|
diana 50
1 مرفق
السلام عليكم
كنت عايز اعرف راى الخبراء فى diana 50 ومواصفاتها من حيث القوة والوزن والتصميم هى معروضة امامى نمرة 2 للبيع وانا بصراحة متخوف لانى معرفش حاجة عنها , كمان عايز اعرف سعرها لو مستعملة وحالتها حلوة وخالية من اى عيوب ومش متهانة يبقى فى حدود كام , وهل ينفع يركب لها سوستة diana 52 , وجزاكم الله خيرا , ودى صورتها فى الاسفل وعلى فكرة هى دراع مش كسر بس الصورة مش مبينه لان الدراع داخل الدبشك , شكرا لكم وايه رايكم لو معروضة للبدل مع bam 21 جديدة مع دفع فارق بسيط على البام وممكن نتفاوض فيه , يعنى تقريبا هتبقى عاملة 2700 :2800 ؟ |
رد: diana 50
بصراحة بندقية جميلة جدا جدا جدا وانا شخصيا بعزها اوى لانها محترمة جدا ومن شركة المانية عريقة ..
توكل على الله فيها وبصراحة مواصفاتها وسعرها مش معايا دلوقتى بس هيا بندقية بسم الله ما شاء الله تشتريها وانتا مغمض |
رد: diana 50
10 مرفق
اقتباس:
البدقية المذكورة لاتوجد كثير من المعلومات عنها خاصة من ناحية السوستة والسرعة وتم تصنيعها من 1952 الى 1987 . يوجد اكثر من شكل لموديل الديانا 50 Diana 50a Diana 50b Diana 50E Diana 50M Diana 50M Peerless Diana 50 T01 (وهذا هو شكل موديل البندقية التى وضعت صورتها) ويعتبر اخر موديل واعتقد بداية تصنيعه من 1983 الى 1987. وهذه صور للأشكال المختلفة لهذا الموديل وصور مقربة لموديل الموضوع. اسف لعدم تمكنى من ايجاد معلومات اكثر من هذا لهذه البندقية واتمنى ان يوجد اى من الاعضاء ذات الخبرة من لديه معلومات اخرى تفيد حضرتك. تحياتى. |
رد: diana 50
الاستاذ احمد , متشكر جدا لمشاركتك ولسرعة ردك
الاستاذ عادل , جزاك الله خيرا على هذه المعلومات ويكفى انك كلفت نفسك ورديت على الموضوع , وان شاء الله يكون فى حد من الاخوة عنده باقى المعلومات عنها عشان اقدر احسم امرى فيها, وهى فعلا مكتوب عليها mod 50 t01 , شكرا لكم . |
رد: diana 50
لو السعر كويس توكل علي الله
|
رد: diana 50
يا باشا توكل على الله أنا مسكت البندقية دي مرة واحدة من أحد الصيادين وبصراحة عجبتني جدا ولما سألت عن سعرها قالي لو موجودة أصلا مايقلش تمنها عن 10000جنية أكيد الي عايز يبيعها مايعرفش قيمتها لو هتاخدها منه أنصحو وعرفو قيمتها ولو أصر على البيع توكل على الله ولو مش هتاخدها أنا مستعد
بالتوفيق إن شاء الله |
رد: diana 50
بسم الله مشاء الله بندقيه جميله
|
رد: diana 50
لسلام عليكم انا استعملت البندقيه دى من مده طويله تقريبا سنه 1991 وهى الحقيقه قويه لكن بعد حوالى 500 ضربه انكسر الدبشك من عند ذراع التعمير وكذلك السوسته وسوستتها اقصر من ال52 وبعد تغيير السوسته بعتها وانا كنت شاريها من احمد منسى ساعتها ب700ج وتحياتى للجميع
اقتباس:
|
رد: diana 50
ايه رايكم لو معروضة للبدل مع bam 21 جديدة مع دفع فارق بسيط على البام وممكن نتفاوض فيه , يعنى تقريبا هتبقى عاملة 2700 :2800 ؟
|
رد: diana 50
اقتباس:
و السعر ده ممكن يكون مبالغ فيه جدا و مضاعف يعنى اى كلام او كذب و الله اعلم يجب تقدير سعرها المناسب عند خبراء و أكثر من شخص |
رد: diana 50
ممتنع عن المنتدى
|
رد: diana 50
بندقيه جميله جداااااااااااااااا
|
رد: diana 50
انا املك هذه البندقيه الرائعه .. اخر مره سألت عن سعرها .. قالولى هى اصلا مش موجوده ومستعدون للشراء حالا بسعر 9,000 جنيه مصرى .. وانا رفضت للانى عمرى ما حبيع هذه التحفه الفنيه الرائعه
|
رد: diana 50
اقتباس:
|
رد: diana 50
يا راااااااااااااااااجل .. حد يبدل الديانا بالبام برضه .. كده انا حزعل منك ومش حرد
|
رد: diana 50
لاء ياباشا رد عليه عشان كلنا نستفيد وربنا يجزيك خير
|
رد: diana 50
في انتظار ان نعرف التسعير النهائي للبندقيه
|
رد: diana 50
اقتباس:
الديانا 50 من أجمل منتجات ديانا ان لم تكن الأجمل علي الاطلاق .من طول الدبشك الخشب والمصنوع من الزان الأحمر والمدهون بمهارة فائقة الصورة خير برهان . وضيف علي ذلك متانة الصنع في باقي المكونات المعدنية . وقوتها الفائقة . الا انه يعيبها 1- رد الفعل القوي للبندقة والذي يؤثر علي دقة التنشين .. 2- عدم ثبات النشنكان الأمامي واحيانا الخلفي والناتج ايضا عن قوة رد الفعل الا بعد مجهود واحيانا لاتفلح محاولات التثبيت . .3- تحتاج لمعاملة محترفين صيد فاهمين ومجربين أكثر من بندقية للتكيف مع الديانا 50 وذلك للحصول علي افضل نتائج . الخلاصة انها بندقية محترفين وليست لمبتديء أو مجرد هاوي . |
رد: diana 50
والله البندقيه معايا .. ورد فعلها خفيف بالرغم من قوه البندقيه .. واول ما تمسكها تحس انها موزونه فى الايد تمام والنشنكان الامامى والخلفى مش بيتحرك ولا حاجه .. بالعكس ثابت جدا وزى الفل .. وعلى فكره نشانها دقيق جدا
|
رد: diana 50
من اجمل ماصنعت الdiana
|
رد: diana 50
البندقية فى حدود 5ألاف جنيه مقارنة بى البى أس أيه 4 ألاف جنيه وطبعا الديانا تتفوق والتفوق ده يقابله ألف جنيه فرق لصالح الديانا أما البام فهى أقوى علاوة على إنها بوابة وليست جزرة و البوابة أفضل من الجزرة أما من ناحية الخامات الديانا أفضل طبعا ,و رائى متفرطش فى البام و ممكن تشترى الديانا وتبيعها وتستفيد بفارق السعر ,ده رأى والدى dr mohamed kamal وموفق إن شاء الله
|
رد: diana 50
السلام عليكم ورحمة الله وبركاته
الواضح من تعليق الأخوة اللي جربوا الديانا 50 أو الديانا عموما انها بندقية من الطراز الأول السوبر أمثال نظرائها من باقي أنواع وموديلات الديانا المختلفة .وطبعا الصناعة الألمانية عموما ممتازة وخصوصا صناعة الحديد والأستيل .وعن تجربة شخصية لهذا الموديل (ديانا 50 ) كوال 25 سنة معظم المدة مركونة بسبب الأنشغالات . بندقية فوق ممتازة ولاينصح بها للمبتدئين ولا للهواة الصغار . نظرا لثقل وزنها ورد الفعل القوي نوعا ما وكذلك يلزم المحافظة عليها وخاصة من الأعارة أو ( التشحييت ) ودي نصيحة عامة لجميع الصيادين وماتخافش من الأحراج لأن اللي بيشحت بندقية معنهوش دم اساسا . وتقبلوا فائق احترامي لأعضاء المنتدي وادارته |
| الساعة الآن 03:57 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir