح ب500 طلقه وعايز اعرف بتعمل كام لان فتح الله الي عندنا انا عارف انه مغلواني فكنت عايز اعرف علشان ميندحكش عليا وانتم موجودين ..
فياريت الي قريب من محل اسلحه يساله بنفسه ويوضح الاول انه معاه تصريح شراء خرطوش 500 طلقه . معلش هتعبكم معايا
فين الاسكندرانيه والبحراويه

صائد البوم 11-09-13 11:46 AM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
مشاركه للتجديد والاهميه رجاء التفاعل

essam assem 11-09-13 11:49 AM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
ازيك يا باشا فينك من زمان عموما اخر سعر شوفت عند احمد منسى العتبة Rc 8.5ج الايطالى بس الكلام دة من شهرين

التلميذ 11-09-13 01:53 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
تختلف طلقات الخرطوش تبعا لأختلاف الإستخدام ( تختلف فى المادة الخام من رصاص و إستيل ) و حجم البلية الداخلية من 0 و ا و2و3و4 و5و6و 7و8 ألخ وتختلف وزن المادة الخام الكلية الداخليةللطلقة الخرطوش من 24جرام إلى مايزيد عن 50 جرام وتختلف طول الخرطوشة فى العيار الواحد طبقا لنوع البندقية ونوع الأستخدام والموضوع كبير وهحاول أجبلك تفصييل لأستخدام الخرطوش وأنواعة وتفصيلاتة المستخدم فى مصر وإعذرنى لضيق وقتى وما سألت عنة رش رقم 2 ووزن المادة الخام الإجمالية للخرطوشة 40 جرام تحياتى

صائد البوم 11-09-14 09:59 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
اقتباس:
المشاركة الأصلية كتبت بواسطة essam assem (المشاركة 197792)
ازيك يا باشا فينك من زمان عموما اخر سعر شوفت عند احمد منسى العتبة rc 8.5ج الايطالى بس الكلام دة من شهرين
والله يا باشا موجود بس الشغل شغلني شويه وعلي العموم تتعوض ان شاء الله. والف شكر علي المعلومات والمجهود المبذول من سيادتكم للنهوض بالمنتدي الجميل بالقائمين عليه وباعضائه المحترمين واسال الله التوفيق للجميع

صائد البوم 11-09-14 10:22 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
اقتباس:
المشاركة الأصلية كتبت بواسطة التلميذ (المشاركة 197929)
تختلف طلقات الخرطوش تبعا لأختلاف الإستخدام ( تختلف فى المادة الخام من رصاص و إستيل ) و حجم البلية الداخلية من 0 و ا و2و3و4 و5و6و 7و8 ألخ وتختلف وزن المادة الخام الكلية الداخليةللطلقة الخرطوش من 24جرام إلى مايزيد عن 50 جرام وتختلف طول الخرطوشة فى العيار الواحد طبقا لنوع البندقية ونوع الأستخدام والموضوع كبير وهحاول أجبلك تفصييل لأستخدام الخرطوش وأنواعة وتفصيلاتة المستخدم فى مصر وإعذرنى لضيق وقتى وما سألت عنة رش رقم 2 ووزن المادة الخام الإجمالية للخرطوشة 40 جرام تحياتى
الف شكر يا باشا علي سعه صدرك ومعلوماتك القيمه دي وال استفدنا منها كلنا . واحنا مستنيين الموضوع الشامل عن الخرطوش بس يا ريت تبقي تنبهنا اليه ولو برساله علي الخاص حتي . وربنا يزيدك من فضله وعلمه

التلميذ 11-09-15 01:59 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
لا شكر على واجب وأنا فى خدمة إخوانى أعضاء منتدى الصيد المصرى تحياتى

ابو مروان 11-09-15 03:38 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
يل ريت الموضوع يكمل مع شرح الفرق بين العيارات المختلفة فى الخرطوش

another_day 11-09-15 08:18 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
بعد اذن صاحب الموضوع الشئ بالشئ يذكر ....

هي الطلقات الـ Slug مصرح بيها في مصر ولا ممنوعة ؟

وأسعارها كام ؟

التلميذ 11-09-15 09:45 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
2 مرفق
السلام عليكم جميعا أولا هعرف الأخوة الأعضاء يعنى إية طلقات Slug هى طلقات خرطوش ولاكن يكون المقذوف حجمة كبير فى الطلقة الواحدة مثل الطلقات النارية العادية ولاكنها بحجم طلقة الخرطوش وطبعا دى لها بنادق خاصة بهذة الطلقات وهناك بعض أنواع البنادق يصرف معها ماسورتان ماسورة للخرطوش الرش وهذة الماسورة ملساء من الداخل (يعنى مصقولةمن الداخل ) وماسورة ذات خشخان مثل البنادق النارية وهذة الماسورة مخصصة لضرب هذة الطلقات ذات المقذوف الكبير وتستخدم هذة الطلقات لصيد الطرائد ذات الحجم الكبير مثل الجاموس وألأفيال وبالتالى مثل هذة البنادق والطلقات تعامل معاملة البنادق الخرطوش العادية ( يعنى مفيش فيها مشاكل فى ترخيصها ) ولاكنها غير متداولة وغير منتشرة فى مصر لعدم وجود الغرض الأساسى منها وهى صيد الطرائد ذات الحجم الكبير مثل الجاموس ودى صور لهذة الطلقات

التلميذ 11-09-15 09:50 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
اقتباس:
المشاركة الأصلية كتبت بواسطة ابو مروان (المشاركة 199464)
يل ريت الموضوع يكمل مع شرح الفرق بين العيارات المختلفة فى الخرطوش
ربنا يسهل دعواتك

صائد البوم 11-09-16 02:59 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
اقتباس:
المشاركة الأصلية كتبت بواسطة التلميذ (المشاركة 199746)
السلام عليكم جميعا أولا هعرف الأخوة الأعضاء يعنى إية طلقات slug هى طلقات خرطوش ولاكن يكون المقذوف حجمة كبير فى الطلقة الواحدة مثل الطلقات النارية العادية ولاكنها بحجم طلقة الخرطوش وطبعا دى لها بنادق خاصة بهذة الطلقات وهناك بعض أنواع البنادق يصرف معها ماسورتان ماسورة للخرطوش الرش وهذة الماسورة ملساء من الداخل (يعنى مصقولةمن الداخل ) وماسورة ذات خشخان مثل البنادق النارية وهذة الماسورة مخصصة لضرب هذة الطلقات ذات المقذوف الكبير وتستخدم هذة الطلقات لصيد الطرائد ذات الحجم الكبير مثل الجاموس وألأفيال وبالتالى مثل هذة البنادق والطلقات تعامل معاملة البنادق الخرطوش العادية ( يعنى مفيش فيها مشاكل فى ترخيصها ) ولاكنها غير متداولة وغير منتشرة فى مصر لعدم وجود الغرض الأساسى منها وهى صيد الطرائد ذات الحجم الكبير مثل الجاموس ودى صور لهذة الطلقات
كلام سليم . الظاهر اننا هنستفيد من حضرتك جدا بخصوص البنادق الخرطوش .ربنا يزيدك من علمه

صائد البوم 11-09-16 03:01 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
بس انا عندي مشكله حاولت اضرب علي الطاير بس مش عارف. يا تري ايه القواعد المتبعه حتي يتم اصابه الهدف يا ريت الي يعرف ميبخلشي علينا مما علمه الله وشكرا للجميع( بس يكون مجربها بنفسه )

التلميذ 11-09-16 06:01 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
اقتباس:
المشاركة الأصلية كتبت بواسطة صائد البوم (المشاركة 200172)
بس انا عندي مشكله حاولت اضرب علي الطاير بس مش عارف. يا تري ايه القواعد المتبعه حتي يتم اصابه الهدف يا ريت الي يعرف ميبخلشي علينا مما علمه الله وشكرا للجميع( بس يكون مجربها بنفسه )
أخى الفاضل صائد اليوم بعد التحية موضوع الرماية على الطاير يتوقف علية حاجات كتير نوع الطائر ( لمعرفة مدى سرعتة) وإرتفاعة عنك ونوع البندقية والتشوك الخاص بها وحالة البندقية ( يعنى هل هية حجة كويسة ولا مستهلكة ولا تصلح لإقتناص الأهداف عن بعد ونوع الطلقة المستخدمة هل هو رش مناسب أو غير مناسب ) فالموضوع كبير ولاكن هناك قواعد أساسية لرماية الخرطوش ولإقتناص الأهداف الطائرة والتدريب والتجارب وفهم البندقية الخاصة بك ومعرفة إمكانياتها ومميزاتها وعيوبها وأشياء كثيرة تساعدك فى تحسين مستواك فى الصيد والرماية
فعليك بالبحث فى النت وهو ملئ بالمعلومات وبعدين لما تروح تجرب إضرب 100 أو 200طلقة وإصرف على التعليم وهكذا

صائد البوم 11-09-16 10:37 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
الف شكر ليك انا فعلا جربت كتير بس حتي لو اصبت الهدف فبتكون صدفه .هههه. ومبعرفش ايه السبب وراء اصابه الهدف الطائر

التلميذ 11-09-16 10:57 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
إضرب أمام الهدف فى إجاه الطيران يعنى قبل الهدف بشوية ( بتختلف من طائر لأخر ) يعنى اليمام والحمام سريع مش زى البط أبطئ قليلاً

التلميذ 11-09-16 11:02 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
1 مرفق
شوف الصورة دى

التلميذ 11-09-16 11:06 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
شوف أول صورة من اليمين بتضرب قبل الهدف وفى إتجاه تحركة إما أعلى أو أسفل
والصورة التانية بيكون التصويب مكان الخيال بتاع البطة والصورة الثالثة تصويب خاطى لأنة صوب نحو الهدف قبل تحركة وطبعا العملية دى محتاجة ممارسة وبتختلف من طائر لأخر ( على حسب سرعة الطائر فى الطيران وهكذا

صائد البوم 11-09-19 10:11 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
اقتباس:
المشاركة الأصلية كتبت بواسطة التلميذ (المشاركة 200376)
شوف أول صورة من اليمين بتضرب قبل الهدف وفى إتجاه تحركة إما أعلى أو أسفل
والصورة التانية بيكون التصويب مكان الخيال بتاع البطة والصورة الثالثة تصويب خاطى لأنة صوب نحو الهدف قبل تحركة وطبعا العملية دى محتاجة ممارسة وبتختلف من طائر لأخر ( على حسب سرعة الطائر فى الطيران وهكذا
الف شكر بجد علي المجهود الرائع ده ومش عارفين نودي جمايلك فين بس انا النهارده جبت خرطوش 12 م (70mm) رقم 5 ضغط 35 ايه رايك فيه ويا تري كل ما يرتفع الرقم كلما صغر حجم الخردل ولا العكس يعني 5 اكبر في الحجم من 6 ولا العكس ولا ايه الحكايه ويا تري فيه اطول من 70 ولا ده اطول الموجود في السوق

التلميذ 11-09-19 11:00 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
رقم 5 ضغط 35 كوييس ( ضغط متوسط مع رش متوسط ) وطبعا كلما زاد الرقم كلما صغر حجم البلية فرقم 5 أكبر فى الحجم من 6 وهكذا وطبعا فية أطول من 70 يوجد 76 ويوجد 89*12 كما يوجد أقل من ال70 وهو 67 ولاكن الأشهر هو 70

صائد البوم 11-09-23 11:10 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
الف شكر بس انا بجيب 70 لاني مناسب لبنقييتي لانها 12 *70

التلميذ 11-09-24 09:52 PM
رد: استفسار من اخوكم صائد البوم عن اسعار الخرطوش 12 العادي الان(بالتصريح طبعا)
 
بالتـــــــوفيق


الساعة الآن 03:28 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir